جبروت المرآة

الجزء32

دخلت وسط منهم كنحاول نفك ...بديت كنغوت تما و حالتي حالة ...بزز باش حبسو ...
ف :(جرات جاد) يالاه ... نمشيو
ج : (معصب كيغلي ) فرق عليك مرتي كتسمع . ..
ع : هاديك لي عمرك تحلم بيها . ..
ج :(بغا يرجع ليه )
ف : (غوتات ) مرييييييم
حبسو بزوج و مشاو كيتجاراو عندها ... كانت طايحة لأرض كلها كترعد ...
ف : مريم حبيبتي ... اهئ اهئ فيقي ... هادشي كلوا بسبابكم يا الوحوش تفو ...
هزيتها و ركبتها فاللوطو مخليت حتى واحد فيهم بزوج ميقيس فيا ...
ف : ركب ...
ركب حدايا... ديماريت باللوطو ديالو و خليتو كيشوف فيا أصلا هو السباب ... الحيوان لي قالها ليه ... تفو بزوجهم حيوانات خسرو لبعضياتهم الكمامر دابا شنو ذنبي أنا لي نبقا نشوف فوجوههم هكا ... موقفت حتال قدام مستشفى لي وليت معروفة فيه ... هبطت و انا هازة بنتي بين إيدي حاو ممرضات كيتجاراو خداوها من عندي ... و جاد واقف حدايا ... كيقطر بدمايات ... جا عندو أنس
أنس :جاد مالك اصاحبي على هاد الحالة ...
ج :ماشي وقتها ...
ف : دكتور عافاك مال بنتي
أنس : مريم متخافوش عليها غير شافت شي مشهد لي أثر عليها ... و كنضن المشهد راه باين ... راها فاقت تقدري تمشي عندها امادام و من الأحسن تفاداو تخلقوا مشاكيل قدامها نفسيتها غادي تضرر مع الوقت ...
ف : شكرا دكتور ... انا اندخل عندها ... عافاك ديه معاك ... راه راسو قاصح ...
أنس : جاد يالاه معايا
مشيت عند بنتي لي كانت كتبكي ...
ف : شوت اماما انا حداك
م : (معنقاني ) اهئ اهئ علاش كيضاربو
ف: غير سوء تفاهم احبيبتي ... غادين يتسالحوا غير متبكيش ليا ...
بقيت معاها حتى تهدنات و خرجت نقلب على داك الزمر معرفتش علاش خاطري هربات منو ... لقيتو معقمين ليه الجروح لي فوجهو و دايرين ليه ضمادات ...
ج : (جرها من إديها بجهالة ) نعاود نشوفك معاه نقتل ديلمك
ف : معندكش حق تحكم فحياتي كتسمع ... (تنترات منو ) طلق مني ... نمشيو مع لي بغيت نت مالك ...
ج : راني راجلك ا لالة...
ف : باينة راجلي و مدخل علي ضرة ... راجلي لي خاني فأول أيام د العرس ديالي ... راجلي لي كيموت على شي حاجة سميتها الخيانة مكيشرفنيش يكون عندي راجل بحالك كتسمع .... و دابا خوي طريقي ...
رجعت عنظ بنتي البيت خليتو غير كيشوف فيا ...
ف : يالاه ا كبيدة نمشيو ...
شديت فيها و خرجنا لقيتو كيساين فينا ... مشيت باش نشد طاكسي بغيت نمشي لداري على ما تهدى الأمور ... دور طومو و قف بيها قدامنا
ج : (معصب ) فايزة ركبي ...
م : ماماتي يالاه نمشيو مع بابا جاد دابا يتعصب علينا عافاك
ف : واخا احبيبتي
ركبت معاه غير على ود بنتي ...
راكبين فاللوطو كولنا مخنزرين ... انا كنحس براسي طالع ليا الخز ... معرفتش أش هاد التغيير طرا فيا ...واش حيت عتارف ليا عمر بحبو ليا بديت كنفر من جاد ميمكنش جاد راه الحب ديالي ... ولكن علاش كنحس براسي كنمقتو دابا ... قاطع تفكيري وصولنا للفيلا ... هبطت انا و مريم ... و خليناه جاي مورانا ... كانت سارة ف الصالون كتسنا غير شافتني جات كتنقز عندي
س :(معنقاها) حبيبة كيصحابلينا طرات ليك شي حاجة
ف : (باستهزاء ) ههه خايفة علي زعما
س : بيان سيغ نخاف عليك راك صديقتي ...
ف : انا بيخير غير تهناي ...
س : (شافت جاد و مشات عندو طايرة) اووووه مون ديو ... حبيبة شكون دار ليك هاد الحالة
خليتها كتملحس عليه و طلعت انا و بنتي بدلت ليها و دخلتها لبيتها تخرج تمارينها ... و أنا مشيت لبيتي لبست بيجامتي ... كنحاول ما امكن نرتب أفكاري ... كلمة منو خربقات ليا دماغي فخطرة ...علاش يعتارف ليا ... علاش ... ياكما حتى أنا كنبغيه ... نو ميمكنش ... نكون كنبغيه هو وجاد ... واقلب هو عندي ... غير كنتوهم و صافي ...انا قلببي كيضرب لشخص واحد فقط.. طلع جاد من عينيه باين حاقد على الوضعية ... محاولتش ندوي معاه لايصدق مبرد فيا سمو ... بدل حتى هو وتكا حدايا ... خشاني تحت منو يالاه غنبدا نغوت و نتهز و نتحط هو يسد ليا فمي بيديه ...
ج : شوت ...
سكت تحت طلبو ... حتى انا محتاجة هاد التعنيقة باش نتبت لنفسي بزاف د الحوايج ... باش نتأكد من حبو ليا ... حاولت نتفكر كاع داكشي زوين لي دار معايا ... للأسف ملقيتش بزاف د الحوايج لي نقدر نذكرهم ... على عكس عمر ... لي عاوني بزاف ... كنتفكر كيفاش كنت كنمشي عندو مكسورة الجناحين ... و كيعالجني ...بالفعل فضلوا علي كبير ... طلبت على جاد لقيتو مغمض عينيه ... تحل الباب كانت سارة ... لي غير شافتنا اللون د وجهها تبدل ... دارت ليا إشارة ديال أجي ... بغيت نخرج من قبضتو
ج :(مغمض عينيه ) فين غادا ...
ف : نشوف سارة اش بغات ...
ج : قوليها حتال من بعد
ف : شوت راها واقفة قدام الباب ...
تسلت من إيديه و مشيت عندها ...
ف : وي ؟؟
س : اويلي على وي نسيتي العرس لي غنمشيو ليه ...
ف :كنضن اليوم خديت كفايتي من مشاكيل ... مرة خرى
س : (كتبكي باش تأثر فيها ) اهئ اهئ بالنسبة ليا مكيناش مرة اخرى ... نقدر نموت فأي لحظة ... كنترجاك متخلينيش نمشي راسي ...
ف : جاد مغيبغيش ...
س : انا غندوي معاه ...
ف : اوك ... معاش غنمشيو
س : من هنا ساعتين ...
ف : اوك ...