"ငါ့ လက်စွပ်ပျောက်တာ နင့်လက်ချက်မလား ဟင်ပြောစမ်းပါ မယားငယ်မသားရဲ့ ဟင် လူလေးက လက်တောက်လောက်လေးရှိသေးတယ် ခိုးတတ်နေပြီ အဲတာမို့ဗီဇဆိုတာဖြောက်ဖျတ်လို့မရဘူးပြောတာ အမေဖြစ်တဲ့သူက သူများယောင်္ကျားကိုခိုးမှတော့ သားဖြစ်တဲ့သူကလည်း ခိုးတတ်တာမဆန်းပါဘူး"
"သား......သား မလုပ်ပါဘူး သခင်မကြီး သား သားမသိပါဘူး"
"တိတ်စမ်း ဘယ်သူခိုးကခိုးတယ်လို့ ပြောမလဲ နားကြားပြင်းကတ်တယ် ဒီနေ့ကစပြီး မနက်စာနဲ့ ညစာစားရမယ်မထင်နဲ့ နေ့လည်စာတောင်မကောင်းတတ်လို့ကျွေးတာဟွန့်"
မဲမှောင်နေသော အခန်းထဲ၀ယ် ၅နှစ်အရွယ် ကလေးအား အသက် ၃၀ ကျော် ၄၀ ၀န်းကျင်အမျိုးသမီးမှ လက်စွပ်ပျောက်၍ ဆူပူနေခြင်းပင်
.........
"မေမေ အီး.....ဟီး....သားကြောက်တယ်လာကယ်ပါ မေမေ အီး......
ကို ကို တံခါးဖွင့်ပေးပါ နောက်ခါကိုကို့ ကစားစရာတွေလည်း မထိတော့ပါဘူး .....သားကြောက်လို့ပါ"
ဗီရိုထဲတွင် ငိုနေသော ၆နှစ်အရွယ်ကလေးလေး တရားခံဖြစ်သူအစ်ကိုများကတော့ သော့ခတ်ကာ ကလေးငယ်အားချန်ထားခဲ့လေသည်။
..............
"သမီးလေး လာပါဦး ဘယ်သူနဲ့ဆော့နေတာလဲ"
"Bam Bam နဲ့ဆော့နေတာမေမေ သူက သမီးကို မြင်း လုပ်ပေးတယ် ကစားလို့အရမ်းကောင်းတာပဲ"
"သမီးရဲ့ သမီးက မင်းသမီးလေးလေ မင်းသမီးလေးက အစေခံနဲ့မပေါင်းရဘူးသမီးရဲ့ အစေခံဆိုတာ အစေခံလိုပဲဆက်ဆံရတယ်"
"ဒါပေမယ့် သမီးကမြင်းစီးချင်တာကို Bam Bam ကတက်စီးလို့ကောင်းတယ်မေမေ"
"အဲတာဆိုမေမေ့ကိုကတိပေးအစေခံကိုအစေခံလိုပဲဆက်ဆံရမယ်နော်"
၇နှစ်အရွယ် ဘာမှနားမလည်တဲ့ကလေးက အစေခံလိုဆက်ဆံရဖို့ မွေးဖွားလာတာလား
...........
"Bam Bam ငါ့စာတွေကူးပြီးပြီလား"
"သား....သား....ညက ရေးပေမယ့်မပြီးသေးဘူးကိုကို"
"တော်စမ်းပါ ရေသာခိုရင်ခိုတယ်ပေါ့ မပြီးသေးဘူးတွေလုပ်နေတာ မင်းလိုကောင်မျိုး မျက်နှာသာပေးလို့ကိုမရဘူး"
