MONTGOMERY 7 : Free Fall

Ikalabing-tatlong Tugtog

Mysteriously Enchanting

"Open po ba itong place na 'to for public?" Tanong ko sa matandang lalaking sumundo sa amin.

Nakasakay kami sa isang yate para dalhin kami sa aming destinasyon. Ayon kay Manong Bert, isang isla raw ang pupuntahan namin. Naroroon daw ang kaibigan ni Clyde sapagkat siya ang nagmamayari ng isla na iyon.

I bet it will be beautiful. Nakikita ko sa mga mata ni Clyde na inaasam niya talaga na makabalik sa lugar na 'yon.

I wonder how beautiful it will be.

"Mga imbitadong kaibigan lang po ang nakakarating sa isla ni Sir Andrei. Hindi pa po niya ito binubuksan para sa lahat at hindi ko po alam kung mangyayari pa iyon."

Mas lalong umapaw ang kuryosidad mula sa akin kaya naman hinugot ko ang aking lakas ng loob.

"Bakit naman po?"

"Espesyal po kasi kay Sir Andrei ang isla na iyon. Gusto raw niyang mapreserba ang kung anong mayroon ito."

Napatango ako. Somehow I kind of understand where he is coming from. As a travel enthusiast, napakaraming magagandang lugar na ang mga nakita ko at kung may pagpipilian lang ako, marahil ay pipiliin kong mapangalagaan nalamang ang mga lugar na iyon kahit na maging sarado na ang mga ito para sa karamihan ng mga tao.

But of course, I can only hope that people will take care of what we have. Hanggang hindi pa huli ang lahat.

"So..." Tulip trailed. "Kahit po yung palengke, hindi po bukas sa publiko? Wala po kasi akong napansin na turista kanina."

Isang iling ang naging sagot ni Manong Bert.

"Sa buong lupain ng mga Del Cid, tanging ang palengke lamang ang bukas para sa lahat. Kailangan ito dahil ito lamang ang daan papunta sa isla at papunta sa rancho. Pero wala masyadong turista dahil sarado ang isla at rancho. Wala naman mapupuntahan ang mga tao rito maliban sa dalawang lugar na iyon."

"Akala ko, pag may ganito kang lupa, magiging business minded ka na agad. Hindi pala." Komento ni Ate Alice.

"Malaking gulo ang meron sa magkakapatid na Del Cid. Kahit ako ay walang lakas ng loob buksan ang kwento nila at kung bakit hanggang ngayon ay walang pagkakaisa sa lupain na ito. Napakalaking potensyal ang mayroon ang lupain nila. Buwan-buwan ay may pumupuntang mga gusto mamuhunan sa lupain na ito pero away at gulo lang ang dala tuwing may ga'nong usapin. Laking pasasalamat ko nalang na kay Sir Andrei ako napunta dahil siya ang pinakamabait sa lahat ng magkakapatid."

"Oh yeah, I heard it from Andrei before. Ayaw niyang sabihin ang buong kwento pero alam kong hindi sila magkakasundo ng mga kapatid niya. Muntik pa siyang tumigil sa pag-aaral noon dahil magulo pa raw sa pamilya nila. He wants to save his island so he fought for it for a year or two." Ani Clyde na tila inaalala ang mga detalye.

"Is this some sort of telenovela?" Tanong ni Ate Alice sa akin dahil nasa tabi ko siya.

Nagkibit-balikat nalamang ako dahil hindi ko rin maintindihan.

"Ilan po ba silang magkakapatid?" Tanong ni Simon.

"Let's not be chismoso, Simon." Ani Ate Alice.

Simon shrugged. "We will stay here for days, mas maganda ng may alam tayo sa lugar na 'to."

"Tatlo." Tugon ni Manong Bert. "Nang mamatay ang ama nila, ipinama nito ang rancho kay Sir Gabriel, ang isla kay Sir Andrei at ang pamamahala ng bayan kay Sir Amell. Hindi magkasundo ang tatlong magkapatid pero mukhang naaayos na si Sir Andrei at Sir Amell."

Tumayo ako at hinayaan na magkwento ang matanda. Tinungo ko ang open space ng yate para langhapin ang sariwang hangin. Pumwesto ako sa gilid kung saan hindi nila ako nakikita, sapat lamang para marinig ko ng kaunti ang kine-kwento pa tungkol sa lugar na ito.