جبروت المرآة

الجزء17

نرجعو عند فايزة :
لي تكات كدير قيلولة...فيقاتها ماماها باش يمشيو عند الخياطة ... نديرو شوية د تسريع الأحداث ... مشات فايزة ختارت تكاشط ديالها د العرس ... و طلعات لدار... كملات امسيتها روتينية .. حتى نعسات بليل ...
أصبحنا و أصبح الملك لله فقت بكري ... نوضيت و صليت و هبطت عندهم لقيت غير ماما و واحد خالتي لي فايقين ... فطرت و معاهم و قلت لماما غنطلع لبيتي باغة ندير شي ماسكات فوجهي مبغيت حد يجي عندي ... و طلعت ... عيطت لعمر ... جاوبني بالزربة بحالا كان كيتسنا فيا ...
عمر : صباح الخيرا زين ... بتي كتحلمي بيا
ف : مالك باسل ...
ع : ههه من هنا ل 30 دقيقة نطلاقاو قدام ريسطو ديالي ...
ف : اوك ... انا جاية
نضت بالزربة لبست ...سروال تجين مزير ... و شوميز مخططة ... سبرديلة بيضاء ...جمعت شعري الفوق ...درت مكياج خفيف ... طليت من بالكون ... مبانوش ليا لي كارد ... لبست داك الخمار ... لي خليت عندي فالبيت و خرجت كنتسلت ... تمت العملية بنجاح ... شديت طاكسي ... و حطني قدام ريسطو لقيتو كيساين فيا ... دقات قلبي تتسارع ....حيت معارفاش فين غنمشيو ولا أش غنديرو ...
ع :(سلم عليها بالوجه ) جيتي كيوت
ف: ميرسي، فين غنمشيو ؟؟
ع : مالك مزروبة ...
ف: وا قول
عمر جبد واحد الموطور كبير ...فين يبان د البارح و باين غالي بزاف ...
ع : (عطاها كويرة ) هاكي لبسي هادي البرد <
شديتها عندو و لبستها ... فيها ريحتو التي تنعش النفس ... ركبنا بزوج ... شاداه بيدي ... بزوج ... كنحس بالخوف ... بقينا غادين و لي كندوزو من حداه ... كيشوف فينا .. بقينا غادين حتى بدينا نبعدو ... شداتني الخلعة ...لكن مبينتش وقفنا قدام واحد الباب د واحد الفيلا كبيرة ...
ف : علاش جبتيني هنا؟
ع : هانتي غتشوفي
ف : (معصبة) انا ماشي من داك النوع د البنات كتفهم ... كنت غالطة فيك
ع :(كيعيب فيها ) انا ماشي من داك النوع من بنات ني ني ني ... وا تي مال مخك خانز اليوم انوريك اعز إنسانة على قلبي ...
دخلنا مع ممر لي كان مدور بزهور من شتى الأنواع...داكشي ملكي... جرني من إيدي ... و أنا غير كنحنزز عجبني المنظر... لقينا واحد المرا كبيرة جالسة فالجردة ... باينة عليها الأناقة ...بشكل كبير و جميلة عندها بحال عينيه ... استنتجت أنها ماماه ...
ع : (عنقها من اللور حتى قفزات) حبيبة ديالي ... مالك جالسة هنا راسك
الأم : خلعتيني ا المسخوط ... مالك على هاد الدخلات ... بحال شفارة
ع :بهدلتيني شوفي شكون جبت معايا
الأم :شكون هاد الملاك ا ولدي ؟؟
ع : هادي صديقتي فايزة
الأم ؛(عنقاتها بحالا كتعرفها زمان); مرحبا بيك ا بنتي
ف : الله يبارك فيك ا خالتي
الأم ؛ جلسي جلسي حدايا
جلست حداها ... و عمر عينيه كيبريو ... بالفرحة ...
الأم : عمر سير اولدي قول لخدامات يوجدو لينا شي حاجة
ف : بلاما تعذبي راسك
الأم : شوت ميمكنش تجي عندي و منحطش ليك حتى.كاس د الماء ...
مشا عمر و بقين انا وياها راس ف راس ...
الأم : سميتك فايزة ياك ا بنتي
ف : اه ا خالتي
الأم ؛ انا سميتي راضية
ف : متشرفين
الأم : الله يبارك فيك ... غزالة تبارك الله ... عوينات فيهم واحد البراءة ... الله يحجبك لواليديك ...
ف : (حشمانة )ربي خليك ...
الأم : هاد الأيام كنشوف ولدي فرحان عاد عرفت السبب ...
ف : هههه ولدك واخا يالاه يوماين باش تعارفنا ولا عزيز علي ... حيت مغامر ... و عفوي
الأم : منين كان مرض و تشافى ولا هكا
ف : على كان مريض ؟؟
الأم : للأسف كان فيه سرطان ... ورم ففي الدماغ ولكن بفضل الله تشافى ... من داك الوقت هو لي فخاطرو كيديرها ...
ف : (مصدومة ) مقالش ليا هادشي
الأم; : هو مكيحملش لي يفكرو فمرضو ...هاهو جاي نقلبو الموضوع
جا عمر ... و تبعوه خدامات ... حطو عصير الليمون الطازج ... و عدة فطائر ... بقينا مجمعين و كنضحكوا ... رابط ليبينو و بين ماماه جميل و مميز ...حسدتو عليه يمكن ... حاولت نعيش معاهم اللحظة بختها حتى شفت فالمكانة الله اليوم ياكلني جاد ...
ف : كنستأذن منكم خاصني نمشي ...
الأم : خليكا بنتي تغداي معانا
ف : بالطبع مرة اخرى إن شاء الله ...
الأم : إن شاء الله متجيش نتخاصم معاك
سلمت عليها و ناض معايا عمر ...باش يوصلني ... غادين و كنشوف فيه ... دابا عاد عرفت الطيش ديالو منين جا ...انتابه لنظراتي المزعجة و دار شاف فيا ...
ع :مالك
ف : (بنظرات شفقة ) والو
ع : (معصب ) كنكره هاد النظرات ...قالت ليك كنت مريض ياك ...
ف :تهدن عافاك
ع : أنا كنستحمل أي حاجة إلا هاد النظرات ا فايزة ... كنمقتهم ...واش كتسمعي ... هاديك فترة ودازت و عانيت فيها ... عانيت (هبطات ليه دمعة من عينيه )
شفتو منهار قدامي ... بقا فيا متمالكتش نفسي و عنقتو ... زير علي ...
ف : سمحليا مكانش قصدي نفكرك
ع : اعتذار مقبول بشرط ...
ف : تشرط ا سيدي
ع : عارض عليك العشاء
ف : واش تسطيتي فراسك راجلي ... جاي اليوم ... ولا عرفني خارجة ايقتلني ... نت كتقولي العشاء
ع : راه راجلك ... ماشي سيد و نتي العبد ... حتال إمتى غتبقاي نية و لي جا يعفط عليك ...تحرري من جميع القيود و عيشي حياتك ...
ف : ساهلة فالهضرة ماشي في فالفعل
ع :ساهلة فيهم بزوج ... نتي حرة و كتولدي حرة ... كيفاش تخلي واحد آخر يتحكم فيك و يسيرك ... قوي شخصيتك ... و خليك بهيبتك
كلامو ضرني فراسي ... حيت كلو صحيح ...مقدرتش نكمل وقفتو
ف : صافي صافي إن شاء الله و لكن ماشي اليوم مرة اخرى ...
ع : اوك (مد إيديه ) وعد ؟
ف : وعد ... يالاه وصلني ... دغيا تعطلت...
ع : ركبي ا خوافة ركبي ...
طلعت و تحركنا الهوا كيطير فشعري ... حطني حدا المطعم ...
ع : خليني نوصلك ...
ف : نونو ... بغيتي تشوهني..( شيرات لطاكسي )باي باي
ع :(سلم عليها بالوجه ) باي باي ...
ركبت فطاكسي ... كنحس براسب خائنة ... حبيبي جاد مسكين ...ياربي تسمح ليا منو ... لبست داك الخمار عاوتاني ... وقفني طاكسي حدا فيلا خلصت و تميت داخلة فإذا بي أصدم ... هي طوموبيلت جاد و الله حتى هي ... دموع تحجرو ليا فعيني ... دخلت من الباب الخلفي بالزربة ... لقيتو باقي فالصالون يالاه كيسلم عليهم ... هادا أش جابو ياك حتال العشياء... لاش جاي دابا ... طلعت بجرية حيدت داكالخمار و حيدت حوابجي ... كورتهم و خشيت كلشي فماريو جبدا بيجاما .... و جبدت بينوار ... و دخلت للدوش طلقتو وتخشيت تحت منو ... و أنا كنترعد ... و كنحك فوجهي من ماكياج... باش ميلقا علي حتى ذليل تفكرت طيليفوني ...ويلي و يهزو و يقرا ديك عمر ... اليوم اللخر ليا ...
جلست فالبينوار و عمرتو كشكوشة ... من بعد ما تأكدت أن وجهي ; خالي من الماكياج ... استرخيت ... نزلت وجهي ... طاحت عيني على التاتو مباشرة ... اليوم نموت ...غندخل موسوعة جينيس ... أول جنازة تقام لعروسة قبل زفافها ... نضت بالجرا ...لكوافزو د مكياج ... هزيت واحد فوندايشن ... كيدرق لاطراس د شانطي لاكان عندك و مكيتحيدش بالماء ... دهنتو بالزربة ... سمعت خطوات د رجل ... رجعت طايرة لدوش تخشيت فيه ... مغمضة عينيا ... زعما راني محسيتش ...و معايقاش ... تحل الباب ... و أنا محافظة على وضعيتي ... دخل عندي لدوش... و أنا كنشوف فيه من وسط شفاري مكرهتش نتلاح عليه نعنقو شحال توحشتو ... بان ليا سيد حيد جاكيط و لاحها فوق الناموسية بقا غير بتريكو... جاي جيهتي... مدواش اكتفى أنه حط شفتيه على شفتي ...كيبوس فيهم ... و كيتلذذ بيهم... ممنعتوش و ممنعتش نفسي ... انسجمت معاه في محاولة مني لتهدأة الشوف الذي يعتليني ... حط إيديه على عنقي ... كيتأمل فيا ....
ف : على سلامتك ... ا حبيبي
ج : الله يسلمك ... ا مراتي ...
ف ؛ امم توحشتيني ؟؟
ج : لا ...
هبطات راسها لتحت ... حبطها ... الدموع مجموعين فعينيها مقدراتش تبقا جامعاهم ...خلاتهم على راحتهم
ج: (كيضحك ) هههه خاصك غا علاش تبكي ... اه الالة توحشتك ... غير بغيت نشوف هاد دميعات ... و هاد للنويف لحميمر ...
ف : حشومة عليك كتبكيني ...
ج: سمحيليا... (باسها لعويناتها و مسح ليها دميعات ) خرجي باراكة من هنا ...
ف :(بدلل) لاء مبغيتش
ج : (حط إيديه على صدرها ) خرجي حسن ليك ...
ف : اممم (حركات راسها بلا ... عاضة شنايفها ... منظرها كان جد مثير ... شعرها الفازغ و جسدها لي كيبان من الماء ... خلاتو ميتحكمش فراسو ) ...