جبروت المرآة

الجزء34

فقت راسي كنحس بيه كيعكرني ... كنحس براسي في ناموسية رطيطبة و زوينة معقلتش على أش طرا البارح باينة انكون دابا فالفيلا ناعسة حدا ك
حبيبي ... حليت عينيا كنتصدم بوجود عمر بجانبي ... متخلعت ماوالو ...بلعكس رتاحيت حيت عمر هو آخر شخص يقدر يأذيني ...
ف : عمر فين انا ؟؟
ع : نتي معايا و هادشي لي كيهم
ف : اش كتخربق ؟؟
ع : منقدرش نخليك مع واحد مكيبغيكش و كيتلاعب بيك منقدرش ...
ف : عمر راني مفهمت والو ...
مد ليا واحد طابليط ... فيها فيديو ديال جاد ناعس هو و سارة ففراشي ... و فيديو جديد ... غير ديال البارح ... دموع تحجرو فعينيا كيفاش ناعس معاها ففراشي يمكن نقدر نغفر ليه كلشي إلا أنه يضاجع أنثى أخرى و فبيتي فوق ناموسيتي ... يعني كلشي كذوب هو كيبغيها اه كيبغيها و إلا علاش غينعس معاها ... اهئ اهئ كلشي كذوب ... حسيت براسي كننهار من ذا وجديد ... حسيت بشخصيتي لي كنت كنصحابها قوية كتلاشى شيئا فشيئا ...
ع : بغيتي لي فيديو القدام حتى هما ؟؟ ديال هاد شهراين لي مكنتيش فيهم ؟؟
ف : لا شكرا هادا كافيني ...
درت و عطيتو بضهري خليت دموعي يسيلو على خاطرهم ... علاش كاع لي كنبغيوهم كيخدلونا علاش ... اهئ خاصني نساه ... مخاصنيش نبقا نضعف ليه .. بقا فيا غير الشوهة لي دار ليا البارح قدام مدرسة بنتي ... كيصحابلي كيبغيني طلع ممثل بارع ..... حسيت بعمر محاوطني من اللور ... نفسو فعنقي حسيت بالتبوريشة ... مفهمتش طبيعة هاد الإحساس جاتني واحد الرغبة رهيبة اتجاهو ...
طلع فوق مني بسلالسة شاف فيا واحد الشوفة تهد الحجر ... يالاه بغا يبوسني و أنا ندور وجهي جات فالحنك
ف : (كتبكي ) سماحليا منقدرش ... اهى اهئ
ع : (تعصب و هو يخرج من البيت خلاها راسها )
اهى اهئ اش كنت غندير واش انا تسطيت ولا شنو ... مشاعيري جد ملخبطة .... واش كنبغيهم بزوج ولا شنو ... تفكرت الفيديو لي وراني عمر العافية شعلات فيا ... و لكن كيفاش حتى جا ليديه ... ذكر ليا أنه هو و سارة اصدقاء ... و لكن واش متافقين علي ولا شنو ... و كيفاش انا حتى وصلت هنا ... حتفظت بتساؤلاتي ... و نضت كنقلب عليه ... حليت الباب معرفت منين ندوز ... فيلا رائعة ... و لكن فيها واحد الطابع حزين ... هبطت مع دروج بان ليا جالس و حاط حداه قرعة د شراب ... شافني هو يحبس ...
ع :علاش هبطتي من بيتك ؟؟
ف : منين وصلك هاداك اافيديو ... و كيفاش حتى جيت هنا ... عمر متكذبش علي ...
ع : الفيديو جابتو ليا سارة ... يمكن هي الهدف ديالها تخلص منك ولكن انا الهدف ديالي انني نفيقك ... أنك تشوفي لي كيجرا وراك ....
ف : عمر واش كنتو كتافقين نت وياها ؟؟؟ متكذبش
ع : فايزة كنبغيك ... و لكن ماشي لدرجة أنني نفكر بهاد النذالة ... سارة كتعطيني كلشي من قبل متزوجو بدون ما نقوليها شي حاجة ... و كطلب مني نوريهم ليك باش تفارقي معاك و لكن فتش عرفت أن مفتاح سعادتك معاه خليتكم ... و لكن البارح مقديتش نصبر ... ضرني خاطري عليك ... و وريتك لي كاين باش على الأقل تفيقي شوية ...
ف : انا غادي نتيق فيك حيت نت أكثر شخص ساعدني و حيت معزتك كبيرة عندي ... و لكن إلا كذبتي علي فشي حاجة للأسف هاد المعزة مغتدومش فهمتي ...
مجاوبنيش ... هز ديك القرعة و كملها و جبد وحدة أخرى ... حاولت نحيدها ليه و والو ... خلعني منظروا و انا نطلع لبيت ... مبغيتش نبقا نشوف فيه هكاك ... كنحس بيه مدمر بسبابي ...