Zipper Mo Bukas (Completed)

One

Chapter One

"Beeeyyyyy!!" sabi ng boses habang sinasampal ako.

Walang pasok. Bakasyon. Don't wake me up. Please???

"Zia!!" Hampas niya ulit sa akin kaya tinalikuran ko siya. Pamilyar ang boses niya at saka isa lang ang tumatawag sa akin ng "Bey". Pero hmm... I still want to sleep.

"Zia! Ang laway mo!"
"Wala akong pake," inaantok kong sagot.
"Ang bad mo. Ganiyan mo tratuhin ang bespren mo na kagagaling lang sa probinsya na miss na miss mo na?!"

Napamulat ako ng mata nang marinig ko ang sinabi niya. Napabalikwas ako ng bangon dahil doon. Nawala na 'yong antok na nararamdaman ko.

"Krista?" tanong ko sa kaniya na mayroong bahid ng gulat.
"Oo! Hmp. Na-miss kaya kita tapos tatalikuran mo lang ako," kunwaring asar niyang sagot sa akin pero alam ko naman na hindi ako matitiis ni Krista. Love kaya niya ang Bey niya.

Si Krista Jane Apolinar, best friend ko simula noong sperm cells pa lang kami. Nag-stay sila sa probinsya after namin mag-first year highschool kasi kailangan sila doon dahil may sakit ang lola niya. Ayaw naman ng lola niya rito sa Manila kaya sila na lang ang nag-adjust at pumunta doon.

*****

"So.... bakit nga ba tayo nandito?" tanong ko sa kaniya. Dinala kasi ako sa mall. Babaeng ito talaga.
"Kasi na-miss mo ako at ililibre mo ako!" proud na sagot niya sa akin.

Totoo naman na na-miss ko talaga siya. Noong nasa probinsiya kasi sila ay hindi naman kami gaanong nakakapag-usap. Syempre, busy na rin kami sa school stuff kaya bihira na kami mag-usap pero we both know that deep inside, solid pa rin kami.

"Bey alam mo ba..."

Hindi ko na narinig ang sunod na sinabi ni Krista dahil napatingin ako sa aking harapan. May nakita akong pogi. Hindi pogi na maangas ang dating. Maamo ang mukha, parang anghel. Tuluyan ko nang hindi narinig si Krista dahil parang kinuha ni kuyang pogi ang lahat ng atensiyon ko. Nakatingin lang ako kay kuyang pogi. Nagkasalubong ang mata namin at nakita ko na napangisi siya. Napakunot pa nga ako ng noo dahil slow motion ang dating. Iyon bang paglalakad at ang pag-sway ng buhok niya dahil sa imaginary wind. Nagkaroon pa ng butterflies sa background at parang wala nang tao sa mundo.

Weird.

May bumulong sa isip ko. "Love at first sight ba ito? Sparks na ba this? Siya na ba si Mr. Right? Siya na ba ang icing sa ibabaw ng cupcake ko?" Ngunit bago pa may maisip na kakaiba ang utak ko ay iwinakli ko iyon. Para naman akong tanga. Na-imagine ko na ba agad ang buhay ko with that oh-so-handsome-guy nang dahil lang nagkatinginan kami? Epekto talaga ng Wattpad, oo.

Nawala lahat ng nasa isip ko nang ma-realize ko na malapit na kaming magkasalubong. Na-conscious naman ako dahil obvious na obvious that I am checking him out.

"Miss, zipper mo bukas." Narinig kong sabi niya nang magkasalubong kami. Bakit ganoon iyong boses niya? Buong-buo. Lalaking-lalaki. Pogi pati boses. Legit kayang lalaki 'to? Minsan pa naman naiisip ko na ruler na lang ang straight.

Teka... Ano raw? Napahinto ako sa paglalakad nang ma-realize ko kung ano iyong binulong ni kuyang pogi. Napakunot ang nook o kaya napatingin sa akin si Krista.

"Bey?" nagtataka niyang tanong.
"Putangina," bulong ko na sapat na para marinig ni Krista. Hindi ako nagpatinag, baka prank lang iyon 'di ba? Iyong para kang nasa Wow Mali tapos may camera everywhere. Kinapa ko nang dahan-dahan ang zipper ko at halos lamunin na ako ng lupa nang ma-realize na bukas nga siya. Shet, my zipper is tomorrow.