Your Love | SUGA.

41

❞ دەتوانین کەمێک قسە بکەین! ❝
دووبارە دەنگی ئۆندا لە دوای سێ ساڵ هاتەوە بەرگوێم،
بەڵام زۆر جیاوازتر لەو ئۆندا'یەی کە سێ ساڵ پێش ئێستا بینیبووم!
چونکە ئەو ئۆندا'یەی کە ئێستا لە بەردەممدا لێم دەڕوانی!
ئۆندا'یەکی تەواو لاواز بوو وە ڕووخساری پڕ بوو لە ئاسەوەری برین و پەڵەی مۆر و سووربووەوە،
❞ بەڵێ، گوێبیستتم ❝ بە ڕووخسارێکی سارد و دەنگێکی هێمنەوە وتم،
چونکە لەدوای هەموو شتێک ئەو تەنها ڕابردووییەک و منیش تەنها لاپەڕەیەکی لێکراوەم لەو ڕابردووەدا،
بۆیە نەمدەویست سەرسووڕماویی و کاردانەوەی خۆمی پێ نیشان بدەم،
❞ نازانم لە کوێوە دەست پێ بکەم!
بەڵام...
هۆکاری دوورکەوتنەوەم لە تۆ...
هۆکارێکی دیکەی لە پشتەوە بوو ❝ ئۆندا بە سێرکردنی دەورووبەری و پاشان بە دانەواندنی سەری بۆ زەوی،
بە هێمنییەوە قسەکانی کرد،
بەڵام لەبەر ئەوەی من تەنها بێدەنگیم لە ئاست هۆکار و بەهانەکانی ئەودا هەڵبژارد!
بۆیە ئەو بەبێ بوونی هیچ ڕێگە چارەیەک،
خۆی لە وتنی قسەکانی بەردەوام کرد،
❞ باوکم لە پشت ئەم باروودۆخەوە بوو،
واتە...
هۆکاری پچڕاندنی پەیوەندییەکەی نێوانمان!..
باوکم بوو ❝ ئۆندا بەهەمان باروودۆخەکەی خۆی،
بە سەرێکی دانەویوو بۆ زەوی و بە دەنگێکی پچڕاوەوە قسەکانی کرد،
❞ بۆچی باوکت هۆکار بوو!؟! ❝ بە ڕووخسارێکی سەرسووڕماوەوە پرسیارم لێ کرد،
❞ لە ڕاستیدا پەیوەندی نێوان من و باوکم،
وەک هەر پەیوەندییەکی دیکەی نێوان منداڵ و باوکەکەی نەبوو..،
تەنانەت لەگەڵ دایک و براکەشمدا هەمان هەڵسووکەوت و بیرکردنەوەی بەکاردەهێنا...
چونکە باوکم کەسایەتییەکی تووند و سەرسەختی هەبوو،
دەتوانم بڵێم کە بۆماوەی شەش مانگ پەیوەندییەکەی نێوانمانم لێ شاردەوە،
چونکە دڵنیا بووم لەوەی گەر ئاگاداری باروودۆخەکە بێت!
ئەوا کێشەیەکی گەورە دروست دەبێ و تۆش لە کێشەکانی منەوە دەگلێیی،
بەڵام بەداخەوە من چۆن ئاگاداری ئەوە بم کە هەرگیز بەخت یاوەرم نابێ!؟! ❝
ئۆندا هەر کە گوێبیستی پرسیارە لەناکاوەکەی من بوو!
زۆر بەخێرایی سەری هەڵبڕی و پاشان بە دەنگە پچڕاوەکەی خۆی و بە چاوێکی پڕ بوو لە فرمێسکەوە قسەکانی کرد، بەڵام هێندەی نەخیاند کە لە وتنی قسەکانی وەستا،
بەهۆی ئەو فرمێسکە قەتیسبووانەی کە زۆر لە مێژە لە هەوڵی خۆ دەربازبووندان لەو چاوانەی کە خاوەنیانە،
بەڵام دواتر بە هەڵمژینی هەناسەیەکی قوڵ و بەسڕینەوەی ئەو دڵۆپە فرمێسکانەی کە لەسەر ڕووخساری قەتیسببوون!
بەردەوام بوو لە وتنی قسەکانی،
❞ هەموو شتەکان لەو ئێوارەیەوە دەستی پێکرد کە تیایدا مۆبایلەکەم لەسەر مێزی ژووری میوانەکە بەبێ ئاگایی بەجێ هێشتبوو،
نازانم بۆ چارەنووس وای دانابوو کە پێویستی دەکرد مۆبایلەکەم لەوێدا بەجێ بهێڵم؟
چونکە من هەرگیز بەبیرم نایەت کە مۆبایلی خۆمم زۆر بەبێ ئاگایی بەجێ هێشتبێ لە کاتێکدا کە باوکێکم هەبێ لە بچوکترین ووردەکارییەکانی ناو ژیانم بکۆڵێتەوە و گومان لەو کەسە بکات کە کچی خۆیەتی!
ڕاستە کە پێویستە لەسەر هەموو دایک و باوکێک کە ئاگاداری ژیانی منداڵەکانی خۆیان بن و ڕێنماییان بکەن بۆ گرتنەبەری ڕێگای ڕاست چونکە ئەوە کاری ئەوانە،
بەڵام نەک بگاتە ڕادەی بەکارهێنانی تووند و تیژی!
بەهەر جۆرێک بێت!
بەڵام ئەو ئێوارەیە زۆر زیاتر پەشیمان بوومەوە لە هەبوونی خودی خۆم،
چونکە ئەو ئێوارەیە لە کاتی بەجێ هێشتنی مۆبایلەکەمدا!
من و تۆ پێکەوە قسەمان دەکرد بە نامە،
بەڵام لەبەر ئەوەی دایکم لەو کاتەدا خەریکی ئامادەکردنی خواردنی ئێوارەبوو وە پێویستی دەکرد کە یارمەتی بدەم!
ئەوا زۆر بەبێ ئاگایانە مۆبایلەکەم لەسەر مێزەکە بەجێ هێشت و خۆم لەگەڵ دایکمدا سەرقاڵکرد بۆ ئامادەکردنی خوانەکە،
بەڵام هێندەی نەخایاند کە گوێبیستی دەنگە تووڕە و بەرزەکەی باوکم بووم کە چۆن بە بەرزکردنەوی پەنجی بۆ ئاسمان دەیوت کە ❞ من بەم شێوەیە پەروەردەم نەکردبووی! ❝
میش لەو کاتەدا زۆر بە سەرسووڕماوییەوە تەماشای باوکم دەکرد،
چونکە تێنەدەگەیشتم کە بۆچی باوکم زۆر لەناکاو بەم شێوەیە ڕەفتاری کرد!
بۆیە زۆر بەهێواشی هەنگاوکانم بەرەو شوێنی وەستانی باوکم نا...
تا ئەو کاتەی کە دەستی باوکم زۆر بە تووندی لە ڕووخساری دام و وای لێکردم زۆر بەخێرایی بکەومە سەر زەوی و لە نێو ئازارە بەتینەکەی خۆمدا گوێبیستی ئەوە بم کە چۆن باوکم بە دەنگێکی بەرز و تووڕەوە پێ دەوتم کە ❞ بۆچی من ئاگاداری ئەم بێ ئابڕووییە نیم!؟! ❝
بەڵام لەبەر ئەوەی لە ئاست ڕاستییەکاندا وەڵامم نەبوو!
بۆیە باوکم زۆر بەخێرایی قژی منی بە تووندی گرت و پاشان وای لێکردم بە ئازار و هاوارەکانمەوە هەستمەوە سەر پێیەکانی خۆم و تەنها گوێبیستی قسە ڕەق و ناخ هەژێنەکانی باوکم بم کە چۆن دەیوت ❞ من شەرم دەکەم لە هەبوونی منداڵێکی وەک تۆ!
ئاخر من پێم نەوتی کە پەیوەندی لەگەڵ کەسدا نەبەستی!؟!
ئەوەی بڕیار له داهاتووی تۆ دەدات تەنها منم من!،
ئەی من نەم وتبوو کە پێویستە لەگەڵ "هانگ سوون"دا هاوسەرگیری بکەی؟
یاخود تۆ لەبیرت کرد! ❝
تەنانەت هەر لەو شەوەوە لە ژوورەکەی خۆمدا بەندی کردم و ڕێگری لێکردم لە بەکارهێنانی هەر ئامێرێکی ئەلکترۆنی و چوونە دەرەوە ❝
❞ بەڵام بۆچی دوای سێ ساڵ دێیت و ئەمانە بەمن دەڵێی؟
بۆچی هەر ئەو ساتەی کە پێت وتم کە دەتەوێ کۆتایی بەم پەیوەندییە بێنین،
هۆکارەکەیت نەوت!؟! ❝ بە ڕووخسارێکی تووڕە و دەنگێکی کەمێک بەرزەوە وتم،
چونکە زۆر بێ مانابوو کە لەدوای سێ ساڵەوە ئەم ڕووداو و هۆکارانە بۆ من باس بکات و دووبارە ڕابردووییەکی ئاڵۆزی دیکەم بە ڕوودا بکاتەوە،
بەڵام ئەو لە بەرامبەردا بە سێرکردنی دەوورووبەری و بە دەنگێکی هێواشەوە،
وەڵامێکی پێدام کە وای لێکردم نەتوانم تەنانەت ڕاستییەکانیش قبوڵ بکەم...