Your Love | SUGA.

34

ئەو مەرجانەی کە ئەوان بۆ منیان دانا،
لە بەزەییاندا نەبوو بۆ من!
بەڵکو لە پێناو گەورەکردن و پەروەردەکردنی من بوو وەک بەشێک لە ئەوان و شووشتنەوەی بێ تاوانی منداڵێکی بێ ئاگا بوو لە سامناکی و دڵڕەقی جیهان.

یارمەتیمدان،
لەگەڵیاندا لە سەخترین کاتەکاندا ڕامکرد،
وە لە پێناویشیاندا قێزەوەنترین کارم کرد،
کە ئەویش دزین بوو!

تەمەنم بوو بە ٢٢'ساڵ و تەمەنێکم لە ژێر فرمانەکانی ئەواندا بەڕێ کرد،
تا ئەو ڕۆژەی کە فرمانیان پێکردم کەسێک بکوژم!
ڕازی بووم بە فرمانەکەیان و پێم گوتن کە جیاوازتر لە جاران پێش کردنی کارەکە پارەکەم بدەنێ،
ڕازی بوون بە پێشنیارەکەم و پارەکەیان دامێ.

ئەو شەوەی کە فرمانێکی لەو شێوەیەیان دامێ!
بڕیارمدا کە هەموو پارەکانیان کۆکەمەوە و لەو شوێنە بەهەتا هەتایی بڕۆم،
وە بێگومان لەبەر ئەوەی کە من شوێنی نهێنی حەشاردانی پارەکەیانم دەزانی!
کارەکە بۆ من زۆر ئاسانتر بوو..،

کەلوپەلەکانی خۆمم کۆکردەوە و پاشان بە هێمنی چوومە ئەو ژوورەی کە پارەکانی تێدا حەشاردرابوو،
پارەکانم خستە ناو ئەو جانتا ڕەشەوەی کە کەلوپەلەکانی خۆمی تێدا بوو،
پاشانیش لەوێ بە هێمنی هاتمە دەرەوە،
تا ئەو کاتەی کە ئاماژەم بە پێیەکانم دا کە هەنگاوی خێرا بنێن..،

ڕامکرد و ڕامکرد،
تا ئەو کاتەی کە زۆر لە شوێنی کارکردنی ئەو پیاوە سامناکانە دوور کەوتمەوە و لە پاڕکێک نزیکبوومەوە و بڕیارمدا کە کەمێک پشوو بدەم،
چوومە ناو پاڕکەکەوە و پاشان لەسەر کورسییەک دانیشتم و جانتاکەم لە زاویدا بە بێزاری دانا،
بۆماوەیەک لەوێدا دانیشتم و پاشان دوای ئەوەی کە زانیم پێویستەکات ئیتر بڕۆم پێش ئەوەی کە تووشی هەر کێشەیەک بم!
هاتمە دەرەوە لە پاڕکەکە و پاشان تەماشای کاتژمێرەکەی دەستم کرد،
کاتژمێر ١:٣٤'ی نیوەشەو بوو.

بە بێزارییەوە شەقامە بێدەنگەکانم بڕی،
تا ئەو کاتەی کە بە شەقامێکدا تێپەڕبووم،
کە پڕ بوو لە کەسانی هەژار و بێ پارە و ماڵ،
لەوێدا جانتەکەم هێنایە خوارەوە لە سەر پشتم و ئەو پارانەم دەرهێنا کە ئەمشەو لە پیاوەکانم برد،
لە کەسە هەژارەکانی سەر شەقامەکان نزیکبوومەوە کە زۆر بە هێمنی خەوتبوون،
وەک ئەوەی هیچ کێشەیەک بەرۆکی ئەوانیان نەگرتبێ،
تەماشای پارەکانی ناو دەستم کرد و پاشان بڕێکم لەو پارانە لەژێر پشتییەکەیاندا بۆ هەر کەسێکیان دانا کە لەوێدا خەوتبوون.

هەرگیز ڕۆژێک لە ڕۆژان بیرم لە کوشتنی کەسێک نەکردۆتەوە وە هەرگیز بیریشی لێ ناکەمەوە،
چونکە هێشتا ئەو مرۆڤە پاکەی ناو ناخم ماوە کە داوام لێدەکات میهربانی و دڵسۆز دڵێکی تاریک بەرەو ڕووی کەسانێک بکەمەوە کە لەم جیهانەدا زۆر پێویستیان پێیەتی،
هەموو ئەو کارانەی کە ئەمشەو کردم!
تەنها لە پێناو ڕزگارکردنی خۆم بوو لە دونیایەکی پیس و دڵخۆشکردنی کەسانێک بوو بەو پارەیەی کە هەرگیز بە خەونیش نەیان دەتوانی بیگەنێ،
چونکە من نە پێویستم بە پارەیەکی لەو شێوەیەیە کە بەو جۆرە بەدەستبهێنرێ!
وە هەرگیزیش لە پێناو پەناگەیەکدا کارێکی لەو شێوەیە ناکەم و خوێنی کەسێک بەدەستەکانم ناشۆمەوە.

ڕۆژە سەختەکان تێپەڕین و منیش دوای ئەوەی بە دوای کارێکی گونجاودا گەڕام!
توانیم لە مارکێتێکی گونجاو و ناوازەدا کاربکەم بە بڕە پارەیەکی باش،
کە بەشی بژێوی ژیانی دەکردم،
بەڵام لێرەوە زۆر لە شتەکان گۆڕان.!،
کەوتمە داوی خۆشەویستی کچێکەوە کە بەبەردەوامی دەهاتە ئەو شوێنەی کە کارم تیادا دەکرد،
زۆرم هەوڵمدەدا کە هەستەکانمی بۆ دەرببڕم،
بەڵام نەمدەتوانی،
چونکە هەستم دەکرد کە شایەنی ئەوە نەبم کە ببمە خۆشەویستێکی نموونەیی بۆ ڕووخسارێکی جوان و گەشاوەی وەک ئەو،
بەڵام لە کۆتاییدا بڕیارمدا کە هەستەکانمی پێ بڵێم و ئامادەشبم بۆ هەر ڕەتکردنەوەیەک یاخوود بۆ هەر وشەیەکی هەست بریندارکەر.

کچەکە بۆ ڕۆژی دوایی هاتەوە بۆ مارکێتەکە و پاشان بەهەمان شێوەی جاران کەمێک کەلوپەلی کڕی و لە سەر مێزەکەی بەردمم داینا و چاوەڕێی ئەوەی دەکرد کە نرخی شت و مەکەکانی پێ بڵێم،
نرخەکانیم پێ وت و پاشان بە پەشۆکاوی و دەنگێکی پچڕاوەوە پێم وت کە ❞ دەمەوێ هەندێ شتت پێ بڵێم ❝ کچەکەش زۆر بە سەرسووڕماوییەوە سەری ڕاوەشاند،
وەک ئەوەی وایزانیبێ کە من مێشکم لە دەست داوە،
هەناسەیەکی قوڵم هەڵمژی و پاشان بە سێرکردنی دەورووبەرمەوە،
هەستەکانی خۆمم بۆ کچەکە دەربڕی،
هەر کە کۆتاییم بە قسەکانم هێنا تەماشایم کرد و بەدیم کرد کە بە زەردەخەنەوە تەماشام دەکات،
زۆر بەلامەو نامۆ بوو،
وام هەست دەکرد، کە گاڵتە بە هەستەکانم بکات،
بەڵام هەر کە بینیم کە دێتە پشت ئەو مێزەی کە من تیایدا ڕاوەستاوم و لە ئامێزم دەگرێت!
بۆم دەرکەوت کە ئەمە مانای ئەوە دەگەیەنێت کە ئەویش هەمان هەستی بۆ من هەیە...