جبروت المرآة

الجزء 46

و دابا غنمشيو نطلوا عند جاد :
من نهار تبع فايزة و عرف بلي مشات مع عمر خوا طريقها ... تقبل الواقع و مشا يعيش حياتو رغم أن حياتو مغتكتملش بدون وجود حبيبتو بجنبو ... و لكن معندو ميدير فاش جاه الاستدعاء لجلسة طلاق مشا ديريكت لبار ... بقا يشرب حتى سكر بالبيان و نوض روينة ... مكانش من السهل عليه يتقبلها ... و لكن مشا لجلسة ... و طلاقا بلي سحراتو و سرقات قلبو ... طوال الجلسة هو كيشوف فيها كيترجاها أنها غير تشرح ليه لا تعطيه شي استفسار و لكن للأسف مقالت والو ... تم طلاقهم ... مبقا كيربط بينهم والو نساو أن قلوبهم لي باقة مرتبطة رغم كلشي ... كان كيمشي ديما يطل على فايزة و كيشوفها خارجة من دارها او مع عمر ... كان كيجهل و كيمرض ... الغيرة كتشعل فيه العافية و لكن مكيقدر يدير والو ..فالفترة لي موراها سارة تزاد عليها الحال اضطر أنه يبقا فجنبها كن عرف أنها هي سباب المشاكيل مكنضنش أنه غيعقل عليها ... كيشوفها كتدوز فأيامها الأخيرة ... حاول يفرحها و يدخل البهحة و السرور لقلبها ... رغم أن قلبو هو مهجور من الفرحة لي حلات مكانها تعاسة و آلم .. و الآن هو جالس بجانب سارة ... شاد فيديها ... كتحل عينيها غير بزز ...هادو هما آخر لحضاتها ...
س :(كتهضر بصوت متقطع ) عندي لك طلب آخير...
ج :(متأسف لحالتها ) طلبي لي بغيتي ...
س : بغيتك تقلب على فايزة ... راها كتبغيك ... كح كح ... و داكشي لي قاليك عمر فليلة عرسكم غير كدوب ... مبيناتهم والو ... من غير صداقة ... كح كح ... و داك نهار كنا دايرين خطة ... أنا لي خلط ليها واحد مهدئ و قلت ليها تمشي ترتاح فالطومو ... و حتى العلاقة لي دارت مع عمر ماشي لخاطرها ... راه عطاها مهيج ... و هاد فكرة كانت ديالي أنا لي بززت عليه يدير هكا كأمل أخير ... أنها تولي تبغيه و تخوي طريقي . . بغيتك تسامحني ... و بغيت تقول لفايزة أنها تسامحني ... الحب عمى عيني و مخلانيش نشوف اش كندير
ج : ( مصدوم و فرحان فنفس الوقت فرحان حيت حبيبتو مغدراتوش ) دمرتو لينا حياتنا ...
س : (قاطعاتو) حتى دابا باقي الحال كح كح ... سير قلب على مراتك ... و نتمنى تسامحوني باش نموت مرتاحة
ج : نسامحك حيت بعدتي علي مراتي ولا حيت خليتيني نطلقها و نسلمها لواحد آخر ولا أش ...
س : (كتبكي) عرفت أنا إنسانة و كنخطأ ... المسامحة
ج: (رأف لحالها ) أنا سامحتك ... (باس ليها راسها و قطر ليها شوية د الماء ففمها )
س :(هزات سبعها لي كنشهدو بيه ... جاد فهمها و بدا كيشهد ليها )
ج : أشهد
س : أشهد
ج : أن لا إلاه إلا الله
س : (بصعوبة) أن لا إلاه إلا الله
ج:و أشهد أن
س : و أشهد أن ...
ج : محمدا رسول الله
س : محمدا رسول الله ...
غير كملاتها ... و هي تغمض عينيها ... انتزعت الروح من جسدها لتصبح جثة هامدة ... هبطات من عينو دمعة ... كيتأسف على حالها ... هو سامحها و لكن واش ربي غيسامحها حتى هو
و دابا نرجعواعند فايزة :
أصبحنا و أصبح الملك لله
فقت نشيطة ... كنحس براسي مرتاحة ... نضت دخلت طواليط توضيت وصليت ... و خرجت فيقت مريم و فطرنا ...اليوم غنمشي نسول ليها على المدرسة ديال اللغات ...هي كانت كتقرا الإنحليزية فالمغرب و لكن مكتقنهاش 100% ... خرجنا من الشقة فاتجاه مركز اللغات غادةغير ب gps وصلنا و قيدتها ... و قالوا ليا غدا تبدا و عندها 3 أشهر أتولي كتدوي بيها ...و العام جاي تقدر تلتحق بالمدرسة ... رجعنا لدار و عيطت على زينب باش ندوي معاها على ود الخدمة ... وجدت غدا خفيف ... و تسنيناها حتى جات و تغدينا مجموعين ... جمعت ديك الحالة سيبنا قهوة و مشينا لبالكون ... جلسنا فيه ... منظر زوين منو ...
ف : شكرا ليك بزاف ... كن مانتي كن بقيت واحلة تما
ز : هادشي علاش صديقات مديورين ولا بقيتي كتشكريني غنكعا عليك ...و بخصوص الخدمة راني دويت ليك مع واحد الصديق ديالي ... و قلت ليه راه كنتي محامية فالمغرب و بلي عندك اللغة و بلي راك ذكية و كولشي و وافق أنه يخدمك معاه كمساعدة ... فالمكتب ديالو ...
ف :(عنقتها ) شكرا شكرا ...
ز: هاذا واجب ... غدا إن شاءالله اتبداي مع 8 أنطرقك حيت حتى أنا خدامة فالشركة لي حدا المكتب ديالك ... يعني انبقاو نجيو بزوج و نمشيو بزوج ...
ف : صافي إن شاء الله ...
ز : بغيت نسولك و خفتك تقلقي مني
ف :امم بغيتي تعرفي علاش جيت لهنا ياك
ز : (بابتسامة ) اه خاصة أنا عارفة باك صعيل و دابا كنشوفك ببنيتة مبقيت فاهمة والو
ف : ههه درك راسك أنا غنعاود ليك (قالت ليها كولشي من طاق طاق ل سلام عليكم )
ز : (مصدومة ) هادشي كامل طرا ... ولكن طلعتي قوية تبارك الله كنشجعك ...
ف : بزز مني نولي قوية داكشي ماساهلش علي ...
ز : بيان سيغ مساهلش ... مزال كتبغيه
ف :(ابتسمات من قلبها ) جاد ... اه ...
ز : منين كتبغيه علاش خليتيه كان عليك تفهميه و تشرحي ليه ...
ف : أش غنشرح ليه أنني خنتو ...
ز :هاديك لا تعتبر خيانة ... حيت نتي مدرتي والو ...
ف: جاد قبيح و عصبي ... مغاديش يفهم هادشي ...
ز : بنتي ليا قاطعة الأمل
ف : وي حيت مكبنش أمل أصلا ... نقلبوا الموضوع .... مبغبتش نتفكر .
ز : على خاطرك ا حبيبتي ... مهم أنا هاصني نمشي دابا ... نتلاقاو غدا إن شاء الله
ف : إن شاء الله ... شكرا مرة أخرى
اكتافات أنها تجاوبني بابتسامة و خرجات ... مشيت لبالكون نكمل جليستي ...فكراتني فمواجيع كنت باغة نساهم ... فكراتني فحب حياتي لي مزال قلبي كينبض ليه ... ماشي غير قلبي و إنما جميع جوارحي ... حسيت بقلبي كيتزير ... يكون زعما مزال كيبغيني نونو محال كن كان كيبغيني كن راني حداه دابا ... اوف من الأحسن ننسا كلشي بحال لي كنت مخططة ...جبدت بيسي ديالي ... و حبدت روايتي ... كنكتب فيها :
مقتطف من رواية :
و ليس هنالك أجمل من شخص يحبك لما أنت عليه ... يراعي لك و بحس بك ... فبعد آن تتلاحمان لتصبحان جسدا واحدا بقلب واحدة ...
سرحت إيديا و نسيت راسي حتى جات مريم ... فيها الجوع لقيت الضلام طاخ و أنا غير منغمسة فداكشي ... نضت صيبت لينا مناكلوا ... تعشينا و كلها مشا لبيتو ... غدا غنفيق بكري ... حاولت نعس ... و لكن بدون جدوى ... دماغي كيففكر ... عييت منحبس فيه و والو فالأخير عطيتو حريتو غمضت عينيا و بديت كنتخيل فجاد ... كتتخيل عويناتو الزورق الصافيين ... كنتخيل الخالات لي عندو فضهرو ...ملمس شعرو لي باقي بين إيدي ... ترسمات ضحكة على شفاهي بلاما نحس ... حطيت إيدي على قلبي كنبغيه و بزاف ... الله يقدرني على نسيانو ... بفيت هكاك حتى داتني عيني و غططت في نوم عميق و آخر صورة فدماغي هي صورة حبيبي ...
أصبحنا و أصبح الملك لله :
فقت نشطية و بزايد ... مشيت ديريكت لدوش ... شللت لحمي و شعري توضيت و خرجت ... صليت و تقابلت مع الماريو خاصني ملابس عمل ... اممم لقيتهم لبست سروال أسود كلاص و شوميز بالأسود و الأبيض ... و طالون بالأسود ... صيبت شعري سامبل و مكياج خفيف ... و خرجت صيبت فطور و فيقت مريم ... فطرنا و عيطات ليا زينب علماتني أنها كتسناني لتحت ... هبطنا بزوج وصلت مريم لمركز اللغات و حنا توجهنا إلى العمل ...