جبروت المرآة

الجزء31

أصبحنا و أصبح الملك لله
فقت مدكدكة ... كنحس بشي عيا بحالا بايتة كنشطح ... لقيت جاد معنقني ... حسيت براحة نفسية ...كنبغيه ...واخا نعيا نكذب على راسي ... منقدرش نكذب مشاعري ... بستو فحنكو ... و عاود بستو حتى حل عينيه
ج : (مبتاسم ) كتقلبي علي  😈 😈
ف :صباح نور ... ههه مالك مودر
ج : (باسها ففمها) شحال بنينة ...
ف : اممم حبيبي ... فيا الجوع ... يالاه نهبطو نفطرو ...
ج : باغة تفلتي منها ...
ف :(ببراءة ) و الله حتى فيا الجوع
ج : هبطي سبقيني غنلبس و نزل .. .
ف : غتمشي الخدمة عاوتاني
ج : وي حبيبتي ضروري ...
ف : اوك أنا غنهبط ... و متعطلش ... اجي نسيت مريم فيناهي
ج : مريم مشات لمدرسة داها شوفور ...
ف : صافي ...
خرجت من الفراش ... لبست بينواري و نزلت ... لقيت سارة كتفطر ... معرفتش واش نحتقرها ولا واش نحس بالشفقة من جيهتها ... كيفاش هي على شفير الموت ... و مزال كدير فهاد الفعايل ... واخا توصل بيا الحقارة لدرجاتها العليا ... مغتوصلش بيا أنني ندير راسي فواحد الإنسانة لي قريب تموت ... معرفتش واش نقوليها راني عايقة بيها .... ولا نخلي داكشي مستور ... بلاما نزيد نكمل عليها ... و المهم ناخد احتياطي ...
س : (بابتسامة) صباح الخير
ف :صباح النور ...
مشيت عند بنات الكوزينة ... صاوبو ليا أومليط جديدة ... و كلشي جديد ... الواحد هو لي خاف على راسو ... هبط جاد لقانا كناكلو ...
س : (وقفات و باستو فحنكو ) صباح خير بب
ج : (ببرود ) صباح خير
جا لعندي و باسني فراسي و جلس حدايا كياكل ... حسيت بيها كتقلا ... لدرجة أنها ناضت من حدانا ... و مشات فحالها ... كملنا فطورنا...
ج : اجي ندهن ليك بوماد ...
مشينا لصالون ... و بدا كيقاد ليا لمساتو حنينة ... كمل و باسني من فوق فاصمة ...
ج : انا غنمشي ...
ف :الله يعاونك ...
ج : (دار راسو بحالا ايبوسني فحنكي و همس ) كنبغيك ...
ف : (قهقهة جد مؤنثة ) ههه حتى أنا ...
ج : واقيلة نديرو بناقص من الخدمة اليوم ....
ف : هههه لا حبيبي ... سير تخدم ... و فاش تجي اتلقاني كنتسناك ...
ج : شكون بحالي غنلقا ملاك كيتسناني ...
ف :(حشمانة ) واسير ...
ج :باي باي ...
مشا و خلاني كنتشوا مكرهتش نزرب عليه بشي ماتش ولكن بغيت نمشي نشوف عمر توحشتو ...
طلعت لبيتي ... كنقلب على مانلبس ...جبدت سروال أسود... و ديباردور أسود ... زدت عليهم فيست نوار و فيها شوية د ألوان ... ممم اليوم كحلتها على راسي ... درت مكياج خفيف ...هزيت ساك فشيبي ... طلقت شعري و خرجت ... ركبت فاللوطو و سارة كتشوف فيا من سرجم متسوقتش ليها ... و مشيت ديريكت لعند عمر لمطعم ... طريق كاملة و أنا كنفكر ...حياتي من هنا لقدام كيف غتكون ... حاولت منجهدش نفسي ... حيت ربي لي كيعلم الغيب ...وصلت لمطعم ... بلاصيت اللوطو... و هبطت ... داخلة فرحانة ... لمحتو من بين الناس ... واقف و هاز كاس فيديه ... عنقتو من اللور ...
ع : (مخلوع عليهل ) مال إيديك ؟؟؟
ف : والو ا زين ... توحشتك
ع : راني سولتك جاوبيني ...
ف : اوف جلس نعاود ليك ...
ع :(جلس و هو مركز عينيه فعينيها )
عاودت ليه كلشي ... ردة فعلوا متبدلاتش ...
ع : سارة لي دارت هادشي ...
ف : اه
ع : (معصب ) حسابها معايا من بعد
ف :كيفاش واش كتعرفها ... (تفكرت فاش وراني صورها هي و جاد .... غفلت عن الأمر كيفاش وصلو هادوك الصور لإيديه ... هي لي عطاتهم ليه ... القضية فيها إن ...)
ع : اه كنعرفها ...
ف : و فين كتعرفها ؟؟
ع : كانت صديقتي ... و بالصدفة عرفتها مصاحبة مع راجلك ... و صور هي لي عطاتهم ليا ...
ف : سطوب ...ولكن نت مكنتيش كتعرفني ...
ع : نهار جيتي المطعم نتي وواحد البنت ... خديت صورتك بدون متحسي ... و جبدت جميع المعلومات المتعلقة بيك ... يعني كنت كنعرف عليك كلشي ...
ف :(مصدومة ) وعلاش هادشي كامل ؟؟؟
ع : منقدرش نعطيك إجابة أنا بنفسي معارفش علاش ...
ف : (حسيا بواحد الشعور فشكل ... دماغي كيحاول يحلل و يناقش ... ) و كيفاش عرفتي راجلي هو صاحبها ؟
ع : ساهلة حيت راجلك ... و عشيقها عندهم نفس الاسم ... و فاش سولتها أكدات ليا ... متبقايش تفكري بزاف ... غير كتجهدي فراسك ...
يمكن عندو الصح ... عمر اكثر الناس لي ساعدوني فحياتي ...مخصنيش نشكروا بالشك ... يمكن هادشي كامل دارو ا حيت خاف علي
ف : (بابتسامة) اوك
ع : نمشيو لشي بلاصة ؟؟
ف : مكرهتش نمشيو لشي بلاصة زوينة ... هواها نقي
ع : نمشيو لفيرمة؟؟
ف : (تفكرت اش طرا ليا بسبابها و انا نتخلع ... و بعيدة .... و انا شاربة المهدئ يعني مرخية )نونو غيرشي بلاصة قريبة ...
ع :اوك ... يالاه ...
ركبنا فاللوطو ... شكوكي غادة و كتكبار و كنحاول ما أمكن ندفنها ... مبغيتش نتصدم فيه ... وصلنا لواحد الجريدة زوينة ... فرش عمر واحد الأيزار صغير و جلسنا ... جبدت كتاب من صاكي ... كنقرا فسه و هو كيشوف فيا ... كن مكنتش كنعرفوا نقدر نطرجم نظراتو إلى نضرات شخص ولهان... و لكنني ماشي من نوع ديالو ... عمر البنت لي غيبغي خاصها تكون مغامرة بحالو ... تكون مكتخافش ... ماشي بحالي أنا لي يالاه بديت كنقوي شخصيتي ...
ع : كيعاملك مزيان ؟؟
ف : اه ... واقيلة تنادم معاه الحال ...
ع :متيقيش بزاف يقدر يتقلب عليك فأي وقت ... متسمحيش ليه يعاود يكسرك ... بغيتك تبقاي قوية هكا ...
ف : نقدر نسولك علاش كدير معايا هكا ...
ع :(ابتسم بواحد البراءة فشكل) حيت كنبغيك ...
ف :(مصدومة ) كتبغيني ؟؟ كيفاش ؟؟؟ كتبغيني بحال صديقتك زعما ...
ع :حبي اتجاهك يتعدى الصداقة ...
ف :ولكن ...
ع :(قاطعها ) مغنطلبش منك تبادليني الشعور ... حتى واحد فينا ممسؤول على أش بغا ليه قلبو ... انا متفهم تماما أنك كتبغي شخص آخر ...
ف : سمحليا ... حيت مقدرتش نبغيك كيفما كتبغيني ...
ع : معندك علاش طلبي سماحة ... نتي مدرتي والو ... خليتيني نبغيك عن غير قصد ... كل ما أتمنى ان هاد الاعتراف ميخسرش صداقتنا ...
ف :(عنقاتو ) لا ا المسطي حتى حاجة مغتأتر فعلاقتنا ... غير تهنا ...
ع : فيك الجوع ؟؟
ف :لا غير خليني جالسين شوية
ع : اوك
شديت كتابي ... كنحاول نعطيه انطباع أنني منهمكة فالقراية في حين أنني كنفصل و نخيط فدماغي ... كيفاش عمر كيبغيني ... واش هادا حظ ولا نحس ... قاطعني طيلي لي كيصوني ... كان جاد
ف :آلو
ج : (معصب) فيننننككككك
ف : خارجة علاش مالك ؟؟
ج : دابا تكوني فالدار عندك 10 دقائق ...
قطع ليا فوجهي ولد الحرام ... 10دقائق إوا لارجعت ليك دابا راني ماشي فايزة ..
ع : ياكما بغيتي تمشي ؟؟
ف : بغيت نمشيو نتغداو ؟؟
ع :هي الأولى ...
ركبنا فاللوطو ... كلمة كنبغيك لي قالها ليا باقة كتدور ليا فراسي واش كنتعتابر خائنة بمجرد أن شخص أخر كيبغيني و لكن أنا شنو ذنبي ... حتى أنا كنبغيه و لكن بمتابة صديق فقط و عمري غنبغيه كثر ... حيت بكل بساطة قلبي ليس ملكي ...
ف : بغيت ناكل الحوت ... ماشي فريسطو ديالك
ع :ههه على كيجاك ريسطو ديال ...
ف : زوين و لكن ايحطوا لينا بزيقة ... و غيبقاو ناس حاضيينا ... اللهم دينا شي بلاصة اخرى ...
ع: هي باغة تغلقي ... ميكون غير خاطرك ...
بقا سايق ... كنتأمل فيه ... كيفاش كيتصرف عادي من بعد الهضرة لي قال... فعلا شخصيتو جد قوية ... وصلنا لواحد الريسطو حدا البحر ... الجو كان جد رائع ... جلسنا ... جا سرباي طلبنا; طبق فواكه بحر مشكلة ... كنتسنا غير الماكلة إمتى تجي .. غير تحطات قدامي طحت فيها عمية ... مهزيت راسي حتى سطت فالطبسيل ... عكس عمر لي كان كياكل بكل رقي ... حسيت براسي وحشة قدامو ...مشيت نغسل إيدي ... و تبعني ... كنضحكوا ... رشيت عليه شوية د الماء و عاودني ... لاح علي الصابون ... حمار طبع ليا حوايجي ...بحالا فيهم المني  😂 😂 اش هاد الحالة... خلص و خرجنا ... كنضحكوا ... فعلا منقدرش نخسروا ... كيفوج علي كنكون معاه كنعيش اللحظة بختها
ع : فين دابا ؟؟
ف :(هزيت طيلي لقيت 30 ابيل .. شفت الساعة ... 3 ) نمشيو نجيبو مريم ...
ع :اوك هي الاولى ...
مشينا لمدرستها ... طريق كاملة و أنا كنطرجم هاديك 30 ابيل شحال د العصى أتكون فيها  😂 😂... وصلنا عند مريم ... لمحت طوموبيلت جاد من بعيد ... حسيت بالماء برد ليا فالركابي ... و لكن مخصنيش نبين ليه أنا ضعيفة بالعكس ... هو غوت علي ... انا رضيت ليه الصرف ...
ف; : زين نخليك... راجلي راه لهيه ... انا غنرجع معاه للفيلا ... بيناتنا طيلي
ع : (سلم عليها بالوجه ) تهلاي فراسك ... ولا حتاجيتي شي حاجة راك عارفة
ف :معلوك ا بب ... اني مشيت
خرجت من اللوطو ديالو ... دخلت لمدرسة د مريم ...
م :ماماتي جيتي عندي توحشتك
ف : حتى انا توحشتك اكبيدة ... كيداز نهارك
م : داز زوين .. بحالك ... فيناهو بابا جاد
ف :راه كيساينا فالطوموبيل ...
خرجت شادة فيها ... كنسمع الغوات ... كنلمح عمر وجاد كيتقاتلوا ... الله ياربي على حالة بزوجهم دمايات حتى واحد ماحن فلاخر ... بنادم كيفك ... ولكن شكون يقدر يحبس 2 وحوش ...