جبروت المرآة

الجزء33

دخلت لبيتي ...
ج : اش بغات منك ؟؟
ف : غنمشي معاها لشي عرس د صاحبتها ...
ج : مكين خروج ...
صونا ليه طيلي ... كانت سارة ... بقات كتبوحط عليه فطيلي و تبكي ... و تعاود تفكرو فالمرض ديالها
ج : اوك اوك
عرفتها قنعاتو منين قال ديك أوك دخلت لدوش ... تشللت باش نخفاف و خرجت ... كنسبغ فضفيراتي ... و هي ناعس و حاضيني ... كملتهم و تكيت حداه على ما نشفوا ... و نضت صيبت شعري ... باقة ساعة يعني باقي الحال ... مشيت عند مريم طليت عليها ... لقيتها ناعسة حتى هي ... هههه عائلة شخارة ...هبطت لتحت خديت كيك و عصير ... شبعت الكريشة ... و عاود رجعت لبيتي ... غسلت سناني ... جبدت كسوتي لبستها جيت كنبان بحال شي أميرة فيها(صورة) ... تقابلت مع المرايا ... ضرت مكياج خفيف ... عجبني راسي ... لبست طالون نوار ... و هزيت بوشيط نوار ...
ج : لا لا نتي واقيلة باغاني نرتكب شي جريمة
ف : (ببراءة) و علاش عاوتاني ...
ج : (سحراتو بعيونها) راه كلشي غياكلك بعينيه
ف : و أنا شنو ذنبي
ج : ذنبك مغتجلسيش حدا راجلك ...
ف : اوف وا غير ساعتين و نجي ...
ج : غنوصلكم ولا بان ليا داكشي ماشي حتال لهيه ... بربي لا عتبتيها ...
ف : و مريم لي ناعسة اتبقا راسها ...
ج :عندوي مع وحدة من بنات تبقا جالسة معاها ...
ف ؛ اوك ...
ناض حتى هو لبس ... كيبدل قدامي ... حسيت بالصهد كيسوط فيا ... كمل ملابسو لقاني حالة فيه فمي ... قرب ليا بشوية ... التقت الشفتين بحل حنان ... طبع على فمي قبلات حنينة ...
ج :ديري عقلك ... راني مزال منسيت ليك فعلة د اليوم ...
ف :(كتمخشش فيه ) سمحليا
ج : نتي ديريها قد راسك و جي تخشاي فيا ... زيدي قدامي قبل ميتنادم معايا الحال ...
خرجت بالزربة قبل نيت ميتنادم معاه الحال ... هبطنا بزوج لقينا ساؤرة كتساين لابسة كسيوة لي شرات و مقادة لحالة جات زوينة ... ركبنا كاملين فاللوطو ركبت انا القدام 😈 ... طريق كاملة و حنا ساكتين ... ماوصلنا حتى جاني النعاس ...
وصلنا لمكان الحفل كان كيبان هادئ و كلاص ...
ج: تفنفني ها و لا ها نحيك ...
ف : متبقاش تهددني ...
ج : نهددك و لا مدرتيش بهضرتي غنقتل دينممك فهمتي و داك الشعر ياك دوينا عليه باغة تستفزيني ياك
ف : اوف وا حبيبي دابا راه وصلنا اخر مرة بليز ...
ج : اوك .
ف : باي ...
هبطت من اللوطو خليتو ا كيشوف ولات فيا زعامة زايدة ياكو واقيلة انجيبها فراسي 😂 ... جات حدايا سارة و دخلنا بزوجنا ... تحت انظار الكل برغم ان ملابسي كانوا عاديين ... إلا و انني قدرت نخترق الأنظار... و نخلي الناس يركزوا علي ... جا نادل هاز مشروب ...
ف : بلا كحول عافاك
مد ليا كاس خالي من الكحول ... و حتى سارة خدات بحالي ... الحفلة كاملة و أنا كنحس بيها تالفة ... بحالا كتسنا شي حاجة ... حاولت نكون حدرة إلى أقص الدرجات ...
س : انا انمشي طواليط و نجي ...
ف : اوك
مشات وخلاتني غريبة ... كملت عصير ديالي ... جا نادل و جاب ليا واحد آخر كان مذاقوا قوي شوية على الأول ... كملتو حتى هو جاني واحد العطش رهيب ... مشيت كنقلب على الماء ... شربت مزيان ... دابا خاص تبان ليا ديك المجحومة د سارة ... قشعتها كتدوي فطيلي مشيت عندها
س : اه هاهي معايا
وقفت موراها ... قشعاتني هي تقطع ...
ف : معامن كنتي كتدوي ؟؟
س : غير مع جاد كان كيسول عليك ...
ف : اه صافي ...
حسيت بالبولة حبساني ... العروسة جاية ... و انا باغة ندخل طواليط بقيت صابرة ... على ما دخلانت و جلسات بلاصتها ... دخلت لطواليط ... الله على راحة ... خرجت هو يعاود يعطيني ناذل واحد الكاس واش هادا حالف فيا بغاني نبات فطواليط ... غير كملتو ... بديت كنحس براسي ترخيت ...
ف : سارة واخا نمشيو بديت كنحس بالعيا ...
س : (بنظرة شيريرة ) واخا ا حبيبة سيري سبقيني للوطو ديالي الكحلة راها قدام الباب انا غنسلم على صحبتي و نتبعك ...
ف : اوك
مبغيتش نبقا نتزايد معاها فالهضرة اصلا كنحس براسي عيانة ... معرفتش اش طرا ليا عينيا غيتغمضوا بالنعاس ... بانت ليا واحد اللوطو كحلة هي لي كاينة تما ...ركبت فيها اللور ... تكيت كنتسنا هاديك الموصيبة تجي ... حسيت براسي ثقال بزاف ... اجي نغمض عينيا بين ما جات ... عير سديتهم حسيت براسي غيبت ماشي نعست ....