الحلقة التاسعة
#احببتها_رغم_كل_شيء
#بوسي_مصطفي
.........
في الصباح.
سهر لسه نايمه نائمة اسر قاعد جنبها وببتسامة يمرر يده على وجهها برقة وتنهيدة قوية
تحس بيه سهر و تفتح عينها ببتسامة تغمض عينها مرة تانية.
اسر/ صباح الفل يا حبيبتي.
سهر ببتسامة / صباح الخير يا حبيبي.
اسر ببتسامة يحتضنها
سهر تفرد ذراعيها / انت نازل؟
اسر /اه للأسف.
سهر/ هههههههههه ايه مش عايز تنزل الشغل؟!
اسر/ ياريت بـ ايدي بس هعمل ايه بقى.
سهر/ ياخبر الاوضة دي مين هيروقها؟
اسر/هههههههههه عشان تحرمي تعملي مفاجأت
سهر/ معجبتكش مفاجأة امبارح؟
اسر/ عجبتني لدرجة اني خايف اكون بحلم.
سهر/ وانا كمان هههههههههههه.
أسر وهو بيقرصها من خدها/ هتجنيني.
سهر نطرت بغضب
اسر/ههههههههههه لا بقولك ايه متقلبيش انتي كده كويسه.
سهر/ اخرج بقى انت وحش مش هكلمك تاني.
اسر/ ياخبر واهون عليكي؟
سهر/ هزارك تقيل.
اسر/ خلاص انا آسف.... وبعدين اعملك ايه انتي اللي رقيقة اوي.
سهر/ طب يلا بقى عشان متتأخرش زي كل يوم.
ينظر في الساعة/ سلام يا حبيبتي.
سهر ماسكه ايده/ مع السلامة يا حبيبي.
اسر يُقبل ايدها ويخرج من الغرفة يقابل والدته خارجة من غرفتها.
اسر ببتسامة / صباح الخير يا ماما.
ملك / صباح الخير.
اسر/ محتاجة مني حاجة قبل ما اخرج؟
ملك / لأ.
اسر يلتفت علشان ينزل تحت.
ملك/ اسر استنى.
اسر/ نعم يا ماما.
ملك بتردد/ ابقى قول لـ مراتك توطي صوتها شوية وهي بتضحك أظن عيب.
اسر بدهشة /في ايه مش فاهم؟
ملك/ هي كل ليلة بحال ولا ايه؟
اسر/معلش ياماما حقك عليا.
ملك/المهم توطي صوتها شوية عرفها إن دا عيب وميصحش.
اسر/حاضر يا ماما.
ملك / كانت رايقة يعني امبارح متجننتش زي كل ليلة!
اسر/ ودا يزعل حضرتك؟
ملك/ وانا ايه اللي يزعلني؟!
اسر/ اوك يا ماما أنا نازل.
ملك/أسر قرب اخدك في حضني.
أسر بحب يبتسم.
ملك/يااااه وحشتني اوي ياحبيبي.
اسر/هههههههه هو انا كنت مسافر ولا ايه ياماما؟!
ملك/ لا بس ع طول مشغول عني.
آسر / أنا اسف عارف اني مقصر مع حضرتك.
ملك/المهم تاخد بالك من نفسك.
اسر/حاضر يا ماما أنزل بقى اشوف شغلي؟
........ .
آسر في طريقة للشركة حسام يتصل بيه.
اسر/ صباح الورد
حسام/ واضح انك صاحي رايق النهاردة؟!
اسر/ اه يا عم صاحي رايق ههههههههه
انت بقي عايز تعكنن عليا صح؟!
حسام /طب يا عم الرايق تعالى بسرعة.
اسر/ ايه يا ابني في ايه ؟!
حسام/ بقولك ايه تعالى حالا وإلا هتحصل كارثة في الشركة.
اسر/ مرحبا كارثة! طيب...انا جاي في الطريق
بس قولي ايه اللي حصل؟
حسام/ باباك شايط هنا تعالى بسرعة.
اسر/ هو الواحد ميعرفش يروق من مشاكل الشغل دي.
حسام/ بسرعة علشان خاطري أبوك هنا ع آخره.
أسر بضيق/ طيب.. سلام.
.......
في شقة منى.
الجرس يرن سلمى تفتح الباب.
رامي ببتسامة/ صباح الخير.
سلمى تلتفت وتتجه تقعد علي كرسي قريب من الباب / أدخل يا رامي
رامي/ ايه يا بنتي مالك انتي جايه من السرير
ع الباب ع طول!
سلمى / بتهزر حضرتك...وبعدين حد يجي بدري كده؟!
رامي وهو بيقفل الباب/ هعمل ايه ماهو لازم نمسك اليوم من أوله دا انا واخد اجازة بالعافيه وخايف يتخصم اليوم مني.
سلمى / اللي يشوفك يقول راجل مهم اوي.
رامي/ مالك يا سلمى كلامك دبش ليه كده ع الصبح؟!
سلمى / بصراحة مش رايقة وكان نفسي انام شوية.
تخرج منى من المطبخ.
منى ببتسامة / صباح الخير يا ابني.
رامي يقرب من مني وياخد منها الطبق/ صباح الفل يا ست الكل.
منى / قرب بقي أفطر معانا.
سلمى / لا هنتأخر.
رامي وهو بيقعد ع السفرة/ نص ساعة مش هتاثر قربي يا سلمى.
سلمى / ما كان من شوية عايز تاخد اليوم من أوله ايه اللي حصل؟!
رامي/ بصراحة ريحة الأكل والفلافل السخنه جوعتني قربي بقي فرصة متتعوضش.
منى / يلا يا بنتي قربي.
سلمى / لا انا مليش في الأكل ده انا عامله دايت.
رامي/ ههههه دايت ايه بس احنا ملناش في الكلام ده.
سلمى / لا انا محتاجة اخس شوية.
منى / انا عارفة ايه موضوع الدايت اللي طالعلنا فيه اليومين ده؟!
رامي/ بتوفر يا طنط.
منى / قال بتوفر! !!...دا دكتور التغذية بياخد منها قد كده.
رامي/ لا بقى يبقي اضربي يا حبيبتي ميهمكيش
انا راضى يبكي كده قال دايت قال!
سلمى / انا بخس لنفسى مش ليك ع فكرة.
رامي وهو بيقوم من ع السفرة/ طب يلا بينا
واخر مرة اجيلك الصبح علشان بيكون دمك تقيل.
تخبطه سلمى ع كتفه / انا دمي تقيل طب أنزل انت بقي لوحدك.
منى / انا مش عارفة لازمتها ايه المشاوير دي كلها علشان بس تختار البورسلين ماله السيراميك يعني؟!
رامي/ قوليلها يا طنط.
سلمى / لأ بقي انا قولت هعمل شقتي بورسلين وانت وافقت عايز ترجع في كلامك؟!
رامي/ لا يا حبيبتي خلاص اللي تشوفيه.
منى / أهي تكاليف وبس مش انتوا أولي بفرق السعر ده تكملوا وتجيبوا اوضة نوم ولا أي حاجة تانية مش ملهوفه ع الجواز خليكوا بقي كام سنه لما تحوشوا باقي فلوس تشطيب الشقة.
سلمى / يلا يا رامي اتأخرنا.
خارج الشقة
سلمى / طبعاً كلام ماما عجبك اوي.
رامي / اللي هو ايه؟
سلمى / موضوع إننا نحوش علشان نتجوز بسرعة.
رامي/ اللي تشوفيه يا حبيبتي انا من ايدك دي ل ايدك دي شوفي انتي عايزة ايه.
سلمى / بثبتني مش كده؟!
رامي/ انتوا يا بنات كده ميعجبكوش العجب!
سلمى / نعم...بنات...بنات مين دول بقي؟!!
رامي يجري ع السلم / يلا يا سلمى هنتأخر واضح إنك عايزة تتخانقي وخلاص.
........
في الشركة
علي الحسيني واقف وسط العمال.
حسام/ أهو أسر جه اهو.
يقرب آسر منهم.
علي / أهلا بسعادة البيه... حضرتك كنت فين
و لا رايق و سهران طول الليل ولسه جاي!
حسام بهمس/ يا عمي بلاش كده قدام العمال.
ياخد حسام عمه من ايده ويدخلوا المكتب
حسام / تعالى يا آسر جوه.
و يدخلوا المكتب.
آسر / انا عايز أفهم في ايه مش حلينا مشكلة العمال امبارح؟
علي/ انا بقي اللي عايز أسألك حلتها ازاي؟
أسر / العمال اخدوا حقهم و هيبدأوا شغل من النهاردة.
علي/ وانت بقى ادتهم فلوس منين؟
آسر / سحبت فلوس من البنك.
علي / اللي هي فلوسك من الشركة مش كده؟!
اسر/ مش فاهم؟
علي / لأ انت فاهم كل حاجة...الفلوس دي في الأساس بتاعتك ولا بتاعتي انا؟
آسر / دي فلوسي انا ماخدتش من حضرتك حاجة.
علي/ لأ فلوسي وانا اللي بصرفلك مرتبك...حل بقى مشاكل العمال بعيد عن الفلوس دي.
آسر / يعني ايه يا بابا ؟
علي/ انا اخدت مرتبات العمال تاني ودخلتهم في حسابات الشركة.
آسر / بس....
يقاطعه علي/ عايز تعمل فيها راجل وقد كلمتك يبقى مش ع حساب الشركة
وتصغرني وتطلعني عيل ومش قد كلمتي اعمل الكلام دا ع مراتك ولا مامتك.
اسر/ طب ايه دخل ماما ومراتي دلوقت يا بابا احنا هنا في الشغل وانا حبيت أحل لحضرتك المشكلة.
علي الحسيني/ لأ انا مش عايز منك تحل حاجة.
يدخل وليد/ في ايه يا جماعة العمال عاملين دوشة جامدة بره ليه؟
علي/ حسام اطلع للعمال وقولهم مفيش جنيه واحد هيخدوا غير بعد ما المشروع يخلص واللي مش عاجبه يتفضل يمشي.
آسر يخرج بغضب.
حسام / استنى بس يا آسر.
علي/ وليد اقعد عايزك..اطلع يا حسام اعمل اللي قولتلك عليه وبعد كده تدخل لسكرتارية مكتب آسر تاخد كل الأوراق اللي ع مكتبه.
حسام / ليه يا عمي؟
علي / وليد هو اللي هيمسك شغل آسر من النهاردة.
ينظر وليد لوالدة بدهشة.
حسام / بعد اذنكو.
يخرج حسام.
علي/اقعد يا وليد.
وليد/ بس يا بابا انا مستحيل أمسك الشغل مكان آسر.
علي/ ليه خايف؟
وليد/ مش خوف بس بلاش يحصل بيني وبين آسر مشكلة دا مهما كان اخويا برضو.
علي/ هتعمل اللي قولتلك عليه انا محدش يكسرلي كلمة.
وليد / اللي تشوفه يا بابا.
علي/ طب روح بقي شوف شغلك.
يخرج وليد
علي لنفسه/ انا ميتلويش دراعي يا ملك ولا بتهدد
وضحكت انتصار/ ههههههه ياما نفسي اشوفك وقت متعرفي اللي حصل النهاردة ياترى هتعملي ايه؟
.................
في عيادة الدكتورة غادة.
تدخل سهر غرفة الدكتورة.
غادة ببتسامة/ اتفضلي اقعدي يا سهر.
سهر تقعد.
غادة/ وشك منور واضح إن نفسيتك كويسه.
سهر / فعلا انا مستريحه اوي النهاردة.
غادة / طب جتيلي ليه؟
سهر/ عايزة افصفض شوية علشان استريح اكتر.
غادة / براحتك لو دا هيريحك.
سهر/ وصلنا لحد فين؟
غادة/ لحد جوازة مامتك التالتة بعد وفاة باباكي.
سهر / آه. ..المعلم راضي.
غادة / معلم!!!.. مش فاهمة؟
سهر/ ماهو حضرته كان صاحب قهوة كبيرة.
غادة / استني بقي و واحده واحده كده علشان أفهم.
{فلاش باك}
سهر نايمه في اوضتها.
سهير قاعدة مع راضي في الصالة.
سهير/ كفاية شرب بقي يا راضي صحتك.
راضي يقرب الشيشة من سهير/ خدي نفس وانتي تتبسطي.
سهير/ لا انا مليش في الحاجات دي.
راضي/ ملكيش في ايه؟!
هههههههههه انتي متعرفيش إن طباخ السم بيدوقة.
سهير/ مبلاش اللي بتفكر فيه ده علشان خاطري.
راضي/ وافتح بتين ازاي واصرف ع العيال منين دول؟ سبعه في رقبتي.
سهير/ يعني موضوع القهوة دا والناس وكده
انا مش مستريحه للموضوع ده كله.
راضي/ انا خلاص اتفقت مع الراجل صاحب المخزن اللي تحت ودفعت عربون كمان ومستحيل ارجع في كلامي.
سهير/ بس انا عندي بنت واخاف ع سمعتها.
راضي بغضب/ وبنتك مالها و مال الموضوع ده؟!
سهير / مش القهوة هتبقى تحت البيت اللي ساكنين فيه واللي قاعدين في القهوة هيشوفوها رايحه جايه من قدام القهوة؟!
راضي/ ودي فيها ايه ؟
سهير / بس انت عارف إن القهاوي بتلم شباب يعني
أخلاقها مش ولا بد .
راضي/ وانا بقي مطلوب مني أوقف أكل عيشي والشغلانه اللي مبفهمش غيرها علشان خاطر بنتك؟!
سهير/ متفتح المخزن ده أي حاجة تانية
وهو يعنى لازم تكون قهوة؟!
راضي/ تصدقي انتي وليه نكد والقعدة معاكي خسارة فيكي انا أقوم اروح لأم العيال احسن.
يقوم راضي بعصبيه و يوقع الشيشة ع الأرض ويفتح باب الشقة ويخبطه جامد.
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
