جبروت المرآة

الجزء19

الرؤية تخربقات ليا ... حطيت إيدي على حنكي و حدرت راسي ...
ج :(لوا إيديه على شعرها و جبدها من اللوطو ... كيدوي و الكشاكش خارجين ليه من فمو ) أش قلت ليك على هادا ؟؟ دوي اش قلت لديلمك ...
ف : (كتبكي و توحع ) ايي اهئ قلتي ليا نجمعوا ...
ج : (صرفقها ) و نتي اش درتي ؟
ف : مجمعتو....
مخلاهاش تكمل هضرتها ... نزل عليها بواحد الدقة تلفات على القبلة ...
ج : (كيغوت ) و جايا مقزبة ليا و تعوجي ... حاجتي أنا مكنبغيش يشوفوها الناس فهمتي <
ف :(مخبية وجهها بيديها ... و كتقفقف ) اهئ اهئ
بقات فيه هو يعنقها ... و ما أجمله عناق الأحبة بعد الخصام ... من أجمل العناقات ... كيدل على السلام ... بقا معنقها و هي كتبكي ... حتى فزكات ليه التريكو
ج : شوت نتي خاصك غير علاش ... هاديك التصرفيقة حتى هي يبكيو عليها الناس
ف :(كتنخصص و كتقطع ليها الهضرة ) اهئ اهئ نت ... مكت..حسش... بي...ها داك..شي ع...لاش ...
ج : (سطاتو بكياتها و براءتها مقدرش يمنع نفسو تلاح على فمها كيبوس فيها بيسات حنان كأنها قبلات لمراضاتها و باش يصالحها ... ) يالاه مسحي خنونتك
ف : اويلي خنونة فيناهي ...
ج :هههه (كيمسح ليها دموعها ) هههه غير ضحكت معاك ، فيك الجوع ؟
ف :لا
ج : تبغي تكشي شي بلاصة ؟
ف : نو غير خلينا هنا شوية ...
واخا تكاو على القدام د اللوطو ... حاطة راسها على صدرو ... كتشوف فالبحر قدامها و حبيبها فجنبها ... منظر ولا أروع ... لوهلة تمنيت أن الزمن يوقف فيا ... مكينش بحال هاد الهدوء ... كنستنشق فريحتو ممزوجة مع هواء البحر ... باس ليا جبهتي بقينا هكاك ... حتى واحد مادوا ... بجوجنا متأثرين بعظمة الخالق ... دازت واحد نصف ساعة برد الحال اضطريت أنني تفيقو من سباتو ...
ف :جاد جاني البرد يالله نمشيو
ج : (لوا إيديه على خضرها و قبلها لعنقها قبلة جد ساخنة)
ف : اححح
ج : باقي فيك البرد
ف : (حركات راسها بمعني لا )
ج : ههه يالاه ا شويطينة نمشيو ...
ركبنا فاللوطو... شد ليا إيدي و شبكها مع إيديه و بقا سايق بوحدة مجرد لمستو كتدير فيا لعجب ... وصلنا للدار
ج : غدا عرسنا ... منبغيش نشوف شي حاجة لي تقتلني
ف : واخا
ج : تصبحي على خير ...
ف : و نت من أهلو
هبطت و هو متبعني درت ... و أنا نرجع عندو خشيت وجهي من زاجة بستو ... و هربت
ج : (شاد فقلبو ... و كيدوي بجهد ) مجيتس و قلت ليك شويطينة هههه حمقة ...
دخلت لدار قلبي كيضرب ... تلقست ب بابا فالصالة ... شاف فيا واحد الشوفة د سخط ...
الأب :(معصب ) فين كنتي ؟؟
ف : كنت عند مع جاد
الأب : ام جاد دايرة نتي وياه العرس باش تخرجي معاه ؟؟؟ دوي واش هاد الحالة لابسة ؟؟
ف : (الصمت )
الأب: راني معاك داوي ا لالة فايزة ... (صرفقها ) معنديش البنات لي يخسرو ليا سمعتي فهمتي ... طلعي لبيتك قبل منغلط فيك
طلعت وانا دموعي شلال مدراتنيش التصرفيقة قدما ضراتني الشوهة لي دار ليا قدام خوالاتي و بناتهم; ... بقيت نتنخصص و نبكي و نقول مبكيت صونا طيليفون كان جاد .. جاوبتو
ج :الو حبيبتي...
ف : (كتنخصص مقداتش تدوي )
ج : فايزة اش كاين ...
ف ؛ صمت
ج ؛ جاوبي متسعريش ديلمي ...
ف :اهئ اهئ
ج : حبيبتي مالك ... بشوية عليك حبسي البكا باش نفهمك ...
ف : ضربني ... اهئ اهئ
ج : شكون هذا لي تجرأ وحط عليك إيديه
ف : اهئ اهئ بابا
ج : اوك انا جاي ...
واش غيجي ديال بصح كن غير مقلت ليه والو ... ايصدق غيؤ مجبود ليا أنا صداع ... اهئ اهئ اش هاد الزهر د الزمر ... بقيت على حالي ... داوت دقائق معدودة ... حتى سمعت صوت الطومو جاية مكسيرية وبلاصات قدام دارنا عرفتو هو ...
نمشيو نشوفو اش واقع لتحت :
جاد لي جاي شاعل حتى حد معندو الحق يضرب ليه حبيبتو واخا باها ... دق حلات ليه الخدامة ... دخل و طلع ديريكيت لبيت فايزة ... لقاها كتبكي ... شدها من إيديها و تم خارج بيها ... تلاقا مع باها التحت
الأب : ولدي جاد اش جابك فهاد الليل
ج : جيت ندي مراتي
الأب : ولكن العرس حتال غدا ... باغي تحل علينا الفام و تخرج فينا العيب و العار
ج :الفام كتحلهم على راسك فاش كتضرب بنتك قدام لي سوا و لي ميسوا ... ولا بغيتي نبداو ندويو على الشوهة و العيب ... تفكر عير ولدك لي هارب و محشم منك ماحشم منا حنا ...خلينا محتارمين بعضياتنا .... و مراتي حتى حد معندو الحق يضربها ولات محسوبة علي ... من نهار درنا العقد ...
خرج و داها معاه ركبو فالوطو و هي كتحس بالفخر من داكشي لي دار راجلها ... اتجهو للفيلا ... دخلات سلمو عليها بحفاوة وسلمات عليهم... دخلات لبيتها هي و جاد ... نضراتها اتجاهو كانو نظرات شكر ... مشات للدوش غسلات وجهها ... جبدات بيجاما من ماريو لبساتها و تكات فبلاصتها خلط عليها جاد بسرعة عنقها بجهد ... بحالا كيقوليها أنا معاك و غنبقا ديما معاك ...
ف :(بصوت مبحوح) شكرا حيت دافعتي علي
باسها فجبهتها كإجابة و خلاها ترتاح حيت بكات اليوم بزاف ...دغيا ترخات و داها النعاس ...و حتى هو استسلم للنوم و آخر صورة كانت فراسو هي صورة ملاكو ...
أصبحنا و أصبح الملك لله
فقت بين أحضانه ... حليت عينيا بتثاقل ... كنحس بخوف من بزاف د الحوايج أولهم هاد السيد لي معنقني ... مرة يضربني ...مرة يدافع عليا ... عندو انفصام فالشخصية ... منكرش انني عجبني تصرفوا ... هادشي كيظل على شهامتو الحصول الله يخليه ليا يا ربي ... بقيت كنحنزز فيه حس بيا وفاق ...
ج : (مغمض عينيه) كتزهاي علي يا العفريتة
ف : (حشمات و غمضات عينيها )
ج : (فرمشة عين كان فوق منها مكالي بيديه ... باسها فراسها عويناتها; فحناكها ... قبلات جد بريئة من طرفوا ... ) كيصبحتي ا العروسة
ف : ويلي اليوم عرسنا
ج : وي حبيبتي و ناري لاش ؟
ف : حيت خاصني نمشي حمام و نتقاد; و نبقا نشير لناس و يبقاو يحنززو فيا اوف
ج : أش بان ليك نهربوا ؟
ف : (وسعات عينيها ) بالصح  😍
ج :اه والله
ف : و المصاريف د العرس ؟؟
ج : حنا مالنا يديرو عرس بيناتهم هما نيت
ف : (متحمسة و خايفة فنفس الوقت .... نطقات بدون تففكير )اوك يالاه ...
نضنا بزوج لدوش انا كندير بيبي هو كيحك سنانو و شي ممسوق لشي ... كملنا خرجت صليت ... و لقيت لا فاليز ديالي أصلا مجموعة حيت غنسكن هنا ... هبط جاد لتحت باش يشوف الأحوال ... اغتنمت الفرصة ... قلبت طيلي لقيت ميساج من عمر ""مبروك عليك ... يا أجمل عروس ... فكرني فخطيئتي ... مسحت الميساج و بدلت سمية لي فنمرة درت سناء ... تحسبا لأي شيئ ... حسبت بذنب كبير على رقبتي ... هزيت مكياجي ... و جلست كنتسنا ...
ج : مشينا ؟؟
ف : (بعينين لامعتين ) مشينا
شد ليا فيدي و هبطنا ... تبعنا الكاردبالفاليزات خشاهم اللور فاللوطو ..و تحركنا ...ديمارا; و أنا كنحس بقلبي كيضرب اش غيقولوا علينا الناس و الضياف ... العروسة لي هربات نهار عرسها ... شوهتي غتبقا على كاع اللسانات ...
ج ؛ اراي طيلي ديالك ؟
هاد 3 كلمات كانوا كافيين أنهم يبردوا ليا الماء فالركابي ...ياكما عاق بيا ... ناري والله حتى غيقتلني و دفني فشي غابة ...قلبي كيضرب بحالا كنت كنجري ... فشي ماراتون ... كنشوف فالموت قريبة ... تخنقت و النفس بدات كتطلع ليا ثقيلة
ج : اري  😏
مديتو ليه بتثاقل... شدو و طفاه و ردوا ليا ...
ج : باش واخا يعيطوا ميشدوكش ...
فاش كتكون داير شي زبلة ... كتبقا ديما مخلوع ... و كتولس غير مقروس جاب الله مشافش فيا اما كن عاق بيا... مكنحملش بحال هكا ... كيعجبني نكون شفافة ... منخبي على حد ... ماوالو ...حسيت بالجوع ... كرشي بدات تدوي
ف: فيا الجوع
ج : (شاف فيا بابتسامة جميلة جدا ... ) احنا انفطروا دابا
درت لي زيكوتور و بقيت كنغني معاهم ... مامسوقاش لفين غادة ... مهم نكون معاه ... حسيت باللوطو وقفات حليت عينيا فإذا بي أصدم ... حنا فالريسطو ... عرفتو إن ريسطو ... ديال عمر ... قلبي وقف ...
ف : علاش وقفنا ؟
ج ؛ هبطي ياك باغة تفطري
ف : غير بلاش حتى نوصلو لفين غاديين ...
ج : منقدرش نسوق و أنا مشاربش قهوتي ... هبطي بلا كترة الهضرة ...
نزل و خلاني مع صراع داخلي ... نهبط منهبطش ... نهبط ولي ليها ايها ...بحالا إلا مهبطش غادي غير يخليني عليه فالتيقار ... ايبطتي بزز مني ... و غيصدق عايق بيا ... نزلت و هو يشوف فيا جاد
ج : جمعي شعرك
ف :معنديش باش
ج : (خنزر فيها ) زيدي قدامي ... (شاف ترمتها )و مالك مكروزة علينا ...غير مشفتكش دار ... اما كن خليت دار عشتك على هاد الحوايج ...