جبروت المرآة

الجزء 49

أصبحنا و أصبح الملك لله :
اليوم و مند زمن فقت نشطية ...نضت كنقز لدوش تشللت و خرجت صليت و تقابلت مع الماريو ممم خاصني شي حاجة سيكسي ... باش نمرضوا بالمعقول ...لقيتها لبست واحد كسيوة كري سخونة شوية على ود العجاج ... و درت مكياج عملي ... و طاقت شعري هزيت ساك صغيور ... و لبست طالون فالطري و طلقت شعري ... خرجت من البيت ... كنسمع صداع فالكوزينة .. و الضحك ...
مشيت بالشوية نشوف لقيتهم ... كيطيبوا هو و مريم و الكوزينة ردوها حالتهم و هما كلهم دقيق ... و الأرض طايح فيها البيض ...
ف :(مصدومة)أش هاد الحالة ...
ج : (هاز مريم ) كنصيب أنا و بنتي الفطور عندك شي موشكيل ...
ف : بغيتي تقتل البنت... دقيق لاش باغي تصيب المسمن مثلا ...
م :لا مامابغينا نصيبو الكريب ...
ف : غتسيبوا البغرير ... سيري نتي طيري لبسي باش نوصلك معايا ... راه تعطلتي ...
م : واخا ...
مشات و دخلت أنا لديك الكوزينة ... كنتخطا بشوية ... باش منجيبش ربحة ... و هو غير كيشوف فيا ... غادة لجيهة ثلاج ة هي تزلق ليا رجلي ... جاب الله شقمني ... بغيت ندوز و هو يحاصرني بإيديه
ج : اش هادشي لابسة ؟
ف :سوقك
ج : متبقايش تزايدي معايا فالهضرة ... و أش هاد العكر غادة تخدمي ولا غادة تعطي ل*وامل فاش يتفرجو ...
ف : بحال داكشي (غمزة )
م : هاني جيت ...
ف :انا انجيب ليك متاكلي احبيبتي ...
حمد الله جات فالوقت المناسب ... هزيت قرعة د الحليب...و جبدت كورن فليكس و زلايف و صيبت ليا ب 3 ... و جلست كناكل ...جلس حتى هو حدايا ... مهزيتش فيه راسي ... و اخا كنحس بنظراتو ... متسوقتش ... كملت ماكلة ديالي ...
م : ماما زيديني حليب هنا ...
ج : (القرعة كانت حداه ... خوا لمريم و دار راسو بحالا القرعة زلقات ليه هي تخوا عليها ... )
ف :(مصدومة ... حاطة يديها على فمها ) واش تسطيتي ؟؟؟؟؟
ج : ديزولي مشفتكش ...
ف :كذااااب ... درتيها بلعاني أوف ...اووف ...
نضت كنخبط لبيتي الحمار لاخر أنا غنوريك فايزة شكتسوا .... تقابلت مع الماريو و أنا ندير واحد الضحيكة شريرة ... بغيتي غير التزيار أنا مولاتو ...
هزيت سروال لاصق كارو بيض و كحل ..و تريكو بيض ... مكياجي خليتو هو هو و لبست سبيبيط بلا فالنوار و هزيت سويك صغير فالكري ... خرجت لقيتهم كيتجمعو فديك الروينة ... و مجمعوا والو فالأخير باقا دنيا هي هي
ف : مريامة ... مشينا أ ماما ؟
م : اه انمشيو و لكن ايمشي معانا بابا جاد ...
درت شفت فجاد بان ليا معصب بينا سيغ أيتعصب و انا طريمتي كتبان على بعد أميال ... هههه 😈 شديتها من إيديها و خرجنا هز تجاكيطو ... و خرج حتى هو ... بغيت نكشي نركب فاللوطو لي عطاني مروان ... ساعة داك الزمر مشا ركب فالطومو و ركبات معاه مريم ... يعني اضطريت ... جالسة حداه كنحس براسي مثوترة معرفتش علاش يمكن حيت من شحال ماحضرت لنوبات الغضب ديالو ... حطينا مريم المدرسة ... و بقينا ساكتين ... بان ليا سيد مغاديش لطريق الخدمة ... قلت يمكن ايبدل طريق ... و لكن هادا غادي جيهة الغابة ... ياكما غيدفني و يخليني تما ... لا لا اويلي ... شفت فيه بان ليا حاقد ...
ف : فين غادي بيا ... هادي ماشي طريق الخدمة
ج : صمت
ف : واراه دويت معاك أبنادم فين غادي بيا ...
ج : (كيدوي من تحت سنانو ) من الأحسن تزمي ... ولا غنقتل دينمك ... سمعتي ...
ف : مساكتاش... و مكنخافش منك ..يالاه قتلني ...إوا قتلني ... شكاتسنا ...
ج :(بعصبية و بواحد الصوت بحال الرعدة ) سكتيييييييييي منسمعش حسككككك
قفزني ولد الحرام ... اه على غوت الله على صويت شحال مرجل من شحال هادي مغوت علي شي حد ... اويلي على الهبيلة مغوت علي و فرحانة ...
ف : (استجمعات نفسها ) حسي هو لي غتبقا تسمع فيه حتى تديني لخدمتي ... عرفتي شنو ... حطني هنا ... نمشي بوحدي
ج :(دار فيها واحد الشوفة ... ديال القتيلة )
الله ياربي على شوفة هادا ناوي على خزيت ... اللهم لا نسألك رد القضاء و لكن نسألك اللطف فيه ...ياربي ميقتلنيش راني غا ولية كاعما نقد عليه ... زميت بزز مني ...مبغيتش نزيد نجني على راسي ... دخل وسط الغابة ووقف ... كاين غير شجر داير بينا انا اصلا كتخوغني الغابة ... ناري لا مشا تا دفني هنا مكينش لي يجيب خباري ...
الصمت يعم المكان ... كنتسناه يدوي ...و كيتسناني ندوي ... هو يصوني ليا طيلي هزيتو كان مروان ... باينة على ود الخدمة ... بقيت كنشوف فيه مادار حتى شي حركة
ف : آلو ...
م : صباح الخير ...
ف : صباح النور
م : لباس عليك ... شفتك.مزال ماجيتي الخدمة تشوشت عليك ...لايكون دار ليك.داك الوحش شي حاجة
ف : احم لا لاأنا بيخير ... غير غادة نتعطل شوية (زيرت على طيلي هو يدوز مكبر صوت )
م : اوك بايبي حتى تجي على خاطرك مكيناش شي خدمة مستعجلة
ف ؛ اوك شكرا
م : العفو ازين...
ماجيت فين نقطع هويجر ليا طيلي ... بقيت غير كنشوف فيه ...
ف : عطيني زمري
ج : (قسمو على زوج )
ف :اش درتي واش تسطيتي
ج : (بعصبية ) نتي لي باغة تسطي دين ماي ... مخلياه كيتزلل عليك ... و لكن من حقوا ... كتمشي ليه بهاد الحوايج ... مخاصوش غير يتزلل عليك ... راه خاصو ي*ويك على هاد الحسب ....
ف : (معصبة ) حتارم راسك ... أصلا ماشي شغلك نمشي حتى عريانة ...
ج :(جرني من إيدي بهمجية ... حتى بقات بيناتنا مسافة صغيرررة ... كيدوي و هو ساعر ...) واش بغاني نقتل دينمك ( شد ليا ففكي ) نتي دياليي واش كتفهمي شناهي ديالي ...
ف :(ضرها ففمها و لكن مبغاتش تبكي ) ماشي بزز اي طلقني ...
ج : (زاد زير عليها ) مكيهمنيش ... بغيني ولا متبغينيش ... مهم غتبقاي معايا وليا ... و من اليوم حييدي هاديك الضسارة زايدة و داك.حلان الفم ... غتجيبيها غير فراسك ...
ف : أناني كيهمك غير راسك
ج : (كيدوي معاها و عينيه شاعلة فيهم العافية ) أه أناني حيت بغيتك ليا ... و ميشاركني فيك حتى *امل واخا غير بشوفة ... نقلع ل*حبة مو عينيه ... نتي ديالي كتفهمي شناهي ديالي ...
ف : (كتألم من شدة لي داير ليها ...هبطات دميعة من عينيها و هو يطلقها ) اهئ هادي ماشي هو الحب ... هادي سيطرة ... هادي سلطة و حب تملك ... نت عمرك بغيتيني نت ديما كتشوفني كشيئ غتملكوا كتنسى أنني إنسانة ... و أنني كنحس ...
ج : (أثرات فيه ... تكالما و بدا كيدوي معاها بحنية ) نتي مغتحسيش بيا راه غير نشوف شي واحد كيحنزز فيك كنبغي نتسطا ... أنا ماشي كنبغيك أنا كنعشقك ... سميها كيف بغيتي و لكن الحقيقة باينة ... (مسح ليها عويناتها بلطف ) خلينا نبداو صفحة جديدة بلاما نبقاو كنتعذبو ...