الحلقة الثانية
#احببتهارغم كل شيء
..........
في الصباح تستيقظ سهر من نومها وهي تفرد ذراعيها ببتسامة.
آسر ينظر لها في المرآه وهو يرتدي ملابسه.
آسر ببتسامة/ صباح الخير يا حبيبتي.
تنهض سهر ببتسامة وتقترب من آسر تحتضنه.
آسر ينظر في المرآة / ايه الروقان ده على الصبح.
سهر/ ايه مضايق؟
آسر /'هههههههه ياريت تفضلي كده.
تنهدت سهر بقوة وصمتت.
يستدير آسر لينظر في عينها / ايه مالك؟
سهر وهي تداعب شعرها/ مفيش
انت خارج بدري ليه؟
آسر / عندي شغل كتير اوي مش عارف هقدر اخلصه النهاردة ولا هيتأجل لبكره.
سهر بمزح/ لا تؤجل عمل اليوم إلى الغد.
تتركه وتخطو للذهاب الي الحمام
آسر ممسك بيدها / رايحه فين؟
سهر بخجل/'هروح فين يعني؟!
هاخد شاور وأنزل الجنينه الجو حلو النهاردة.
آسر /'تعرفي هتخليني اكسل بقي واقعد معاكي يلا مش مهم.
يفك آسر زرار القميص.
سهر ممسكه يده / انت هتعمل ايه أنزل شوف شغلك.
آسر / وانا مغفل بقي اسيب القمر دا وأنزل الشغل.
يحمل سهر ليضعها على السرير.
سهر / ههههههه انت مجنون؟!
آسر / انتي السبب...جننتيني.
يقترب من وجهها يستنشق ريحق محبوبته.
سهر / آسر علشان خاطري أنزل شوف شغلك
مش عايزة تحصل مشكلة بسببي.
آسر / بحبك.
سهر ببتسامة / مش اكتر مني
بس علشان خاطري أنزل بقي انت عارف باباك كويس
ممكن يعمل معاك مشكلة وانا محبش اسببلك مشاكل.
آسر يمسك بالهاتف.
اسر/ هقفل الموبايل علشان محدش يزعجنا.
التليفون يرن
آسر / يوووووه مين دا بقى؟
ينظر للشاشة...دا بابا.
سهر/شوفت بقى.
آسر / صباح الخير يا بابا.
علي الحسيني بغضب/ انت فين؟!
آسر / انا في البيت.
علي الحسيني/ وبتعمل ايه عندك؟
نظر آسر لسهر ثم خرج للبلكونه / في حاجة يا بابا؟
والدة بسخرية/ لا ابدا هيكون في ايه معندناش شغل
مفيش أي أوراق محتاجة مراجعة سعادتك... مفيش اجتماع للموظفين بعد ساعة مفيش صفقات ولا عملاء عندهم مواعيد مع حضرتك النهاردة مفيش أي حاجة ابدا.
آسر / حاضر يا بابا جاي.
والدة/ ليه هو حضرتك مكنتش ناوي تيجي ؟!
آسر / لا طبعاً انا كنت نازل قبل محضرتك تتصل مسافة السكه.
يغلق آسر الهاتف و يعود لسهر.
سهر ببتسامة / ايه مالك؟
آسر / ها.
سهر/ هههههه نازل مش كده ؟
آسر / للأسف مضطر انزل.
سهر / خلاص يا حبيبي شوف شغلك.
آسر / طيب انزلي بقي افطري كويس واتشمسي شوية الجو حلو النهاردة اوي .
سهر/ هتيجي علي الغدا ؟
آسر / مش هينفع خالص لاغدا ولا عشا
سلام يا حبيبتي.
ياخد المفاتيح والموبايل وينزل بسرعه بعد أن يطبع قُبله رقيقة علي خدها.
سهر باشتياق/ مع السلامة يا حبيبي.
تنهض سهر من السرير لتدخل الحمام
ثم تنزل لـ اسفل.
سهر/ داده هاتيلي الفطار في الجنينه.
سهر ممسكه بالهاتف / الو
فينك يا بنتي لا بتتصلي ولا بتسألي؟
سلمين/ نعم مين اللي مبيتصلش دا
انا مزهقاكي طول اليوم عامله ايه دلوقت.
سهر / خرجت من المستشفى.
سلمى بفرحه/ بجد. ...يعني انت في الفيلا دلوقت؟
سهر /آه وقاعدة لوحدي متيجي يا سلمى تقعدي معايا شوية.
سلمى / هقفل وأقوم ألبس مسافة السكه يا روحي.
سهر ببتسامة/ وانا مستنيه متتأخريش.
تغلق سهر الهاتف وتنظر حولها ثم تعود إلي الماضي.
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
