A Thousand Pieces Of Love (Spoken Word Poetry) [On-going]

"Nakalipas"

i

Sa paglitaw ng araw -

ang ating mga paa'y sabay na gumagalaw

Sabay na humahakbang sa iisang daan

na wari'y ngumingiti ang langit sa t'wing tayo'y nasisilayan

ii

Napapahampas ang hangin sa ating mga balat

Nagsasaya ang mga dahon at sila'y sa daan ay nagkakalat

Tawagin man ng kalungkutan, sasaya pa rin kahit buha'y minsan maalat

Kay gandang kwento, ang sarap isulat.

iii

Nakaupo ako sa ilalim ng punong kahoy at pinagmamasdan sila -

ang mga taong bumuo ng taon at buhay ko.

Nagtataka ako kung paano ba nagsimula -

na sa lumang pahina ay nalapatan ng bagong kwento.

iv

Sinong tatawagin ko kapag gusto kong ngumiti?

Edi si Ella - na payat pero tumaba na. 

Amazona sya dati pero ngayon mabait na.

Paano kung gusto kong tumawa?

Edi tawagin mo si Roxanne - na kaibigan nya.

Sagot na nya ang walang-kwentang biro, basta ikaw na bahala sa tawa.

Gusto ko nang may pagtitripan?

Yon lang pala e, edi tawagin natin si Regina, yayain natinang dalawa 

para pagtripan sya.

Tiyak kompleto na araw mo, may bonus ka pang sakit ng panga.

Ang saya na sana kaso may problema ako.

Problema ba yan? Nandyan si Ella at Jaycelle para magbigay payo.

Hindi lang payo ibibigay nila sayo pati saki ng ulo.

Okay na ako, nga lang may sekreto ako.

Sekreto ba kamo, nandyan si Liecel na mapagsasabihan mo ng sekreto kung kailangan

mo nang sumabog. Matibay yan, hindi basta-basta napipiyok.

Nagtataka na nga ako, hindi pa sya sumasabog sa dami ng tinatago.

Biruin mo sa kanya kami nagkikwento.

v

Pagsmahin natin silang lima -

para kompleto na ang barkada.

Isama nyo na din ako na tahimik at maldita

 - sabi nila.

vi

Ang dami nang nagbago

Ang kayumanggi ay puti na.

Ang kilay na tuwid ay kurba na.

Ang katawang payat ay taba na.

At ang edad ay nagbabago habang 

ang tangkad ay nananatili pa ring numero.

vii

Napakatagal rin nang simula ko itong balikan -

Hindi mabilang na kasiyahan at kalokohan.

Mga musmos pa at di pa alintana ang hinaharap -

Mula sa kung paano nabuo ang pangarap

 hanggang sa pangrapin ang pangarap.

vii

Nagbabago ang taon, lumilipas ang panahon.

Unti-unti nitong kinukuha ang mga oras nating magkakasama

Panakaw-oras na lang kung tayo'y magkita-kita

Hindi na mabuo-buo ang barkada.

viii

Ang dating sabay na naglalakad sa parehong daan -

Ay humiwalay na't pinili ang ibangdireksyon.

Ito ang katotohanang dapat tandaan -

'Di sa lahat ng panahon, kagaya pa rin sa dati ang ating sitwasyon.

ix

Naisin ko man ibalik ang oras na nakalipas -

Ay di ko na magagawa.

Tanging ang paglipat na lang ng pahina ang aking kaya.

Sa isipan at imahinasyon ko na lang mabubuo 

At sa pagsulat ko na madudugtungan ang ating mga kwento.

x

Angkinin nyo ang bawat sukat at tugma -

Kayo ang salamin ng bawat letra.

Nilalaman kayo ng aking libong pahina 

At ng daan-daang kabanata.

~~~

PS: Dedicated 'to sa mga friends ko na nag-stay pa rin sa akin kahit ang maldita ko. Hahaha namiss ko lang sila kaya napa-drama ako. :)