جبروت المرآة

الجزء12

ف : لا لا اختي مقادة على دق
ي : حتال إمنى غتبقاي هكا ... غير الدار كي الشارفات ...و هو راه كيكمل خدمتو ... كيشد قهيوة ... و يشبع دوران ... و نتي محبوسة ... هنا مهم اختي اما انوض ... نتي ضبري راسك
طلعات لبيتها ... و أنا نتبعها بلا ما نفكر ...
ف : فين غنمشيو ... ؟؟
ي :(فرحانة; ) مفاجئة ا لالة
ف : واخا شنو نلبس ؟؟
ي : لبسي شي حاجة كلاس ... ولكن ماشي بزاف
ف : اوك
مشيتي لبيتي بالجرا ... محاولتش نخلي لدماغي ... الوقت يدي و يجيب فالفكرة ...باش منتراجعش ... لبست سروال كحل لاصق ... و تريكو بيج و طالون فنفس اللون ... درت مكياج خفيف...( احياني على خفيف ) و جمعت شعري حتى لا تفرشت بعدا يعرفني كنت جامعة شعري ... خرجت عند ياسمين لقيتها حتى هي مقادة لابسة سروال غوز بارد ... و ديباردور كحل ... و تريكو من الفوق ... حيت البرد محرك ... و طالون كحل
ي : اححح التيتيز
ف : كن تشوفي نتي ... دابا خاص نقولوها لماماك ياك
ي : قلتها ليها ووصيتها ... لا وقعات شي حاجة تعيط لينا ...
ف :واخا يالاه
خرجنا ... و أنا كلي نشاط معرفتش منين جبت هاد الزعامة ... يمكن كن كانت عندي الحرية و شخصية قوية ... كنت غنكون هكا... ركبنا فاللوطو ... جبدات ياسمين كاروها كالمرة سابقة ... بقيت كنشوف فيها ... شخصيتها كتعجبني ... على الأقل احسن مني ... لوهلة تمنيت نكون مكانها و تكون عندي الجرأة ... باش ندير لي بغيت نتابهات ليا ...
ي; : (مدات ليها الكارو زعما واش بغيتي ؟؟ )
خديتو من عندها ... بغيت حتى أنا نجرب ... على الأقل نعرف مداقو كيداير ... شافت فيا بتعجب ... خشيتو ففمي ... كح كح كح ...
ف ؛ (كتكحب ) هادشي حار ... كح كح
ي : (خداتو من عندها ) وي فاللول ضروري يجيك حار اما منبعد راه الحب هادا
ف : (عاود خداتو ليها ) خليني نكملوا
ي : واخا (خلاتو ليها ة جبدات واحد آخر )
معرفتش علاش درت هاد التصرف ... يمكن باش نتبت ليها شي حاجة ...باش نتبت ليها أنني جريئة بحالها ... أو باش نتبت لنفسي ... غادين و طالقين زدحة على و كنغنيو ...وقفنا قدام واحد ... ريسطو بار ... دخلنا ... كلشي كيرحب بينا ...باينة المسخوطة كتجي بزاف ... جلسنا ... الدنيا عامرة بالتيتيز ... لا كريم دو لاكريم ... حط لينا موني ... حرت فيه هادشي باين زوين ...طلبت ستيك ...و حتى ياسمين بحالي... بغا يمشي هي توقفو
ي : عافاك متنساش 2 كيسان ديال المعتاد
النادل :واخا لالة
مشا و أنا نسولها
ف : شناهو هاد المعتاد ثاني ... ؟؟
ي : هانتي غتشوفي ...
بقيت كندور فعويناتي فالمكان ... و بعض الأعين علي ... و لكن أنا ممسوقاش .... رغم أن واحد النظرات أثارتني كان شاب في مقتبل العمر لابس زوين ... و عينيه واعرين ... فشكل بزاف باينة فيه من نوع لي عزيز عليه المشاكيل... جا النادل و معاه الأكل ديالنا ... و 2 كيسان د الشراب .... ويلي الموصيبة ناوية تخرج علينا ... حطهم و مشا
ف : واش تسطيتي غتشربي و تسوقي بينا
ي : ا هنينا هادشي راه غير كنبنن بيه لا بغيت نسكر خاصني واحد 5 لتر بحال البير يالاه تقدي فيا <>
ف : واخا انا مبغيتوش ...
ي; : اوك انا انشربهم بزوج
ماكلة عندهم بنينة احح الله ...كناكل و نتبنن... حتى جا النادل عاوتاني واخا معيطناش عليه..
نادل :(حط ليا عصير عنب معاه واحد الكارت حطهم و مشا )
بقينا أنا و ياسمين غير كنشوفو ...هزيت ديك الكارط نقرا اش فيها ... تظراتك ... يصعب مصادفت مثيلتها ... اعتبريه عربون شكر ... دورت وجهي نشوف فهاداك .. باينة هو ... ملقيتوش فبلاصتو ... دورت الكارد لقيت فيها نمرة ... لسبب ما مقطعتهاش خشيتها فصاكي ...
ي : ا ااصكعة عارفة شكديري
ف; : متخافيش ...
ي : سوقك هاداك ... مهم انا حتال الدراري خرجيني منهم ...
ف : وا مالي انا باغة نتصاحب معاه ... صافي هنينا
خديت داك العصير فإيدي أتلذذ بكل رشفة منه ... كملنا و خلصات ياسمين... خرجنا و ركبنا فاللوطو
ف :(ببراءة)فين أنمشيو دابا؟؟
ي : عندك شي بلاصة فدماغك ؟؟
ف : نو غير دينا فين بغيتي ...
ي : اوك ...
ووحنا فالطريق ...البرد كيطير فشعري ... و دماغي لي مرون ... كنحس بهادشي لي كندير غتجي من موراه شي زوبعة ... و لكن أنا بنادم و من حقي نعيش كيف الناس ... حتى حد معندو الحق يحبسني ... تركت لدماغي حرية التفكير ... فكرت فجاد و فالسلخة لي غيضرب ليا كن شاف اش درت ... لوهلة لقيت راسي كنفكر فهاداك الشاب ... ليس بحب ...حيت قلبي كيبغي واحد هو جاد ... اما هادا غير آثار انتباهي فقط ... كيبان حر... اه حر ... مفهمتوش دابا نتوما كلكم كتعتابرو نفسكم أحرار ... و لكن ضروري مكتقيدكم عدة قيود... تقاليد ... او عدة أشياء ... أما هو فمن خلال الوشام لي كيبان فلحمو ... و من خلال البيرسينغ لي داير فنيفو ... كيبان أنه لا يخشى أحد ... و انه ديال راسو ...
ي :حبي وصلناااا  😍
ف : بواط دو نوي بنهار ؟؟
ي : اه ا بب ، نشطوا شوية و نرجعوا ... (طرن طرن طرن)
;بلاتي نجاوب فالطيلي ،
آلو وي ماما واخا احنا جايين
ف : (قلبها عند نيفها ) ناري واش جا
ي : تخافي متحشمي ، قاتلي نجيو حيت شكات أنه يجي بكري باش يرتاح على ود تسافيرة
ف : واخا يالاه
حسيت بخيبة أمل ... كنت باغة نستكشف حتى هاد البلاصة ... و لكن ميمكنش ... كلشي نديروه فنهار ... هاد السيمانة اندوزوها... غير دوران ... وصلنا دغيا حيت الموصيبة كتسوق طايرة ... مكانتش طوموبيلتو الحمد الله ... دخلنا بالزربة ... شافتنا خالتي
خ : بنياتي جيتو طلعو بدلوا و أجيو تشربو معايا كويس د اتاي
ي و ف؛ واخا
طلعت لبيت اول مدرت حكيت سناني ... و شميت شعري ... واخا هكاك رشبت عليه ريحة ... لبست بيجامة ... لي كنت لابسة باش ميعيقش بيا و هبطنا عندها لقيناها حاطة سينيا ... و كتسنا ... جلسنا معاها و ياسمين مسكينة كتعذب شحال مخلطة ... بقينا مجمعين و أنا لحد الآن مزال متيقت أنه فلت منها ... استأذنت من خالتي و طلعات لبيتها و داكشي لي درنا حتى حنا ... هزينا شيبس و لاكلاص لي كان ففريكو و صيبو لينا بوب كورن و طلعوه لينا ... لبيت عندي دخلنا ..شديت واحد الفيلم زوين ... bad moms ... متبعين معاه ... مكرهتش كن ختى أنا قدرت ندير بحال البطلة و نتحرر من جميع القيود ...
ي; : حبسي الفيلم أنا جاية
ف : واخا
مشات طايرة و جات هازة معاها ساكها ... جبدات كارو عاوتاني و بريكة و سدات علينا باب البيت ... وحلات البالكون ...
ف : واش تسطيتي ولا شنو راه اتشم الريحة
ي : نو متخافيش راه ضارني راسي ضروري نتكيف
ف :اوف اتبقاي حتى تخرجي علينا
ي : جهدي الصوت و هنينا ...
ف : اوك
جهدت ليها الصوت ...و انا كناكل الشيبس و هي كتدخل الدخان لقلبها ... فجأة و بدون سابق إنذار ... تحل الباب ... هو و الله حتى هو ... تصدمنا ... يتبع في الحلقة الموالية ..