أحببتها رغم كل شيء 🥰

الحلقة ١٧

الحلقة السابعة عشر
#احببته_رغم_كل_شيء
#بوسي_مصطفي

___________________________

في الصباح
سهر يدوب لسه نايمه. ..معرفتش تنام طول الليل من التفكير وبتسأل نفسها
ياترى في ايه؟
بتتقلب فجأة حست بإيد صغيرة بتلمس وجهها
سهر/ ايه ياملوكه صاحيه  ليه ياحبيبتي
مليكه وايدها ع دماغها/ بابي
سهر وقلبها اتخطف/'بابي....ماله ياملوكه
مليكة/ دم هنا
وشاورت ع ايدها  
سهر قامت جري لدرجة إنها اتكعبلت في رجل كرسي واتخبطت ومحستش
فتحت الباب بسرعة ..كانت ملك ماسكه ايد أسر
سهر/ في ايه ياحبيبي
نظر ليها أسر وعيونه دبلانه
سهر ل اسر / ايه  اللي عورك كده
ملك/ معرفش في ايه مالكو
انتي من كام يوم رجلك تتعور وهو أيده تتعور النهاردة من الازاز بردو
سهر مسكت ايد أسر التانية
ملك/ هعملك حاجه تشربها ياحبيبي
نزلت ملك
سهر/ أسر انت ايدك متلجه
أسر واخد سهر في حضنه وهو بيبكي
سهر / في ايه قولي ياحبيبي
اسر/ مش عاوز اتكلم كل اللي عاوزه تسبيني في حضنك شوية
سهر بدموع/ حاضر
_______________________

بعد كام يوم 
قدام شقة مني يوقف اياد
مني تقوم بتعب تفتح الباب
اياد ببتسامة/ صباح الخير ياست الكل
مني/ اياد. ..حبيبي أدخل ياابني
اياد/ يلا بقى يامنه كل ده بتطلعي السلم
منه بتعب/:صباح الخير ياطنط
مني/ صباح النور يابنتي ادخلوا
اياد/ ايه ياماما مالك ياحبيبتي انتي تعبانه
مني /  لا ياابني انا كويسه......بس عشان لسه صاحيه من النوم
تلاقيني مش مركزة شوية
اياد لمنه/ طيب ياحبيبتي
جهزلنا السفرة بقي أصلي واقع  من الجوع
مني/ ايه ياابني اللي انت جايبه معاك ده
منه/ قولنا نيجي نفطر معاكي ياطنط
اوعى تكوني فطرتي
مني/ هقوم اغلي لبن انا عارفة إنك بتحبه ياحبيبي
اياد/ ياماما اقعدي بقي استريحي
احنا جايين نفطر معاكي ولا نتعبك
بعد شوية
منه/ يلا بقي ياطنط انا جهزت السفرة
ع السفرة
اياد/ سلمي قالتلي إنك تعبانه
معلش اعذريني ياماما انشغلت عنك اليومين اللي فاتوا
مني/ لا ياحبيبي انا عارفة إنك مشغول......تلاقيك مبتنامش
منه/'طول اليوم في المحل وبيرجع آخر الليل يدوب ينام ويصحي تاني يوم الصبح وهكذا لما استوي
اياد/ ههههههه
أنتي مش ملاحظة إن كلامك بقي غريب اوي اليومين دول
منه/'من عاشر القوم بقي
مني/ هههههههه
لا واضح اوي إن سلمي بنتي بهتت عليكي
منه/'هي مبتجيش ولا ايه 
مني/ لا بتيجي.....كانت هنا امبارح
منه / هدخل اعملكو كوبيتين شاي يعمروا الطاسه
اياد/ هههههههه
مني/ بنت حلال مراتك ياابني.....مبسوطين ياحبيبي
اياد/'الحمد لله. .ياماما
مني /'هو رامي كلمك
اياد/'هي سلمي قالتلك
مني/ لو الفلوس مكفتش انا معايا الدهب بتاعي هبيعهم وهو يكمل عليهم ويدخل شريك معاك
اياد/ الموضوع مش موضوع فلوس ياماما
بس دي حسبه صعبه اوي وانا لازم أفكر كويس واحسبها صح
خصوصاً إن دا جوز اختي وانتي عارفة بقي موضوع الشراكة دا بيزعل الناس من بعضيها
مني/ إن شاء الله
مفيش زعل ياابني
عشان خاطر سلمي متكسف جوزها ووافق
اياد/ انا قولتله يسيبني كام يوم أفكر وارد عليه
مني/ كلمه وقوله إنك موافق
اياد / حاضر
منه خارجة من المطبخ / كوبيتين شاي في الخمسينه
إنما ايه يكيفوا بجد
اياد/ ههههههه
تعرفي كلامك مش راكب ع بعضه
حاسه إن سلمي بوظت لسانك لا انتي عارفة تبقي زيها ولا عارفة ترجعي لمنه تاني
منه/ ياخسارة تعبي
دا انا كل يوم اذاكر من الملزمة اللي عطتهالي
مني واياد/ هههههههههه
منه/'انا بتكلم بجد
كتبتلي كام جملة كده اقولهم في الموقف بتاعهم
بس الظاهر إنها طلعت مدرسة فاشلة
هكلمها ترجعلي فلوس الدروس
اياد/'هي بتاخد منك فلوس كمان
منه / هههههههههههه
بهزر ياحبيبي
اياد/ هههههههههههههههه
مني/ كلمهالي شوفها اتاخرت ليه
اياد / حاضر
مني/ قالتلي هتوصل ابنها الحضانة وترجعلي معرفش ايه اللي آخرها
منه/ يمكن بتشتري حاجه وجايه متقلقيش ياطنط
___________________________