الحلقة السابعة والعشرون
#أحببته_رغم_كل_شيء2
#بوسي
......................................
في غرفة العمليات.
الدكتورة/ اطلعي نامي هنا.
سهر بتطلع وهي بتترعش
سلمى بتعيط.
الدكتورة لسلمى / ممكن تبطلي لو مسكتيش انا هخرجك
سهر ماسكه ف ايد سلمى
لسه بتتعلق المحاليل صرخت سهر
الدكتورة : احنا لسه عملنا حاجه. ..اهدي بس
سلمى : انا هخرج بره.
سهر بتصرخ.
سلمى بانفعال : انتي عملتي فيها ايه
الدكتورة بخوف/ هو انا لسه عملت حاجه
خديها يلا..انا مش عاوزه شوشرة
سلمى / دا انا هوديكي ف داهية
تشاور الدكتورة لقطم التمريض اللي معاها يخرجوا سلمى
وسهر لسه نايمه ع السرير وبتنزف
خرجت سلمى وهي مش عارفة تتصرف
خايفة تكلم رامي ملقتش حل غير إنها تكلم أسر.
______________________
في الشركة
اسر/ ركز ياحسام ف الشغل اكتر من كده الحسابات قدامى كلها غلط ومش أي غلطه كمان احنا كدا ممكن نروح في داهية ركز كويس
حسام / قول لنفسك
الدفاتر والملفات قدامك متلتله ومرجعتش ولا واحد فيهم وعمي سألني ع ملف المشروع
وانا حاولت اهرب من الموضوع ودخلته ف موضوع تانى خالص
اسر/ طيب كويس
حسام/ هو ايه اللي كويس
اسمع يااسر انا مش هداري عليك ف الشغل تانى
اسر/ مليش نفس للشغل يااخي
حسام/ خدلك اجازة ريح دماغك فيها
اسر/ اريح دماغي ازاي ب اللي انا فيه ده
حسام/ سافر روح أي حته
بس عندك مشكلة ياترى هتاخد مين معاك
اسر/ ويقعدوا يتخانقوا بقى
لا انا اسيبلهم البيت واطفش
حسام / هههههههههههههههه ه
التليفون يرن
حسام/ رد ياعم بقي تلاقي واحده من زوجاتك
هههههههههههه
انا رايح اشوف شغلي
اسر/ الو ازيك ياسلمى؟
سلمى وهي بتعيط/ اسر الحقنا سهر تعبانه اوي وبتنزف
اسر/ بتقولي ايه......مش سامع ايه الدوشة اللي عندك دي
سلمى / الدكتوره مش عاوزه تخرجها من جوه
اسر/ دكتورة ايه انا مش فاهمه حاجه.... بقولك ايه
اديني العنوان بسرعة
اخد اسر العنوان وجرى ع هناك
وصل اسر وحاول ياخد سهر معاه
الدكتورة مرضيتش تخرجها غير لما يمضي تعهد انها مجاتش تنزل البيبي وإن النزيف ده بسبب حالتها الصحيه
اخدها اسر ونزل بيها جري ع أقرب مستشفى
اخدوها وقدروا يوقفوا النزيف والجنين كويس محصلوش حاجة
وفعلاً التقرير أثبت إن النزيف ده بس حالتها الصحيه
وانها متحاولش تعمل اي مجهود
في غرفة سهر في المستشفى
مني/ كده ياسهر يابنتي كنتي عاوزه توجعي قلبنا عليكي
سلمى / دا انا اللي ركبي سابت لما شوفتها بتترعش
وبتصرخ شوفت الدم كان هيغمي عليه
منى / انتي تخرسي خالص حسابك معايا بعدين
منه / سلامتك يا سهر ألف سلامة.
ياسهر.....معقوله تعملي كده ف نفسك
يدخل اسر بغضب
وكان رامي داخل يلحقه قبل ميتهور وماسك أيده جامد.
رامي/ استني بس يااسر الأمور متتاخدش كده.
اسر/ اومال تتاخد ازاي؟
انا تبهدليني البهدله دي كلها
منه / معلش يااسر أجل الكلام دا لبعدين مش وقته
اسر/ تدخليني عيادة زباله زي دي
كل العمليات اللي بتتعمل فيها لبنات مقرفه متربتش
ياترى قولتي ايه للدكتورة يامدام
سلمى / ممكن توطي صوتك هي تعبانه ومش ناقصة زعيقك كمان.
اسر بانفعال / ممكن تسكتي انت كمان
رامي/ اسكتي يا سلمى
اسر / انا بشهدكو كلكو ع اللي عملته واللي كانت ناويه تعمله
بنتكو مبقتش تلزمني خلاص
منه/ اهدي بس يااسر
اسر/ ابني امانه عندك ياسهر لو حصله حاجه
انتي عارفة كويس اوي انا ممكن اعمل ايه
رامي/ طب تهدي شوية عشان نقدر نتكلم
انا عارف إنها غلطت بس الوقت دا صعب اوي تتكلم فيه كده يااسر
اسر/ ولما كانت تموت اللي ف بطنها
كنت هتقولي كده بردو
رامي/ انت عاوز ايه دلوقتي
اسر/ هي تشوف عاوزه ايه
عاوزه تطلق معنديش مانع بس بشرط تحافظ ع اللي ف بطنها لحد ميتولد مش عاوزاه تسيبهولي انا بقي عاوزه
سهر/ ياسلام وانت بقي عاوز تاخده كده ع الجاهز
اسر/ اسمعي ياسهر انتي عارفة كويس اني مش هفرط ف ابني مهما كان
ولو مش عاجيك الوضع اللي انتي حطتيني فيه ده براحتك
سهر بتعب/'انا اللي قولتلك روح اتجوز
اسر/ ايوه انتي ياسهر
سهر/ انا!
اسر/ مش لازم تقوليها بالبوق كده بس تصرفاتك هي اللي خلتي اتجوز
سهر بتعيط/ ابوس ايدك ياخالتو خليه يخرج انا مش قادرة أتكلم
منه/ تعالي يااسر معايا نتكلم بره
منى / معلش يابنتي هو زعلان من اللي حصل وبيقول أي كلام وخلاص
سلمى / ماما معاها حق انتي مشفتهوش كان خايف عليكي ازاي دا طول الطريق وهو يقولي صحصحيها اتكلمي معاها عشان يطمن إنك بتتنفسي
منى / بس كلامه بقي صعب اوي يابنتي
سلمى / ماهي الهانم اخدتنا ع مكان زباله دكتورة بتعمل عمليات من إياهم
وجوزك معاه حق بصراحة احنا اتعاملنا هناك مع ممرضات بجد الواحد مش عارف يوصفهم ب ايه
لما واحده منهم تقوله انت جاي تزعق ليه
كنت ربي اختك الأول قبل متيجي تعملنا شوشرة هنا
اتكسف يرد عليها ويقولها دي مراتي
منى / يلهوي ليه فاكرينها ايه
سلمى / معرفش بقي هي قالتلهم انها متجوزه ولا لأ
سهر : هتفرق ايه يعني
منى / ازاي بس ياسهر تحطي نفسك ف الموقف ده
سلمى / لأ و اللي هناك كلهم كده اشكالهم غريبة والدكتورة اللي هناك دي شكلها كده مش دكتورة ولا حاجه
وذلتنا لحد م عرفنا نخرج بيها
سهر/ امشي اطلعي بره ياسلمي
سلمى / انا غلطانه اني اسمع كلامك في أي حاجه تاني
اروح اشوف رامي عشان عارفه إنه هيسمعني كلمتين هو كمان
________________________________
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
