جبروت المرآة

الجزء 48

باغي تفقصني ... ياك غير هاد اللعب كلنا كنعرفوا ليه ... بدات واحد الأغنية زوينة ... بلعاني بديت كنشطح بإيدي ...
مروان ؛ نوضو نشطحوا ؟
ف : اوك ...
نضنا أنا وياه ... غمزاتني زينب العفريتة فهماتني... بقينا أتا وياه كنحنقزوا ... جاد غير شافنا عينيه حمارو ... وجهو كيبان ليا غيطرطق ... حسيت براسي كاينة ... شوية بديت كنزعم شوية ... و ختى مروان بدا كيلصق علي محملتوش و لكن صابرة على ودو ...عليت عيني ملقيتوش فبلاصتو ولد الحرام ... مشا و خلاني ...دروت وجهي وانا نلقاه لاصق حدايا ...عطا لمروان واحد الكروشي نشرو ... و جرني أنا ... ولد الحرام حسيت بكتفي تنصل ... عييت نتجابد و والو حاكمني ولد الحرام ... عينيه حمرين خلعني ... اللوطو ديالو قدام الكلوب ... خشاني و ركب و سد ... كسيرا و انا نبدا نغوت ...
ف :نزلنيييي ا الحماااااررررر .... شكون نت باش تدير ليا هكاك ا الهماجي ...وا الكلبببببببببب .... واااا عباد الله عتقوني راه خاطفي
ج : (خنزر فيها و غوت ) سكتييييييي
ف :(حلفات لا سكتات )كتغوت علي ا الحمار ياك...و علاش كتغوت علي علاش ... يالاه دوي باشمن حق تغوت علي ... وحش و غتبقا ديما وحش
ج :(وقف اللوطو بالزربة جنب طريق ... و دار كيشوف فيها عينيه فعينيها و هي مزال مباغة تسكت ... )
ف :وقفتي يالاه حل ليا باغي نخرج ... وا عتقوني
قاطعها بقبلة تخطف الأنفاس ... كيبوس فيها و كيتبنن ... و عي كتدفع فيه ... و كترطا ... حلفات لارسات ...شد ليها إيديها بزوج و حكمها ... كيبوس فيها بشوق موحشها لحد الموت ... ريحتها بنجاتو ... توحشها لحد الجنون ... كن مكانتش زينب لي عيطات ليه مكانش غيلقاها ... زينب لرأفات لحالة صاحبتها لي كتمثل أنها قوية ... و لكن من الداخل حبها ليه كيعذبها ... حنات فيها و خدات ليها نمرة من طيلي و عيطات ليه ... و خبراتو بمكانها ... هو بدورو جا فأول طيارة ... و جا عند حبيبتو لي بين إيديه ... كيدهل لسانو ففمها ... كأنوا باغي يقبل أي إنش ففمها ... و هي حلفات لا هدات ليه هي تنزل عليه بواحد العضة للفم حتى سال الدم ...
ابتسم بلاما يحس ضحكو تصرف ديالها ... و لكن غير تفكر شطيحها هي و مروان جمع ضحكة و بعد عليها ...
ف : ممكن نهبط دابا ؟
ج : (خنزر فيها و مجاوبش )
ولد الحرام قمعني ...ديمارا و تم غادي ...
ف : واش مكتفهمش شناهي نزلني ... وا حطني بغيت نمشي فحالي معندكش حق ...
ج : سكتييييي .... واس مكتعرفيش تزمي
ف :لا مكنعرفش ... مكنعرفش ... ومغاديش نسكت غادة نحمقك ... بحال لي حمقتيني شحال هادي و دابا حطني ... و سير منين جيتي ...
ج : مغاديش نحطك ... و مغادي نمشي لحتى بلاصة ... انا جيت باش نوضحو بزاف د الأمور ... لي كن وضحتيهم ليا ... كن وفرنا علينا شهور هادو ... و لكن نتي فضلتي تهربي ...
ف : أنا مهربتش ... أنا جيت كنقلب على مستقبل أفضل ...
ج : نتي هربتي و هادي حقيقة خاصك تواجهيها ...
ف : مهربتش ... واش كتفهم مهربتش ... انا بغيت نمشي و مشيت ... هادا ماكان
ج : اوك اوك ...
بقيت ساكتة ..
كنحس بالفرحة و أخيرا حبيبي حدايا و لكن مغاديش نكون ليه بهاد السهولة حتى نعذبو مزيان ... بان ليا غادي فاتجاه لابارطومون ... تصدمت هادا منين عرف كولشي ... تفكرت زينب و نصائحها ليا ... باس نرجع معاه و ندوي معاه متكون غا هي ... معرفت نعيرها ولا نشكرها ... وصلنا للأبارطومون ...
ف :(بغات تخرج ) بسلامة
ج : مزال مدويناش ...
ف : هضر أنا كنسمعك ...
ج : سارة ماتت
ف: الله يرحمها ...
ج : و قبل متموت عاودات ليا كولشي ... لي بغيتك تعرفي أن داك *امل ... هو لي كذب علي فليلة عرسنا عيط ليك و فاش جابت قاليا راه حبيبك و نتي كتبغيه و غترجعي ليه و بلي كنتي غير كتمثلي علي ... و فاش مشبت عندو المطعم وراني شي تصاور ... و خلاني نثيقو
ف : (مصدومة ) عمر دار هادشي ...
ج : وي و حتى سارة اعترفات أنها هي لي قنعاتو يجيبك نهار العرس (تعصب ) و يشربك داك *لاوي باش .. (شد إيديه بين راسو) راك عارفة الكمالة ...
ف : هادشي فراسي ... ساليتي نقدر نمشي فحالي ؟ج : أنا كنبغيك و ممستدعدش نتخلا عليك مرة أخرى
ف : و أنا ماباغكش ... فهمتي
ج : غتبغيني بزز منك ...
ف : حتى حاجة ما بزز نغفر ليك كولشي إلا الخيانة كتسمع
ج : ماشي لخاطري ... كنت سكران و هي عرفات تلعب علي ...
ف : ماسوقيش ...
ج : أنا عارفاك كتبغيني حتى نتي و هادشي كنشوفو فعينيك و مغنتفاكش معاك غير تهناي ... نتي ليا و ليا بوحدي ...
ف : أنا ماشي لعبة و مديال حد ديال راسي ... و دابا غتحل ليا و تخليني نمشي ... عند بنتي راه تعطلت عليها
ج : اوه مريم توحشتها حتى أنا بغيت نشوفها
ف : لا
ج: مكنشاوركش ...
تفو يخ على حمار ... حليت باب د اللوطو وخرجت ... كنتمختر قدامو و ترمتي كتزعزع فداك السروال ... علم الله باش غيكون كيحس دابا ... رسمت ابتسامة شريرة على محياه ... دقيت على مريم باس تحل حيت خليت البوشيط فالملهى هي و الطيلي ... حلات ليا ... غير شافت داك الوحش مورايا هي تلاح عليه عنقاتو ... و حتى هو عنقها ...كيعجبني كيفاش كيتعامل معاها ... خلصت البنت لي بقات حادية ...و خليتهم هما معانقين و كيضحكوا و مشيت أنا لبيتي حيدت دغيا دوك الحوايج و مشيت لبست بيجاما عبارة عن شورط فالكري مزير و تي شورط ديالو فالبينك ... لبست كلاكيطة فنفس اللون حيدت داك العكرو ردت كلوس فالبينك ... و ركبت الخلخال لي هو شيئ مهم فالعملية ... خرجت من البيت لقيتها جالسة فحضنو و كتعاود ليه ..
غير شافني هو يتلف ...داخ وجهو بدا كيحمار ..عجبني الحال ...
ف : مريم تعشيتي ؟
م : اه و لكن باقي فيا الجوع ا ماماتي
ف : اوك انا انطلب بيتزا...
عيطت فالطيلي و طلبت الأكل و مشيت انا الكوزينة تحت أنظارو ... اليوم نعذبك اوليدي ياجاد ... مشيت الكوزينة صيببت سلطة خفيفة ... و حطيت طباسل و كيسان ... سمعت صونيط و مشيت حليت الباب... خديت البيتزا ... و بغيت نخلص و داك خاينة كيبحلق فيا ... عينيه خرجو ... شوية كنحس بنفس فضهري ...
ج : حبيبتي مالك تعطلتي (خنزر ) اش كاين...جمع عينيك ولا بوسها نت حسن
ف : (مديت ليه فلوس ) شكرا ...
ج : يالاه طير قبل منطير ليك دوك العينين...
مشا دري طاير مسكين ... بيان سيغ غيطير هو شاف داك الوحش قد هكاك ... خنزرت فيه و دخلت
ف : انا ماشب حبيبتك كتسمع
ج : من الصباح و أنا صابر ليك ... راه غادي نفرشخ دينمك على 4 ...
ف : كاعما كنخاف منك ...
م : ماما بغيت ناكل ...
ف : غسلي إيديك وأجي أحبيبتي ...
مشاو يغسلو وسبقتهم أنا جلست و كناكل بطريقة مثيرة كنلحس ففمي و كناكل بشوية ... حسيت بيه تزير عاوتاني ... نصت لثلاجة بلعاني و أنا نطل على المعلم لقيتو واقف ... احح شريرة أنا 😈 😈 كملنا لعشاء ... لصقات فيه مريم قاتليه والو تنعس حدايا ... خليتهم مشاو و نضت أنا جمعت داكشي و غسلت دوك ميعنات ... مسحتهم و كنرد فيهم بلاصتهم كنتعلا باش نوصل لفوق ... حسيت بواحد الجبل مورايا ...شد عندي الكاس من إيدي و حطوا الفوق ... حسيت بواحد المغناطيس بيناتنا ... كنحس براسي كتتجدب ليه ... طبع قبلة على عنقي بورشاتني ...و لكن مغنخليهش ... دفعتو بكل سلاسة و أنثوية ... تعليت على صباع رجلي حتى وصلت لفمو ... نفسو حارق كيلذع ... عينيا فعينيه و أنا نطق ...
ق : لا حرام ... (غمزة)
و أنا نخرج من الكوزينة خليتو مصدوم عند بالو أياكل الحلوة مسكين ... مشيت لبيتي و سديت علي تحسبا لأي هجوم ... و تخشيت ففراشي فرحة عارمة تعتليني... بقيت كنتخيل فمنظرو مصدوم ههه بقا فيا مسكين ... نعست و لأول مرة مند زمن ... وأنا فرحانة ...كيف لا و القلوب اجتمعت من جديد ... غمضت عويناتي و نعست على أمل أن الغد سيكون أفضل إن شاء الله