A Thousand Pieces Of Love (Spoken Word Poetry) [On-going]

"Letra"

Isang letra ang malapit sa puso ko

Si "L" na hindi ako gusto pero mahal ko

Matagal ko nang tinatago 'to

Pero ngayon handa na ako

Ikaw "L" yong larawan na gusto kong makita

Ikaw 'yong musika sa pandinig na hindi nakakasawa

Ikaw 'yong orasan na nagpapabagal ng mundo ko

Ikaw "L" yong pabango na hinahanap-hanap ko

Ikaw 'yong lugar na binabalik-balikan ko

Ikaw 'yong bagay na gusto kong regalo

Ikaw 'yong panaginip na gusto kong magkatotoo

At ikaw 'yong taong pinagdadasal ko

Dumating ka sa akin na parang biro

Parang di tama pero ako'y nagseryoso

Hindi dapat nakipaglaro -

Nang hindi nadapa't nabigo

Nagalusan at dumugo;

Umiyak nang todo;

Napunit ang puso

Pero ngayon muling nabuo

Hindi na malilito sa salitang kaibigan at estranghero

Hindi mo ko kaibigan mas lalong di mo ko kasintahan

Kita mo ang labo, malabong magka-tuluyan tayo

Ngayon pa na, sya na ang minamahal mo,

Bakit ba ako sulat ng sulat tungkol sayo?

Eh bulag ka naman para mabasa 'to.

Hindi pa ako tumatalon, nahulog na ako

At sa isang iglap nauntog pa ako.

Alinman sa kagustuhan ko

Ay walang nagkatotoo

hindi ako magrereklamo

alam kong sya ang ligaya mo

Nakakahilo pero agad akong bumalik sa katinuan

Paikot-ikot na karanasan, kailan kaya mawawakasan?

Gusto ko tumakas sa sarili kong tanikala

At yakapin ang bulong ng tadhana.

Huli na to!

Hindi na ako natutuwa.

Ang corny ko na po sobra.

Sabagay corny naman talaga kapag nagmamahal, 'di ba? Yehiiii :)