Zipper Mo Bukas (Completed)

Thirty Nine

Neko's note: hi SikSy21. Dedicated sayo tong chapter na to because you're a dedicated reader. 💕 sobrang natutuwa ako sa comments mo every chapter and I'm happy na di ka nagsasawa. Love loveee. 💕💕💕

Chapter Thirty Nine

Paglabas ko e nakita ko si Keanu sa tapat ng pinto.

Uhh... hindi pa ako handa na makausap sya nang kami lang pagkatapos ng nangyari.

Binigyan ko na lang sya ng pilit na ngiti. Yumuko na rin ako nang bahagya saka nagsimulang maglakad papuntang baba.

Pero...

pinigilan niya ko. Hinawakan niya 'yung braso ko.

Halos mapatalon ako dahil dun... mangisay... at mapatili.

Ramdam ko 'yung init ng palad niya.

Ayan na naman 'yung puso ko. Parang sasabog sa sobrang bilis ng tibok nito. Gustong lumabas sa dibdib kong nonexistent. Parang may drumset doon sa loob.

Tangina Keanu. Wag ka namang ganyan. Ano na naman bang kailangan mo?

Mahirap mag-pretend, Keanu.  Aalis na lang ako at lahat gaganituhin mo pa ko? Masakit na. Gusto mo pa ata na magka-heart attack ako dahil sa presensya mo.

Keanu... wag ka namang ganito. Mahirap pigilan ang sarili ko na yakapin ka at magmakaawa na sana ako na lang.

Kung tingin mo madali lang sa'yo na simulang iwasan ka, dakyu hindi! Gusto kitang yakapin ngayon na mismo.

Ramdam kong naiiyak ako. Ramdam kong malapit nang tumulo 'yung mga luha ko. Tangina kasi! Sinasampal ako ng katotohanan na hindi niya ako gusto... na umasa lang ako kasi assuming ako. Hahahaha. Assume pa more.

Sinong tanga?

Tinatanong pa ba 'yan?? Siyempre! Si Ziandrina Cortez.

Huminga ako nang malalim saka nilingon siya nang nakangiti.

Hindi ko alam kung ngiti ba 'yun o ngiwi kasi nararamdaman ko na talaga na tutulo na 'yung luha ko. Kung hindi pa ko makakaalis agad ay malamang magbe-breakdown ako rito at maglulupasay kakaiyak.

"Bakit?" tanong ko sa kaniya. Pero nakatitig lang sya sa akin. Nakalalunod yung tingin nya. Feeling ko hinihila ako papunta sa kaniya.

'Yang kulay itim niyang mga mata na nakakalunod kapag tumingin... mamimiss ko 'yan.

"Ano..." mahinang sabi niya.

Ano? Babawiin mo na ba? Sasabihin mo na bang mahal mo ako? Kasi kung oo willing akong magpakatanga at kalimutan ang lahat para lang makasama ka. Wala akong pake kung sinaktan mo na ako. Wala na akong pake kung anong isipin ni Krista at Sui. Willing akong magpakatanga Keanu. Sabihin mo lang. Isang sabi mo lang Keanu tatakbo ako pabalik sa iyo.

Tinitigan ko lang siya. Hinihintay na sundan 'yung sasabihin nya.

Bumuntong hininga sya.

Ngumiti.

'Yang ngiti na lyan.. Diyan ako nahulog. Diyan ko siya minahal. Kaya kong tumayo rito ng isang buong araw para tingnan siya na ngumiti.

"Wala. Good luck ha? Ingat kayo ni Pia," nakangiti niyang sabi..

Unti-unti niyang binitawan 'yung braso ko. Unti-unti ko ring naramdaman na nawasak at nabasag yung natitirang pag-asa ko na baka nga kasi naramdaman niyang gusto niya ako. Na baka narealize niyang mahal na pala niya ako at tanga siya kasi nireject niya ako.