❞ ئاگاداربە ❝ بە دەنگێکی هێواش و بە ئاگادارییەوە وتم،
هەر کە لە تەکسییەکە هاتمە خوارەوە و پاشان یارمەتی ئۆندا'م دا تاکو لە تەکسییەکە بێتە خوارەوە،
چونکە لە نیوەی ڕێگادا ئۆندا بە ئاگا هاتبووەوە.
دەرگای ماڵەوەم کردەوە و پاشان یارمەتی ئۆندا'م دا تاکو بچێتە ژوورەوە،
دەرگاکەم دوای خۆمان داخست و پاشان ئاوڕم دایەوە تاکو پێڵاوەکانم داکەنم و لە شوێی خۆیاندا دایان بێنیم،
بەڵام هێندەی نەخایاند کە گوێبیستی دەنگی پێیەکانی لیا بووم کە چۆن بەخێرایی دەهاتە خوارەوە لەسەر قادرمەکان،
دواتر هەر کە لیا ئۆندا'ی لەگەڵ مندا بەدی کرد!
هەنگاوەکانی هێواش کردەوە لەسەر قادرمەکان تا ئەو کاتەی کە وەستا و پاشان بە ڕووخسارێکی سەرسووڕماوەوە تەماشای ئێمەی دەکرد،
بەڵام لێرەدا من بۆ ساتێک بیرم لەوە کردەوە کە بۆچی گومانەکانی ناو ناخی نەکەم بە ڕاستیی!
گەر ئەمە وا لە لیا بکات کە ئیتر ئارەزوو نەکات ئەم پەیووەندییە بەردەوام بێت!
کەواتە ئەمە مانای ئەوە دەگەیەنێت کە گەورەترین زیانم لە ژیانی لیا دوورخستۆتەوە،
بۆیە منیش بە زەردەخەنەیەکی شەیتانییەوە تەماشای لیا'م کردەوە،
بەڵام لیا هەر کە ڕووخساری منی بەو زەردەخەنە شەیتانییەوە بینی!
زۆر بەخێرایی هەنگاوەکانی بەرەو دواوە نایەوە و پاشان چووە ژوورەکەی و دەرگاکەی بە تووندی داخست،
❞ شوگا ئەوە کێیە؟ ❝ دوای ئەوەی کە لیا لەو شوێنەدا نەما،
ئۆندا ڕووی ڕووخساری بە سەرسووڕماوییەوە کردە من و پاشان بە دەنگێکی هێواشەوە پرسیاری کرد،
❞ خۆشەویستمە ❝ دوای ئەوەی کە هەناسەیەکی قوڵم هەڵمژی،
بە هەمان دەنگە هێواشەکەی ئۆندا و بە ڕووخسارێکی ساردەوە پێم وت،
❞ ب-بەڵام ئەی بۆچی پێشتر ئەوەت پێ نەوتبووم!؟!
واتە ئێست- ❝
هەر کە ئۆندا گوێبیستی وەڵامە سەرسووڕهێنەرەکەی من بوو!
زۆر بەهێواشی لە نزیک من دوورکەوتەوە و پاشان بە ڕووخسارێکی پڕ لە گومانەوە ویستی قسەکانی بکات،
بەڵام هەر کە ئۆندا لیا'ی بینی کە چۆن لەسەر قادرمەکان بەخێرایی دێتە خوارەوە و بە دەستیشییەوە جانتا هەیە! لە وتنی قسەکانی وەستا و پاشان بە سەرسووڕماوییەوە تەماشای باروودۆخەکەی دەکرد،
منیش زۆر بە بێ دەنگی تەماشای لیا'م دەکرد کە چۆن بە ڕووخسارێکی ساردەوە و بەبێ سێرکردنی تەنانەت من و ئۆندا'ش چووە بەردەم دەرگاکە و پاشان دەرگاکەی کردەوە و بە تووندی دایخست.
دوای ماوەیەک لە ڕۆیشتنی لیا لەم ماڵەی کە بوو بە بیابان هەر لە دوای ڕۆیشتنییەوە!
لە دەرگاکە نزیک بوومەوە و پاشان بە هێمنییەوە سەرم نا بە دەرگاکەوە،
دواتریش بە دەنگێکی نەبیستراوەوە وتم...
❞ تکایە بمێنەوە... ❝
YOU ARE READING
Your Love | SUGA.
Fanfiction❞ ببوورە، بەڵام من ئەو ڪەسەنیم ڪە لە ئێستادا بەدوایدا دەگەڕێی ❝ بە ساردییەوە وتم، لەگەڵ ئەوەی هەوڵمدەدا مەچەکەم لەژێر دەستیدا ڕزگاربکەم. بەڵام ئەو لەبەرامبەرمدا تەنها پەنجەکانی لەسەر مەچەکم تووندتر کرد و پاشان دەستیکرد بە پێکەنینێکی گاڵتەجاڕانە. ❞ ئ...
