Rumfar bayi

24

           *RUMFAR BAYI*
       (A historical fiction)
Na Afrah bhai
Page 24
Wattpad @afreey101

*********************

"Tafiya kawai sukeyi amma juwairiya sai ta tsinci kanta a cikin farin ciki sosai..
    Yarima ne zata yiwa rakiya?
Uhmm lallai ta samu wuri kam..
Tuntube ne tayi hakan yasa ta dawo hankalinta..

Sai Can ta hango sa yayi mata dan nisa..
kuma sai ta taga ya nufi hanyar fita daga masarautar ..
  Ai da gudun ta ta karasa gefensa tana fadin..
Allah ya kara maka yawan rai,dama wajen masarautar zamuje ne?naga dare yayi ne?

   Jalal ya tsaya tsak yana kallonta,kafin yace da ita kai tsaye..
tsoro kike ji?
Ta dago ta kalleshi itama..
Ta girgirza masa kai..
Yace,baki yarda dani bane?
Ta kafe shi da ido,kafin ta sake girgiza masa kanta..
Ya jinjinar da kai kawai yayi gaba..
Itama tabi shi a baya da saurinta...

"Sun sha uwar tafiya me nisa kafin suka kawo babban gate din fita....
Fadawa ne sun kai biyar dake gadin wajen..

"Tsayar dasu akayi..
"Kai sai ina!!
Jalal da juwairiya suka ja suka tsaya..
Fadawan suka sha gabansu..
Baku ji me akace muku bane? sai ina?
Jalal har ya dago a fusace dan yayi musu rashin mutumci sai kuma ya tuna da shifa a yanzu ba sarkin su bane....

Sunne kai ya shiga yi dan baya so su gano shi..
Juwairiya ta lura dashi dan haka tayi saurin dawowa gabansa dan ta kare shi...
kafin nan ta hada duk karfinta tace..
  'Umarni ne aka bamu daga wajen fulani,
masu fataucin kayane suka shigo kasar shine aka tura mu dan amso sakon ta sbd juyawa zasuyi da asuba..
   "Fadawan suka shiga gyada kai cike da gamsuwa kafin nan suka bude musu gate din sukace,kuyi hanzarin dawowa...
Juwairiya tayi musu godiya kafin nan suka fice..

"Cikin gari suka shiga,
juwairiya dai bin sa kawai takeyi tana mamakin abunda ya kawo su har cikin gari da daddaren nan..

  A gaban wani me gasasshen kifi da dankalin hausa ya ja ya tsaya..
Juwairiya ta kalleshi,uhm yunwar dai yaji kenan..

Gani tayi yayi tsaye kawai bai ce komai ba sai faman kallon kifin yakeyi..
  Kusa dashi ta  dan matsa tace,ranka shi dade ba siya zakayi bane?
  Ya gyada  mata kai..
Murmushi tayi dan ta fahimci cinikin ne bai ma san yarda akeyi yinshi ba.
(She don't blame him tunda dai komai yake so yana dashi a ajiye ba sai ya fita ya nema ba)

   "Me siyar da kifin ta kalla,malam a bamu kifi biyu da dankalin biyu shima..
Jalal dai kallonta kawai yakeyi,gani ma yayi ta shiga zabar musu manya mayan kifin tana fadawa me siyar da kifin su take so..

Me kifi ya saka musu acikin takarda..
juwairiya ta amsa ta mikawa jalal..
Ya amsa yana kallonta..
Tace mai martaba kudin sa fa?.
Ya saka hannu cikin aljihun sa yaji wayam..

Runtse ido yayi dan sai yanzu ya tuna da cewa ba kayan sa bane a jikinsa..
Juwairiya ta waro ido tana kasa da murya tace..
Badai baka fito da kudin ba?
Jalal ya gyada mata kai yana cije lebensa..
Juwairiya ta dafe goshi tace, yanzu ya zamuyi kenan?

Jalal ya kalli zobunan dake hannunsa a jere ya ciro daya daga ciki ya mika mata..
Ki biya shi da wannan dan na tabbata kudinsa kawai ze iya siyen daya wajen nan sau biyar..

  Juwairiya ta saki baki tana kallonsa..
Jalal Ya juya da kansa ya mikawa mutumin zoben sannan ya karasa wajen wani kututturen itace ya zauna..
Juwairiya ta juya wajen me siyar da kifin tace masa..

Malam Ka ajiye min zoben can gobe zan kawo maka kudinka na amshe shi..
Me kifi ya daure fuska a take.. dan shi kam har ya hau murna yayi kudi a dare daya..
Cikin haushi yace..Toh dai idan baki zo da wuri ba ki sani siyar dashi zanyi..
Juwairiya tace zan ma zo din ka ajiye min...