أحببتها رغم كل شيء 🥰

الحلقة ٣٦

الحلقة السادسة والثلاثون

#احببتها_رغم_كل_شيء
#بوسي_مصطفي
*-------------------------*
في شقة رامي
تقعد سلمى ع السرير بتعب وتتنهد بقوة
رامي وهو بيغير ملابسه / ايه يا سلمي مالك انتي تعبانه ولا ايه؟
سلمى / لا انا كويسه
يقرب رامي ويقعد جنبها/ اومال مالك زعلانه ليه مش كل شيء اتحل وأسر عرف الحقيقة
سلمى / ايوه بس سهر معانده ومش عايزة ترجعله
رامي/ اما أمرك غريب اوي انتي عايزاها تروح معاه كده ع طول
سلمى / يعني هي كده فاكره نفسها بتأدبه مثلاً دي هي اللي بتأدب نفسها لانها اصلا مش هتستحمل تبعد عنه اكتر من كده
رامي/ هي حره بقي يا سلمي المهم انه عرف خطة والدته ياريت بقي تقومي تعملي أكل انا واقع من الجوع
سلمين/ ليه انت مأكلتش عند مامتك؟ !!!!
رامي/ انا احترت اعملك ايه لو أكلت عند امي تزعلي وتقوليلي سايبني أكل لوحدي ولو مأكلتش بردو تزعلي
اعمل ايه علشان أرضيكي! !!!!!
سلمى / انا تعبانه ومش قادرة أقف في المطبخ
رامي/ خلاص هقوم انا اعمل لنفسى أكل بس ابقي نضفي المطبخ بقي الصبح
سلمى / بتقولي كده علشان أقوم انا اعمل الأكل مش كده؟
رامي/ براحتك انتي حره بقي
سلمى / لا مش قايمه وهنام كمان
تصبح ع خير
رامي/ ايه دا بقي دا انتي بدأتي تتمردي عليه كده مش تمام ع فكرة
سلمى / رامي بطل اسلوبك ده انا مش قايمه من مكاني لو  الدنيا اتطربقت بردو هنام
رامي/ طيب تعالي طلعيلي أي أكل من التلاجة وانا هعمله
سلمى / يا سلام وانت صغير مطلع لوحدك
رامي/ مش عارف أكل ايه
سلمى / اعملك أي ساندوتش وخلاص انا تعبانه ومش قادرة اتحرك
رامي/ واحنا بقي هنقضيها ساندوتشات لحد متولدي؟!!!
سلمى / لا وانت الصادق دا لحد ماالواد يتفطم واحتمال لحد م يروح المدرسة كمان ههههههههههه
رامي/:نعم! !! انتي بتهزري صح
سلمى / اجيبلك وقت وصحه منين علشان أقف في المطبخ رامي/ محسساني إن اللي هتخلفيه ده هيفضل صاحي أربعة وعشرين ساعة اومال هنقعد مع بعض أمتي
سلمى / لا ماانت تنسي بقي خلاص
رامي/ انسي! !! انسي ايه لا يا حبيبتي إلا دي بقي ماهو انا مجيش من الشغل تعبان علشان ارجع الاقيكي نايمه ولا قاعدة ب الواد اومال انا اتجوزت ليه
سلمى / لما يجي وقتها بقي نبقي نشوف حل
رامي/ طب تعالي بقي نلحق نقعد براحتنا لحد ميجي الوقت ده
سلمى / بقولك تعبانه تقولي نقعد براحتنا
رامي ببتسامة / انا هروح اعملي ساندوتش كده ع السريع ورجعلك اوعى تنامي عايزك في موضوع مهم
سلمى / ههههههه انت ونصيبك بقي تصبح ع خير
*------------------------------*
في شقة علي الحسيني
على / -انتوا كنتوا هتودني في داهية بسبب دماغكو اللي مبتفكرش دي متربوطهاش تاني واكلوها كويس
أحد رجالته/ انا بقول يا باشا نسيبها تروح لحال سبيلها بدل ميحصلها حاجة ونروح في داهية
علي/ انت حد قالك تفكر
الرجل/ بس يا باشا
علي يقاطعه/'متفكرش تاني وبعدين الداهيه دي انا اللي هوديك ليها لو مسمعتش الكلام وفتحت دماغك دي
الرجل الثاني/ طيب يا باشا لو جتلها الحاله دي تاني نعمل ايه
علي/:تتصل بيه ع طول وتحاولوا تفوقوها انا مش عايزها تموت
تليفون علي يرن
علي/ سعاد في ايه خير
سعاد/ انت فين يا علي
علي /'ليه في ايه عمرك معملتيها يعني واتصلتي تطمني عليه
سعاد/ وليد لسه مرجعش من بره انا قلقانه اوي
علي/ يمكن يكون سهران مع صحابه
سعاد/ عمره معملها واتأخر كده واللي قلقني اكتر انه مبيردش ع التليفون خايفة ومش عارفة أتصرف
علي/:طيب انا جاي حاولي تتصلي بيه يمكن يرد
*------------------------------*
في شقة سهير
في الصباح
تدخل سهير ل سهر اللي كانت قاعدة ع السرير
سهير/ سهر انتي صاحيه يا حبيبتي
سهر/ آه يا ماما
سهير/ وقاعدة في الضلمه ليه يا بنتي هفتحلك الشباك يدخلك شمس الجو حلو اوي النهاردة
سهر/ بلاش يا ماما مش عايزة أي نور في الاوضه
سهير/ ليه كده يا بنتي مش حلو ع نفسيتك كده لازم تخرجي من الاوضه دي وتوقفي في البلكونة شوية دي شمس الصبح متتعوضش
سهر/ هنام شوية
سهير/ ليه منمتيش ب الليل؟
سهر/ نمت بس حاسه اني عايزة انام تاني
سهير/'طيب بس افطري الأول يلا قومي اغسلي وشك وانا مجهزه الفطار ع السفرة
سهر/ هي خالتو فين
سهير/ نزلت من شوية قالت رايحه الشقة تعمل أكل ل اياد
سهر/'خليها متتعبش نفسها يا ماما انا بقيت كويسه
سهير/'قولتلها يا بنتي بس مصممه تقعد معاكي لحد متشدي حيلك وصحتك تبقي كويسه
سهر/ انا كويسه متخلهاش تتعب نفسها بيتها بردو ليه حق عليها
تليفون سهر يرن تنظر لشاشة الموبايل
سهير/'مين اللي بيتصل؟. ..أسر
سهر/ لا دا رقم معرفوش
سهير/ طب متردي شوفي مين
سهر/ الو
ملك/ ارتحتي يا بنت سهير
سهر بغضب/ انتي!!!!..انتي عايزة ايه يا ست انتي؟
ملك/'انتي ايه مفيش حاجة بتحوق فيكي اعمل ايه علشان تغوري وتبعدي عن ابني
سهر/ وكمان ليكي عين تتكلمي بعد ماكل حاجة اتكشفت بس اطمني اللي انتي عايزاه هيحصل اشبعي بيه بقي
ملك/ لو عندك كرامة بعد اللي عملوا فيكي تبعدي عنه بس هقول ايه ع واحده زيك معندهاش دم ولا كرامه
سهر/ انا اللي معنديش دم؟!!!
سهير/'في ايه يا بنتي مين بيكلمك؟
سهر/ ردي عليها يا ماما علشان انا تعبانه ومش قادرة أتكلم
ملك/ ابعدي بنتك عن ابني يا سهير انا بحذركو
سهير/'عيب اللي بتقوليه دا يا ملك دول متجوزين ابعدهم عن بعض ازاي
ملك/ خلي بنتك تطلب الطلاق بدل ملبسها مصيبه متعرفش تخرج منها
سهير/ تصدقي يا ملك محدش عايز مصيبه تاخده اللي انتي
انتي يا وليه اتجننتي ولا ايه؟ !!! يااختي لو عايزة تطلقيهم قولي ل ابنك مش هو اللي بيطلق ولا بنتي اللي هطلق نفسها منه؟!
ملك/ مصيبه تاخدك انتي يا ست يا اللي بتغيري في الرجاله ولا كأنك بتغيري هدومك عيب ع شيبتك دا انتي متجوزه واحد قد بنتك
سهير/ تقصدي اللي رحتي اتفقتي معاه ع خراب بيت ابنك ياريت تريحي نفسك وتلاقي راجل يعبرك ويتجوزك
ملك/ ليه هو انا زيك
سهير/ انا اتجوزت في الحلال الدور والباقي عليكي انتي اللي همك تنكدي ع ابنك وتظلمي بنتي وتتفقي عليها وكنتي عايزة تموتيها هو دا الحلال اللي بتعمليه
شوفي نفسك وبعد كده ابقي اتكلمي ع غيرك علشان انا احسن منك ومعملتش اللي انتي عملتيه
ملك/ غوري في داهيه انا اصلا غلطانه إن اتكلمت مع ناس زيكو
وتقفل ملك التليفون
سهير / اتفضلي يا بنتي التليفون. ..فورت دمي ع الصبح دي ست مفيش فايده فيها خرابة بيوت
سهر/ انا اللي غلطانه اني رديت عليها لو كنت أعرف ان هي اللي بتتصل مكنتش عبرتها 
سهير / متزعليش نفسك يا حبيبتي هي بس بتعمل كده من قهرتها تلاقي أسر كلمها امبارح علشان كده مولعه منك
*-----------------------------*
في شقة منى.
منى بفرحه / بجد اللي بتقوله دا يا ابني؟
يعني حبتها صحيح
اياد/ كبرت في نظري اوي يا ماما لما قالتي إن دا كلام فارغ ميتصدقش
منى / ياريت اخوها كان عمل كده هو كمان
بس بجد بنت جدعه
اياد/ انا بقول ملوش لزوم نضيع وقت انا قدامي اتناشر يوم بالظبط واسافر ولازم أخلص بقي في الموضوع ده
منى / كلم باباها وحدد ميعاد معاه علشان تروح تكلمه وتتفقوا ع كل حاجة طالما حبيتها بجد
يااااااه يا حبيبي انت متعرفش ريحتني قد ايه وفرحتني كمان
اياد/ بس ياريت تفضل كده متتغيريش بعد الجواز
منى / لا أطمن طالما وقفت جنبك في موقف زي ده يبقي بنت ب مية راجل وهتستحمل معاك أي حاجة علشان انت ابن حلال وتستاهل كل خير يا حبيبي
اياد/ يارب
*---------------------------*
في أحد الشقق
يحمل فارس سيجاره في يده وينفس فيها بضيق
بنت بجواره/ ايه يا عم ما خلاص بقى هتنكد علينا ليه اشرب وفرفش وبكره تتعدل
فارس / المصلحه اللي كانت هتجيلي منها قرشين حلوين راحت مني
البنت/ تتعوض وبعدين انت دماغك حلوه فكر في مصلحه تانية
فارس / دا حتي التسجيل اللي كنت بقول ههدد ملك بيه لو رفضت تديني باقي المبلغ خلاص اتكشف والكل عرف وابنها دلوقتي سمعهولها مبقاش ليه لازمة خلاص أنا مش عارف مين اللي كان بصصلي في المصلحة دي
ونظر للبنت
البنت /تقصد ايه يا فارس
تقصد ان عيني وحشه؟!
فارس/'انتي اللي  بتقولي مش انا
البنت / طب هات فلوس أشتري أكل
فارس / اللي عنده عقل بيفهم صحيح
البنت/'يعني مش عايز تتغدا؟
فارس/'لا انا ماشى
البنت /'هتروح فين بس خليك قاعد ولو زعلان يعني علشان بطلب منك فلوس خلاص اعتبرني مقولتش حاجة هنزل أجيب أكل وانا راجعه هجيبلك سجاير معايا
فارس ببتسامة/ هو دا الكلام
*-------------------------------*
في فيلا علي الحسيني
في المساء
في غرفة منه
تدخل سعاد ومنه واقفه قدام المرايا بتلبس هدومها
سعاد / انتي خارجة ولا ايه
منه/ خارجة! !!..لأ احنا جايلنا ضيوف هو بابا ملقكيش يا ماما
سعاد/ ضيوف مين ماهو انا مبقاش ليه لازمه في البيت
منه / اياد ومامته جايين عندنا الليلة
سعاد / نعم. ..
ازاي محدش يقولي
منه وهي بتلبس الحجاب/ بابا لسه قايلي من شوية انه اتفق معاهم يجوا الليلة علشان يتفقوا ع كل حاجة
سعاد/ كده من غير مااعرف ولا حد يقولي
منه/ ماانا بقول لحضرتك أهو
سعاد بسخرية/ كتر خيرك. ..
لأ بجد كتر خيرك انك قولتيلي
منه/ انا قولت إن بابا قال لحضرتك
سعاد/ بابا!!!..هو بابا دا انا بقيت اشوفه خالص
ياريت لما يتصل بيكي خليه بكلمتي
منه / علشان خاطري ياماما بلاش تعملي مشكلة الليلة وكمان لما يجوا ياريت تستقبليهم وتبتسمي في وشهم مش زي المرة اللي فاتت لو بتحبيني يا ماما أرجوكي
سعاد / حاضر في أوامر تانية
منه ببتسامة/ ايه رأيك ف الفستان ده
سعاد/ حلو
منه / حلو بس دا يجنن عليه
سعاد/ اخلعيه اظبطهولك
منه / لا كويس كده مش محتاج أي حاجه 
سعاد/ بس دا طويل اوي وواسع كمان
منه/ حلو انا مش عايزاه قصير
سعاد/ طب حتي ظبطي شعرك واخلعي اللي راسك ده
منه/ ماما هو حضرتك مفكرتيش تتحجبي؟
سعاد ب ارتباك/'لأ شعري حلو اغطيه ليه
منه/ هو حضرتك فاهمه إن اللي لابسين حجاب مغطيين شعرهم علشان شعرهم وحش؟!
سعاد/ اومال مغطينوا ليه؟
منه/ علشان فرض
سعاد/ اسمعي يا منه انا مش هدخل معاكي في أي نقاش لاني عارفة انك مصممه ع اللي ف دماغك واعملي اللي انتي عايزاه محدش منعك سلام يا حبيبتي
منه / ماما ...
سعاد/ نعم
منه/حضرتك رايحه فين
سعاد/ خارجه مع صحابي عندك مانع؟!!!!
منه / انا قولت لحضرتك ان اياد ومامته جايين الليلة
سعاد/ مش هتاخر اطمني
منه/ بس دول زمانهم جايين
سعاد/ لما بابا يجي ابقي اتصلي بيه
تخرج سعاد من الغرفة تتقابل ب علي
سعاد/ حمدا لله ...علي السلامة
كنت فين؟
علي/ انتي خارجة؟
سعاد/'انا اللي ب سأل ع فكرة
علي/ هو مفروض اني اقولك كنت فين وحضرتك بقي تخرجي ب مزاجك هو مين فينا الراجل فهميني
سعاد/ علي كنت فين وبلاش اسلوبك ده علشان انا فهماك كويس لما يكون فيها حاجة وعايز تخبيها بتحاول تقول أي كلام
علي/ وانا مش هرد عليكي بس هسألك
ياترى عرفتي المحروس ابنك كان سهران فين امبارح
وليد يدخل من باب الفيلا
سعاد/ أهو جه ابقي أسأله
يمسك علي ايدها/ انتي رايحه فين؟ ...جايلنا ضيوف
سعاد/ ضيوفك انت مش ضيوفي
علي/ يعني ايه
سعاد/ يعني انت مقولتليش إن جايلنا ضيوف انا عرفت ب الصدفه
علي/ كنت في الشغل ومكانش عندي وقت اكلمك
سعاد/ ماانت اتصلت ب منه وعرفتها
علي/ قولتلها علشان تجهز مش هي العروسة ولا ايه
وقولت اكيد هتقولك
وليد/'مساء الخير
علي/'كنت فين وإياك تكدب عليه لاني عرفت انك خرجت من الشركة من بدري
وليد/ كنت قاعد مع صحابي في كافيه قريب من هنا
علي/ قولي بقي ايه حكاية قعادك وسهرك مع صحابك اللي مش مصدقها دي
سعاد/ انا ابني مبيكدش وطالما قالك انه كان مع صحابه يبقي هو كان معاهم فعلا
جرس الباب يرن تفتح الخادمة الباب
ينزل علي سريعاً
يدخل اياد ومنى
يسلم اياد ع علي ببتسامة
علي/ شرفتونا اتفضلي يا مدام مني
اياد/'احنا اللي اتشرفنا بمعرفة حضرتك يا عمي
مني وهي بتقعد/ اومال عروستنا فين
اياد نظر لوالدته بحرج
علي / في اوضتها ثواني وهتنزل
ينادي ع الخادمة ويطلب منها تطلع ل منه تعرفها إن الضيوف جم
وبهمس يطلب منها تخبط ع باب اوضة سعاد علشان تنزل
جرس الباب يرن يقوم علي علشان يفتح الباب
اياد/ خليك يا عمي انا هفتح
يفتح اياد الباب
أسر ببتسامة/ سلام عليكم
اياد/ وعليكم السلام
علي /'تعالي يا أسر أدخل
اسر/ مساء الخير ازيك يا طنط
مني/ الحمد لله. ..يا حبيبي
علي/ ايه اللي اخرك كده ياابني
أسر وهو بيقعد/ الطريق كان زحمه اومال فين منه وطنط
تنزل منه ببتسامة/ مين ب يسأل عليه
انا جيت أهو
نظر اليها اياد ببتسامة خجوله ثم نظر ل والدته
أسر بغمز ل منه ويهمس/ ايه القمر ده كان مستخبي فين دا كله
منه بمزح/ خليك في حالك وبعدين القمر اللي تقصده تعبان ونايم في السرير وحضرتك معبرتوش
قعد أسر ببتسامة حزينه
علي/ سلمي ع طنط يا حبيبتي واستعجلي ماما
منه/ ماما نازله. ..
تسلم منه علي مني وتقعد بخجل وهي تنظر ل اياد
اسر/ بعد اذنكو
منه ممسكه أيده بهمس/ انت رايح فين
أسر ببتسامة/ ههههه رايح الحمام سيبي أيدي مالك متشعلقة فيها كده
منه/ طيب متتاخرش
اسر/ هظبط الميكب واجي ع طول هههههههه
الجميع/ هههههههههههههههه
منه بسخرية / هههههههه دمك تقيل
يقابل أسر سعاد في طريقة/ مساء الخير يا طنط
سعاد/ مساء الخير يا حبيبي هي ماما مجاتش معاك
اسر/ لأ ماما عند جدتي
سعاد/ ابقي سلملي عليها
اسر/'يوصل بعد اذنك
تقرب سعاد وتسلم ع مني
سعاد/ شرفتينا يا مني
مني/ تسلمي يا حبيبتي
سعاد/ منور يا اياد مش تقولوا من بدري انكو جايين
كنا فرشنا الأرض ورد
منه بهمس ل والدها/ بابا انا حاسه إن ماما بتتريق
علي/ متتكلميش وانا موجود
منه / حاضر بس ماما شكلها ناويه تبوظ الجوازه
علي/ ممكن تسكتي وتسيبيني اتكلم
اياد/ ممكن أدخل في الموضوع يا عمي
على /'الأول نشرب حاجة
وغمز ل منه تدخل المطبخ
مني/ اياد قدامه كام يوم بس ويسافر ف كان عايز يكتب الكتاب ع الأقل قبل ميسافر
سعاد / ع طول كده مش شايفه إن المدة قصيرة اوي
علي / وانا موافق شوف الميعاد اللي يناسبك وهات المأذون
سعاد/ بس يا علي
يقاطعها علي/ منه بتنادي  شوفيها  عايزة  ايه
يتابع علي كلامه/ وبخصوص الشقة والفرش والحاجات دي ف مش هنختلف شوف ايه اللي يريحك
اياد/ انا طبعاً مش هحلق أشتري شقة وافرشها ف بقول  حضرتك تاخد المهر وتفرشلنا الشقة لاني هسافر وأبقى ابعتلها
علي/ ان كان ع الشقة ف موجوده وب اسم منه
نظر اياد لوالدته
علي/ انا فاهم وجهة نظرك كويس ممكن تشترى الشقة عادي وتتكتب ب اسمك
اياد/ يبقي أفضل
علي / خلاص بكره نتقابل وتشوف الشقة والفرش مش هياخد وقت يعني يومين وتبقي مفروشه
مني/ وانا بقول كده احسن بردو واهو تتجوزوا يا حبيبي قبل متسافر وتبقي تبعتلها بقي لما تخلص الورق هناك
علي/ انا بقول الموضوع كده ماشي تمام ومفيش أي حاجة تخليك تسافر قبل متتجوز
اياد/ وانا موافق بس أعرف رأي منه الأول
تخرج منه من المطبخ / وانا موافقة ع أي حاجة يوافق عليها بابا
نظرت سعاد لها بغضب
منه تقدم العصير ل منى / اتفضلي يا طنط
منى / متشكره يا عروسة ابني
تقرب منه وتقدم العصير ل اياد بخجل/'اتفضل
اياد ببتسامة/ متشكر
أسر / ايه ده انا الظاهر اتأخرت بس مش مهم
الف مبروك يا منه
ينزل وليد ببتسامة ويسلم ع اسر/'عقبالك يا عم
منى / بعد الشر
منه ل وليد/ ايه ياابني اللي بتقوله ده
وليد بهمس ل اسر/'سمعت انك هطلق سهر
علي/ وليد هاتلي التليفون من اوضتي
اياد/ نستأذن احنا بقي
منى بهمس /'ايه مش هتقعد مع عروستك؟
علي/ منه اخرجي انتي وخطيبك اقعدوا في الجنينه
منه/ حاضر يا بابا
علي ل اياد/ عارف انك محرج تقولي ف قولت تيجي مني انا
اياد ببتسامة / متشكر يا عمي
علي/ هستاذنك يا مدام مني  عايز أسر شوية في المكتب
منى / اتفضلوا
سعاد/ منوره يا مني
مني/ البيت منور ب أصحابه ياحبيبتي
*----------------------------------*
في شقة سهير
تقوم سهر من نومها بفزع تجري سهير ناحية الغرفة بلهفه
سهير تشغل النور/ ايه يا حبيبتي مالك
سهر قاعدة ع السرير بتعيط/ مفيش يا ماما
سهير/ اومال بتعيطي ليه يا حبيبتي
وتقرب سهير منها وتقعد جنبها ع السرير
سهر/ تعبانه. ..تعبانه اوي وصعبان عليه نفسي
سهير تمسك بوجه سهر وتضعه بين يديها وتنظر لها
سهير/ عارفه يا سهر ع قد المحنه اللي احنافيها بس فرحانه اننا قربنا من بعض
سهر ببكاء/ قالي كلام وحش اوي يا ماما مش قادرة انساه
سهير تحتضنها/ بس يا حبيبتي بطلي عياط يا سهر انتي تعبانه يا بنتي
سهر/ انا مش تعبانه انا بموت يا ماما بموت
بموت من الظلم والاهانه بموت من القهر ومن بيتي اللى تخرب بسبب مامته وانه صدق كده بسهوله اني خاينه
نسى كل حاجة بينا في لحظة كأنه كان واحد تاني معرفش وحش مش انسان قتلني وقتل اللي في بطني مهما أوصفلك الجرح اللي جوايا بردو هتقوليلي استحملي وارجعيلوا
سهير/ لا مش هقولك كده انا هقولك لو قادرة ترجعي وتنسي اللي حصل بينكو ارجعي لكن لو مش هتقدري يبقى خلاص يا بنتي خليكي قاعدة ومونساني اليومين اللي فاضللي في الدنيا
سهر/ لا يا ماما علشان خاطري متقوليش كده انا مبقتش حمل أي حاجة تانية خلاص هموت بجد
سهير/ لو موت يا سهر هتزعلي عليه
تحتضنها سهر وهي بتبكي/:بعد الشر متقوليش كده عايزة تسبيني لوحدي انا مليش غيرك في الدنيا يا ماما
سهير/ حبيبتي يا بنتي وانا مليش غيرك سامحينى يا سهر علشان اموت وانا مستريحه
*----------------------------------------*
#احببتها_رغم_كل_شيء
#بوسي_مصطفي