MONTGOMERY 7 : Free Fall

Ikalabing-dalawang Tugtog

Smile

"Ito ang bayan ng Del Cid."

Napatingin ako sa labas ng bintana nang banggitin ni Clyde kung nasaan na kami. I know the place by name because he was telling me about it non-stop but I never knew that there is really a place like this.

Bumungad sa aking paningin ang isang abalang palengke. Pamilyar sa akin ang ganitong pamumuhay dahil nakita ko na rin ito sa Argao noon pero mas simple ang nakikita ko ngayon. Walang cellphone akong nakikita na hawak ng mga taong naglalakad, tanging ngiti lamang ang kanilang mga bitbit habang maya't maya ay bumabati sa mga nakakasalubong.

Mga taong simple lamang ang suot ang dumadaan sa aming gilid upang pumunta sa kanilang destinasyon. Wala akong makitang ibang kotse maliban ang sa amin at ang dala ni Simon. Pero bago ko pa matanong kung paano ang transportasyon ay napansin ko na ang mga tricycle at bisikleta sa paligid.

"I thought we'll go to a resort? Hindi ko naman alam na sa probinsya pala. We could have visited Argao nalang kung gusto niyo ng ganitong ambiance." Rinig kong komento ni Ate Alice sa likuran.

Natigil ako sa pag tingin sa labas dahil doon. Gusto kong mag salita at sabihin na ayos lang naman dito, I really have no problem with the place.

Resort man o hindi, this place looks peaceful. 'Yon naman ang gusto ni Clyde— ang makapag-relax kami.

I heard him sigh. "Al, hindi kita pinilit sumama rito. In the first place, this trip is only for me and Lia. Hindi ko nga alam kung bakit kayo sumama ngayon."

His voice sounded so calm and unbothered, opposite from his expression that looked pissed.

"So ayaw mo kaming sumama?" Biglang punto ni Ate Alice.

Napalingon si Clyde sa kanilang gawi pero mabilis din binalik ang tingin sa daan.

Napailing siya. "I didn't say that."

"Well, 'yon ang pinapakita mo. Baka nakakalimutan mo na may kasama ka rito na hindi mo pagmamay-ari? Lahat tayo rito ay saling-pusa lang."

"Alice." Banta ni Agatha na kakagising lamang.

Napaiwas nalamang ako ng tingin at napahawak sa aking buhok. Bumigat ang puso ko sa naging paninimula ng araw pero mabilis ko 'yon winaksi dahil alam kong malulungkot si Clyde pag nakita niyang apektado ako.

This trip, whether with his cousins or not, should be enjoyed by us.

This vacation is for me and Clyde. 'Yon ang dapat kong isipin. Kung may mag aadjust man sa bakasyon na 'to, hindi kami 'yon.

"What? Totoo naman? Nagiging entitled na siya." Ani Ate Alice.

"Still, Alice. Whatever thinking you have right now, it doesn't change the fact that we only invited ourselves. Tayo ang sumama. Tayo ang makikisama. Isa pa, nakakalimutan mo ata na pinsan natin si Clyde."

"Pinsan din namin ang kapatid mo, Gath. Hindi man lang ba niya naisip na hindi pa ayos si Angelo para magbakasyon sila ni Lia ngayon?"

Nagulat ako sa namutawi sa bibig ni Ate Alice, hindi ko alam kung ano ba tong nararamdaman ko.

Kung pwede lang mag-laho nalang ngayon ay ginawa ko na. Kung ganito lang pala ang magiging bakasyon namin ay sanang pinilit ko nalang umuwi si Clyde ng Singapore.

Napatingin ako kay Clyde at nakitang nagtagis ang kanyang bagang. Inabot ko ang kanyang braso at marahang pinisil 'yon.

"Alice, hindi na ako natutuwa sa mga pinagsasabi mo." Muling banta ni Agatha pero sa pagkakataong ito ay mas seryoso at mapagtimpi.