مبانش ليا حسو ... خرجت علة برا ... لقيتو جالس فاللوطو كيتسناني ... ابتسمت و ركبت حداه ... مدوا معايا مدويت معاه ... طوال طريق و أنا كنفكر كيفاش غنواجهو ... اش غنقوليه ... لاحظ جاد شرودي ... هز إيدي و باسها ...
ج : أنا معاك
.. عجبني تصرفو ... مجرد قبلة خلاتني نحس أنني ملكة ... جاوبتو بابتسامة ... حسيت بطمأنينة... وصلت قدام المستشفى ... طلبت منو يتسناني على برا و لكن مسمعش ليا ... داخل شاد ليا فيدي ... حشمني و لد الحرام ... لقيت أم عمر كتسما غير شافتني عينيها دمعوا ... طلقت من جاد و مشيت عندها ... عنقاتني مسكينة ... و كتبكي ...نزلوا دموعي لا إراديا ...
ماماه :شكرا ا بنتي حيت جيتي...
ف : متشكرينيش ...انا جيت غير نصحح غلطي ...
ماماه : واخا ابنتي ... كنتمنى أنه يستجيب ليك ... دخلي عندو ... راه فهاد الغرفة ...
ف : اوك ...
شفت فجاد ... حرك ليا راسو بمعنى دخلي ... حليت الباب ... و دخلت بخطى ثقيلة لأجده ... ممد على سرير... مغطي بإيزار ...و صدرو عريان ... دايز ليه خيط د سيروم ... حسيت بقلبي كيضرب بالزربة مكنتش باغاه يوصل لهادشي...جلست حداه ... لساني تعقد ...شديت ليه فيديه ...
ف : عمر ... هانا جيت عندك ... واش كتسمعني... اه أنا عارفاك كتسمعني ... عارفة راسي غبرت عليك ... و لكن أنا رجعت عندك ... فيق عافاك ...راه شوشتينا عليك ... ياك قلتي ليا كتبغيني ... اهئ لاكنتي كتبغيني بصح فيق ... عافاك ... راه ماماك مسكينة كتسنا فيك ... و سكينة كتسنا فيك ... اهئ و حتى مريم كتسول عليك دائما ... حبابك كاملين توحشوك ... اهئ عافاك لاما رجع لينا ... انا مسامحاك على مولشي و بغيتك حتى نت تسامحني ... اهى ... (باستو فراسو ) حل عينيك ... و شوف فيا ... انا كنترجاك ... اهئ ...
متجاوبش معايا ... حسيت براسي غير كندوي عن فراغ حسيت بالذنب اتجاه هاديك السيدة لي كتسنا فيا على برا ...و معتابراني أملها الأخير ... يالاه بغيت نوض ... حسيت إيديه زيرو على إيدي ...
ف : عمر ... عمر ...كتسمعني ... انا فايزة ... حل عينيك عافاك و شوف فيا متخلينيش نحس بالذنب حياتي كاملة ... عمر ...
فهاد الأثناء حل عينيه ... بثتاقل ... ضربو الشعاء ... متيقتش ... عمر فاق ... عنقتو بدون شعور ...فقتي ... فقتي ... و أخيرا الحمد الله ياربي ... دخلات ماماه ... كتبكي بالفرحة ... جا طبيب ... و طلب منا نخرجوا ... باش يفحص المريض ... خرجت لأجد حبيبي ... واقف على الحيط شاف كولشي ... كان معصب بعض الشيئ ... مشيت عندو و عنقتو ... حسيت بيه برد شوية ...
ف : سمحليا حيت شفتي هادشي ...
ج : (عنقها ) متعاوديش تقيصيه كتعذبيني أفايزة ...
ف : ماشي لخاطري كان خاصني ندير أي حاجة ... باش يفيق ...
ج : اوك انا عاذرك ... و لكن متعاوديش ...
ف : صافي واخا ...
وقفت بجنبو ... حاط إ يديه على خصري ... خرج الطبيب و كلب مني نتكلم لمريض...
ف : 5 دقائق احبيبي ... غير ندوي معاه ...
ج : (ساخط على الوضعية ) تفوتي 5 دقائق ندخل لمك ...
مجاوبتوش عرفت الغيرة قاتلاه ... دخلت لغرفة د عمر ... لي كان حال عينيه غير شافني ... ابتسم رغم كولشي لي درت ليه ... لمحاتني ماماه بنظرة شكر ...و خرجات خلاتنا بزوج...
حشمت نهز فيه راسي ... و لكن تشجعت ... الأمر و مافيه أنني رديت ليه الصرف هادا ماكان... تقابلت معاه ... شفت فيه ... عينيه دابلين بعض الشيئ ... جو مكهرب ...
ع : توحشتك
ف : (بابتسامة ) حتى أنا ...
ع :رجعتي معاه ؟
ف : (تلفات ... خافت تقول شي حاجة و تأثر فيه ... و تأثر على صحتو )
ع : غير دوي ... متخافيش علي ... أهم حاجة عندي هو نعرفك سعيدة ... واخا ماشي أما سبب سعادتك ... كتبغيه ياك ...
ف : كنبغيه ... و بزاف ... كنعشقوا ... منقدرش نعيش يلابيه ... مبغيتش نجرحك بكلامي ... كنعبر غير على لي فقلبي ...
ع :(تنهد ) عرفت ...
ف :و لكن حتى نت عزيز علي ... واخا عرفت كولشي ... كتبقا صديق لي عاوني فاش كولشي تخلا علي ... كتبقا الإنسان لي رسم الضحكة على شفاهي شحال من مرة ... و دخل سعادة على قلبي ...
ع :(ابتسم ) وهادشي كافي بالنسبة ليا ... بغيتك تواعديني ...
ف : باش؟
ع : (كيترجاها بعينيه ) أنك متنساينيش ... تفكريني و لو بميساج ... فكري فيا مرة مرة و غادي نحس بيك ...
ف : راك صديقي ... و أصدقاء مكينساوش بعضياتهم ... نت مرحب بيك فأي وقت و زمان ... انا مغاديش نكرك ... حيت دوزت معاك أهم فترة فحياتي ... أي وقت حسيتي براسك ... باغي معامن تدوي مترددش أنك تعيط ليا ...
ع : حتى نتي ... غنكون دائما متاح ليك ...
ف :(بغات تلطف الأجواء ) احياني عليك ... دابا تزوج بشي عقروشة و كاعما تخليك حتى تسول فيا
ع : قلبي ملكك .. و غيبقا ديما ملكك ... كنتمنى أنني نقدر نخرجك منو شي نهار و ندخل ليه شي وحدة أخرى ... دعي معايا ...
ف : كولشي عند الله قريب ... الله يجيب ليك شي بنت الناس ... لي تبغيك و تبغيها ...
ع : إن شاء الله (بان ليه جاد كيطل عليهم ) سيري ... راه كيتسناك ... كنتمنى ليك حياة سعيدة ...
ف : و كنتمنى ليك حياة أسعد من ديالي ... باي باي...
خرجت من عندو و أنا كنحس براحة على الأقل دابا صفيت مع عمر ... و مغيبقاش بيناتنا الدغل ... أو أي شيئ من هاذا القبيل ... لقيت جاد واقف وعاقدهم ... سلمت على مامات عمر و تحركت ...
ج : شكنتو كتقولو ...
ف : اممم سوقك ؟؟
ج : طواال ليك لسان ا شويطينة ...
ف : (خرجات لسانها ) لا لا باقي هوهو نت لي حواليتي ....
ج : (ضحكاتو) ههه جمعي داك اللسان قبل منطيرو ليك فخطرة ...
ف :((خبات فمها بإيديها ) مجرم ...
ركبنا فاللوطو ... كنحس براحة نفسية ... تفكرت واليديا ... هما ... لي بقاو ليا دابا ... و ديك الساع حياتي غتقاد و غتمشي فالمنحى لي بغيت ...إن شاء الله
أنت تقرأ
جبروت المرآة
Teen Fictionحزن... حب... دراما...كوميديا... سفالة... جبروت المرآة الاكتر ماغيفهمش العنوان ولكن تقراو وتفهمو دخلوا مغتندموش
