Your Love | SUGA.

42

❞ من بۆماوەی ٢٦ ڕۆژ لەنێو چوار دیواردا بەندکرابووم،
٢٦ ڕۆژ لە گریانی بەردەوام،
٢٦ ڕۆژ لە ئازارێکی بێ کۆتاییدا دەمناڵاند!
ئایا هەرگیز لە خۆتت نەپرسی کە بۆچی ئۆندا بەم دواییانە گۆڕاوە و وەک جاران دەرکەوتنی نییە!؟!
بەڵام با من وەڵامەکەییت پێ بڵێم!
چونکە من باوکێکی بێ هەستم هەبوو کە گرنگی بە ناخ و بیرکردنەوەکانی من نەدەدا،
خاوەنی باوکێک بووم کە تەنها خۆی بە کەسێکی ڕاست و بێ کەم و کورتی دادەنا،
باوکێک کە تەنها خۆی بڕیاری دەدا،
بەهەر جۆرێک بێت...
لە دوای ئەو چەند ڕۆژەی کە تیایدا لەنێو ژوورەکەمدا بەندکرابووم!
بۆ یەکەمجار لەو شەوەوە باوکم هاتە نێو ژوورەکەمەوە و بە ڕووخسارێکی بەتاڵ لە کاردانەوەوە،
پێ وتم کە ❞ پێویستە ئیتر واز لەو کوڕە بێنیت،
چونکە ئەمە داواکردن نییە،
بەڵکو ڕاستییەکە کە بە زووترین کات بەدی دێت،
وە لەگەڵ ئەو کوڕەدا هاوسەرگیری دەکەی کە خۆم بۆم هەڵبژاردووی ❝
بەڵام من زۆر بە ساردییەوە پێم وت کە ❞ بۆچی گرنگی بەناخی کەسەکانی بەرامبەرت نایەی باوکە؟
تەنها بۆ ساتێک خۆت بهێنە ج- ❝ بەڵام باوکم زۆر بە تووڕەییەوە هەستایە سەر پێیەکانیی،
کە ئەمەش وای لێکردم لە وتنی قسەکانم بوەستم،
تا ئەو کاتەی کە باوکم پەنجەی بۆ ڕووخسارم ڕاکێشا و پاشان بە ڕووخسارێکی تووڕە و پڕ لە قینەوە پێ وتم کە ❞ لە بەیانییەوە دەچی بۆ لای ئەو کوڕە و ڕەفتارەکانت لە بەرامبەریدا دەگۆڕی!
بەڵام دڵخۆش نەبی بەوەی کە بە تەنها بڕۆیی و خۆت لە من ڕزگار بکەی!
بەڵکو خۆشم لەگەڵتدا دێم و دەبێ بیبینم و بیبیستم کە چۆن ڕەفتارەکانت بەرامبەری دەگۆڕی!
تا ئەو کاتەی کە خۆم پێت دەڵێم پێ بڵێی کە دەبێ لێرەدا کۆتایی پێ بێنین،
تێگەیشتی یاخود پێویستەکات کە دووبارەی کەمەوە؟ ❝ بەڵام من لەوەڵامدا تەنها سەرم بە نیشانەی 'بەڵێ' ڕاوەشاند،
چونکە لە کۆتایدا من گەر بەو بڕیارانەشی ڕازی نەبم!
چ پەناگەیەکم هەیە تاکو دوور لە باوکم و لەو ژیانە سەختە تێیدا بیگوزەرێنم؟
من تەنها ئۆندایەکی بێ دەسەڵاتم،
بەو شێوەیە بوو ڕووداوەکان ❝
❞ ببورە بەڵام..!
گەر بپرسم کە ئێستا چۆن هاتووی بۆ ئێرە و ئەم قسانە بە ئازاردییەوە دەکەی!
ئاسایی دەبێت؟ ❝
بە ڕووخسارێکی پڕ لە گومان و دەنگێکی سارد و سڕەوە وتم،
❞ ناە نەخێر زۆر ئاساییە،
چونکە ئێستا باوکم لە زینداندایە ❝ لە بەرامبەردا ئۆندا بە زەردەخەنەیەکی پڕ لە ئازارەوە وەڵامی دامەوە،
❞ واتە چۆن!
تێنەگەیشتم؟ ❝ بە ڕووخسارێکی سەرسووڕماوەوە پێم وت،
بەڵام ئۆندا دوای ئەوەی کە هەناسەیەکی قوڵی هەڵمژی و سێرێکی دەورووبەری کرد!
بە ڕووخسارێکی پڕ لە گاڵتەجاڕییەوە،
وەک ئەوەی باوەڕ بە ڕووداوەکانی ناو ژیانی نەکات! وتی،
❞ ئەو ڕۆژەی کە تێیدا بۆ کۆتا جار تۆم تێیدا بینی!
هەر ئەو ڕۆژەش باوکم خانەوادەی ئەو کوڕەی بانگێشت کرد بۆ خوانێکی ئێوارە،
بەڵام من چۆن ئاگاداری ئەوە بم کە باوکم خانەوادەی کوڕەکە ڕێکەوتوون کە ئەو شەوە من بۆ کوڕکەیان داوا بکەن و شتەکە کۆتایی پێ بێت!؟!
تەنانەت براکەم و دایکیشم ئاگاداری ئەو باروودۆخە لەناکاوە نەبوون،
بەهەر جۆرێک بێت...
دوو ساڵ و نیووم لەگەڵ ئەو کوڕەدا بەسەربرد کە بەناو ناوی هاوسەر بوو،
کەسێکی دڕندە و بێ هەست،
کەسێکی قێزەون کە خاڵی دڵخۆشی ئەو!
ئازاردان و ئەشکەنجەدانی من بوو!
هەر بۆیە ڕووخسارم بەم شێوەیەیە و هێشتا ئاسەوەری لێدانەکانی پێوە ماوەتەوە،
بەڵام لێرەدا من بڕیارمدا کە چیتر خۆم بە بێ هێز پیشان نەدەم و هەموو کارەکانی باوکم و ئەو پیاوە قێزەونەش بە پۆلیس بڵێم،
بەڵکو ئیتر کۆتایی بەم کێشانە بێت!
بەڵام زۆر خۆش بەختانە هەر کە باسی باروودۆخی خۆم و دایک و براکەمم بۆ بنکەی پۆلیس کرد!
زۆر بەخێرایی ئێمەیان لەو کەسە خراپانە ڕزگارد!
وە تەنانەت منیشیان بە بەڵگەی بەهێز لەو پیاوە دڕندەیە جیاکردەوە ❝
❞ ئاە...
بەڕاستی نازانم بڵێم چی!
بەڵام دڵخۆشم بە بیستنی ئەوەی کە ئەوان ئێستا باجی کارەکانی خۆیان دەدەن ❝ بە ڕووخسارێکی پڕ لە زەردەخەنەوە  قسەکانی خۆمم پێ وت،
❞ ڕاستە...
ئاە من بیرم چووەوە کە دایکم ئێستا چاوەڕێم ئەکات زوو بڕۆمەوە،
زۆر سوپاس کە گوێت بۆ گرتم و لە باروودۆخ و ڕابردووە هەستیارەکەی من تێگەیشتی،
دووبارە سوپاس وە لە هەمان کاتیشدا..!
زۆر داوای لێبوردن دەکەم ❝
ئۆندا هەر کە تەماشای کاتژمێرەکەی دەستی کرد،
زۆر بەخێرایی قسەکانی کرد و پاشان لە کۆتاییدا بە زەردەخەنەیەکی پڕ لە شەرمەزارییەوە داوای لێبوردنی کرد،
❞ هیچ پێویست بەوە ناکات کە داوای لێبوردن بکەی،
چونکە من تێگەیشتم لە تەواوی چیرۆکەکەت ❝ بە ڕووخسارێکی زەردەخەناوی و دەنگێکی هێمنەوە پێم وت،
❞ کەواتە زۆر سوپاس ❝ ئۆندا لەگەڵ وتنی قسەکانیدا،
دەستی ڕاستی هێنایە پێش بۆ تەوقەکردن،
❞ تکا دەکەم ❝ منیش بەهەمان شێوە دەستی ڕاستم هێنایە پێشەوە و تەوقم لەگەڵ ئۆندا'دا کرد بە ڕووخسارێکی پڕ لە زەردەخەنەوە،
وەک هێمایەک بۆ ڕێز لێگرتن.

هەر لەو ڕۆژەشەوە چیرۆکی لێکجیابوونەوەی نێوان من و لیا دەستی پێکرد...