A Thousand Pieces Of Love (Spoken Word Poetry) [On-going]

"Misteryo"

I

May alam ka bang misteryo?

May alam ako. Sasabihin ko sayo.

Nakatago sya sa pusod ng alaala mo -

Ibinaon sa sugat na iniwan ng multo.

II

Nakakasindak ang bawat kaganapan

Kaya't itinago't kinalimutan

Nagmumulto ang anino ng nakaraan

Gugulatin ka't mawiwindang

III

Wag kang maingay,

Maraming nakikinig na galamay

Nagkalat sila at sayo'y sumasabay

Itutulak ka't mahuhulog sa hukay.

IV

Mga mata na buhay sa gabi

Nagmamasid sa tabi-tabi

Naghihintay ng kanilang biktima

Wag lilingon kung nais pang makabalik pa

V

Gumagalang kaluluwa ng nakaraan

Pilit na hinihila ka

Samama ka pa ba? Kung sasaksakin ka na naman

Ililibing ka't ikukulong sa hukay na kanyang ginagawa

VI

Wag magpadala sa kanyang mga bulong

Nakakaakit man, ika'y matutong mabingi

Naghahanap sya ng dugong maiinom

Hanggang sa pati ang puso mo ay kanyang kainin

VII

Sumilip ang kabilugan ng buwan,

Hudyat ng paggising mo, kaya't mata'y iyong imulat

Anino na lamang nya ang nagmumulto

Isa na lamang s'yang misteryong nanggugulo

Bakit pa't binabalikan mo?

~***~

PS. Pahabol sa Halloween!