الحلقة الخامسة
#احببتهارغم كل شيء
...............
هارون/ انتي فاهمه انا عايز ايه كويس
سهير انتي دلوقتي محتاجة راجل جنبك يحبك ويحتويكي وكمان سهر محتاجة لـ أب.
سهير/ بجد يعني هتبقى أب ليها؟
هارون/ طبعاً وكل اللي تحتاجه انا مش هتأخر عليها فيه بس توافقي.
سهير / بس موضوع الجواز اللي في السر ده مخوفني.
هارون/ هو مش في السر أهلك هيعرفوا وكمان الجيران لكن مراتي متعرفش انا راجل وصلت للخمسين وعندي ولاد كبار علي وش جواز مقدرش اصارحهم بحاجة زي كده.
سهير/ سيبني كام يوم أفكر وهرد عليك.
هارون / ماشي وانا مستنى ردك...أقوم انا بقى
مش محتاجة مني حاجه؟
سهير/ كتر خيرك كفاية الحاجات اللي جبتها معاك ليا ولسهر.
هارون / حاجات ايه بس دي كلها حاجات بسيطة فكري انتي بس في موضوعنا.
سهير/ حاضر.
سهر في اوضتها بتبكي بعد سماعها للحوار اللي
دار بين هارون و والدتها.
.............................
تدخل سلمى الغرفة تتفاجئ بـ سهر بتبكي
سلمى بقلق/ مالك يا سهر بتعيطي ليه؟
سهر وهي بتمسح دموعها بسرعة / لا مفيش حاجة.
سلمين / عليا برضو دا انتي هاريه نفسك من العياط.
تبكي سهر/ أصلي افتكرت بابا.
سلمى تحتضنها / يا حبيبتي....تعيشي وتفتكري
يلا قومي أغسلي وشك علشان نتغدا الأكل على السفرة.
سهر/ مليش نفس.
سلمى تشدها من ايدها وتخرجها من الاوضة.
أمام السفرة.
منى / ايه يا بنات مبتجوش ليه انتوا مجوعتوش؟
سلمى / لا يا ماما أصلها عامله فيها مكسوفه ومش عايزة تاكل.
سهر/ لا يا خالتو كسوف ايه ماانتي عارفه لما بجوع استحالة اقول للأكل لأ.
منى / هههههه طب ما انا عارفة دا كويس وعارفة إنك جعانه قربي بقى.
تخرج علا من المطبخ وفي ايدها طبق وببتسامة
/ دا احنا عاملين فراخ وملوخيه عمايل ايديه قربي بقى دوقي ومتكسفنيش.
سهر/ تسلم ايدك ياعلا.
علا / لا مينفعش لازم تدوقي علشان اعرف إنك مش بتجامليني.
سهر ببتسامة / حاضر.
وتقرب من السفرة و كلهم يقعدوا.
ياسمين بنت عمار تخرج من الأوضة وهي بتبكي تجري عليها علا تشيلها وتقعدها على السفرة.
منى / ابقي طبطبي عليها يمكن خافت من حاجة وهي نايمه.
سلمى / فعلا ماما كانت بتعمل معانا كده واحنا صغيرين.
علا/ معلش فاتتني أصل جعانه اوي. هههههه
جرس الباب يرن يجري إياد ابن عمار يفتح
الجميع عينهم من الباب.
عمار ببتسامة/ سلام عليكم
ويدخل.
علا / قرب بقي حماتك بتحبك.
عمار بمزح/ أوي.
علا بنظرة حاده/ ايه ليك رأي تانى ؟!
عمار / بهزر يا حبيبتي...طنط على عيني وراسي
ازيك يا سهر يابنت خالتي.
سهر/ أنا كويسه ...ازيك يا عمار اخبارك ايه ؟
عمار/ تمام
يااااه مشوفنكيش من زمان.
منى / هي جات غير بعد محايل.
التليفون يرن تجري سلمى بفرحه/ دا اكيد اياد
ينظر عمار لسهر...سهر بحرج تقوم.
منى / ايه يا بنتي مبتاكليش ليه؟
سهر/ هدخل اغسل ايدي.
سلمى ماسكه التليفون / الو ايوه يا اياد انا معاك.
اياد/ ازيك يا سلمى اخبارك ايه؟
سلمين/ أنا كويسه.. أنت اخبارك ايه؟
تقوم منى بسرعة/ هاتي اكلمه.
سلمى / هو انا لسه اتكلمت؟!
تاخد منى السماعة / ايوه ازيك يا ابني عامل ايه؟
تبكي منى.
اياد/ انا بخير يا ست الكل أخبار صحتك ايه وحشاني اوي.
تمسح منى دموعها/ لو كنت وحشاك بجد كنت نزلت اجازة شوفتك واطمنت عليك.
اياد/ معلش يا ماما انتي عارفة الشغل بقي التزام وخايف أنزل يجيبوا حد مكاني.
منى / المهم صحتك عامله أيه بتاكل كويس يا حبيبي؟
اياد/ انا تمام يا ماما متقلقيش عليه باكل وبشرب وبنام زي الفل
ههههههه
مين عندك ؟ ولاد عمار مش كده سامع صوتهم.
منى / عمار ومراته هنا بيسلموا عليك تكلمه؟
اياد/ اه طبعا ادهولي دا واحشني اوي.
تخرج سهر من الحمام تجري ياسمين ناحيتها.
علا بصوت عالي/ حاسبي يا سهر علشان متبهدلش هدومك
تعالي يا ياسمين اغسلك ايدك.
عمار/ ازيك يا اياد اخبارك ايه؟
اياد / هي سهر عندكو؟
عمار / آه ...قولي اخبارك ايه.
اياد / تمام
هي سهر عامله ايه يا عمار؟
عمار/ كويسه. ...كلنا كويسين متقلقش علينا.
اياد/ طب ادهالي أكلمها.
عمار بغضب يهمس/ جرالك ايه يا اياد انت مبتنساش كفاية بقي و فوق لنفسك.
اياد بحزن/ مش قادر.
عمار/ خلي بالك من نفسك... ماما عايزة تكلمك.
سهر واقفه في البلكونة.
سلمى / يعني ايه عايزة تمشي احنا لحقنا قعدنا مع بعض.
سهر/ معلش بقي يا سلمى هبقى اجيلكو مرة تانية علشان بس متأخرش.
سلمى / لو خايفة تروحي لوحدك عمار هيبقى يوصلك.
سهر/ انا جايه بالعربية معلش بقى.. سلام.
سلمى تجري تلحقها
منى بتقفل التليفون/ رايحه فين يا سهر؟
سهر/ هروح بقي يا خالتو محتاجة مني حاجة؟
مني/ كنت عايزاكي تقعدي معانا شوية هتروحي تعملي ايه
هو جوزك مش في الشغل دلوقت؟
سهر/ آه بس هروح بقى قبل الدنيا متليل انا سواقتي على قدي.
منى / خلاص يا بنتي مع السلامة.
عمار يخرج بعد ما غسل ايده/ ايه ده انتي ماشيه
ولا ايه؟ طب استني أوصلك.
سهر/ معايا العربية.
عمار/ هي العربية الزرقه اللي تحت دي بتاعتك؟
سهر ببتسامة/ آه.
عمار/ يا عيني يا عيني ههههه دا أنا فضلت واقف قدامها تحت يجي ربع ساعة بتفرج عليها.
سهر/ متغلاش عليك...بجد علي فكرة مش عزومه يعني.
عمار/ هههههه لأ صادقه يلا هنزل معاكي لتحت.
علا/ ملحقناش نقعد معاكي.
سهر/ هبقى اجي ازوركو في بيتكو بس تعمليلي ملوخية ماشي.
علا/ من عنيه...بس انتي تعمليها وتيجي بجد.
أنت تقرأ
أحببتها رغم كل شيء 🥰
Roman d'amourاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
