جبروت المرآة

الجزء14

خرج من الغرفة و بقيت أنا ... الحمد الله خرجات طريفة ... غير ف2 تصرفيقات واخا خربق ليا الضواسا ديال موخي ... كنفكر ... كن لقا هاديك الكارت اش غيطرا ... غيقتلني ...لا لا ايدفني ... طلع و تابعاه خدامة حطات لينا ... و مشات كناكلوا في صمت ... مرة مرة كيوكلني شي حاجة ... اعجبني اهتمامو بيا ... كملنا و جات الخدامة عاوتاني ...جمعات داكشي
جاد : أنا غنمشي لبيرو عندي شي خدمة ...
ف : واخا نكشي نطل على ياسمين ؟
جاد : لا
ف : (كتدمع )
ج : (شافها ... بقات فيه شحال بكات اليوم ...).اوك.سيري 2 دقائق و ترجعي لبيتك
ف : اوك شكرا ...
خ جنا بزوج... هو اتاحه لبيروه و أنا ... مشيت عند ديك المسخوطة ... شفتها تصدمت ... عينيها منفوخين قد الخلا ... و دايرين ليها الكبص فرجليها ... لحمها كلو زرق ... بقات فيا
ف : ناري ا مسخوطة اش هاد الخالة
ي :داك الجلاخة ردني بحال شي لوحة راسمها بيكاسو
ف : تي اشمن بيكاسو نتي راسماك شعيبية طلال
ي : (حابسة الضحكة ) ههه شوت كيدرني وجهي فاش كنبغي نضحك
ف: هنهه فيناهي ماماك ؟ اتبقاي بوحدك
ي: يالاه مشات لبيتها تبدل و ترجع تبات معايا ...
ف : اوك ...انا غنمشي لبيتي ...قبل ميكمل مابدا ليا ...
ي : سيري احبي سيري
مشيت و أنا متأسفة لحالها و لكن باش عجباتني متفاءلة ... و دايرة بحالا مطرا والو كن كنت أنا كن درت ليهم منذبة ... كن مت اصلا ... بقيت كنشوف فالكولوار علاش منمشيش عندو ... داوني رجلي لبيرو ... حاط قدامو بيسي ... و خدام فيه ... هز راسو و شاف فيا ... ابتسم ... الابتسامة لي كذوبني ولي قليل فين كنشوفها و دوا
ج : توحشتيني بهاد السرعة
ف :(أومأت ب اه )
ج : واخا يالاه نمشيو البيت
ف : نو نو غير خليك (مشات عندو ) أنا انجلس هنايا(أشارت لرجليه ) و نت كمل خدمتك ...
ج : (خلاها تجلس قدامو و تمخشش فيه )
كنحس بالراحة فحضنو أن حتى حاجة مغتوصل ليا ... بقيت كنشم فريحتو ... البنج ديالي ... مرة مرة كيطل علي ... دازت واحد 15 دقيقة ... عينيا كيتلسقوا... محسيتش براسي حتى نعست ...
فاش نعسات فايزة ... هزها جاد لبيت ... حطها و تكا حداها ... كيشوف فيها ... كيحفظ ملامحها ... حيت غيغيب عليها هاد ثلاث أيام ... معنقها و كيشم فريحتها ... مخداش وقت طويل حتى تسلل النوم إلى جفونه ... التحق بحبيبته في عالم الأحلام ... .
أصبحنا و أصبح الملك لله ...
فقت مدكدكة ... مقديتش نحل عيني مورا ديك التصميكة د البارح ... كنحس بيه كيشوف فيا ... واخا مزال محليتهم ... بالفعل ... كان يتفحصني ... شفت فيه ...لوهلة خلينا لغة الأعين تتكلم ... حسيت بالتبوريشة ...
جاد : صباح الخير
ف : صباح النور ... شفتك باقي ممشيتيش ...
جاد : كتجري علي ... مزال عندي الطيارة حتال 11h >
ف : الله يوصلك على خير
جاد : (كيلعب ليها فلحمها ... )البارح كامل و أنا كنتخيل فيك ... بلا سليب ... (عض على فمو )
ف :(تزنكات ... أثارها و لكن معندهاش; الجهد ... عيانة د.بصح ) مفياش عافاك
ج : أنا مكنشاوركش ... (حقق فوجهها بقات فيه ... و خلاها ناض للدوش )
مشا زعفان ... او مالو مكيعياش ...خليتو و جمعت ليه لافاليز معرفتش اش اندير فيها بقيت كنهز و نحط ... حتى عمرت جد باباها ... خرج مكيشوفش فيا ... دخلت انا لدوش... هزيت وجهي ... فالمرايا ... يخ زروقية و قبل العرس... قديت حاجتي و خرجت ... ملقيتوش فالبيت ... هبط يفطر ... صليت ... و لبست بينوار ... و نزلت ....لقيت عمي حتى هو معاهم...
العم : بنتي فايزة ... (عنقها ) كيف دايرة ابنتي مرتاحة معانا
ف : الحمد الله ا عمي ... نورتينا ... <
العم : منورة بوجودك ابنتي ...
ف :ربي خليك ... جلسي تفطري ...
ف : واخا ...
جلست مبانتش ليا ياسمين ... كيغادير تهبط مسكينة ... و هي مهرسة ... كناكل و داك الويل حادر راسو ممسوقش... شحال مبرد ... كن كنت أنا لي دايرة ديك القتلة لختي ... كن هربت ... ميبقاوش يلقاوني ... كملت الحمد الله ... طلع و دار ليا بيديه إشارة تبعيني ... استأذنت منهم ... و تبعتو ...دخلني البيت ...
ج : جلسي
جلست بدون نقاش...
ج : (بصرامة ) الخروج ممنوع إلا بمرافقة ماماك او ماما
ف : و مع يا...
ج : (قاطعها ) ياسمين مهرسة ... معندها كيفاش دير مسكينة ... تخرجي بشعرك مطلوق ... نقطعوا ليك ... تنعسي فالوقت ... متبقايش سهرانة مع طيليفون ... كولي مزيان ...
ف : نسيتي شي حاجة ؟؟  😊
ج : مكنتفلاش ... لي كارد انحطهم قدام الباب ...
ف : الحبس هادا
ج : (قرب ليها ) الحبس ... هو لي غندير ليك لاخالفتي هادشي ...
ف : (كتبلع ريقها ) واخا ...
ج : انا غنمشي ... نتي غيديك الشوفور ... متشديش معاه الهضرة ...
ف : واخا
هز لافاليز ديالو ...تم خارج ... بدون شعور داوني رجلي عندو ... عنقتو من اللور ... شدني من إيدي و دورني عندو ... عنقني تعنيقة د المعقول زعزعني ...
ج : تهلاي فراسك
ف : حتى نت ...
بستو فحنكو ... ابتسم ليا
ف : كنبغيك
اعترفت اه ... منقدرش نخبي حقيقة شعوري
جاد : (معرفش اش يقدر يقول ... ترجمة هضرتو لقبلة على الجبين) غنتعطل بسلامة
ف : بسلامة
مشا ... سديت الباب و تكيت عليه ...الفرحة فعينيا ...تجرأت و عتارفت ليه واخا مقال والو ...مكتهمنيش إجابتو ... مهم هو نخوي قلبي ... مشيت لناموسية ... بقيت كنقز ... و نقز ... حتى سخفت ... دقات خالتي ... حليت ليها ... <
خالتي ؛ مالك ابنتي حمرة و عرقانة ...
ف : والو اخالتي ا كنت كنجمع حوايج ...
خ : واخا ابنتي راه شوفور كيساينك ... و الله ماسخينا بيك ابنتي ... بلاما تدي الحوايج لي هنا ... راه غير 3 أيام و تجي تسكني معانا بخطرة ... إن شاء الله
ف : إن شاء الله ... نيت بلاما نتقل
خ : اه اه ... انا غنهبط ... متعطليش
ف ؛ واخا
مشات ... و اتجهت لماريويا ... لبست جليليبة غوز بيبي ... و سبرديلة خادرة بيضاء ... جمعت شعري الفوق... و درت شال على كتافي ... هزيت صاكي فيهي طيليفون و شارجور ... و خليت شي لاخر حيت عندي كلشي فدارنا ... خرجت و دزت 1عند ياسمين كانت ناعسة مبغيتش نفيقها ... باينة عيانة... هبطت لقيت عمي لتحت ...
العم : انا جيت و نتي هربتي ...
ف : هههه غير 3 أيام و أنا معاكم إن شاء الله ...
العم : إن شاء الله ابنتي ... راني فرحان بيك و كنعتابرك بحالك بحال ياسمين ...
ف :عارفة لي كاين ا عمي ربي خليك ...
خالتي : بنتي فايزة الشوفور كيساينك
ف : اوك خليت ليكم الراحة... سلموا على ياسمين ...
خالتي : مبلغ
لقيت شوفور ... واقف حل ليا الباب ... جلست اللور ... كان سيد كبير فالعمر ... معرفت كيفاش قاليا مندويش معاه باينة فيه دريويش ... طريق كاملة و أنا ساكتة ... تفكيري شاغلو إنسان واحد ... جاد ... ضحكتو ... تغوبيشتو ... عصبيتو ... غيرتو كلشي فيه زوين ... كنحلم ... بحياتنا زوجية كيغاتكون ... رغم أنني خديت فكرة عنها ... إلا أنها مكافياش ...وصلت للدار ... لقيت خالاتي ... كيساينو بحليب و تمر ... عرفت ان الهضرة غتبدا ...
خالتي : مرحبا بعروستنا فايزة
بنتها : ههه أول مرة انشوف عروسة كتروح قبل العرس
خالتي : (قرصاتها ) سكتي ...
ماما :(كتعنق فيا ... واخا كنت مقلقة عليها ... كتعيط على مامات جاد ... و أنا سولات فيا 3 مرات من نهار مشيت ... خاصرة علي 3 ديال مكالمات ... ولكن كنبقا ماما ) توحشتك ابنتي ... خليتي علي الدار خاوية ...
خ : إوا خاصك تولفي ... راه سيمانة جاية اتمشي عليك ...
ف : و لكن انبقا نجي نشوفك
ماما ؛إن شاء الله دخلي ابنتي ...
دخلت لقيت كاع خالاتي ... مستفين ... سلمت عليهم وحدة وحدة ... حناكي ضروني ...
بنت خالتي : مالك ياختي لابسة سبرديلة ... راجلك معندوش باش اشري ليك طالون
ماماها : تي حشمي ... بلعكس ابنتي منورة فأي حاجة لبستيها ...
فايزة : (حشمت و لكت حتال إمتى انبقا ساكتة ليهم ) راجلي لي مخلانيش نلبس طالون ... قاليا نبقا نلبسو غير ليه ...
احح حسيت بيها تقرصات ... حاولات ماما تهدأ ... الموقف و بدات كتدوي على الخياطة ... و الأمور د العرس ... بقيت معاهم حتى وصل وقت الغداء...طلعت لبيتي لبست بيجامة ... و هبطت تغدينا ... فجو د السن و حشيان الهضرة ...كملت و طلعت لبيتي ... نتكا شوية ... هزيت طيليفون لقيت فيه شي 40 ابيل ...نمرة د فرانسا ... اليوم ايقتلني ... اليوم يرجع ليا من تم ( عرفتها من عند خالتي )... يالاه انعيط و هو يصوني
ف : (كنرعد) آلو ...
جاد : (كيغوت )تبارك الله عليك الالة ... فين كنتي ...
ف : غير فالدار و الله كنت جالسة مع الناس ... و مطليتش عليه ...
جاد :آخر مرة ... تعطلي علي ... نتي مراتي ... و مراتي تجاوبني فينما نعيط ... كتفهمي ...
ف : اه
جاد : كين ذكورة عندكم فالدار ؟
ف : لا
جاد ؛ مزيان إلا جا شي واحد واخا من عائلتكم ... متسلميش بالوجه كتفهمي
ف : واخا...كيف وص..
جاد :(قطع عليها )
تفو شحال ممأذبش