جبروت المرآة

الجزء 56

ج :(عنقها )... كنبغيك
ف : انا مكنبغيكش يالاه (كتدوي بحال شي بنوتة صغيرة )
ج :(حابس الضحكة ) وعلاش ا لالة ...
ف : حيت خسرتي ليا مكياجي ... دابا انهبط نسلم على الناس مجونبة أ الحمار ...
ج : هاد الحمار هو لي غيهرس ليك داك الفم شي نهار ...
ف : متقدرش ...
ج : اه منقدرش و نهار نسيفطك تغرزي قولي ليا متقدرش ...
ف : (بغات تنوض هو يجرها... ضارت شافت فيه مخنزرة )
ج : فين غادة ...
ف :نلبس باش نهبط
ج : مزال مساليناش ...
ف : واش تسطيتي واش بغيتيهم يبقاو يتسناو ولا شنو...
ج : يتسناو انا مالي ... هما لا تسناو ساعة انا راه 4 أشهر ...
جرها حتى جات حداه و حط إيديه على خصرها ... تبادلو النظرات لثواني حتى عاود ناضوا لبعضياتهم ... قبلات جد ساخنة ... تبعاتها لمسات تحرك الروح ... بقاو فممارستهم حتى جابوا 2 خرين ... عاد حبسوا ...
ف : (سخفانة ) باغي تقتلني ياك ... الله ياربي الله ...
ج :(كيضحك عليها ) صافي شرفتي ...
ف :مزال ندك و ندردك ... معرفت وجهي كي ولا ...
ج : (كيضحك ) مالو كيولا ...جيتي زوينة هكا ...
ف : (كتضحك علي ... دفعاتو و تقابلات مع المرايا ... و هي تخلع كحل سايح ... ماسكارا ذايبة الععكر مطبوع فالحناك... و شعر لي تخبل ) اويلي اويلي ... اش هادشي ... واش أنا بنادم ... لا لا... اش هاد الحالة ... اهئ اهئ ياربي ... تصبرني منرتكبش فيه شي جريمة ...
ج : دابا انا شدرت ليك ...
ف : بعد مني خليني نفك حريرتي ... كنبان خايبة خلعتك ياك ...
ج :(جرها عندو ... ) غتبقاي ديما فعيني زوينة واخا معرت كيفاش تولي ...
ف : (تعلات على رجليها و باستو ) كنبغييك (بان ليها مولاي سلطان واقف عاوتاني ) لا ميمكنش واش معييتيش ...
ج : واش كاين شي حد كيعيا من العسل ..
ف :حبيبي عافاك ... و الله حتى تهديت ... اهئ اهئ ...
ج :(بقات فيه ) صافي صافي ... ولكن بالليل مغنزكلكش ...
ف :واخا واخا ...
مشيت ديريكت فاتجاه دوش غسلت وجهي مزيان و حيدت منو كاع الماكياج ... و مشطت شعري ... و تشللت من العرق ... بسرعة ... ووخرجت تقابلت مع مرايا ... صيبت مكياج سريع ... و لكن جيت زوينة ... و شعري درت ليه مشيطة سامبل باش يبان مقاد ...لبست تكشيطتي لي كانت فالأسود لاصقة من الفوق ... و من التحت واسعة بحال كساوي د الأميرات مرصعة بأحجار في مختلف الألوان ... لبستها تحت أنظارو ... حتى هو دوش و بدل ...لابس كوستيم نوار و هو بليق ... اححح اقلبي اليوم نتناتف مع شي وحدة ...
ج : (باس ليها إيديها ) جيتي زوينة بزاف ...
ف :(حشمانة ) حتى نت
ج : من هنا نوصيك ديك الهضرة مع ولاد خالاتك و داكشي مبغيتوش ...ولا غنصدق قاتل شي واحد ... ثانيا متحركيش من حدايا ... غنكون انا هو ظلك فهمتيني ...
ف : ربطي من رجلي نت حسن ...
ج : (غمزها ) مكرهتش ... (شاف صدرها مزير )اجي نتي هادشي ميترخفش ولا شنو ...
ف :لا مكيترخفش ودابا انزلوا ولا انبقاو هنا ...
ج : (شد ليها إيديها ) يالاه ...
هبطنا مع دروج بأيدي متشابكة ... كلشي كيشوف فينا ... كاين لي كيموت بالحسد بنات خالاتي اولهم ... و كاين لي فرحان ... و ممسوقش ... سلمنا على العائلة و حلسنا حداهم ... جاو ولاد خالاتي .. عطيتهم صوابهم حتى هما ...
جالسين كنضحكوا ... كنحرك كتافي كيبدا ينغز فيا الحمار ... شوية ... كيبان ليا واحد الشخص غير متوقع ... تصدمت ...اش كيدير هادا هنا ... جاي جيهتنا ...
ف :عمر أش كدير هنا ؟
ع :مبغيتينيش نجي ...
ج : انا لي عرضت عليه ...
ع :(سلم عليه ) شكرا على الضيافة
ج : العفو ...
اويلي المش و الفار كيدويو مع بعضياتهم ... لا ميمكنش ... كنحس براسي تالفة ... جات حدانا ياسمين ... سلمات على عمر ... و هي حشمانة ... توقف الزمن للحظة و هنا عرفت أن قصة حب جديدة جاية فالطريق ...
ف : (جرات جاد من إيديه ) حبيبي بغيت ندوي معاك ...
خرجوا على برا و هو عارف اش غتسولو ...
ف : شرح ليا هادشي ياك مكتحاملوش ...ياكما هادي شي لعبة منك ولا شنو ...
ج : (شد ليها فيديها و تنثرات منو ) انا عارف بلي عمر مغتفرقيش عليه ... مبغيتوش شي نهار يولي عائق فعلاقتنا ... داكشي علاش كنفضل ميبقاش بيناتنا كره ... و تولي بيناتنا صداقة من الأحسن ...
ف :و من هنا لقدام تقدرو توليو نساب ...
ج : (تفكر ختو ) يالاه ندخلوا ...انا عراف ختي فيها شوية د زربة ... يالاه يالاه ... (دار عندها ) متزعميش بزاف ... راه نصدق مخلطك نتي وياه
ف : (خنزرات فيه ) زيد زيد ...
دخلنا لدار عاوتاني ... بقينا مجمعين و كنضحكوا بيناتنا ... واخا جاد مرة مرة كيتقرص ولكن دوزنا الأمسية بسلام ... سالا الحفل و كلها غادي لدارو ... كنت واقفة بوحدي هو يجي عندي عمر ...
ع : زيونات ...
ف : كيف بقيتي ...
ع : حمد الله ... هانا صحيح فصيح ...
ف : عمر ياسمين عزيزة علي ... راها بنت ناس مغتلقاش بحالها ...
ع :عرفت ...
ف :كنتمنى قلبك يدق ليها ...
ع :حتى انا كنتمنى نفس الشيئ ... (مد ليها واحد السنيسلة فيها سميتها منقوشة بالذهب )
ف : (فرحانة ) شكرا 😍 😍
ع : مبيناتناش ...
جا جاد و عنقها من اللور ... تعمد يدير هكا لأنه حس بالغيرة ...
ع : يالاه نخليكم ... شكرا على الضيافة مرة اخرى ...
ج : العفو
ف : تصبح على خير
ع : و نتي من أهلو ...
مشا و هو محطم ... بقا فيا ... مبغيتش أمسيتو تسالي هكا ...
ف :(شافت فجاد ) مالك هكا مالك ...
ج :نني مراتي ... فهمتي... تقبلي بحال هادشي ...
ف : (خنزرات فيه و دخلات ) ...
دخلنا لدار ... بنادم مشا ... طلعت لبيتي بالزربة ... دوشت علي و خليت جاد لتحت ... مع ماماه و ياسمين و عائلتي ... كيشربوا أتاي ... توضيت و خرجت صليت و لبست كسيوة ...سميطات ... حتال الركبة ... فيها وريدات بيضاء ... و نشفت شعري و هبطت عندهم ... بقينا مجمعين و مقشبين حتال إنا وقت ...
ج : ماما نوضو نوصلكم ... و نمشيو حتى حنا ...
أم فايزة : لا وليدي حشومة تمشيو دابا ... راه 2 د الليل هادي ..... باتو غير حتال صباح بعدا ...
أم جاد : غير خليونا نمشيو ... منتقلوش عليكم ...
ام فايزة : لا و الله ما تمشيو ... اليوم بايتين هنا إن شاء الله ...
ام جاد : واخا ا لالة ...
ام فايزة : ولدي جاد طلع لبيت فايزة ترتاح لا عييتي ... بنتي طلعي مع راجلك راه عيا
ج : واخا ...
ف:تصبحو على خير ...
طلعنا البيت و انا كنحس براسي مهدودة بمعنى الكلمة ...