جبدت سروال أخضر و تريكو نوار و سبرديلة فالأبيض درت مكياج خفيف و طلقت شعري كنبان زوينة ... كيتزاد غروري كلما أتواجه مع المرأة ... هبطت عند سارة ... شافتني حسيت بشوية د لغيرة تحركات فيها ...
ف : مشينا
س : يالاه
ركبنا فاللوطو ديالي ... شعلت راديو ... جو هادئ ... و بارد شوية
ف : فين بغيتي نمشيو ؟
س : اممم نمشيو لمول بغيت ناخد منلبس معروضة لعرس د صاحبتي غدا ... تبغي تمشي معايا ... راها ضريفة و قاتلي واخا تجيبي لي بغيتي ... عافاك يالاهي معايا
ف: معنديش منلبس
س :إوا صافي احنا انشريو منلبسو ...
ف : اوك
مشينا لمول ... كنحس بيها كتخطط لشي حاجة كنستغفر الله ... و كنحاول نهدأ شكوكي ...خديت كسيوة بالأزرق الغانق و منبتة بالأسود ... عجباتني بزاف ... و سارة خدات كسيوة عريانة ... من الكتاف ... و هابطة حتال الركبة ... شفت فيها و تعجبت انا كل قالو ليا أتموتي كن درت الخمار .... 😂 خرجنا من المحل ...
س :(شدات فيا ) اييي راسي ايييي ...
تخلعت جلستها فواحد الكرسي
ف : اش نقدر ندير ...
س : اراي ليا دوا من ساكي ...
مديت ليها واحد الفنيدة شرباتها دغيا... بقات جالسة واحد 10 دقائق ...
س : يالاه نرجعوا فحالنا ... عييت ...
ف ؛ واخا ...
رجعنا فالدار و انا ذنب يتأكلني كيفاش عطاتني خاطري نشك فيها هي بغاتني غير نكون صديقتها فقط ... كان جاد مزال ماجا ... مشينا كل واحد غرفتو ... لبست بيحامتي و تكيت ... دماغي كيضرني بكترة التفكير ... خاصني نحاول نعيش اللحظة ... و نسا علي كلشي حيت فالأخير غنعيشوا غير مرة وحدة فحياتنا .... سمعت صوت اللوطو ... هو حبيبي جا ... هبطت لتحت ... تسنيتو دخل مع الباب كنشوف أش غيدير... جا عندي بابتسامة عنقني
ج : (كيشم فريحتي )توحشتك
ف : اممم يتوحشك الخير
ج :(خنزر فيها ) سارة الفوق (بغا يرد ليها الصرف )
ف : (ببرود ) اه ...
ج :(جرها من إيديها و خرجها معاه لجردة ) خاصنا نتفاهموا
ف : على أش ؟
ج : على هاد الحالة لي حنا فيها ... بغيتك تسكني معايا هنا ... مغنحبسكش على خدمتك ... و مغنحبسك على والو المهم تكوني حدايا ...
ف : متأكد مغتحبسني على والو ؟؟
ج : وي غير مضسريش ... انا كنبغيك و ممستعدش نخسرك ... و بخصوص سارة
ف : (قاطعاتو ) سارة دوينا صباحو أنا متفهماها ...
ج : (بابتسامة ) كنبغيك ا ملاكي
ف :(تفكرات مريم ) اويلي ا الملاك ... مريم نسيناها ...
ج : مريم صيفطت ليها شوفور .. اتهناي
ف : و باش غيعرفها ... و انا موصياها متركب مع حد
ج : دويت مع المديرة ... و مع مريم حتى هي
ف : امم صافي
ج :فين خليناها
ف : خليناها فبغيت نسولك ... واش مبغيتيش ندوي ليك على عمر
ج :(معصب ) مكيهمنيش الماضي ديالك ... المهم هو تكوني معايا دابا كتفهمي
ف : اوك
نضت و خليتو ... يالاه تصالحنا هو كيغوت علي ... جاني من اللور و ضورني عندو ... تعنيقة حنينة ... حركات ليا أحاسيسي و مشاعيري ... رغم كلشي أنا فرحانة حيت رجعت ليه ... كنبغيه ... و بالبعد منو غير كنزيد نتعذب ...
ج : سمحيليا غوت عليك
ف :(بأنوثة ) مسامحاك بشرط
ج : أمري ا كبيدة
ف :اممم بغيت نمشيو مع سارة غدا لواحد العرس ...
ج : هي لي عرضات عليك
ف : اه
ج :اوك
ف :( باستو فحنكو و هربات ) موااااح ...
ج : هههه حتى نشدك ا فريفرة ...
مشيت و انا فرحانة عنظ البنات قتلهم يحطوا الغداء... هبطات سارة حتى هي جلسنا مجموعين ... بالفرحة كاعما بغات تدوز ليا الماكلة و لكن مبغيتش نبين ... كملنا غدانا ... و رجع جاد للخدمة ... اما أنا فبقيت جالسة ... حتى هبطات ديك الصكعة د سارة ...
سارة : فايزة بغيت نقش
ف : حتى أنا و الله ... اوف
س : عرفتي شنو ... انعيطو على واحد صاحبتي تسيفط لينا شي نقاشة ...
ف : اهاه علاش لا ...
بقيت كنتسنى انا وياها بفارغ الصبر ... حتى سمعنا دقان كانت واحد البنت ... كتندغ المسكة سلمات علينا و جلسات ... بدات بسارة ... و موراها انا نقشات ليا و سالات ... كنحس بإيدي كتحرقني .... غيكون غير دوليو ... شوية حسيت بداك الحريق كيتجهد ..
س : مالك
ف : اهئ اهئ هادشي كيحرق بزاف ...
.. دموع بداو كينزلوا ليا نضت بالزربة ... لطواليط ... غسلت إيدي لقيتها تحفرات ... هزيت ساروت د اللوطو بالزربة و كسيريت لكلينيك د أنس صاحب جاد ... غير دخلت جاو عندي كيتجاراو ... فحصات ليا طبسبة
ط : عندك التهاب حاد فالبشرة د يديك ... عندك الزهر غسلتيهم ... هاد الحناء مسمومة ... فيها واحد المادة دايرة بحال ما قاطع ... غادي نعطيك واحد البوماد تبعيها و من هنا أسبوع غيختفي كلشي إن شاء الله ... و بالنسبة لحريق غنعطسك مهدأت ...
ف : سمحيليا دكتورة نسولك ...
طبيبة : بالطبع تفضلي
ف : واش لي دار ليا هكا عن قصد ولا ممكن يكون خطأ ...
ط : 50% يقدر يكون خطأ ... و البنت لي نقشات ليك يكون تكب ليها عن خطاأ و لا الإناء لي خلطات فيه ... يكون كيحتوي على ديك المادة ...
ف : صافي شكرا ...
خرجت من عندها ... لاوية إيدي ففاصمة ... رجعت للفيلا ... طوموبيلتو عند الباب ... دخلت لقيتو كيتسنا ...
ج : (مخلوع ) حبيبتي مالك ..؟؟؟؟
ف : والو غير الحناء فيها شي حاجة وسببات ليا فواخد الالتهاب
ج : (دار عند سارة ) شي تفسير ا لالة سارة ؟
س :(كتبكي ) والله ما فراسي شي حاجة ... اهئ اهئ
ف :قاتليا طبيبة يقدر يكون خطأ هي مدارت والو ... خليها عليك ...
ج : (جرها من كتفها و طلعها البيت ) تخلعت عليك ... و مديتيش طيلي ديالك
ف : واش انا كنت كنموت بالحريق انشوف ف طيلي اودي الله يهديك ... خود الورقة د دواء... و سير جيبو دغيا
ج :(باسها فخدها ) هي الاولى
مشا ... و خلا قلببي كينزل و يهبط ... غريب ما تستطيع قبلة من عندو أن تفعل بي ... شفت فإيديا جاتني البكية ... زعما تكون دارتها بلعاني ... موحالش ... و لكن علاش هي إيديها مطرا فيهم والو ...اممم و علاش بدات هي الاولى... اسئلة تجول ذهني ... و إجابتهم واضحة و لكنني حاولت أن اتفاداها ...باش نخليها تعيش ما تبقى من حياتها على خير... جا جاد برفقته الدواء ...
ج : اري نصايب ليك ...
مديت ليه إيدي حل الفاصمة هو يتخلع و لكن مبغاش يبين ليا
ف :عطيني فانيد بعدا ...
خديت 2حبات باش منحسش بالألم ... دهن ليا إيدي بزوج و عاود دور فاصمة ...
ف : مريم فيناهي ...
مريم : هانا جيييييت
ف :كبيدتي عمرك طويل توحشتك ا ماما
مريم : عنقاتني حتى انا ... ماما مالك هنا ..؟؟
ف :والو ا بنتي ا تحرقت
م :ياك كنقوليك ديما ردي البال لراسك
ف :يخليلي لي يخاف علي ... اجي حدايا اجي ...
تكيتها حدايا معنقاني ... بقيت ساهية حتى حسيت بعينيا غيتسدو راسهم بفضل المهدأ ... مبغيتش نبقا نتعاقر حيت فعلا محتاجة لراحة ... غمضت عويناتي ... متنمية ... أن يكون الغد أفضل ... ❤
أنت تقرأ
جبروت المرآة
Teen Fictionحزن... حب... دراما...كوميديا... سفالة... جبروت المرآة الاكتر ماغيفهمش العنوان ولكن تقراو وتفهمو دخلوا مغتندموش
