جبروت المرآة

الجزء27

🌹🌹🌹🌹🌹🌹🌹🌹🌹🌹🌹🌹🌹🌹 البنات هاد البارت طولتو راني تعذبت فيه والله غتفاعلوا

أصبحنا و أصبح الملك لله
فقت كنحس بعينيا ملصقين ... بين فخادي كيحرقني ... أخد مني الوضع دقيقة على ما تفكرت .... تفكرت أش دار ليا ... هبطوا دموع و دموع ... تبعهم شهيق ... من طرفي ... صوت بكايا كان عالي بزاف ... فاق على إثرو
جاد :(حاس بواحد الذنب قاتل ) صافي احبيبتي ... سمحيليا ... شوت متبكيش ... (كيسكت فيها ) شوت شوت ...
نكذب عليكم ... إلا مقلتش ليكم حسيت بالراحة ... واخا هو سباب العذاب ... كنبغيه لدرجة أنه قاليا سكتي بداك الصوت الحنين مبقيتش كنحس بالألم ... كنبغيه لدرجة ... أن نظرتو تقدر تنسيني كلشي ... سكت تدريجيا ... شاف فيا و دوا ...
ج : سمحيليا ... مقدرتش نتحكم فراسي سمحيليا ...
بقيت ساهية فيه ... استجمعت نفسي حتال إمتى غتبقا كلمة منو تنسيني لي فبالي حتال إمتى غنبقا هكا ... إلا دوزت ليه هادي غيعاود ليا كتر منها ... و غادي نولفها ليه ... غندمو ...
ف : ممسامحاكش ... طلقني
ج : (معصب ) هانتي غتمرضي ديلمي عاوتاني ... (ضرب الحيط قلت ليك ... عمرك تعاودي هاد الكلمة ... راه الطلاق هو لي مغنطلقكش واش كتفهمي ... واخا تلاقا سما مع الأرض واش فهمتي ... نتي ديالي
ف : انا كاشي مونيكة باش نكون ديالك ... ولا ديال غيرك أنا امرأة حرة ... و حتى حد معندو حق يتحكم فيا ... طلقني ... كتفهم شناهي طلقني ...
ج : غنخرج نقود قبل منصدق قاتل دينمك ...
ف : اهئ اهئ راك قتلتيني ماشي يالاه غتقتلني ...
ج : (دموعها كينزلوا على قلبو بحال العافية خصوصا أنه هو السباب... عنقها ) شوت شوت ... نتي باغة غتبكي ... كيجيو معاك دميعات ... كتولي تباني بحال شي مشيشة
ف : (كتعصر فعينيها )
ج :هههه لا ا الحمقة غيرضحكت معاك... كتجي معاك الضحيكة
ف : (مخنزرة ) مغنضحكش
ج : عارف راسي قصحتك... و لكن نتي قصحتيني اللولة ... خارجة نهار كامل و أنا مانع عليك الخروج.... و جايبك زا*ل حتال قدام الباب... و مكملاها كتزايدي معايا فالهدرة ... شنو كنبان ليك أنا مونيكة
ف :(تخيلاتو داير بحال مونيكة و بدات كتضحك )
ج :(حمقاتو ضحيكة لي خرجات مورا دميعات ... ) ديريها قد راسك و ضحكي
ف : (خنزرات ) نت لي دايرها قد راسك ... ماشي أنا
ج : (قلب الهضرة قبل ما يصدق قاتلها ) فيك الجوع ؟؟
ف : اه ...
ج : مشهية شي حاجة
ف : اممم بغيت دانون د شكلاط ... و بغيت شكلاط... بزاف د شكلاط ...
ج : (دار ليها خاطرها ) واخا انا غنمشي نجيب ليك هادشي و نرجع ...
مجاوبتوش .... مشا و خلاني كنفكر ... واش نسامحو ... ولا لا... هي إلا جينا ل لوجيك حتى أنا مساهلاش ...ولكن راه ش رشمني ... ولكن مموعتاش بزاف دابا .... راه دايرين ليا البنج دابا... ا بلاتي يمشي و تشوفي كيغتحسي ... يخ تفو ... ناس مزوجين برجال و أنا مزوجة بوحش...و لكن حتى أنا فريفرة ... ولكن ماشي بحالو ... حطيت إيدي على وجهي كيعقرني ... مبغيتش نشوفو ... اححح كن راه جخمرني ... بقيت بحال هكا ... نفكر و نفكر ... و متوصلت لحتى شي حل ... تحل الباب ... فرمليات جايبين ليا واحد الفطور ...يع مكنحملش ماكلة د...سبيطار...
فرملية : صباح الخير لالة كتحسي براسك مزيان
ف :صباح النور ... ممم شوية
فرملية : فطري و من بعد شربي هاد دواء ...
ف : يععع مبغيتش
فرملية : واخا مبغيتيش ضروري تاكليه ... ا مادام
ف : لا لا لا مبغيتش
دخل جاد
ج : مالكم أش كاين ؟
فرملية : مبغاتش تفطر وتشرب دواها ....
ج : صافي غير خلي داكشي ... و خرجي... شكرا
فرملية : (معاوداتش معاه الهضرة ) العفو
حط ساشيات لي هاز فيديه ...
ج : (بصرامة ) كولي فطورك ...
ف : مبغيتش خايب ...
ج : ا ديك البرهوشة ... راك شرفتي كاعما يجي معاك الفشوش ...
ف : (هاي هاي على برهوشة اليةم ندمك ... نوريك الفشوش د البراهش ) برهوش هو نت ... مبغيتش هي مبغيتش ...
ج : (قطع أومليط ) حلي فمك ...
ف: بغيت دانون عطيني دانون ...
ج : موصيبة معاك ... كولي ... و لا غتبقاي هنا اليوم ...
ف : اصلا غنبقا غنبقا
ج : (شاد معاها الخاطر ) عافا حبيبتي ... كولي باش نعطيك شكلاط ... جبت ليك نوع لي كتبغي
ف: (بلا هواها حلات فمها )
وكلها البلاطو كامل ... حتى هي كان فيها الجوع غبغات تعاندو و تندمو ... كملات و عطاها خنشة د الشكلاط و دانونات ... العصير ... كاع داكشي لي بغات ليها خاطرها ...
ف :(حالفة حتى تندمو ) امممم شكرا خويا ...
ج :(بنظرات نارية ) خوك كت*واي معاه ؟؟
ف : (مصدومة ) جمع راسك
ج : راه نتي لي غنجمع دين مك ... غتبقاي كتقلبي علي ... حتى غنسيفطك لمقبرة
ف : مقبرة انا فيها من نهار تزوجت بيك
ج : و غتبقاي فيها ... اوك
ف : واش معندكش النفس
ج : (معصب ) إنعل دينمك واش مكتعرفيش تسكتي ... انا غنقود فحالي ...
خرج و خلاها ...
شحال كيعحبني ... نعصبو ... احح نشوف داك الوجيه مزنك ... و دوك العروق لي خارجين ... حبيبي تيتيز ... و كيبغيني .... و لكن ... غيبقا حتى يقتلني ... نموت فيه و فغيرتو ... اودي اودي على لي دارت النفس ... بقيت فكرة تديني فكرة تجيبني حسيت بالملل و أنا نبدا نغوت ... اع كنغوت  😂 عارفة راسي مسطية ... جاو الفرمليات كيجريو
فرملية : مالك أ لالة ؟؟ واش كضرك شي حاجة ؟؟
ف : اهئ اهئ بغيت راجلي دابا عيطو ليه  😭 😭
فرملية : واخا الالة غير تهدني ...
مشات الفرملية كتجري ... و أنا بقيت ندمع ... معرت مالي أحاسيسي مخربقة ... دازت واحد 5 دقائق لقيت جاد عند راسي ....
ج : (مخلوع ) مالك ؟؟
ف : اهئ اهئ علاش مشيتي و خليتيني اهئ
ج : انا حداك خرجت خديت غير قهوة
ف : اجي حدايا ... (بغات تكحاز و ضرها تما ... ) احححح اهئ اهئ .... حمار نت سبابي ... تفو سير بعد مني . ..
ج : (حاط إيديه على راسو )دابا نبعد منك و لا نتكا حداك ؟
ف : امممم تكا حدايا (حركات راسها غير بزز ... و خلان ليه بلاصة ...)
تكا حدايا و تخشيت فيه ناعسة على صدرو ... شعور بالراحة إحساس جد جميل ... بقيت هكاك... كنسمع لدقات قلبو و إيديه فشعري
ج : كنبغيك
مجاوبتوش ... مبغيت نخسر مثالية اللحظة ... بقيت هكاك ... محسيتش إمتى غفيت ....  ❤
فقت من غفوتي أو غيبوبتي كما أحب أن أسميها ... هههه ملقيتوش حدايا ... ام معرفت فين مشا ... كنحس بالجوع فكريشتي... صونيت فداك الزر .... جات الممرضة قتليها تعيط ليه و تقوليه ... بغيت شوارما و رجعت تكيت ...ملل و كلل ... كنشوف فالباب ... شكون غيدخل .... مبان ليا حد .. جات ممرضة و معاها طلب ديالي ...
ف ؛ شكرا ... علاش مجاش هو
فرملية : معرفتش أ مادام عطاني و مشا...
ف : اوك ...
هبطت على ديك شوارما ... هبطة وحدة ... هههه كملتها في ثواني ... بقيت فبلاصتي ... اش هاد الحالة ... عيطت على الممرضة تخرجني الجردة ... جابت كرسي متحرك على آخر يامك ا فايزة وليتي تجلسي فيه .... خرجت كنشم الهواء بحالا كنت محبوسة ... خرجت لفضاء الأخضر أشجار و زهور ... رائحة جميلة تحتل المكان ... بقيت كنشوف ف الفريخات و وليدات صغار لي مراض خارجين كيلعيوا و ناس الكبار ... و أنا في قمة السلام الداخلي ... كنلمح واحد الشخص كنعرفو ... بقيت كنشوف فيه ... هو و الله حتى هو ... هبطات دممعة موراها وحدة أخرى مبقيتش قادرة نتحكم فراسي ... اهئ اهئ ...
ممرضة : مدام مالك
ف : والو ...
ممرضة : ياكما بغيتي ندخلك
ف : بلاتي
... كنشوف فيهم ... مشابكين أفواههم ... مبغيتش ندخل ... بغيت نبقا نشوف باش متضعفش قداموا باش هاد المرة ... واخا معرت أش يقول منسمحش ليه ... باش فاش نبدا نستسلم ليه نتفكر أش دار فيا...بقيت كنشتف فيهم حتى ركبات هي فاللوطو ... و هو واقف كيشير ليها ...
ف : تقدري دخليني ...
ممرضة : واخا
دخلاتني ... تكيت فبلاصتي ... كنتسناه إمتى يدخل ... هاهو جاي عرفتو من ريحتو لي سابقاه ... دخل عندي بابتسامتو المعهودة ... لي للأسف هاد المرة محركات فيا والو ... يالاه بغا ينطق ... و انا ندوي
ف :طلقني
ج ؛ (معصب ) واش نتي فينما يسخن على دينمك كرك تقولي ليا طلقني ...
ف : طلقني
ج : علاش بسلامة غنطلقك ؟
ف : حيت بغيت ... طلقني ...
ج : لا ...
ف : مكنبغيكش ابنادم ... واش معندكش النفس ... و عييت منك ... وامبقيتش باغاك ...
ج : (صاعر ) غتبغيني بزز منك
ف : مغنبغيكش ... حيت قلبي معمرو واحد آخر ... عمري نبغيك ... غير كتعذب راسك ... ولا كنتي بصح كتبغيني طلقني .... خليني نعيش حياتي أش ذنبي أنا ... نعيش مغ واحد مباغاهش ...
ج : غتبغيني مع الوت
ف : ههه كتكذب على راسك ... دير نفسك و فرقني عليك ... واش مكتفهمش ا بنادم
ج : بغيتي غير طلاق واخا أ لالة ... هو لي غيكون ... نتي مطلقة ...
ف : شكرا ... يالاه سير الله يعاونك ...
دار فيا واحد الشوفة لي عمرها تنسى ليا ... و خرج ... خلاني غارقة في دموعي ... كنبكي و نقول مابكيت ... مبغيتش نقوليه شفتك ... بغيتو يتعذب كيف لي تعذبت ... بقيت كنبكي حتى سخفت ...
أصبحنا و أصبح الملك لله
فقت ....راسي كيدرني تفكرت اش طرا البارح ... حاولت منبكيش و لكن قلبي طايب ... جات عندي الطبيبة ...
طبيبة : مادام فايزة صباح الخير
ف : صباح النور
طبيبة : كيف كتحسي بيخير
ف :حمد الله
طبيبة : اليوم إن شاء الله ... اتخرجي ...جروح سطحية براو ... و حتى جروح لي فوجهك نقصو و خفافو ... و لكن مزال موعتة من داخل ... يعني رخفي على راسك ... و الراحة تم الراحة ... اوك ؟
ف : إن شاء الله ...
طبيبة : خليت ليك الراحة ...
خرجات و جات الفرملية ... جايبة ليا حوايجي ... عاوناتني نلبس ... و قاتليا الحوايج جابهم جاد و خلص الفاتورة البارح ...
ف : ممكن طلبوا ليا طاكسي
ممرضة : اوك
مشات و تبعتها هازة سويك خفيف فيه تيليفوني ... و بزطام ... خرجت و لقيتو واقف كيسايني قدام الباب ... تفتحوا جروحي من جديد ... درت راسي مشفتوش ... و مشبت ركبت فطاكسي خليتو ... علامات الدهشة على وجهه
سائق : فين نديك أ لالة
اول حاجة فكرت فيها ... عمر ... إلا مشيت لدارنا ... غادي يزيدو يمرضوني ... غادي يعتابروني ... جبت ليهم العيب و العار ... عطيتو لادريس د الفيلا ديالهم ... طوال طريق و انا كنفكر فيه غير هو ... كيفاش عطاتو خاطرو يخوني ... كيفاش ... اهئ حمار ميستاهلش ... و لكن انا لي مني لا فوت غير يقوليا كلمة جوج و كندوب ليه فيديه ... جففت عينيا حيت وصلنا ... دفعت البوابة و دخلت محبسونيش الحراس باينة موسيهم عمر علي ... لقيت ماماه جالسة فالجردة كعادتها ... شافتني رسمات ابتسامة على وجهها لي بدات كتخفاف فاش شافت وجهي و الحالة لي فيه ... مبغاتش تبين ... و وقفات ... سلمت عليها ... و عنقاتني
الأم ؛نهار كبير هادا ابنتي فايزة منين طليتي علينا .... نورتينا
ف : ربي خليك ا خالتي ... هي توحشتوني
الأم : والله حتى توحشناك ا بنتي ... سكينة اتشوفك طير بالفرحة ... ديما كتسولني عليك
ف : هههه فين هي الفوق ؟؟
الأم : اه ا بنتي كاينة الفوق
ف : ههه نمشي نطل عليها
الأم : هههه واخا ... راه حتى عمر كاين غا فبيتو
ف : صافي واخا ...
طلعت بالشوية ... كنحس بالحريق ... و لكن كنحاول نتمشى مقادة ...وصلت لبيت عند سكينة لس غير شافتني ... نقزات و جات عنقاتني ...
س : (كتكتب فالورقة ) توحشتككك بزاف ... علاش تعطلتي
ف : حتى أنا توحشتك ا زين ... صافي هانا جيت عندك
س: بقاي معانا عافلك ... سكني معانا
ف : (بحالا علمك الله  😂) ههه إن شاء الله ا زين
س : شكون دار ليك هما فوجهك
ف : طحت ا حبيبة فالدروج ... انا نمشي نطل على عمر و نرجع عندك
س : واخا
مشيت و أنا ناشطة شوية شحال زوينة تشوف شي حد سعيد حيت شافك... مشيت لبيت عمر ... لقيتو مهبط لخوامي و مضلم الدنيا ... ماشي من عوايدو ... كنفيق فيه ... ملابس والو من الفوق ... لحمو زوين ... داير بحال دفتر الوساخ كلو طاطوات اودي اشمن دفتر الوساخ هو وجهو نقا من وجهي انا لي بنت ... كنحرك فيه و والو مشيت عند ودنو
ف : عمرر النعاس ... وا عمر النعاس فيق راني جيت
حل عويناتو بثثاقل ... و وسعهم كأنوا ممتيقش ... جرني عندو ... معنقني
ع : توحشتك ا الشويطينة
ف : حتى أنا توحشتك
ع : بلاتي بلاتي (طلع ريدوات ) مالك ؟؟ شكون دار ليك هاد الحالة ... داك ال*امل ياك ... انقتل دين مو ...
ف : (جلساتو حداها) تكالما ... راحنا انطلقوا غير تهنا
ع :(معرف واش يفرح و لا يكعا ... ) مزيان ...غتهناي منو ... و تشوفي حياتك دابا ...
ف : (كتشوف فيه بعينيها مدمعين )
ع : (عنقها ) هاد العوينات ميستاهلوش هاد الحزن كامل
تعنيقتو هي لي كانت خاصاني ... لتنهمر دموعي ...الواحدة تلو الأخرى .... شلال ... محبسني ماوالو بلعكس ... بقا كيطبطب على ضهري ... حتا بردت
ف : (عويناتها حمرين ) واخا نبكي حتال غدا مغنبردش على النار لي شاعلة فيا ...
ع : و حتال إمتى ... غتبقاي فهاد الحالة ؟؟
ف : معرفتش معرفتش ...
ع :اجي معايا ...
ف: فين ؟؟
ع : اجي معايا و صافي ...
جرني من إيدي ... هابطين فالدروج ... مدوا مع حد دخلني للوطو ... ديريكت ... و ديمارا
ف : فين غادين ؟؟
ع : هانتي اتشوفي ...
بقينا ساكتين ... الصمت سيد الموقف ... دامت الرحلة لمدة ربع ساعة تقريبا... وقفنا قدام واحد المستشفى
ع : هبطي
نزلت بلاما نجاوبوا أصلا الجهد معنديش ... تبعتو و أنا ساكتة ... دخلنا كلشي كيسلم عليه ... دخلنا عند وليدات صغار .. جاو كيتجاراو عندو كيعنقو فيه ... كأنهم كيعرفوه مزيان .... و أنا مثل الأطرش في الزفة مفاهمة والو ... أثارت انتباهي واحد البنوتة ... جالسة راسها شادة لعبة ... زوينة بزاف ...داوني رجلي عندها ...
ف : علاش جالسة بوحديتك
البنيتة : حيت حتى واحد مكيبغي يلعب معايا ... و كلهم كيعايروني
ف : علاش كيعايروك
بنيتة : (كتبكي ) اهئ اهئ حيت كاعما عندي ماما ... بحالهم
ف : (عنقاتها ) صافي متبكيش شوت ...انا لقيت ليك واحد الحل ... معرفتش واش غيعجبك
بنيتة :(حلات عينيها و كتشوف فيا كتسنى إيجابتي )
ف : تبغيني نكون ماماتك ؟
بنيتة : (فرحانة ) بصح ؟؟؟
ف : اه انبقا نجي عندك كل نهار ...
بنيتة : (عنقاتني ) دابا نقدر نعيط ليك ماما ياكي
ف : اه ا حبيبتي ... قولي ليا شنو سميت بنتي ؟
بنيتة : سميتي مريم
ف : سميتك زوينة ...
مريم : حتى نتي زوينة ... واخا فيك جريحات ... (قاصتني فوجهي )
ف : (لمساتها البريئة ... كانت سبب في أن دموعي يهبطو بغزارة )
مريم : مالك ا ماما ياكما ضريتك ... سمحيليا
ف : (كتحاول تكالمي نفسها ) لا ا حبيبتي ماشي نتي ... ماشي نتي ... تسنايني انا انرجع عندك ...
مريم : واخا
خرجت لواحد البالكون لي فالغرفة ... و بقيت كنبكي كنبكي ... يمكن دموع يبردو ليا الجوف مع الوقت ... جا عندي عمر ... شميت غير ريحتو عرفتو بلاما ندور
عمر : عرفتي هاد الوليدات علاش هنا ؟
ف : نن
عمر :فيهم سرطان ...
ف : (حالة عينيها ) كلهم ؟؟
عمر : اه كاملين ... كاين لي العلاج ديالة غادي مزيان و كاين لي موتهم مترقب
ف : (مصدومة) و لكن باقين صغار بزاف
ع : المرض مكيعزلش ... شفتيهم كيفاش ضاحكين واخا كيسارعوا الموت ... و نتي لي بصحتك ... عاطياها البكاء و كتحصري ...إمتى غتفيقي و تعرفي بلي غير خاصك تحمدي الله على صحتك و تحافظي عليها ماشي تهلكيها ... كاع عاد الوليدات كيتمناو حياة عادية ...بحال ديال الناس كاملين و لكن للأسف ملقاوهاش ... و لكن نتي محظوظة ... عيشي حياتك ... و استغلي كل لحظة فيها ... حيت مغتعاودش ...
ف : (كلامو كيدور فدماغها ) إن شاء الله
ع : إن شاء الله اخنا انشوفو ... قبيلة كنتي مع مريم
ف : وي حمقاتني ديك البنيتة
ع : واليديها ماتو فحادثة ... و عائلة مها فاش عرفوها مريضة تخلاو عليها ...
ف : ناس بلا قلب و لا ضمير ...
ع : تماما
ف : و هي كيف غادة فالعلاج ديالها
ع : كتستاجب ليه ... و قريب تبرا ...
ف : نقدر نطلبك ؟؟
ع : غير تكمل العلاج ديالها و نصايب ليك اوراق التبني
ف : (مصدومة ) كيفاش عرفتي ؟؟ ميمكنش ... كتخلعني ا عمر ...
عمر : هههه دخلي دخلي
دخلنا عند وليدات ودعناهم و واعدت مريم غنرجع ليها ... ركبنا فاللوطو و طلبت من عمر ...يديني الفيلا د يال جاد ناخد البيسي ... استغرب لطلبي .... و معارضنيش ... غادة و خاسة بغصة فقلبي ... و لكن هاداك الكومبيوتر مهم بالنسبة ليا ... و بغيت نكمل فيه كتابتي ... طول الطريق و أنا كنفكر...اش غندير من هنا القدام ... انا عندي شهادة د المحاماة ... اندير بيرو ديالي... انطلب عمر يساعدني ...تحمست لفكرة أنني سأصبح مستقلة بذاتي... وقفنا فدام الفيلا ذكريات... تمر بمخيلتي ... تشجعت ... و خرجت طلب مني انه يرافقني ... رفضت ... دخلت من باب اللوراني مبغيتش نتلاقا معاه ... لقيتو محلول لي حسن الحظ ...
داخلة كنتسلت من بعد ما كنت مولات الدار... شافوني الخدامات ...درت ليهم بفمي زعما سكتو ...جاو عندي
خ 1: مالك ا ختي فايزة دخلتي من باب اللوراني ... كن صونيتي نحلوا ليك
ف :بحال بحال ... بغيت نسولكم ...واش شفتو واحد البيسي بورطابل ديالي ...
خ 2 : اه ا ختي كاين فالبيت ديالك
ف :جيبيه ليا عافاك
خ 2: هي الاولى
ف : اجي نسولك بعدا ... جاد مكينش ؟
خ2 : لا خرج هو و لالة سارة غير دابا ....مشاو ل أ كادير 5 أيام عاد يجيو
ف :(انا نبكي عليه و هو مسافر ) صافي ... هبطي ليا معاك حوايجي ... ماشي كاملين هزي ليا 3 بيجامات ... و كسيوات خفاف ... و مجكياجي
هبطات ليا البيسي ... و فاليز .. سلمت عليهم و خرجت ... مشيت عند عمر لي كايسايني ...
ع : (شاف فيا بحنية ) كلشي مزيان
ف : اه مزيان ... بغيت نطلبك إلا كان ممكن نمشيو نجلسو فالفيرمة بغيت نصفي ذهني شوية ...
ع: اوك يالاه ناخدو داكشي لي خاصنا و نمشيو
ف : اوك
مشينا ل ماركت خدينا ...شيبس شكلاط ... عصير كلشي داكشي لي تشها ليك خاطرك ...و تحركنا ...غنحاول نأسس حياتي من ذا وجديد ... غنعيش من أجل نفسي ... غندير كاع لي بغيت انا ... و منخلي حد يسيرني ... حاولت نصفي ذهني ... ذامت الرحلة ساعتين تقريبا و صلنا نفس المنظر د أخر مرة ... كتعحبني هاد البلاصة ... استقبلنا سي مربوح بحفاوة ... علمو عمر اننا سنمكت لمدة هاد المرة...مشيت ديريكت للجردة ... جلست و حطيت حدايا البيسي... كان مشارجي ... او يكون جاد شعلو ...اممم ولا ديك السفريطة ...كلشي ممكن ...جبدت كتاباتي و بديت كنزيد عليهم ... اعبر بكل أحاسيسي حتى حسيت بصباعي عواجو ...
ساليت كتابتي حسيت براحة داخلية ... كان حالس حدايا عمر لي كان هادئ ... لدرجة ملاحضتش وجودو ... غادي نديرو تسريع فالأحذاث .... هههه ولا غنبقاو جالسين هنا بحال مسلسل د سامحيني  😂 😂...
بعد 60 يوما :
مريم : ماما فين غنمشيو
ف : غنمشيو ل سينديباد ندي بنتي تلعب ...فكاع الألعاب لي بغات ...
مريم : (عنقاتها ) كنبغيك ا ماماتي زوينة
ف : كون تشوفي انا
مريم : ايمشي معانا عمو عمر ؟
ف : لا أنمشيو غير أنا و ياك ا حبيبتي ... يالاه سيري تلبسي
مريم : واخا ...
تلفتكم ياك ههه ... اجي نقوليكم أش طرا فهاد الشهرين ... عمر عاوني حتى درت مكتب ديالي ... و تشهرت فوقت قصير ...بسبب خدمتي المتقونة ... شديت قضايا و ربحتهم... خدا ليا عمر سيارة كهدية ... و تقاديت أجر جد مرتفع ... خديت قرض من البانك و خديت أبارطومون فحي راقي ... و مريم تشافات الحمد الله و عاوني عمر حتى تبنيتها ... اما جاد فتزوج بسارة ... و دابا عندو 2 عيالات انا وياها ... تكلمت معاه و رفض يطلقني ... خليتو حتى نشوفو عنادو فين غيوصلنا ... نكذب عليكم إلا قلت ليكم نسيتو ... للأسف مزال فقلبي و عقلي كنحاول ما أمكن نطردو منهم ولكن بلا جدوى ...
مريم : ماما هانا ساليت ...(جراتني من إيدي ) يالاه دغيا ...
ف : ههه واخا تسناي نسد الباب ...
هاد فليفلة كتدير ليا النشاط فحياتي ... ركبنا فاللوطو ... مشعلين أغاني و محيحين ... وصلنا ... شادة ليا فإيدي ... كنشوف واحد البريق د السعادة فعينيها ... كيردني إلى الحياة ... دخلنا ... و بقينا نلعبو حتى سخفنا ...
مريم : ماما فيا الجوع
ف : يالاه ا كبيدة نتغداو .... كلينا و حنا ناشطين عندها فضل كبير على حياتي سعداتني بدون متحس ... عي و عمر لي واها نعيا نشكروا مغنوفيهش حقو ... كن مكانش هو ... كن نتاحرت ولا درت فراسي شي حاجة ... كنحمد الله انه جابو فطريقي ...
مريم : ماما هاداك راجل من قبيلة هو كيشوف فيك .... واش كتعرفيه
درت تلفت هو و الله حتى هو ...شحال توحشتو ... كانت معاه ديك المونيكة .... ضعافت بزاف و صفرااااء خلعاتني ... باينة شي ريجيم ... هادا ... هو بقا كيشوف فيا ... حسيت بالحنان مكرهتش نعنقو نقوليه شحال توحشتو ... نقوليه راني كنبغيه ... دورت راسي ...
ف: نو زين ديالي مكنعرفوش .... كملي غداك
م : واخا
كملنا أكلنا ... كنحس بثوثر تلفت ملقيتوش ... حمد الله ... كنحس بدموعي على حافة الانهيار ... استجمعت نفسي ... مخصنيش نضعف ...
م : ماما أنا انمشي لطواليط ....
ف : واخا متعطليش ...
م : واخا
نضت خديت قرعة د الماء ... لمريم و غادة عندها لطواليط ... لقيتو جالس مقفز(جاد) ... و كيضحك معاها ... شحال كيبان زوين .... و ضريف و لد الحرام ماعما تقول راه غدار و مزوج علي ... ضرنس راسي معرت شكيقول ليها ... عيطت ليها من بلاصتي ... مبغيتش نقرب ليه ...
ف : مرييييييم يالاه ...
ج: ( شد ليها فيديها و غادي معاها ) فايزة لباس؟
ف : حمد الله ... يالاه ا مريم
ج : خاصني ندوي معاك
ف : مبقات بيناتنا هضرة
ج : إلا نسيتي نفكرك راك باقة مرتي ...
ف : انل مكنعتبركش راجلي ... نت متي فعيني من شحال هادي ...
ج : غير كتقولي ... غدا غنجي عندك لدارك .... خاصنا ضروري ندويو ...
ف : اوك ...
ج : (باس مريم ) بسلامة ا مشيشة
م : باي باي عمو
مشا ... و هلاني تالفة عاوتاني ... تفو حتى بدات حياتي تقاد ... عاد تسلط علي هاد الزبل عاوتاتي ... صراحة توحشتو ... اويلي ا فايزة راه مزوج ... بالصح غدار مخاصنيش نسمح ليه ... كملت نهاري أنا و حبيتي غيؤ دوران رجعنا لدار في وقت متأخر ... دخلتها تنعس و مشبت تكيت شادة بيسي ديالي قدامي ... تقريبا قصتي كملات ... حطيت راسي على الوسادة و صورتو مفارقاتش مخيلتي ... استرخيت و خليت النوم يسافر بيا لأرض الأحلام ....
أصبحنا و أصبح الملك لله
فقت كعاداتي ... كنحس براسي عيانة ... مساهلش علي ف شهراين ... ندير هاد الثورة كاملة ...نعيش راسي ... واخا كنت فواحد الوقت كنفضل نموت على نعيش بلابيه ... كيفاش ولات عندي حياتي الخاصة بنيتة و شقة ... طوموبيل ... مسؤولية بدلاتني ... بديت كنحس بنفسي متزنة ... حتى حاجة مبقات تأثر فيا بحال شحال هادي ... حيت ببساطة مبقيتش كنعيش لنفسي فقط ... حيت أي خطوة درتها إلا و راني حاسباها ... نضت لطواليط ... قضيت روتيني اليومي ... و مشيت طليت على مريمة لقيتها كتشخر خههه نعاسة ... فيقتها غير بزز ... خليتها كتلبش و مشيت نوجد ليها الفطور ... لبست حتى أنا حوايجي لي كانوا عمليين اليوم عندي جلسة فالمحكمة .... لبست بدلة أنثوية ... (صورة ) و طلقت شعري جيت كنبان جد أنيقة مكياخ خفيف ... هزيت شانطة ديالي لي فيها كل ما أحتاج و هبطت أنا و مريم وصلتها للمدرسة و مشيت للمكتب ديالي ... طليت على الملف لآخر مرة ... و خرجت توجهت نحو المحكمة ... لابسة زي لي أفتخر به ... حميع الأعين علي كنحس بالقوة ... كنحس براسي المرأة الحديدية ... قدم كل منا محاضرته ... عطينا دلائل لي عندنا و شهود ....
القاضي : حكمت المحكمة بالإفراج عن السيد عماد القاسم ...
عينيا غرغرو ربحت القضية عاوتاني جات زوجة المتهم متعنق فيا و تبوس ... حسيت بالتبوريشة شكراتني جزيل الشكر ... حسيت بالفخر ... خرجت من المحكمة راسي مرفوع ... توجهت لعند عمر لمطعم نتغداو بزوج .... لقيتوني كيتسناني ...
ع : مضرا ؟؟
ف : ههه ربحت القضية بالطبع
ع : (عنقها ) هههه كنت عارفك ... يالاه ا لالة الغداء على حسابي
ف : هههه و راه ديما الغداء على حسابك مكتخلينيش نخلص فاش كنجي هنا ... داكشي علاش اليوم على حسابي انا ...
ع :هههه اوك ا لالة
طلبنا وجبة اليوم لي كانت عبارة عن مزيج من فواكه البحر ... مقدم بطريقة طرو كلاص ...
ف : (وسط الأكل) تلاقيت بيه البارح ...
ع : (مخنزر) اش بغا منك ؟
ف : قاليا ايجي عندي للدار اليوم
ع : (حبس الماكلة ) ولاش ؟؟
ف : معرفتش
ع : و قبلتي ؟
ف : اه
ع : علاش بغيتيه إيعاود يرحع يدمر ليك حياتك ولا شنو ... بغيتيه إعاود يهرسك ... و يخليك كتبكي بحال الحمقة ...
ف :(قاطعاتو) قبلت غير باش ندوي ليه على الطلاق ... هادي أخر فرصة ليه سينون غادي ندفع دعوة المحكمة ...
ع : (فك تغوبيشة ) امم هكا مزيان ... عنداك ضعفي ... قدامو
ف : هاهاها نضعف نون بب متخافش ...
كملنا غدانا و مشيت جبت بنتي من مدرسة ... و دابا غنمشي لصالون ...
م : ماما واش مغادينش للدار؟
ف : لا حبيبتي أنمشيو لصالون ندورو بحالتنا شوية ...
م : (متحمسة ) بغيت نقطع شعري ...
ف :هههه واخا أ لالة
وصلنا عند كوافور .... درت لي صوان لوجهي ... و مينيكير بيديكير ... و حيدت لي بوانت من شعري ... و مريم قكعت ليها شعرها كاري ... خلصنا و مشينا للمول ... تقدينا داكشي ديال دار و ماكلة و دخلنا فحالاتنا كنحس براسي مخلوعة ... مخاصنيش نضعف ... مخاصنيش نضعف ... هادي هي الفكرة لي كانت كتدور ليا فبالي ... حطيت كاسكروط ... كلينا و دخلت مريم لبستها قتليها منخرجش تخرج تمارينها و تفرج شوية و مشيت لبيتي لبست كسيوة كنيديرة ديال دار سوداء و مع أنا بيضاء منعاودش ليكم ... بدلت العكر درت كلوص لامع ... و لبست سنيديلة د صبع حتى هي سوداء و خلخال فرجلي كنبان *حبة مكلمنة  😂 😂 عحبني راسي غروري تزاد و تقتي بنفسي حتى هي مشيت جلست فالصالون كنقاد الحوار لي غنقول فدماغي ... سمعت دقان فالباب نسيت كولشي نضت كنحل و كنحس برجلي بحالا ماشي ديالي... كان لابس بدلة سوداء ديال الخدمة ... كيبان سو هوت ... شفتو حسيت بالسخانة طلعات ليا ... مبغيتش نبين ... استجمعت نفسي ... و دخلت و خليتو قدام الباب ...جلست ... فالصالون ... تبعني جالس مقابل معايا ...
ج : صافا ؟
ف : دوي أنا كنسمعك
الجو جد متوتر ... كنحس بأنفاسنا كيتسمعو
ج : بغيتك ترجعي معايا الفيلا ...
ف : (باستهزاء) هههه ضحكتيني مالي شايطة حتى نرجع معاك
ج : غترجعي بزز منك ... نتي مراتي و عندي الحق فيك
ف :كنت مراتك ...
ج : و باقة مراتي
ف : و لكن مغنبقاش أنا باغة طلاقي كتسمع
ج : كتحلمي واقيلة
ف : مكنتش كنسولك ... و لا كنطلب رأيك ... من نهار تزوجتي حرامت العيشة بيناتنا ...
ج : ماجيتش و تزوجت بيها ...
ف : ههه كانت حاطة سيف على رقبتك ؟
ج : سارة فيها كونصير ... داكشي علاش كانت جالسة معايا ... و ديك النهار تجهد عليها الصداع فراسها مشينا طبيب قاليها ...تقدر تدير واحد العملية غتعطيها ... وقت إضافي مغتعالجش و لكن غتزيدها أشهر فحياتها .. و طلبات مني نكمل معاها أشهرها الأخيرة ...
تصدمت معرفتش واش نشفق عليها ولا نزيد نحقد عليها حيت خرجات لينا على حياتنا ....
ف : سوقك هاداك ... انا بغيت طلاقي انا ماشي ريزيرف ... وقت لي تبغيني تردني .. و الوقت لي تبغيني تسيفطني ... حتى أنا عندي حياتي كتفهم ...
ج : أنا شرحت ليك كلشي ... و واخا قلتي ليا مكتبغينيش بقيتي فبالي صباح و ليل و متبع خطواتك ... و دابا بغيتك ترجعي معايا ... مريم انديرها بحال بنتي ...
ف:مريم ممحتاجاش ليك كتسمع ... كيفما أنا ممحتاجاكش ... خرج من حياتي باراكة لي دوزتي علي ...
ج : هادا اخر كلام عندك ؟
ف : اه
ج : اوك ... خلي فبالك بلي كنبغيك ... و مغنبغي حتى وحدة من غيرك ... أي وقت حتاجيتيني انا رهن الإشارة
ف : (باستهزاء) امممم باينة بحال لي كنتي كتعاوني ... اوك تقدر تمشي فحالك دابا ...
نضت حليت ليه الباب ... و خليتو كيشوف مصدوم مني ...
ناض بشوية و خرج ... دار شاف فيا نظرة ترجي أنني نقول شي حاجة ... انني نطق و لو بحرف واحد غير نحبسو ... و لكن تجري رياح بما لاتشتهي السفن ... سديت الباب و راسي كيدور علي تفكرت جمؤع الأحداق لي كنت كندير كامل جهدي باش نساهم ... طحت ... معقلتش على راسي .... فقت كيضرني راسي كنشوف فالبيوضية ... عرفت راسي فشي كلينيك عاوتاني ... كنشوف فالسقف سيروم معلق فإيدي ... اش هاد الحالة عاوتاني .... كانت الغرفة خاوية ... بقيت كنشوف فالباب ... على الله يدخل شي طبيب ولا شي حد ... سمعت صوت مريم كتضحك تحل الباب كانت جاية هي و جاد شاري ليها شكلاط ... و كيضحكو ....
م :(مشات عندها بجرية ) ماما زوينة فقتي ....
ف : اه ا كبيدة فين مشيتي ... ؟
م : داني بابا جاد شريت شكلاط
ف : باباك ؟؟
م : اه علاش كذبتي علي و قلتي ليا راه مكتعرفيهش
ف : حيت غادي نطلقوا ا بنتي هادشي ديال الناس الكبار
م : و لكن هو كيبغيك
مشكيلة هادي ... كيغندير نشرح ليها ...
ف :(شافت فجاد لي مبتسم و فرحان ) دابا شرح ليها نت يالاه ....
ج : ا كتضحك معاك ا بنتي حنا عمرنا نطلقوا بلعكس غنعيشوا فدار وحدة
ف : لا مكنضحكش ... راه غنطلقوا
ج : لا مغنطلقوش راك غيؤ كتحلمي
م : (داخت ) واااو جبتو ليا دوخة انا انمشي ناكل شكلاطي و نتوما تفاهموا و قولوا ليا صافي ؟
ف : هههه واخا ا لالة مريم
مشات فنيكيشة تجلس ... و كتاكل ممسوقاش لينا
ف: مدخلش البنت فمشاكيلنا كتفهم انا وياك لا يعقل أننا نتفاهموا ...
ج : (معصب عيا ميشد معاها الخاطر ) غنتفاهموا صحة ولا خاطر... و نتي مراتي صحة ولا خاطر ...
دخل الطبيب .... و هو يبعد مني
الطبيب : مادام فايزة ... كيكتحسي براسك لاباس ؟
ف : وي حمد الله ... عافاك علاش جيت هنا ...
الطبيب : حيت كتجهدي نفسك بزاف و كتعصبي ... خاصك تعطي الراحة لنفسك ... خاصك ديري شي تحاليل باش نعرفوا واش عندك السكر....
ف : (مصدومة ) السكر؟؟
الطبيب : وي مادام ... و لكن غير باش نحيدو الشك متخلعيش ...
ف : اهئ اهئ انولي نضرب البرة ... و أنا باقة صغيرة ... اهئ اهئ و مكنحملهاش ... كتضرني ... (شافت فجاد ) نت سبابي ا الحمار اهئ
الطبيب : (معرف باش يجاوبها ... دار ليه جاد براسو غير سير ز عما خرج و خلاهم )
ج :(عنقها هي تدفعوا )
ف : اهئ اهئ بعد مني متدويش معايا ... اهئ حمار كلب متوحش ... اهئ
ج :(عنقها و مزير عليها ... عيات تعاقر معاه و والو ) شوت تكالماي مخاصكش تعصبي شوت ...
ف :بعد مني راه نت لي كتعصبني ... اهئ بعد مني اهئ
ج : (غوت عليها ) هنينا ...
ف : علاش كتغوت علي سير غوت على مراتك سمعتيني ....أما أنا بعد مني ...
ج : نتي هي مراتي ... و دابا تكالماي راك خلعتي البنت ...
شفت فمريم لقيتها مخلوعة ...و كتبكي
ف : اجي عندي اماما اجي
جات عندي و دميعات نازلين ... تكيتها حدايا و عنقتها ...
ف : متبكيش ا حبيبتي ... راه مافيا والو ... غير ماماتك بوحاطية ههه و صافي ...
م : بصح ؟
ف :هههه و على أنا غنكذب عليك ...
م : (كتمسح عويناتها ) هههه صافي و إمتى غنمشيو لدارنا ؟
ف : غير يكمل هادا ( نعتات فالسيروم و نمشيو )
فهاد اللحظة كيصوني طياي د جاد ...
ج : آلو سلام عليكم ا عمي ... لباس الحمد الله اه هاهي اندوزها ليك
خديت عندو طيلي ناري بابا هادا ... (للإشارة عائلة فايزة معارفين والو كانت كتمشب تزورهم مرة مرة و لكن مكتخبرهم بوالو حيت هما أصلا ممسوقينش ليها ... المهم عندهم أنها مزوجة )
ف :آلو بابا لباس
الأب : لباس ا بنتي و نتي ؟
ف : الحمد الله
الأب : بغيت نعلمك بلي غدا غنجيو عندك ابنتي ... من نهار تزوجتي مطلينا عليك ...
ف : (اش هاد الموصيبة ) مرحبا بيكم ...
الأب : الله يبارك فيك ... يالاه خليت ليك الراحة
ف : بسلامة
قطعت و رديت ليه طيلي ناري على حالة
ج : مالك صفاريتي
ف : غدا غيجيو عندنا بابا و ماما
ج : مرحبا بيهم
ف : كيفاش مرحبا بيهم ... نسيتي راحنا كل واحد ساكن فدار ... نسيتي هاديك السفريطة لي غندك تما و لا شنو ...
ج : منسيت والو سارة غادي تفهم الوضعية و نتي غتجي غدا لدار ...
ف : و مريم ؟؟؟
ج : اتكون فمدرسة ... ياك ؟
ف : وي بصح ...و لكن مخاسش يفوتو 4 كتخرج ...
ج : (فرحان حيت غترجع معاه و مبغاش يبين ) صافي دابا نلقاو الحل ... يالاه دابا نمشيو ...
ف : غير سير انا غنبات فداري حتال غدا و نجي عندك
ج : اش غتخصري لا مشيتي من دابا
ف : انخسر كرامتي و عزة نفسي حيت غادة لدار لي ساكتة فيها ضرتي ...
ج : (مصدوم من جوابها ) اوك انا غنوصلكم ...
ف : شكيت عليك
ج : راني دويت
ف : حتى أنا دويت طاكسي غنشدو راسي ممحتاجاكش تدير فيا الخير
ج : مكندير فيك لا خير لا والو مبغيتكش تعذبي نتي و مريم
ف : (طليت عليها لقيتها نعسات فوق الكرسي ) اوك
سالا سيروم جا طبيب عطاني ورقة الأدوية و خرج ...
👑 🔞 👑جبروت امرأة 👑 🔞 👑