جبروت المرآة

الجزء52

هبطنا من الطائرة... ضرب فيا واحد البريد زوين ... كان الصباح ... اتكون شي 5 د صباح هادي ... نزلت و حنا أيادينا متشابكة ... كنحس بواحد الفرحة تعتليني ... صراحة مكينش حسن من بلادنا ... خدينا باكاج و كملنا إجراءات و خرجنا لقينا اللوطو كتسنانا بشوفور ... ركبنا و وجهتنا كانت فيلا ديالنا ... لي بمجرد متفكرت أننا غنمشيو ليها رجعوا ليا شي ذكريات مكنتش باغة نتفكرهم ... نفضت دماغي من الأفكار السلبية ... مريم نعسات فوق رجليا ... عيات مسكينة وصلنا لفيلا ... دخلت أنا وجاد هاز مريم و هي ناعسة ... طلعت ديريكت لواحد الغرفة مبغيتش نعس فهاديك ديالنا ... مبغيتش نعس ففراش كانت كتنعس فيه مرا أخرى ... كبريائي ميسمحش ليا ... حيدت حوايجي و لبست واحد بيجاما خفيفة و تكيت ... تبعني جاد لي كان كيقلب علي ...
ج : علاش جيتي هنا ؟
ف : بغيت نعس هنا ..
ج : بيتك لهيه ...
ف: (ببرود ) كان بيتي ...
ج : و حتى دابا راه باقي بيتك ... نوضي قبل مندير فيك شرع إيدي
ف : مغنعسش ففراش نعسات فيه وحدة أخرى فهمتيني ...
ج : (تعصب ... ردخ عليها الباب بجهد و خرج )
الخلا و جلا هنيتيني من كمارتك نيت .... هبطت ريدوات باش نظلم البيت ...واخا أنا طريق كاملة ناعسة ... و والو كنحس براسي مدكدكة ... حطيت راسي و جريت علي الإيزار ... حتى كنسمع الباب كيتحل ... مدورتش راسي ... عرفتو جاد غير من خطواتو ... جا تخشا حدايا و هو عريان ... ضهري على صدرو ...حيد ليا شعري و باسني فعنقي ... اححح بورشني .... حط إيديه على خصري... و حبس الحركة ... ماهي إلا دقائق حتى حملني النوم إلى عالم الأحلام ....
فقت على صوت المنبه ... كنتكسل ... جاد حدايا مكمش وجهو صدعو صوت ..
ج : (بصوت ثقيل ) طفيييه ....
طفيتو و أنا نحيد الإيزار بغيت نوض هو يجرني عندو ...
ج : غين غادة ؟
ف : ندوش و ناكل ...
ج :ندوش معاك ؟؟؟
ف :اممم (باستو ففمو و حيدات فمها دغيا ) لا حرام 😂
ج :الله يمسخك ... نوضي حيدي مت حدايا قبل منغتصبك ... و ديك ساع قولي حرام
نضت من حداه بالزربة لايديرها ... دخلت لدوش و دخلت معايا حوايجي تحسبا لأي تسلل ... تشللت وحيدت علي العياء و خرجت لقيتو ناعس على ضهرو كيحلم ...و أنا نجلس ليه فوق كرشو ... شحال كيبان زوين هو ناعس ... جاتني عليه ... بديت كنبوس ليه فراسو و فحناكو و فمو ... رسم ابتسامة على وجهو ... و بقا مغنض عينيه
ج : شفتك نتي لي باغة تغتاصبيني على هاد الحساب ...
ف :هههه حمار... راه غير عجبتيني ...
ج : اعترفتي بلسانك ...
ف : (قالتها بصوت مثير ) اممم اه كتعجبني ... أنا قلتها زوج مرات ... (حسيت بشي حاجة قاصحة ضرباتني فضهري ... عرفت بوشعيب ناض ...) عاوتاني احبيبي ...
ج :(كيشوف فصدرها لي كيبان بيض و مشدود ... و بكلماتها لي كتنطقهم بكل أنثوية ... حس براسة تزير ولكن هو مزال محتارم رغبتها ... انه ميديرو رالو حتى يتزوجوا ) احح و نشدك ... نوضي نوضي (لاحني من فوق منو لناموسية ) سيري قولي ليهم يديرو ميتكال ... سبقيني ...
ف : (حابسة الضحكة ) واخا ومتعطلش ...
هبطت لقيت بنات مساكن موجدين العشاء ...
خ 1 : ختي فايزة ... فهاد المدة لي غبتو فيها ... جات واحد السيدة كتسول عليك ...
ف : معرفتيش شكوناهي ؟
خ : قاتلي مامات عمر ...
ف :(مصدومة ) مقالتش ليك علاش بغاتني ؟
خ :لا ألالة قاتلي إلا شفتك نعلمك ضروري تعيطي ليها (مدات ليها واحد الكارت فيها رقمها ) راه قالت ليك مسألة حياة او موت ...
ف :إمتى جات ؟
خ : شي يوماين دابا ...
ف: صافي شكرا ...
هزيت الكارط كنتأمل فيها ... علاش بغاتني ... ياكما شي حاجة وقعات لسكينة ولا لعمر بنفسو ياكما مات ... ياربي سلامة واخا أذاني منساش أنه عاوني ... و منساش أنه كان صديقي ... و منبغيش ليه الموت واخا معرفت أش يطرا ... توجهت ل طيليفون ديال الدار ... بلاما نزيد نفكر ... ميمكنش تقلب علي و تخلي رقمها لا مكاننش شي حاجة خطيرة ... دوزت نمرتها و أنا كنحس بثوتر كبييير ... رجلي مبقاوش هازيني ...
طيط طيط طيط
أم عمر : سلام عليكم
ف : (بثوثر ) و عليكم السلام
أم عمر : (عرفاتها من صوتها ) فايزة ... بنتي فايزة ... هاظي نتي ...
ف :اه أنا
أم عمر : شكرا حيت عيطتي ليا ...
ف : مكينش لاش تشكريني أنا غير لبيت طلبك ....ياكما كاين باس ؟
أم عمر :عمر أبنتي ...
ف : مالو ؟؟
أم عمر : فغيبوية ...
ف : (مصدومة) كيفاش ...
أم عمر : نهار عرسكم ... ولدي تصدم ...و صدمة كانت قوية مقدرش يتحملها قلبو ... جاتو جلطة ... لي دخل على إثرها لغيبوبة ...و دابا 4 أشهر و هو باقي مغيب ... قلبت عليك حتى عييت و اكن غبر ليك الأثر...
ف :سمحيليا أنا السباب ....
أم عمر : (قاطعاتها ) أنا مسامحاك أبنتي عرفتو دار ليك شي حاجة خايبة حيت قلب نقي بحالك مغيجيش و يدير هكا ... ضروري من شي سبب... أنا عندي طلب أخير...طبيب قالينا ...يقدر يستجب و يفيق ...إلا دوا معاه شي حد كيعني ليه شي حاجة ...اهئ و أنا قلبي محروق على ولدي ... اهئ عافاك عاونيني نتي أملي الأخير ...
ف: عطيني العنوان أنا ساعة نكون عندك ...
أم عمر : (عطاتها عنوان المصحة ) أنا كنساينك أبنتي و شكرا ...
ف : هادي أقل حاجة نقدر ندير ...
قطعت معاها و توجهت لطبلة دالأكل ...قلبي كيتقطع ... بقا فيا ... انتقامي كان صعيب بزاف ...آذيت بيه عائلة على قدها ... هبطات ليا دميعة من عيني ... مسحتها دغيا ...سمعت جاد هابط ... تقاضيت فالجلسة ... باس ليا راسي وجلس قدامي ... كناملوا في صمت الماكلة مبغاتش تدوز ليا ...
ف : جاد كثيق فيا ؟
ج : بالطبع ...
ف : عندي لك طلب ...
ج : أما هو ؟
ف :فاش جيتي عندي ... لأمريكا ... جات مامات عمر لفيلا ... و خلات كارط ديالها ...
ج :(غير سمع سميتو و قندش ) علاشش بسلامة أش باغة منك ...
ف : طلبات لبنات أنني نعيط ليها فاش نجي ... و داكشي لي درت ...عمر فغيبوبة ... من نهار لي سافرت فيه ... و بغاتني نجي ... لمصحة... أنا أملهم الأخير ...
ج : لا مغتمشي حتى بلاصة ...
ف :غنمشي ... بغيتي و لا كرهتي ...
ج : نسيتي أش دار ... نسيتي كيفاش رون لينا حياتنا ...
ف : منسيتش ... و منسيتش كيفاش عاوني ... و كيفاش ساندني ...مغنخليش الانتقام يقضي على انسانيتي فخطرة ... كتسمع ...دابا واش غتديني ولا غيديني شوفور...
ج : (معصب )راني دويت مغتمشيش هي مغتمشيش ... خليه يموت ... واش عرفتي شناهي ... قاصك ... قاص لي شي حاجة لي ديالي ... انا مكرهتش نشوفو كيتحرق قدامي ...و منحنش فيه حتى بنقطة د الماء ...
ف :إلا كنتي نت وحش أنا لا ... أنا غير إنسان ... و منقدرش نعيش مثقلة بذنبو حياتي كاملة ... انا غنمشي ...و مغتمنعنيش ...
طلعت بالزربة لبيت خليتو كيغوت بحال مسطي ... لبست علي سروال كحل ... و شوميز تجين ... و سبرديلة بيضاء... جمعت شعري الفوق ... و درت مكياج خفيف مجرد ... ماسكارا و كلوس ... و هزيت ساكي و تميت هابطة ...