جبروت المرآة

الجزء15

قطع علي...حمار لاخر... ايكون معصب ... نعذروه ... تكيت شوية ... نعس ...حطيت راسي دغيا نعست ... متفقت حتال ...وقت كاسكروط... لقيتهم باقين عندنا ...واش دايرين مغادرة طوعية ... هبطت عندهم ...شربت كويس د أتاي ... و بقيت ممعاهم... جثة بدون دماغ اش غيكون كيدير دابا ... ايكون خدام ...باينة... الله يعاونو و يرضو ليا على خير ...
نمشيو لجيهة أخرى ... بالتحديد عند جاد... لي ممشاش على ود الخدمة ... بل مشا على غرض آخر ... فواحد المنزل جميل و راقي ...
جاد : دابا عندي مراتي ا سارة ...
سارة :اهئ اهئ ... صافي لقيتيها و غتخليني أنا ... لي مخليت مدرت على ودك ...
جاد : قلبي بغاها سمحيليا
سارة : و انا قلبي بغاك اش ذنبي
جاد : منقدرش نخون بنت فجمالها و براءتها ... منقدرش
سارة : (كتبكي ...مشات بالزربة لكوزينة ... هزات موس ) انا بلا بيك منسوا والو ... اهئ اهئ انقتل راسي و ندير حل ... كنفضل الموت ... على نعيش بلا بيك
جاد : (بهدوء) حطي داكشي من يديك
سارة : (بهستيرية) لا لا لا مبغيتش ... بغيت نموت
جاد : (بغا يحيدو ليها ... صدق موعت فيديه )
سارة : اهئ اهئ خليني نموت و نرتاح ...
جاد : (معنقها ) صافي سكتي شوت شوت ...
معطاتوش نفسو ... يخليها فديك الحالة . ... بقا حداها حتى داها النعاس ... حداها و دماغو فالمغرب مع حبيبتو ... كان جاي على ود يحل مشكيل ... صدق واحل د بصح ... بنتو ليا حتى نتوما تخربقتو ... مهم سارة ... كانت حبيبة جاد ... لمدة 3 سنوات ... كان مفهمها أنه مكيبغيهاش ...أنه معتبرها ملجأ لتفريغ الشهوات فقط ... ولكن هي مفهماتش ... و ترجمات تصرفاتو إلى حب ... بين ما هو كان كيحاول يخلصها على داكشي لي كدير معاه بتعاملو ... و بهداياه ... اليوم جا على ...ودها... صدعاتو بالميساجات ... و مشا باش يعلمها أنه تزوج ...باش تخوي طريقوا ساعة ها فاش صدق ... سارة بنت جميلة ... و شهبة ... طويلة بحال شي مونيكة ... جمالها كاوري 100% ... بقا حداها حتى نعسات ... ناض و مشا فحالاتو لوطيل ... بدل و تكا ... كيفكر كيفاش غيدير ... ملقاش حل فضل أنه ينعس حتال الغد و يخمم على خاطرو ...
نرجعو عند فايزة ...
لي قتلها الملل ...جبدات دفتر لي كتكتب فيه .. و أطلقت العنان لمخيلتها كتكتب و تعبر بكل أحاسيسها ... دوزات ساعات و محساتش حتى دخل عندها بابها البيت
الأب : بنتي شكديري
ف : غير كنكنب ابابا
الأب : لاباس ابنتي ... كيفاش عاملوك عائلة صاحبي ... و كيفاش كيعاملك راجلك ...؟؟
ف : الحمد الله ...كلهم عاملوني مزيان ...
الأب : مزيان ابنتي ... منبغيكش تحشميني ولا طيحي ليا راسي الأرض
ف : متخافش ابابا
الأب : الله يرضي عليك ... هبطي تعشاي
ف : واخا
هبطنا بزوج غير نقبت معاهم ... كل مكيهمو هو صورتو قدام الناس ... كملت و طلعت لبيتي ... حطيت راسي ... كنحس بالعيا واخا مكنت كندير والو ايكون حبيبي ناعس دابا... ترخيت وخليت النعاس يديني ... ماهي إلا ثواني حتى كنت في عالم الأحلام ...
أصبحنا و إصبح الملك لله ...
فقت نشيطة بعد الشيئ ... فرحانة معرفتش علاش ... حيت هرسي بقا ليه غير يوماين ... ولا حيت جاد غيجي غدا ... هزيت طيلي ملقيت والو من عندو ... و لكن ميساج من عند ياسمين ... جاوبتها و تفقدت أحوالها ... نضت للدوش قديت روتيني اليومي ... وهبطت لتحت ... بيان سيغ الحفلة عندنا فالدار ... مفهمتش واش معندهمش ديورهم ... (للتذكير عندي 4 ديال خوالاتي ) جلست و بداو علي
خالتي :صباح الخير بلالة العروسة ... كتصبحي خامرة ... راه راجل مكيبغيش العيالات النعاسات ....
ف : صباح النور ... دار راجلي عندهم الخدامات يعني مكين باش نفيق بكري
كول يسدد ... صقلات فطرت و مكليتش بزاف بقاو حاضييني مع كل دغمة ... طلع ليا الزبل لمخي و طلعت لبيتي ... تبعاتني ماما
الأم : مالك ا بنتي مفطرتيش
ف : دوك خواتاتك لي كنحط دغمة كيقنيو علي ....
الأم ؛ حشمي هادوك راه خوالاتك و غير فرحانين بيك
ف : ممم باينة
الأم : المهم اليوم انمشيو فالعشية عند نكافة بغيتك تمشي معانا ... باش تشوفي اش عجبك
ف : واخا ... حتى واحد ميجي يطلع عندي هنا باغة نبقا راسي
الأم : إوا عنداك تسكني
ف : مكين لي ساكني قد عينين خواتاتك
الام : نعام ؟؟
ف ؛ والو
خرجات و سديت علي بالساروت فيا الجوع ... طاحت ليا واحد الفكرة فبالي ... طليت كين غير 2 دلي كارد قدام الباب ... و واحد فالباب الوراني ... امم خالتي كدير الخمار ... لقيتها و الله حتى لقيتها مشيت لماريويا ... لبست(الصورة)سروال تجين ... مزير ... و شوميز قصيرة ... ماكياج خفيف .. و جمعت شعري ... دابا خطوة 2 و هي صعيبة خرجت على صباع رجلي ... مشيت البيت لي كتنعس فيه خالتي ... لقيتو خاوي ... هزيت الخمار ديالها و رجعت لبيتي لبستو ...
لبستو و خرجت ... كنتسلت كيف الشفارة ... حمد الله كلهم كانوا فالصالون ... خارجة من باب وراني ... الكارد شافني و خوا ليا الطريق ... حشم مني ... بالطبع ... بان ليا طاكسي وقفتو و ركبت ... حيدتو على وجهي ... طلبت منو يديني لريسطو ديال ديك المرة بمجرد ماقلت سميتها عرفها ... حيدت داكشي تم هو مسكين مفهم والو ... طويتو بزز باش تخشا ليا فالصاك ... خلصت و خرجت حليت مول الطاكسي مبهود فيا ... كان المطعم خاوي شوية ... حسيت براسي ضعيفة و أن كلشي حاضيني ... شديت بلاصة مقنتة ... جا عندي سرباي ... طلبت فطور ملكي ... مشا و أما بقيت حاضرة راسي ... دماغي كيحاول يعطيني القوة باش نثيق فراسي غير شوية ... هزيت راسي و أخيرا كان الكل منغمس في الأكل ... شفتي هوما كاعما مسوقين ليا و انا ا راسي ... رضيت راسي اللور ... كنشوف فجيهة الباب ... رجعت نشوف قدامي تصدمت ... هادا إمتى جا و شكون جابو ...
الشاب : الحياة مليئة بالصدف شكون قال غادي نعاود نطلاقاو
ف : شكون نت ؟
الشاب : انا سميتي عمر .. <
ف :(هاد السمية مجاتش معاه )
الشاب : ههه عرفتك فاش كتفكري ... شاب مثلي كيفاش اتكون سميتو عمر ...عندك الصح جديني لي سماني
ف : مزيان
الشاب : زربت عليك ياكما بغيتيني نوض ؟
ف : (مترددة ) غير خليك
جا النادل هاز طلبها ... حطو و انصرف ...
بغيتو تعرفو شكون جالس قدامي ... الشاب ديال ديك المرة مول الكارد ... شفتو قدامي تخلعت أذهلت تزلزلت ... هادو كاملين مصطلحات يقدرو يوصفو حالتي ...مقدرتش نجري عليه ... شي حاجة فيه كتجرني و خلاتني باغة نعرف عليه أكثر و أكثر ... كناكل و هو كيشوف فيا ... مخلانيش على خاطري ... و لكن الجوع كان قاضي علي ... مخلانيش نتسوق بزاف...
الشاب : ممكن نعرف سميتك ؟
ف : فايزة
الشاب : مممم اسم جميل ... و ليه معني حيت عائلتك ضروري ميكونو فائزين حيت عندهم بنت بحالك ...و أي واحد كيدوي معاك فائز بحد ذاتو
ف :(حشمانة ) شكرا
عمر : متشكرينيش على الحقيقة
ولد الحرام كيعرف يهضر فينك ياجاد ... كن كنتي هنا كن راني دابا كنتغسل ... معرفتش شنو خلاني نكمل معاه الهضرة ... <
عمر : كنت كنتسنا اتصالك بفارغ الصبر
داك اتصال لي كنت نقدر نموت بسبابو ... ولا كن راني كندوز فمبتسمون رغم الإعاقة... يمكن خاص نقوليه الحقيقة ... مبغيتوش ينوي شي حاجة
ف : حيت أنا مزوجة ...
عمر : (ببرود كأنو متصدمش ... ) ممم حاجة متوقعة ...
ف : (جاوباتو بابتسامة)
عمر : نقدرو نكونوا أصدقاء ؟
سؤال لي صعيب نجاوب عليه لا بنفي لا بإيجاب ...
ف : معرفتش راجلي صعيب ... كراكطير ديالو ... إلا عرفني دابا كندوي معاك ايتقلق مني
عمر : انا سولت فايزة ماشي راجلها ... ؟
ف : اوك
عمر : عندك مايدار ؟؟
ف : فالحقيقة لا و لكن عندي ساعتين و نرجع لدار
ع : ممم كافيانا نوضي نمشيو (جرها من إيديها )
ف; : تسنى نخلص
ع ؛ على حسابي غير يالاه
زرب علي هاد سيد ... معرفتوش اش باغي ...ولا فين غيديني ... وكيفاش على حسابو و مخلصش
ف : علاش مخلصتيش ؟؟
ع : الريسطو ديالو ...
ف : ممم مزيان ... دابا فين غادين
ع : مفاجأة
لقينا واحد موطور كبير ... معرفتش اشنو نوعيتو ... مهم واعر و زوين ...
ع : ركبي
ركبت معاه و أنا كنحس براسي كندير غلط و لكن منقدرش نرفض ... عييت من العيش بدون مشاكيل... حياتي روتينية و ضروري من شوية الحوية فيها و عندي إحساس ... ان هاد السيد هو لي ايقلب ليا حياتي ...