Bam Bam စိတ်တွေ အလွန်လှုပ်ရှားနေသလို အစ်ကို Ji Hyun ပြန်မလာပါစေနဲ့လည်းဆုတောင်းမိနေသည်။
အစ်ကို Ji Hyunက သူ့ထက်၈နှစ်မျှကြီးသည်။
အစ်ကို Jae Hyunကတော့ ၅နှစ်ပေါ့။
အရင်က သူတို့ Song gp မှာ အတော်အတန်နာမည်ရသောကုမ္ပဏီဖစ်ပေမယ့်ယခုမှာအစ်ကို Ji Hyun ၏ အထိန်းအသိမ်းညံ မှု အခွန်ငွေတွေ အလွဲသုံးစားလုပ်မှုကြောင့်အခွံသက်သက်သာကျန်တော့သည်။
အဲကိစ္စကိုဖြေရှင်းရန်မိသားစုအားလုံး တိုင်ပင်သည့်အဖြေက သူတို့ထက်အင်အားကြီး ကုမ္ပဏီဖြစ်သော MK gp မှ အကူအညီယူရန်ဖြစ်သည်။
အကူအညီဟုဆိုသော်လည်း တကယ်တမ်းပြောရရင်သူ့ဘဝနှင့်ကုမ္ပဏီ ကို အလဲအထပ်လုပ်ရတော့မည်။
"တီး.....တောင်"
တံခါးဘဲလ်သံသည်ယနေ့အတွက်တော့ သူ့အတွက်ခြောက်ခြားစရာ တစ်ခုဖြစ်နေသည်။
တံခါးဘဲလ်သံကြားကြားခြင်း Song သခင်မ မျက်နှာသည်ရေငတ်နေသူရေတွင်းတွေ့သည့်အလား ဝင်းပလာပြီးနောက်
"Bam Bam မင်းကို အမေယုံမယ်နော်"
Song သခင်မသည်ခါတိုင်းခါမူ သူ့ကိုယ်သူ လူအများရှေ့မှလွဲရင်အမေဟူသည့်နာမ်စားကို မသုံးခဲ့ဘူးပေမယ့်ယခုတော့ ကိုယ်ကျိုးအတွက်အမေဟူသည့်နာမ်စားကိုပင်သုံးနေသည်။
"Da Hyunလေးက အသက်မပြည့်သေးလို့ မင်းကိုအကူအညီတောင်းရတာပါ"
အဲတာဆိုရင်အစ်ကိုနှစ်ယောက်ကို ဘာကြောင့်မလုပ်ခိုင်းတာလဲဟုမေးလိုက်ချင်သည်။
Da Hyun အသက်၁၈ နှစ်မပြည့်ဟူသော အကြောင်းပြချက်ကြောင့်ကျွန်တော်လိုယောင်္ကျားတစ်ယောက်က အခြားယောင်္ကျားနှင့်အတူနေရတော့မှာလားဟုမေးလိုက်ချင်သည်။
စိတ်ကို အတည်ငြိမ်ဆုံးထားပြီး ပျားသံပရာရည်ခွက်ကို ကိုင်ကာ အပေါ်ထပ်သို့ တစ်လှမ်းချင်းတက်ခဲ့သည်။
