Rumfar bayi

5

*****************************

"Bayani sosai sukayi mata,a tsorace tace, ummana kada ki damu zanyi kokarin rike mutumcina insha Allahu..

'Jakadiya ta fita ta dawo da wani tire ta ajiye a gaban juwairiya, laure ta taso dan ita kam gwana ce sosai wajen harkar kwalliya nan duk masarautar ita tayi fice wajen yiwa matan sarki kwalliya ta fitar kunya..

   Wasu abubuwa naga ta hada sannan ta riko kyakkyawar fuskar juwairiya ..
  Cikin minti goma ta kammala sannan ta kalli hansai tace,ya kuka gani?

  Bude baki sukayi duka dan kuwa duk wanda zai kalli fuskar juwairiya  sai yayi tunanin konewa ba'rin fuskarta tayi..

    Murmushi sukayi cike da farin ciki,jakadiya ta miko mata wasu kaya ta amsa tana kallonsu,kayane manya manya dan se a saka irin ta biyu a ciki,yanzu wannan sune suturunki kinaji?,juwairiya ta gyada kai.

**************

'Da asuba kuwa sai ga fadawa uku sun shigo Rumfar bayi,du'bu ce tayi saurin tare su..
Lafiya?
Fadane daya ne yace,daga gidan GALADIMA muke,yaronsa GARBATI yaga wata baiwa acikin rumfar nan jiya shine ya turo mu mu tafi da ita..

    Gaba daya hankalinsu du'bu ya tashi dan sun fahimci garbati ya siya talatune a matsayin SA'DAKAr sa (concubine)..

Dakin da talatu ke ciki du'bu ta shiga ta fito da ita tana kuka sosai,fadawa suka fosgota suka gaba da ita..

'Juwairiya dake rakube duk tana kula da abunda yake faruwa,
'hansai ce ta kamota ta maida ita cikin daki,
'sannan ta sake yi mata nasiha akan kada ta sake a san tabon fuskarta na karyane inba haka ba itama haka za'a zo a tafi da ita kamar yarda aka dauke talatu..

gari  na yin haske haka laure ta shigo ta sake yi mata makeup din tabon ta.

   Tana shiga sashen zainaba ta tarar da ita tana ta sharar baccinta.
Ruwan wankanta ta shiga ta hado mata sannan ta zauna a gefe ta tsunduma a cikin tunani..

  Zainaba ce ta mike taci karo da fuskar juwairiya, da sauri ta dauke kanta tace,ke meya samu fuskarki haka?konewa kikayi?

Juwairiya ta mike da sauri tace Allah ya huci zuciyar ki ranki shi dade jiya ne ruwan zafi ya kifar min a fuskata.

Zainaba tayi fuskar tausayi Allahu akbar yanzu haka fuskar ki zata zauna kenan?ta yamutsa fuska
Juwairiya tayi murmushi kawai sannan ta sanar mata data hada mata ruwan wankanta..

'Da rana zainaba tace da ita suje gidan waziri..
Fafade daya suka dauka dan yayi musu rakiya..

Duk inda suka bi sai mutane su shiga nuna juwairiya dake bayan zainaba'
A haka har suka shiga gidan waziri..

    Hajara matarsa ce a zaune tsakar gidan sai diyarta KHADIJA dake gefe tana wasan diyar ka'ra..
    'Zainaba na shigowa khadija ta mike da sauri tazo ta rungume ta..

  Idonta ne yakai juwairiya dake can baya..
Taja baya kadan tana yastine fuska..
Wannan fa?ta nuna juwairiya..
Zainaba tayi murmushi sabowar baiwata ce..
Khadija tace,au ni tsoro ma ta bani wlh..

Zainaba tace konewa tayi fa,sannan ta karasa wajen hajara ta gaishe ta.
    Suna zaune suna wasan su juwairiya na rakube a gefe tayi shiru abunta.

Khadija tayi fari da ido tace,wai ina ya jalal ne?kinsan tun ranar dana zo wajen ki rannan ban sake ganinsa ba..

Zainaba ta tabe baki ai ke ya da'ma ni muna gida daya ma se mufi sati bamu hadu dashi ba..
  Sunyi fira sai da yamma sannan khadija ta shirya suka taho tare wai ita a dole sai taga yarima yau..

"Suna shiga cikin masarautar can a filin wasa doki ta kyallo shi a tsaye tare da wasu samari sa'annin shi..

   Khadija ta kalli zainaba tana washe baki,lah kin ga ma yayan can ashe..
Kafin zainaba ta amsa mata tuni ta ka'ra gaba cikin saurinta,zainaba ta girgiza kai lallai bata san wane irin so khadija kewa ya jalal ba duk da wulakancin da yakeyi mata ita bata ko gani.

    'Zainaba na cikin wannan tunanin ne khadija ta dawo da saurinta.
Zainaba tace,ah ah ya na ga kin fasa zuwan kuma?
Khadija tadan kwabe fuska ai bazan iya zuwa ni kadai ba kada ya gane dan shi naje wajen..

Ta riko hannun zainaba dan Allah muje ki rakani kinga se nace ki nazo yiwa rakiya muka ratsa ta wajen..
  Zainaba tace,wa!ni?ah ah wlh ban kije ke kadai abunki..

Juwairiya kuwa dake baya tana jinsu ne kawai,khadija ta hau magiya,dole tasa zainaba amincewa,ta juya tace wa juwairiya mu karasa can juwairiya, kai kawai ta gyada sukayi gaba...

*************
"Yarima gaskiya ni kam kayi min wayo gsky,duk yaushe ka kware a kilisa(wasan doki) haka ne?
Yarima ya murmusa cike da girman kai..zayyi mgn su zainaba suka iso wajen..

Khadija ta yi saurin gaishe shi ko amsawa bayyi ba ya wani dauke kai.
Zainaba ta tabe baki dama tasan haka zai faru ai.
Khadija tace,yaya kwana biyu?
Yarima ya juyo da shirin dizga ta idanunsa suka kai kan fuskar juwairiya...

Ai da sauri ya dauke kai yana fadin..
Menene wancan abun?
Wayace kuzo min da wannan abun?
Da mamaki duk suke kallonshi..
Ya kalli bawan dake gefensa,fitar min da wancan abun!(kice da kyamata)
Ya nuna juwairiya...
  Se sannan suka fahimta me yake nufi..
Zainaba ta turo baki,yaya baiwar tawa ce za'a fitar maka?

   Ya balla mata harara,bakya ganin fuskarta ne?(in a irritating tune)
Khadija ta fisgo juwairiya ta shiga janta daga wajen..
   Se da suka sha wata kwana sannan ta jefar da ita kasa tana fadin.
Kada ki kuskura ki kara tsayawa a gaban yaya  kinji na fada miki..ta tayi gaba..

Juwairiya taji wani abu ya tsaya mata a makoshi,tsanar yarima ta dasu a zuciyarta, itace wancan abun?
Kuka ta shiga yi tana tunanin wacce irin rayuwa ce haka suke fuskanta dan kawai su bayi ne se ake kyamatarsu ana zaluntarsu...
  Ta mike hade da kakkabe jikinta sannan ta rakube a gefe tana jiran uwar gidan ta zainaba....

***********
   A gajiye ta dawo rumfar bayi, fuskar nan babu walwala..
Tana shiga ta hango yan matan bayi nata wasan fado'wa wasu na gefe na langa..

  Hansai ta karaso wajenta tana fadin,sannu ya'ta se yanzu?
Ta gyada kai kafin ta karasa daki a sanyeye.
Har taci abinci ta kwanta, tunanin wulakancin da yarima yayi mata dazu kawai takeyi, mikewa tayi kawai ta fita waje itama ta shiga cikin wasannin da ake tayi ...