အိမ်ပေါ်တီအောက်မှ ကားဟွန်းသံကြားသည်နှင့် တီဗီကြည့်နေသော Bam Bam လည်း အိမ်ရှေ့သို့ထွက်လာခဲ့လေသည်။
၄လကျော်နေသော အမွှာဗိုက်ကလေးနှင့် လှုပ်တုတ်လှုပ်တုတ်ထွက်လာသော Bam Bam မှာ တနေ့တခြားအိမ်တွင်းအောင်းလာခြင်းနှင့် Hoodie ဖြူဖြူနှင့် ချည်သားဘောင်းဘီ အဖြူရောင်တို့၀တ်ထားခြင်းတို့ကြောင့် ယုန်ဖြူလုံးလေးနှင့်တူနေသည်။
တစ်နေကုန်ကုမ္ပဏီမှာ ပင်ပန်းခဲ့သော Mark Tuan မှာချစ်ခင်ပွန်းလေး၏ မျက်နှာကိုမြင်လိုက်သည်နှင့် တစ်နေ့တာအမောများယူပစ်လိုက်သည့်အတိုင်း ကင်းစင်ပပျောက်သွားသည်။
Bam Bamသည် ဆန့်တန်းပေးလာသော Mark ၏ ရင်ခွင်ထဲသို့၀င်၍
"လာပါဦး ကိုယ့်ရဲ့အမောပြေလေးရဲ့ ဒီနေ့ အဆင်ပြေရဲ့လား"
"အွန်း....ဒီနေ့ကလေးတွေက လိမ္မာတယ်ထင်တယ် ပြည်ကြီးငါးသုတ်နဲ့စားတာ ထမင်းသုံးပန်းကန်တောင်ကုန်တယ်"ဟု လက်သုံးချောင်းထောင်ပြီး ပြောလာသည်မှာ မူကြိုကလေးက ကျောင်းတွင်ဖြစ်ပျက်သမျှကို လာကြိုသောမိဘကို ပြန်ပြောနေသည့်ကလေးအလား
ဟိုးတစ်လောက မင်္ဂလာပွဲနှင့်ပင်ပန်းသည်ထင် သိပ်စားမ၀င်လို့Markတောင်စိတ်ပူစွာအားဆေးတွေတိုက်ခဲ့ရတာ အခုလိုစား၀င်တယ်ဆိုတော့ တော်သေးသည်ပြောရမည်။
အသည်းယားလွန်း၍ ပါးနှစ်ဘက်ကိုမွှေးကြူမိပြီး
"အားရီးဂူး ထမင်းသုံးပန်းကန်တောင်လား ကိုယ့်ကလေးတော့ဒီလိုသာဆို ၀လာတော့မှာပဲ"
ဟုစမိတော့ နှုတ်ခမ်းတထော်ထော်နှင့်
"ကလေး စားချင်လို့စားတာမဟုတ်ပါဘူးနော် ဦးသားနှင့် သမီး အတွက်ပါစားရတာလေ "
ဟုအသဲယားစွာပြန်ပြောလာသည်။
ဒီကလေးသည် မင်္ဂလာဆောင်ပြီးနောက်မှာ သူ့ကိုယ်သူ ကျွန်တော်ဆိုသည့် နာမ်စားအစား ကလေးဆိုသည့်နာမ်စားပါထည့်ထည့်သုံးလာသည်။
အဲလိုအချက်တွေကြောင့် သူမှာ ဒီဗိုက်ပူလေးကို အချစ်ပိုလာနေရသည်။
အိမ်ခန်းထဲရောက်ပြီဖြစ်၍ Mark ဆီမှ အိတ်ကို လွှဲယူပြီးစာကြည့်စားပွဲဆီတင်ပေးသည်။
