Pati pala sa paglimot,
may trapiko.
Hindi ako makausad,
ang tagal ko na dito.
Marami na ang dumaan, nandito parin ako.
Nakatulala, umaasang makakalimutan din,
at makakarating, sa dulo.
O kaya ako ay sunduin.
Tama, bakit hindi ka bumalik at ako ay sunduin?
Iligtas sa mga usok at alikabok, na iniwan mo sa akin.
Mahirap umusad, mahirap maglakad.
Bakit ikaw, nakaalis agad?
Maluwag ba ang daan nang ikaw ay lumakad?
Hindi ka ba hinarang ng mga alaala ko,
ng mga salita, mga haplos, mga pangako, at pagmamahal?
Bakit wala sa'yong humarang?
Bakit hindi ka nahirapan?
Wala akong makitang ibang daan.
Mahal, bumalik ka naman.
Kahit saglit lang.
Ipaliwanag mo kung bakit ka nang-iwan.
Mahirap kumalimot, at magpatuloy kung naguguluhan.
Pinipilit kung maintindihan, kaya siguro ako natatagalan.
Hindi naman siguro habambuhay ang pagtigil ko dito.
Makakaalis din ako.
Makakalimot, makakausad, katulad mo.
BINABASA MO ANG
SPOKEN WORD POETRY
PoezjaSpoken word is written on a page but performed for an audience. It relies on a heavy use of rhythm, improvisation, rhymes, word play, and slang. ... Some examples of spoken word you might be familiar with are stories, poems, monologues, slam poetry...
