Markအောက်ထပ်ဆင်းလာတော့ တစ်ခုခုကိုပြောနေကြတဲ့ Song သားအမိတွေက တန်းတိတ်သွားသည်။
ကြည့်ရတာ သူတို့သားကိုမနက်စာလုပ်ခိုင်းလို့နေမှာပေါ့
Mark အတွေးနဲ့ကွဲလွဲစွာ သားအမိတွေပြောနေကြတဲ့အကြောင်းက လက်ထပ်သွားတဲ့ Bam Bamတစ်ယောက်သူ့ အလုပ်တွေ အကုန်လစ်ဟင်းနေလို့ အပြစ်ပြောနေကြခြင်းဖြစ်သည်။
သိပ်မကြာပါကျောင်းအင်္ကျီလေးနဲ့ Bam Bam ကဆင်းလာပြီး ထမင်းဝိုင်းပြင်နေသည့်အဒေါ်ကြီးကိုကူပေးနေသည်။
Mark စိတ်ထဲထူးဆန်းသွားသည်။
ဘာဖြစ်လို့ဆို Bam Bam အလုပ်လုပ်နေတဲ့ပုံက ပုံမှန်လုပ်နေကြလိုဖြစ်နေလို့လေ
ထမင်းစားတော့ မိသားစုစုံတုန်းBam Bam ကိုခိုင်းပြချင်တာနဲ့
"Bam Bam ငါ့ကို အသီးဖျော်ရည်လေးတစ်ခွက်လုပ်ပေး...ပြီးတော့မှတ်ထား ငါမနက်စာစားတိုင်းလုပ်ထားပေး"
"ဟုတ်....ဦး"
Mark ကိုပြောပြီး Bam Bamလည်းရှိတဲ့အသီးကိုအရည်လုပ်ပေးပြီး ထမင်းစားမလို့ပြင်နေတုန်း
"အာ....မေ့သွားတာငါက ပန်းသီးဖျော်ရည်ပဲသောက်တာ"
"ဗျာ...ဟိုပန်းသီးကအခုအိမ်မှာမရှိလို့ ဦးသောက်ချင်ရင်ကျွန်တော်အမြန်သွားဝယ်"
"နေပါစေ...နောက်နေ့မဖြစ်စေနဲ့ အခုတော့မင်းလည်းထမင်းစားတော့ ငါလိုက်ပို့ရမှာဆိုတော့"
"ဟုတ်...ဟုတ်ကဲ့ဦး"
အိမ်သားတွေကတော့ သူတို့စကားဝိုင်းထဲမပါ...ဒါပေမယ့်မသိမသာအကဲခတ်နေကြသည်။
"အော်...ဒါနဲ့ မင်းက ဘာဖြစ်လို့အချိန်ပိုင်း အလုပ်လုပ်နေတာလဲ"
"ဟို...ဟိုအဲဒါက"
"သားက သူ့သူငယ်ချင်းတွေ လုပ်တာမြင်တော့ သူလည်း လုပ်ချင်လို့တဲ့လေ အစကတော့အန်တီလည်းသဘောမတူဘူးလေ ဒါပေမယ့်သားက အစာအငတ်ခံပြီး ဆန္ဒပြနေတော့ အန်တီလည်းမလွဲသာလို့ ခွင့်ပြုပေးလိုက်ရတာ"
သူ့အမေကဝင်ပြောလာသည်။
