جبروت المرآة

الجزء50

ج : (شد وجهها بين يديه ) و علاش ؟
ف : (كتبكي ) اهئ اهئ عندي بزاف ذكريات خايبين تما مبغيتش نتفكرهم
ج : (مسح ليها عينيها و باس على راسها ) صافي احبيبتس غير متبكيش ... ركبي ركبي انديك واحد بلاصة زوينة ...
ف :(متحمسة ) بالصح
ج : (بابتسامة ) اه
ركبنا فاللوطو كنشوف فحبيبي حدايا ... شحال زوين ... و حنين ... تفكرت هضرتو د قبيلة ... كنذوب غير راسي ... وافايزة جمعي راسك ... تفكرت المغرب ... تفكرت عمر لي علم الله اش طاري غيه دابا كنحس بحالا ضلمتو ... و لكن معندي مندير كلها كياخد جزاءو ... بقينا سايقين حتى وقفنا قدام واحد المحال د الكلاص ... دخلنا و أنا كنشوف ألوان ديال لي كلاص و الأشكال و النكهات المختلفة ... و شوكولا و الحلوى ... حسيت بواحد الفرحة وليت باغة كولشي ... خديت بزاف د الشوكولا و بزاف د الفانيد و خديت واحد الكلاص كبير و ديت معايا بواطة منو ... هههه جاد تحلع بقا غا كيشوف بقا كيقول ليا راه غتمرضي فاش شافني ممسوقاش رخف و حلاني خديت مابعيد ... خرجنا من بعد ما خديت كاع لي تشهات ليا خاطري ... طرقنا مريم جبناها و دخلنا لدار ... عطيتها داك الفانيد تلاهات معاه ... و دخلت أنا لبيتي و جاد مشا يقضي شي غراض و يرجع ... دخلت لبيتي بدلت و حطيت داك الكلاص و جبدت بيسي و بديت كنكنب الإلهام طاح علي من السماء يمكن حيت قلبي فرحان ... و حيت و أخيرا حبيبي معايا و غيبقا ديما معايا ... بقيت كنكتب محسيتش بشحال د الوقت داز ... خرجت نوجد العشاء ... طيبت غير كراتان د ليباط ... و عصير و سلطة خغيفة جا جاد يتعشا معانا ... كان واحد الجو جميل ... ضحك و نشاط و سعادة تغمر المكان ... كملنا و جمعت ديك الحالة و درت الماعن فااغسالة ... و مشيت لبيت لقيتو متكي فوق الناموسية... شفت فيه نظرة مطولة ... ومشيت عند مريم طغيت عليها الضو ... و رجعت عندو سديت الباب ... و تكيت حداه ... جرني عندو حنى تلاصقنا ... صدري مع صدرو ... و عيني مع عينيه ...
ج : متوحشتيش ماماك ؟ باباك ؟ ياسمين ؟
ف : توحشتهم كاملين ...
ج : علاش منرجعوش عندهم نتزوجوا و نعيشوا سعداء ...
ف : واليديا ساخطين علي أ جاد
ج : غادي ندوي معاهم و غادي يعضروك راهم واليديك ...
ف :(تنهدات ) قبل منجي درت واحد الحاجة خايبة ...
ج : (عقد حجبانو كدليل على الانتباه ) شناهي ...

ف : فاش كنت فالمغرب ... فالفترة لي طلقنا فيها كنت غنتزوج بعمر ...
ج : (تعصب ) كيففاشششش
ف : خليني نكمل ليك
عاودت ليه على اننقامي و على الخطة ديالي ... شاف فيا هو متعجب كيفاش تشجعت و كيفاش طاحت علي الفكرة أنني ندير داكشي ... مكانش كيضن أنني قوية لهاد الدرجة أن الانتقام يقدر يحفزني و يخليني ندير مادرت ...
ج : (راسم ابتسامة رضى على وجهو ) محدي معاك ... متخافي من والو لا عمر لاغيرو يقدر يقيسك
ف : أنا مخيفاش منو ... انا مبغيتش غير نواجهو
ج : حتال إمتى غتبقاي مخبية ؟ نتي مدرتي والو ...أصلا مغاديش نخليه يواجهك ... ولا يجي عندك ... مجرد نشوفو قدامي راه نشرب من دمو ... نتي مراتي ... و حتى حد ميدوي معاك ...
ف : كتبغيني ؟
ج : كنموت عليك ...
ف : بغيتينا نرجعوا ؟
ج : اه ...
ف : بشرط ... عمر تبعد منو مبغيتش دخل الحبس بسبابو ... انا عطيتو داكشي لي يستاهل ... و الأذى النفسي لي تسببت ليه فيه ... أكثر من لي تقدر تسبب ليه فيه نت ...
ج : منواعدكش ...
ف :(عطاتو بالظهر ... و بغات تنوض هو يجرها عندو ...)
ج :فين غادة هربانة ...
ف : (عينيها دمعوا ) مبغيتش تعاود تمشي علي ... مبغيتش ... الانتقام غادي غير يخسر علينا حياتنا ... واش مغنعيشوش هانيين ... كيف الناس ...
ج : صافي غير متبكيش ... (عنقها عندو ... ) غنعيشوا هانيين ... غير أنا وياك و مريامة ... و و ليداتنا إن شاء الله ...
ف : وعد
ج : (باسها فراسها) وعد ...
تخشيت فيه ... و أنا كنحس بالدفئ و الحنان ... كنبغيه لحد الجنون و أخيرا غنرجع لبلادي و نتصالح مع واليديا و نعيش الحياة لي كنت كنتمنى ... هزيت فيه عينيا لقيتو كيشوف فيا ...
ف : (بابتسامة ) إمتى غنمشيو ؟
ج : حتى من غدا إلا بغيتي ...
ف : (متحمسة ) أوك نمشيو غدا ...
ج : إن شاء الله ... يالاه خلينا نعسو
ف : لاءح ماافياااش نعاس ...
ج :(حط إيديه على شعرها كيلعب بيه ) متأكدة ...
ف : (بثتاوب ) أه ...
بقا كيلعب ليها فشعرها ماهي إلا دقائق حتى نعسات ... شاف فملاكو ... و غمض عينيه باغي آخر حاجة يشوفها هي صورة ملاكو ... مخداش منو النوم وقت كبير حتى انتقل لعالم الأحلام