جبروت المرآة

الجزء16

ركبت الهواء كيضرب ليا فشعري ...لاوية عليه إيدي ...إحساس بالحرية ... ممزوج بالخوف و التحرر... وقفنا قدام واحد المحل ... بحال صالون
عمر : اجي
شد ليا فيدي و دخلني ... مخلاش ليا المجال لي ندوي فيه او نستفسر ... ماشي صالون هذا محال ديال لس تاتو و لي بيرسينغ ...خرج عندنا واحد الدري من داخل ... كيعرفو بعشياتهم باينة هو لي راسم ليه هادشي ... سلم علي و قالينا تفضلوا ... دخلنا لداخل
عمر : بغيتك ترسمها لي هنا(أشار لصدرو فوق قلبو)
الشاب : واخا جلس ...
ف : كيفاش واش اترسم وحهي واش تسطيتي يالاه عرفتيني مكملاش ساعتين و غترسمني فصدرك
عمر : يالاه عرفتك ولكن متأكد غنبقا نعرفك حياتي كاملة ...
ف : عافاك مديرش هكا ... كنحس بالذنب ...
عمر : متخافيش ... انا فكامل قواي العقلية ... و انا عراف شكندير
مبغيتش نبقا نجادل فيه لحمو هاداك ... جلست و سيد كيرسم فيا طلع فنان ... حسيت بالغرور ... فاش شفت وجهي على صدرو ... عجبني لحمو لي كلو رسوم ... مكرهتش حتى أنا يكون عندي واحد ....
الشاب : نتي مبغيتي ; تديري والو
ف : بحالاش ؟؟
الشاب : مكيناش شي حاجة لي كتعني ليك العالم ... شي حاجة لي مخلياك تعيشي ... و بغيتي تكتبيها فلحمك و تذكريها حياتك كاملة
ف : (اول شخص طاح ليا فبالي هو جاد و لكن كاينة واحد حاجة مخلياني نستمر فالحياة من غير جاد ) الأمل ... الأمل أن الغد سيكون أفضل... بغيتك توشم ليا hope هنا ... ابكلمة لي عندها فضل كبير على حياتي
الشاب : (ابتسم ... عجباتو طريقتي فالكلام )
حطيت إيدي و بدا كيرسم حسيت بوخز تقصحت ... لوهلة حسيت بأنني تسرعت مكانش خاصني نخرج من دارنا من ديبار ... و لكن أنا إنسانة خلقت حرة ...و من خقي ندير مبغيت ... كمل ليا ... هزيت إيدي كنشوف فيها ... لا إراديا ابتسمت ... ابتسامة رضى عجبني الحال ... او عجبني راسي ... حسيت بفايزة الحرة بدات تخرج ....
عمر :جاك زوينة ... تبارك الله عليك شخصيتك قوية ... ماشي أي وحدة كتشجع و دير بحالك ...
ف :(منين جاتني القوة اودي راني تنادم معايا الحال دابا كيندير ندرق هادشي ) امم شكرا
ع : دابا فين انمشيو ؟؟
ف ؛ انمشي لدارنا ...
ع : يالاه نوصلك
ف : نو انا غير سالتة و نت صوت د موطورك يفيق الموتى من قبورهم(منتابهاتش اش كتقول)
ع : كيفاش سالتة ؟؟
ف : صمت
ع ؛ بغيتك تعاودي ليا ... انا صديقك ... و لا ؟
ف : انا دارنا دايرين ليا غير الحبس ... حياتي كاملة هما لي كانو كيسيروها ... عمري درت داكشي لي بغيت ... مؤخرا زوجوني بلا شوار ... و لكن بغيتو وليت كنبغيه فظرف وجيز ... ضنيت أنني غنعيش معاه الحرية و لكن للأسف ... حتى هو صدق كثر منهم داير ليا لي كارد قدام الباب ...
ع : اوه كود ...(oh god) ونتي ساكتة ليهم ... مالك معندكش لسانك ... كوني متمردة عيشي حياتك ... خلي الناس تحير فيك ... ديري لي بغيتي متنسايش غنعيشو غير مرة وحدة ... و خاصك تستغليها
ف :(كلامو كيدور فدماغها )
ع : يالاه نديك دابا مبغيتش ليك الصداع
ف : واش بغيتي تحمقني كتقوليا كوني متمردة ... دابا كتقوليا يالاه نديك
ع : مبغبتش نسيطر ليك على دماغك ... انا قلت ليك رأي ... و نتي خاصك تفكري ... فالحقيقة مخصكش تفكري ... خاصك تكوني عفوية ... و لكن متنجرفيش بعيد ... غنديك دابا لدار ...فكري مزيان حددي اولويان حياتك ... و من بعد تصرفي ...
ف : انمشي فطاكسي ...
ع :اراي طيليفون ديالك
ف : علاش ... ؟؟
ع:(طيرو لها من إيديها قيد نمرتوا صونا على راسو و ردو ليها ...) هاكي نتي خايفة مالك اش دايرة فيه ...
ف : كتاباتي
ع : اوه .... مثير ... كنت عارفك غير من الكلمة لي وشمتي ماشي اي واحد ايفكر فيها ... نتمنى نقرا تسمح لي الفرصة نقرا كتاباتك
ف : إن شاء الله علاش لا ... خليني نمشي (شيرت على طاكسي ) شكرا على كل شيئ ...
ع : أصدقاء مكيشكروش بعضياتهم باي باي
قلت لمول طاكسي فين غيمشي ...جبدت داك الخمار لبستو ... تحت أنظار مول الطاكسي ... تسيفت عليه ... وصلني دغيا... خلصتو و خرجت كنتسلت ... لحسن الحظ ... مكان حد ... قدام الباب من غير الكارد ... دخلت كنتسلت حتى وصلت لبيت .... الله على راحة الله ... اوف قلعت داكشي... معرفت كيكادير خالتي تنفس فيه ... لبست بيجامتي ... و تكيت كنحس بواحد الشعور جديد علي ... كأنني اولد من جديد... شفت فتاتو ديالي ... شعور بالخوف و المتعة ... في الوقت ذاته ... فكرت فواحد الشخص لي كان سبب فيه ...تفكرت عينيه لي دايرين بحال بحر من المتعة و المغامرات .7.. سمعت دقان فالباب نضت حليت
الأم : بنتي هبطي تغداي
ف : مفياش الجوع
الأم ؛ (كيصحاب ليها كاعية من الصباح) عافاك ابنتي متديش عليهم ... راه كيبقاو خوالاتك ... عافاك ديري ليا خاطري
ف : واخا
الأم : (عنقاتها) الله يرضي عليك
ف : أمين ، انا تابعاك....
خليتها مشات و نضت لكوافوز ... شديت مكياج ... و بديت كنخبي فيها ... حتى مبقا كيبان والو ...و هبطت
بنت خالتي : كنتي مخبية علينا ... خايفة ناكلوك ... ؟
ف : مالكم وليتو هيوش ؟؟
ماما : بنات صليو على النبي و أجيو تغداو ...
حطوا لينا الغداء ... كناكل و كنحس بالكهمة من مورا داك اافطور
خ : مالك ا بنتي مكتاكليش ...
ف : غير شبعانة ...
خ : لا لا شي عوينة هادي...خاصنا نبخروك
ف : لا لا شكرا ... ا خالتي ...
بنتها : هادو الناس الكلاص مكيديروش هادشي ...
ف : نون غير كيجيني خزعبلات ... ربي لي كيحفظ ماشي البخور ...
ماما : ولكن مكين باس الواحد مرة مرة يتبخر
ف : الحمد الله شبعت بصحتكم
طلعت لبيتي ... مع غنحل الباب سمعت صوت د طيليفون ... كان عمر ...جاوبتو بفرح
ف : الو
ع : الزين كيوصلتي صافا؟؟
ف: (ممتعوداش تسمع هاد الكلمة من عند شخص آخر) الحمد الله
ع : عيطت باش نعرض عليك غدا
ف: ميمكنش ليا غدا غيجي راجلي من السفر ...و بعدو عندي العرس
ع : غير ساعة كنواعدك مغتندميش ...
ف : اوك
قطعت و جلست مع راسي ... دابا أنا كنقلب على خلا عشتي مفيهاش ... نمشي ولا منمشيش ... نمشي أصلا قلتها ليه ... تكيت فبلاصتي واحد جاد معرفت فيناهو ... مسكين هالكاه الخدمة و أنا جالسة ندير فالمواعيد ... ياكما هادشي خيانة... اويلي لا هاداك راه مجرد صديق انا كنبغي جاد لا غير ...
نمشيو عند جاد مسكين لي هالكاه الخدمة :
فاق فالصباح لقاها حداه ... سارة وي سارة ... فاش مشا حسات بيه و تبعاتو ... و مشات لداك لوطيل لحسن الحظ عندها معارف ... قاتليهم هاداك خطيبها و وراتهم تصاورهم بزوج و عطاوها ساروت ... تسناتو تنعس و دخلات ... تخشات فيه ... هو مع عيان محسش بيها ... حتى فاق و تفاجأ بيها حداها
ج : (معصب) شكديري نتي هنا ؟؟
س : صباح الخير بعدا ... منقدرش نبقا بعيدة عليك ...
ج : غندخل ندوش بغيت نخرج منلقاكش هنا ....
خلاها و مشا دوش و خرج لاوي عليه فوطة معول أنها غتكون ... مشات فحالها ... لقاها واقفة ... كيف ولداتها مها ... كتمشا عندو بخطوات مثيرة ... بحال شي عارضة محترفة ... وقفات قدامو ...
س : توحشتك
ج :(متمالك نفسو غير بزز ) خرجي فحالك قبل مندير فيك شغل إيدي ...
س : نعتتبروها آخر علاقة بيناتنا ... و نواعدك نمشي فحالي ...
ج : معنديش ليك الكانة متشهيتكش ...
س :(حطات إيديها على المعلم ... ) هادا مشهيني و نت لا ميمكنش ...
بقات كتلعب فيه حتى مقدرش يتملك نفسو ... لاحها فوق الناموسية ... كيبوس فيها بعنف ... و لكن ماشي بالعاطفة ... كيعض ليها فصدرها و يعصر و هي كترطا تحت منو ...; دايرة جهدها فأنها تزيد ثيرو ... كتبوس ليه فعنقو و كتقمش ليه فضهرو من حر قبلاتو ... كمل معاها و هو كيحس بالقرف منها و من راسو ... ناض يدوش و تبعاتو ... مقاسهاش ... كمل الدوش ديالو ... و خرج ...
ج : كوني قد كلامك
س :(عنقاتو بكل قوتها ) بسلامة ... و خلي فبالك أنني كنبغيك ... و غنبقا ديما نبغيك ...
مشات و خلاتو كيحس بتأنيب الضمير... كيفكر فملاكو لي خلا فدا و كيتسنا غير امتى تجمعهم دار وحدة ... و غيعوضها على كلشي ايخليها تسمح ليه بلا ما تحس ... ايعيشها احسن عيشة
#تفااااعلكم