الحلقة العشرون
#احببتها_رغم_كل_شيء
#بوسي_مصطفي
.........
نادر / يا خبر وانت وقفت مكانك مجرتش وراها ليه وفهمتها الحقيقة
اياد/ معرفش رجلي وقفت ولساني اتخرس ومقدرتش انطق
نادر/ ونهي عملت ايه
اياد/ مش هتصدق ابتسمت كده اللي هو ابتسامة كسوف وسكتت
طب وسهر
اياد / سهر من يومها وهي مبتكلمنيش إلا في حدود يعني اعتبرتني أخوها
ومبقاش في أي حوار مابينا
اتلهت في الشغل وانا كملت عادي وخطبت نهى
نادر/ خلاص يا اياد انا آسف اني فكرتك بالموضوع ده
اياد وهو بيمسح دموعه / لا خلاص دا موضوع انتهي من زمان
. .........................
نادر/ هقوم اجهز العشا بقي ماتنمش نص ساعة والأكل يكون جاهز
اياد/ لا انا هنام تصبح علي خير اطفي النور وانت خارج
نادر/ لا مينفعش تنام من غير عشا
اياد/ ياابني صدقني مليش نفس تعبان ومحتاج انام
نادر / خلاص براحتك. .لو احتاجت حاجة انا صاحي هقعد شوية
في اوضتي
يخرج نادر من الغرفة
اياد بتنهيدة قوية وبعدها يرجع للماضي
ياسين/ اقعدي يا نهي يا بنتي واقفه ليه
نهى بخجل / لا انا همشي بقي علشان بابا ميقلقش عليه
وتخرج نهي من الشقة
ياسين / ايه قلة الذوق اللي أنتو فيها دي ايه يا مني متعزميش عليها تقعد تتغدا معانا
مني/ معانا مين!؟ اسمع يا ياسين انت مقاطعنا بقالك سنين مفيش أي تواصل بينك وبين ولادك غير الشهرية اللي بتبعتها ليهم كل شهر ومعرفش ايه بقي الحنيه اللي نزلت عليك فجأة دي
عايز تعمل شغل ومصالح يبقي بعيد عننا ولادي ملهمش علاقة بكل ده
ياسين/ هو انا لما أجري لابني علشان اشغله واضمنله مستقبل كويس يبقي دي مصلحة ليه انا لوحدي ولا دي مصلحة لابنك
اياد/ وايه علاقة الشغل بالجواز يا بابا هو دا عرض مثلاً لازم اخد الاتنين مع بعض
ياسين / ونهي ايه اللي يعيبها ياابني... ولا والدتك بتحاول تقنعك إن بنت خالتك احسن منها
مني / انا لا بقنع حد ولا بتكلم ابنك اللي اختار واهو قدامك أهو أسأله
اياد/ انا مش صغير علشان معرفش ايه اللي يناسبني وايه الحاجة اللي بحبها خصوصاً لو كانت إنسانه
ياسين/ بتحب فيها ايه دي
مني/ وانت بتحب مراتك ليه ؟!!
سكت ياسين
مني/ القلب اللي بيختار يا ابو ولادي
اياد/ بعد اذنكو
ياسين ممسك ايد اياد/ رايح فين؟!!
اياد يفك أيده / رايح ألحق حبي قبل ميضيع مني
ويخرج اياد مسرعاً ليتجه لشقة سهر
وقف قدام العمارة بينظر لفوق التليفون في أيده وبيتصل
اياد بانفعال/ متردي بقي
سهر فوق التليفون يرن اكتر من مره واقفه متردده
لحد م اخدت القرار / الو. ..نعم
اياد/ عايز أتكلم معاكي
سهر/ اياد خلاص مبقاش في حاجة نتكلم فيها
اياد/ طب حتى اطلعي في البلكونة طمنيني عليكي
سهر وهي حابسه دموعها/ يا سلام وحد قالك اني هموت من بعدك
إياد وهي بيبكي/ طب أنزلي نتفاهم ياسهر
سهر/ نتفاهم علي ايه. ..اياد ارجع بيتكو
اياد/ علشان خاطري أنزلي هقولك كلمتين وبعدين اطلعي ع طول
وبعد محاولات اياد والحاحه ع سهر بالنزول وافقت ونزلت بالفعل
سهر/ ها ايه هما الكلمتين اللي عايز تقولهم
اياد/لو قولتلك إن موضوع الخطوبة والكلام اللي قاله بابا دا انا معنديش فكرة عنه هتصدقيني
سهر/: ميفرقش معايا يااياد... شيء ميخصنيش
إياد بحزن/'سهر انتي بتقولي ايه يعني ايه ميفرقش معاكي
سهر /'اياد دي حياتك وانت حر فيها
اياد/ وحياتي ملهاش طعم من غيرك يا سهر
سهر/'مش فاهمه
اياد/ لا انتي فاهمه كل حاجة بس انا حاسس إن في حاجة مغيراكي من ناحيتي
سهر/'مفيش حاجة انت اللي بيتهيألك
اياد/ خلاص اثبتيلي إنك لسه عايزاني وموافقة اننا نتجوز
سهر/ ازاي يعني
اياد /'مامتك رفضاني وكمان بابا مش موافق يبقي مفيش حل غير إننا نكتب الكتاب وبعدين نعرفهم ووقتها هقولهم إننا اتجوزنا رسمي
سهر / انت اكيد اتجننت
اياد / عندك حل تاني
سهر/ لا معنديش واللي انت بتقول عليه دا لا يمكن يحصل ابدا
انا اتجوز بالطريقة.دي؟!!!
ينزل سراج من عربيته قدام العمارة
تنظر سهر لسراج
سهر ل اياد/ انا هطلع بقي سلام
سراج/ ع فين يا جميل هو انا قطعت عليكو خلوتكو
اياد وبنظرة حاده ل سراج/ نعم حضرتك تقصد ايه؟!!
سراج/ ما هو الحق مش عليك الحق علي الهانم اللي واقفه جنبك ومش عامله احترام لوالدتها ولا للراجل اللي البيت مفتوح بحسه وفاكره إنها ملهاش رجاله تحكمها
سهر بغضب/ انت ازاي تكلمني كده ؟!
اياد مقاطعا ل سهر/ استني انتي يا سهر
هو مين بقي الراجل اللي تقصده حضرتك مين اصلا!؟ انت مجرد جوز أمها احنا اللي رجالتها ومحدش هيخاف عليها قدنا
سراج/ ولما انت من رجالتها قاعد معاها ع السلم ليه يا محترم ولو حد من الجيران نازل ولا طالع يقول ايه وبعدين تعالي هنا قولي انت عايز منها ايه مش خطبت خلاص
سهر تطلع جري ع السلم وهي بتعيط
تخبط ع الباب بكل قوتها تخرج سهير من غرفتها جري
سهير تفتح الباب وتتفاجا بسهر وهي منهارة من العياط
سهير / في ايه يا بنتي؟
انتي كنتي فين؟ ...وبتعيطي ليه كده؟!
يطلع اياد ع السلم جري
يلحقه سراج ع باب الشقة ويمسك أيده ويمنعه من الدخول
سهير/ ف ايه يا جماعة مالكو حد يفهمني؟
اياد/ خالتو لو سمحتي احنا أهل مع بعضينا بلاش جوزك يدخل ما بينا
سراج/ تصدق إنك عيل قليل الأدب وانا بقي هقول لابوك علشان مامتك معرفتش تربيك
يرفع سراج أيده ليضرب اياد علي وجهه يمسك اياد يد سراج بقوة ويقبض علي أصابعه
سهير بغضب / ادخل يا اياد وبلاش فضايح بقى... الجيران تقول ايه
سراج/ يدخل فين؟!!
ابن اختك دا لو دخل انا اللي هخرج من الشقة ومش راجع تاني ايه رأيك؟
اياد/ خلاص يا خالتو انا اللي همشي
بس لو عرفت إنه كلم سهر نص كلمة مش هعديهاله ع خير
ونزل اياد
سراج/ ههههههه عال اوي الواد بيهددني
ونظر لسهر/ كان بيقولك ايه الواد ده تحت؟
سهر/ وانت مالك كنت ابويا ولا واصي عليه
ودخلت سهر غرفتها وخبطت الباب جامد
سراج/ شوفتي بنتك وقلة ادبها مش مكفيها انها قاعدة تحت معاه للي رايح واللي جاي يلسن عليها بالكلام لأ وكمان ليها عين تتكلم وتبجح
سهير/ معلش حقك عليه
سراج بانفعال/ جهزي الغدا خليني انام شوية قبل مروح المكتب
ودخل الغرفة يغير هدومه
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
