الحلقة الرابعة عشر
#احببته_رغم_كل_شيء2
_____________________
في شقة اياد
منه/ بصراحة زودتها اوي معاها وضميري بيأنبني
رنا/ متحمليش نفسك فوق طاقتها انتي معذوره بردو
وجوزك كان مفروض يحترم مشاعرك شويه خصوصاً إنه عارف الموضوع قد ايه حساس وأي كلام معاها اكيد هيضايقك
منه/ من وقت مرجعنا من عند مامته وانا قعده ع السرير في اوضتي وبعيط وعاوزه اتصل اكلمها واعتذرلها ومش قادرة اتصل مش عارفة أقولها ايه
رنا/ طب انتي ليه حاسه بالذنب من ناحيتها
منه/ عشان بحبها هي اختي وصاحبتي بس غصب عني لما بلاقيها قعده مع جوزي ولا بتكلموا بتغاظ وببقي عايزة اتخانق معاها
رنا/ خلاص كلميها. ..وانتي بتقولي انها طيبه يبقي اكيد هتسامحك
منه/ تفتكري كده بعد اللي قولتهولها هتسامحيني
رنا/ جربي مش هتخسري حاجة
انتي وحشاني اوي يامنه انا بقي اللي نفسي اتخانق مع جوزك عشان بعدك عني
منه/ وانتي وحشاني اوي ومفتقداكي بجد
رنا/ هقفل معاكي عشان اشوف العيال
منه / أوك.... تصبحي ع خير
____________________________-__
منى وسلمى بيتكلموا (فون)
منى / بتعملي ايه دلوقتى
سلمى / بروق الشقة
رجعت لاقيتها ولا سوق الجمعه
كركبه في المطبخ والاوضة والدنيا متبهدله
منى / معلش يابنتي اعملي ع قدك. ..كل يوم اعملي حاجه مش لازم كله مره واحده
سلمى / عندك حق ياماما الواحد اصلا واقف بالعافية الحمل تعبني اوي المرادي
منى / مكلمتيش سهر واطمنتي عليها
سلمى / انشغلت في ترويق الشقة
هكلمها لما أخلص
منى / طيب يا بنتي كلميها وانا هكلمها الصبح
تعبانه وهدخل انام
سلمى / مكانش ينفع ياماما تباتي كده لوحدك
منى / مفيهاش حاجه يابنتي
سلمى / طب حتي عمار كان قعد معاكي
منى / هو جاي من السفر مينفعش احبس حريته واقعده معايا
سلمى / طب كان سابلك اياد ونسك
منى / يعني هحرم الواد من أبوه
انا مستريحه كده. ..الحمد لله
سلمى / طيب تصبحي ع خير
متنسيش تاخدي الدوا قبل متنامي
منى / حاضر
______________________________
أسر واقف تحت في الجنينه بيتكلم مع البواب
سهر واقفه في البلكونة الخاصة بغرفة مليكه
هي وأسر متخاصمين من الليلة إياها اللي اتخانقوا فيها مع بعض وحشها وعايزه تكلمه
وهو بطل يسأل عنها قعده في اوضة مليكه بإستمرار زهقت وبتفكر تدخل تكلمه
أسر سأل مامته عن مليكه وعرف إنها نامت دخل اوضته ع طول
بيغير هدومه.....هايدي بتتصل
هايدي/ حبيبي وحشتني
أسر بفرحه وابتسامة ملأت وجهه/لا لا مش اكتر مني
يا روحي. ..بتعملي ايه
هايدي/ مفيش... قعده ع السرير باكل مكسرات وشيبسي
انت بقي بتعمل ايه
اسر/ لسه داخل اوضتي
هايدي/ أسر ممكن أسألك سؤال بس تفهمني اوك
اسر/ اوك أسألي
هايدي/ هي المدام مبتنامش معاك في نفس الاوضة
سكت أسر ومتكلمش
هايدي / انا آسفة بس بصراحة أنا بغير عليك ومستحيل أتخيل يعني
اسر يقاطعها/ هايدي عاوز اعرفك إن حياتي انا ومراتي وبنتي دي حاجه تخصني انا
وعمري مهظلمك معايا وانا قولتلك ع كل ظروفي وانتي قبلتي يعني مضحكتش عليكي عشان تقولي بغير... اوك
هايدي / خلاص انا آسفة خلينا نغير الموضوع بقي
انت سعيد إنك اتجوزتني؟
اسر/ طبعاً سعيد
هايدي / يعني مش ندمان
تدخل سهر بعد متخبط ولسه أسر هيتكلم اتفاجأ بدخولها
اسر ل هايدي/نكمل كلامنا بعدين. ..تصبح ع خير
هايدي / حبيبي انت بتقول ايه
أسر قفل بسرعة
سهر بتردد/ لاقيت نور الاوضة شغال قولت اجي اتكلم معاك شوية
اسر/ لو في حاجه مهمه قولي
سهر قعدت جمبه بخجل كأنها اول مره
صعبان عليها نفسها بس في نفس الوقت بتحبه والخصام بينهم طول اوي وهي نفسياً تعبانه محتاجاه يطبطب عليها ياخدها في حضنه وبتفتح أي موضوع عشان يتكلموا
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
