أحببتها رغم كل شيء 🥰

الحلقة ٣

الحلقة الثالثة
#احببتهارغم كل شيء
#بوسي
..................
في المساء.
يعود آسر إلي الفيلا متعب ومرهق من العمل
يفتح باب الفيلا الأنوار جميعها مطفءة ماعدا ضوء بالأعلى يقترب من عتبات السلم ليصعد
يتفاجئ بصوت أحد يتنهد
يستدير آسر ليجد سهر نائمة علي اريكه موضوعه في منتصف ريسبشن الفيلا
يخطو آسر نحوها ليقترب منها بحب.
آسر ممسك يدها/ سهر. ..سهر حبيبتي ايه اللي منيمك هنا؟
تفتح سهر عينيها ببطئ/ آسر انت جيت أمتى؟
آسر / لسه جاي حالا منمتيش في اوضتك ليه؟
سهر / كنت مستنياك ولما اتأخرت دماغي تقلت ونمت.
آسر يقترب بيده ليحملها
سهر/ هتعمل ايه؟!
آسر / هشيلك.
سهر ببتسامة/ لا يا حبيبي انا اقدر امشي لوحدي
صحصحت خلاص وبعدين انت راجع من الشغل تعبان.
آسر ببتسامة / ميهمكيش لسه فيه شوية باور اخلصهم بالمرة ههههههه
سهر/ هههههههههه حبيبي.
آسر / وعلشان الكلمة دي بقي يلا كلبشي جامد اوعى تسيبي.
سهر/ ههههههه حلوة اكلبش دي جبتها منين؟
آسر / هههههه  معرفش هي جات كده لوحدها.
سهر / طب يلا كلبشت ههههه اطلع بقى.
علي اول سلمه آسر / حبيبتي انتي موقفتيش على الميزان من أمتى؟
سهر/ هههههه دا انا رفيعه خالص تسعه وخمسين كيلو بس انت اللي شكلك تعبان.

آسر / الظاهر معاكي حق أنا اللي بقاوح.
يفتح آسر باب الغرفة.
سهر/ خلاص نزلني بقى.
آسر / ماجتش علي الخطوتين دول.
يضعها في السرير.
سهر ببتسامة/ معرفش ايه لازمة اللي انت عملته ده
تعبت نفسك وخلاص.
يقترب آسر منها / عايز افرحك علي طول زي ماانتي مفرحاني دايماً.
سهر/ آسر بلاش كلامك ده اللي بيحسسني بالذنب
انا معملتلكش حاجة  تستاهل كل اللي بتعمله علشان.
آسر وهو يُقبل يدها/ كفاية وجودك جنبي.
سهر/ مش جعان؟
آسر / انا عايز اناااااام.
ويستلقي على السرير
تقترب سهر منه لتخلع حذاءه.
ينتفض آسر بسرعة / ايه هتعملي ايه؟
سهر/ هساعدك تغير هدومك.
آسر / لا يا حبيبتي مش عايز اتعبك.
سهر /تعبك راحه يا حبيبي.
آسر / هقوم اخد شاور علشان اعرف انام.
تهز سهر رأسها ثم تغمض عينها وتعود للذكريات

****
فلاش باك
حمدي/ سهير بصراحه كده انا مش واخد راحتي في البيت قولتلك يوم أجازتي تودي بنتك عند أمك ولا اختك طنشتي وكأنك حابه الوضع ده
انا لسه صغير ومحتاج أعيش حياتي شوية قبل دوشة العيال مش هنبتديها بقي بعيله عندها سبع سنين حابسه حريتي مش عارف اقعد ولا ألبس براحتي.
سهير /يا حبيبي طب اعمل ايه انت بتقولي طنشت طب الكلام مكنش قدامك حاولت معاها وهي اللي مش عايزة تروح هناك ايه اطردها مثلا؟
حمدي / معرفش اتصرفي.
سهير/ انا هنزل اشتري طلبات البيت ولما ارجع هتكلم معاها خلاص بقى متزعلش.
سهر قاعدة قدام التليفزيون.
سهير / متتشاقيش يا سهر علشان عمو عايز ينام.
سهر/ حاضر يا ماما بس أبقي هاتيلي حاجة حلوه معاكي.
سهير/ حاضر يا حبيبتي.  
تنزل سهير من الشقة
يخرج حمدي من الغرفة يجلس بجانب سهر
ينظر لها بغضب ثم ينظر للتليفزيون.
سهر/ في حاجة يا عمو ؟
حمدي /قومي هاتيلي اشرب.
تقوم سهر وتحضر كوب من الماء.
حمدي / الكوباية مش نضيفة روحي أغسليها.
سهر/ مبعرفش.
حمدي بانفعال/ يعني ايه مبتعرفيش.؟!
سهر/ الحوض عالي عليا وانا مبطلوش.
حمدي/ بت انتي هتمكري عليه اتصرفي و أغسلي الكوباية.
تدخل سهر الحمام وتغسل الكوباية بالمياه.
يلمحها حمدي ويجري ناحيتها وبكل انفعال / وقعتك مهببه انتي بتغسلي الكوباية منين؟
سهر بخوف / انا قولتلك مبطولش حوض المطبخ قولتلي اتصرفي.
حمدي/ وانا بقي هتصرف معاكي.
يخلع حزام بنطاله وينهال عليها بالضرب
تصرخ سهر من الألم يسقط كوب الماء.
حمدي / طالما أمك بقى معرفتش تربيكي انا اللي هربيكي.
تصرخ سهر وتبكي ثم يتركها حمدي ويدخل الغرفة
تنهض سهر وهي تتألم من الضرب وتخطو لتجلس علي الاريكه تتعثر قدمها بقطعه زجاج من الكوب الذي كسر
تصرخ من الألم
حمدي بالداخل لا يبالي بصراخها
تمشي علي قدم واحده وتقترب من الاريكه لتجلس عليها
تحاول نزع قطعة الزجاج وكلما حاولت الاقتراب منها تبكى من الخوف فهي تحتاج من يطمءنها أنها بخير
تغلق عينها وتمسك بالزجاجة حتي تنزعها و قلبها ينتفض من الخوف
نجحت في نزعها ولكن الدم يسيل من قدمها
تجلس مايقرب من نص ساعة وهي تكتم جرحها بملابسها حتى تستسلم للنوم
تعود سهير بعد نصف ساعة أخري لترى طفلتها وقد غطى دماءها الاريكة موضع قدمها
صرخت سهير خائفة أن يكون حدث شيء آخر.
يخرج حمدي من الغرفة/ مالك في ايه؟
سهير / ايه اللي حصل للبنت ونايمه ليه كده؟
حمدي ينظر لقدم سهر/ بنتك رجلها متعوره مالك في ايه؟
تتنفس سهير الصعداء ثم تدخل الغرفة لتحضر مطهر وشاش وقطن 
تستيقظ سهر لتبكي وتحتضن والدتها وهي ناظرة إلى حمدي بخوف.
............. 
يخرج آسر من الحمام ليستلقي على السرير ممسك يد سهر.
آسر / سرحانه في ايه؟
سهر/ لا ولا حاجة
يقترب آسر منها ليضع يده علي رأسها / نفسي دماغك دي تبطل تفكير وتوهان انتي مينفعش تقعدي لوحدك
لو سيبتك شوية ارجع الاقيكي كده ريحي دماغك  بقى.
سهر/ عندك حق انا هريح نفسي وانام
تصبح علي خير يا حبيبي.
آسر وهو يغمض عينيه من التعب/ وانتي من أهل الخير يا حبيبتي.
......
حاوطها آسر بذراعيه ليقربها إليه ثم يذهب في النوم
تحاول سهر ان تغمض عينها ولكن الذكريات تحيط بها
تعود مرة إلى منزل والدها
فلاش باك
سهير/ انتي بتقولي ايه يا سهر عمو عمل كده؟
سهر وهي تبكي/ ضربني ياماما بالحزام علشان غسلت الكوباية من الحمام.
سهير / خليكي قاعدة هنا ومهما حصل متجيش خالص سامعه؟
تهز سهر رأسها ثم تذهب سهير للغرفة.
سهير تحاول إيقاظ حمدي/حمدي. ...حمدي انت نمت؟
حمدي بغضب/ انتي شايفة ايه؟!
سهير/ حمدي انت ضربت سهر حقيقي؟
حمدي/ بنتك قليلة الأدب بقولها هاتيلي اشرب تدخل تغسل الكوباية من الحمام وأما اكلمها تزعق كأني شغال عند أبوها.
سهير/ بلاش تغلط في باباها.
حمدي/'ايه لسه بتحبيه؟
سهير/ انت بتغير ولا ايه؟
حمدي/'وانا هغير من واحد ميت بردو؟
اقفلي الباب خلينا ننام.
تبتسم سهير/ بس علشان خاطري يا حمدي متزعلهاش تاني سهر حساسه وأقل حاجة بتزعلها.
حمدي / طيب خلاص مش هزعلها تاني.
اقفلي الباب كويس بقي وتعالي.
سهير تقرب منه / حمدي علشان خاطري سهر يتيمه ومش عايزة...
يقاطعها حمدي بغضب/ يووووه قولت خلاص مش هزعلها عايزة ايه تاني؟
سهير تحاول تمتص غضبه/ خلاص. ..خلاص متزعلش.
حمدي ببتسامة/ خلينا في نفسنا بقى دلوقت وسيبك من بنتك وحساسيتها دي.
سهير / هههههه طيب اطفي النور.
سهر لسه قاعدة مكانها منتظرة والدتها تسمع الباب بيتقفل بالمفتاح
وأصوات موسيقى عاليه داخل الغرفة
سهر اتأكدت إن والدتها مش هتخرج وإنها هتفضل قاعدة وحيدة
قامت شغلت التليفزيون بتعب
رجلها لسه بتوجعها.
سهر تنظر إلي التليفزيون هي في الحقيقة مش شايفة أي حاجة ولا مركزة فيه
وكل اللي بيجي قدامها صورة والدها اللي مبتفرقهاش
بتصرخ من جواها ودموع علي خدها
تحدث نفسها بألم / سبتني يابابا بعدت عني وسبتني لوحدي محتجالك ارجع خدني في حضنك انا تعبانه من غيرك
بدأت الفجوه بين سهر ووالدتها تزيد يوم بعد يوم بسبب سلبية والدتها واهمالها لها.
...............
في غرفة آسر
سهر تبكي بصوت عالي وهي نائمة آسر مازال محتضنها
يقوم بفزع/ سهر. ..سهر
يحاول ايقاظها / سهر اصحى في ايه مالك؟
سهر تفتح عينيها وتقترب من آسر اكتر وتحتضنه
يُقبل رأسها / ايه يا حبيبتي مالك. ...دا كان كابوس ولا ايه؟
تهز سهر رأسها. ..
هي فعلا تشعر أن ما مرت به في طفولتها كابوس مخيف تحاول نسيانه في أحضان آسر.
آسر يقترب ياخد كوباية مياه / اشربي يا حبيبتي واستعيذي من الشيطان الرجيم.
انتي صليتي العشاء؟
سهر/ لأ. ..غلبني النوم ونسيت.
ابتسم لها آسر بحب/ طب قومي اتوضي وصلي علشان تعرفي تنامي.
سهر/ عندك حق مفيش راحة من غير صلاة.
تدخل سهر الحمام
آسر قاعد علي السرير
سهر تخرج من الحمام / انت لسه صاحي منتنمش ليه؟
آسر / لما تخلصي صلاة
تقترب سهر من كرسي في الغرفة تاخد لبس الصلاة وسجادة.
آسر يغمض عينيه ثم يفتحها بتعب فهو يريد النوم ولكن يريد الاطمئنان علي سهر حتي تنام
اطالت سهر في الصلاة
نظر اليها ببتسامة وهي تختم الصلاة.
سهر/ منمتش ليه؟
آسر / طولتي اوي في السجود.
سهر تخلع السدال وتقترب من السرير / كنت بدعيلك.
ابتسم آسر بحب / دعتيلي بـ ايه بقى؟
سهر/ مش هقولك.
آسر / ايه دا بقى ؟ !!...سر ولا ايه؟
هزت سهر رأسها ببتسامة اقترب آسر وقام يمسد على شعرها. 
سهر /هتعمل ايه؟
آسر /ببعد الشعر عن عينك علشان اعرف اشوفهم كويس.
سهر تغمض عينها وتبتسم.
آسر / ههههههه انا عارف الحركة دي كويس متغمضيش وخلي عيني تيجي في عينك.
تستدير سهر/'آسر نام بقى معندكش شغل الصبح.
آسر / يتحرق الشغل المهم خلينا في اللحظة دي.
سهر /'اطفي النور بقى ونام انا كمان تعبانه وعايزة انام.
تغطي سهر نفسها بالبطانية.
آسر يرفع الغطاء /'تعالى هنا انتي تصحيني وتقلقيني من النوم وتنامي؟!
سهر/  ههههه اعملك ايه انا دلوقتي؟
آسر / خلاص طلبت معايا سهر الليلة.
سهر/ ههههههه سهر مين؟
آسر / سهر الليالي اللي طيرت النوم من عيني.
سهر/ هههههه طب شوف مين اللي جايلنا في الوقت ده؟
آسر / هو الجرس بيرن؟!
سهر/ سامعه صوته.
آسر وهو بيقوم / مش معقولة مين هيجلنا في الوقت ده؟!
ينزل تحت يفتح الباب يتفاجئ بـ منه.
منه / عارفة اني جايه في وقت متأخر بس..
آسر / ادخلي وبعدين اتكلمي.
منه / الجو برد اوي بره.
آسر / قوليلي في ايه؟ ...مش عوايدك يعني.
منه/ اتخانقت مع بابا كالعادة مطيقتش البيت قولت أجي ابات هنا الليلة يكون بابا اعصابة هديت شوية.
آسر /  وبابا عارف إنك هنا؟
منه/ بصراحة..
تنزل سهر بقلق.
سهر/ منه! !!...حاجة حصلت مالك انتي كويسه؟
منه/ انا كويسه يا جماعة في ايه مالكو انا عارفة الوقت متأخر بس انتوا اول ناس فكرت اروحلهم.
آسر / طيب اطلعي نامي.
منه/ لا انا هقعد شوية.
قربت وفتحت التليفزيون وقعدت.
آسر نظر لـ سهر.
سهر/ وانا كمان هقعد شوية.
آسر / وانا هطلع انام اقعدوا انتوا براحتكوا.
منه/ اطلعي انتي نامي يا سهر انا شوية كده وهطلع انام انا كمان.
سهر /'لا انا مش عايزة انام.
منه بفرحه وهي بتعتدل في جلستها/ طيب هاتيلي أي حاجة عندك أكلها أصل نفسي اتسدت ومأكلتش حاجة طول اليوم.
سهر ببتسامة / حاضر.
منه/'ة يعني لو عندك فراخ  ..برجر ....
جبن أي حاجة يعني اعمليلي كام ساندوتش كده.
تدخل سهر المطبخ.
منه/ هاتيلي بقى شوية فاكهة لو عندك.
سهر / حاضر.
تدخل منه المطبخ.
منه / الواحد نفسه مسدوده معرفش ليه؟!
تقرب تاخد كام قطعة كيك وشوية مكسرات
هاتي بقي العصير علشان ابلع الأكل.
تخرج منه من المطبخ وتقعد قدام التليفزيون تاكل
تخرج سهر من المطبخ بالساندوتشات.
منه / انتوا مبتاكلوش ولا ايه؟!
سهر/ هههه لأ بناكل.
منه / ازاي يعني الأكل في المطبخ كأن محدش أكل منه النهاردة.
سهر/ انتي عارفة آسر طول اليوم  في الشغل وانا هنا لوحدي مين هياكل غيري.
منه / هي طنط ملك مبتجيش؟
سهر/ كانت هنا امبارح.
منه / خرجتي أمتى؟
سهر/ من يومين.
منه / كويسه دلوقتي يعني؟
سهر/ أنا تمام.
منه / تلاقيكي مستغربة دلوقتي انا جايه في الوقت دا ليه.
سهر/ لا يا حبيبتي دا بيتك تيجي في أي وقت.
منه / انا كنت جايه وخايفة طنط ملك تكون موجودة
انتي عارفة بقي مفيش بينها وبين ماما أي عمار.
سهر/ طنط سعاد عاملة ايه؟
منه / ماما فى حفلة عيد ميلاد واحده صاحبتها.
سهر تنظر في الساعة.
منه / متاخديش في بالك...عادي.
ماما دي بقي حتة سكره لا بتسالني رايحه فين ولا كنتي فين
تعرفي انا مرة عملت حادثة وقعدت في المستشفى من الصبح لآخر الليل اتجبست ورجعت البيت نمت وماما الصبح خرجت راحت  النادي وبالصدفة وهي جايه وانا قاعدة في الجنينه شافتني متجبسه.
سهر/ اكيد جريت عليكي واتخضت.
منه/ ههههههه ابدا سألتني ايه اللي عمل فيكي كده قولتلها حادثة بسيطة
قالتلي ابقي خلي بالك من نفسك وانشغلت في التليفون مع واحده صاحبتها وسابتني ودخلت جوه.
سهر بتنهيدة/ اكيد كانت خايفة عليكي بس محبتش تبين.
منه/ يمكن بس عارفة إن ماما أوقات الطبع اللي عندها بيكون مفيد ليا.
سهر/ أزاي يعني ؟
منه / ماما عكس طنط ملك
تعرفي سبب المشاكل اللي كانت بين بابا وطنط ملك هي الغيره واهتمامها بيه اكتر من اللازم
ماما بقي مبتسألش مشغولة مع أصحابها والنادي والحفلات علشان كده لسه متجوزة بابا.
سهر/ هههههههههههه.
منه/ بتضحكي؟!..بس دي الحقيقة ماما لو ركزت مع بابا كانوا كل يوم هيتخانقوا ومش بعيد كانوا انفصلوا من زمان.
سهر/ هههههه انتي مشكلة بجد ايه يا بنتي التحليل العبقري ده؟!
منه / سيبك مني وتعالي قوليلي عامله ايه انتي واسر؟
سهر/ كويسين.
منه / ايوه يعني كويسين وبس ايه الرد العجيب ده.
سهر/ يعني اقولك ايه مش فاهمه؟
منه/ تعرفي يا سهر إن آسر اخويا ده بتمنى يتقدملي واحد زيه بس شكلي كده مش هلاقي وهفضل كده لحد معنس.
سهر/ بعد الشر عليكي يا حبيبتي
هتتجوزني. ...
وهيجيلك الراجل اللي نفسك فيه.
منه / ههههه حلوة اللي نفسي فيه ده
بس انتي ليه يا سهر حساكي مش مبسوطة ؟
سهر / يعني...هي الدنيا كده مش مريحه حد.
منه / زعلانه علشان اللي حصل لمامتك ؟
سهر بارتباك/ انا هطلع انام تصبحي علي خير.
منه / اقعدي معايا شوية.
سهر/ لا خلاص حاسه اني فصلت الجو برد اوي عايزة ادفى.
منه بغمز/ روح يااختي ادفي حد حايشك انتي اللي قعدتي انا مغصبتكيش.
سهر/ هههههه تعرفي اني غلطانه عشان قعدت معاكي اصلا.
منه بصوت عالي وسهر مقربة ناحية السلم.
منه /'سلمى عامله ايه اتجوزت ولا لسه؟
سهر/ كويسه...لسه متجوزتش متخافيش هتبقى تعزمك.
منه / أبقى سلميلي عليها لما تشوفيها.
سهر / حاضر تصبحي علي خير.
.....................
في الصباح في شقة والدة ملك.
ملك تستيقظ من نومها تجد والدتها دولت هانم جالسة في البلكونة.
ملك ببتسامة/ صباح الخير يا ماما.
دولت/ صباح الخير ايه اللي مصحيكي بدري كده؟
ملك/ قولت اصحى اشرب معاكي القهوة انتى عارفة بحبها من ايدك.
دولت / هعملهالك ع السبرتاية.
ملك تجلس بجانب والدتها / أحلى فطار في الدنيا بجد تسلم ايدك بس لازم تجيبي شغالة ياماما انتي مينفعش توقفي في المطبخ.
دولت/ ليه علشان كبرت؟
انا بردو لسه صغيرة يدوب خمسه وستين.
ملك/ انتي أصغر من كده يا ست الكل.
دولت/ هههههه بتصغريني علشان متكبريش نفسك
يا ملك.
ملك/ عادي يا ماما مبقاش فارق معايا السن زي زمان.
دولت/ قوليلي آسر عامل ايه؟
ملك/ متفكرنيش أصل خلاص هيحصلي حاجة من تصرفاته انا تعبت اوي ياماما.
دولت/ هي مراته خرجت من المستشفى؟
ملك/'ياريتها مخرجت وكانوا ادوها دوا هناك جننها اكتر ماهي مجنونه.
دولت/ انا شايفاها عاقلة يا بنتي.
ملك/ عاقله !!!!دي عاقله يا ماما ؟!
دي بتبقى نايمه
جنب ابني وفجأة تلاقيها تصرخ وتطرده من اوضته.
دولت / ابنك بيحبها.
ملك/ نفسي أخرجها من قلبه بس اعمل ايه متمسك بيها دماغة ناشفة  معرفش طالع لمين؟
دولت/ طالع لمامته ولا نسيتي زمان لما صممتي تتجوزي علي وفعلا اتجوزتيه وهو مكانش حيلته حاجة.
ملك/ بقي حيلتو كتير وأول ما القرش جري في أيده عينه زاغت وبص بره.
دولت / انتي اللي ما ملتيش عينه متزعليش منى كل يوم خناق رايح فين اتأخرت ليه
لما خنقتيه و لقى الست اللي تريح دماغة ودماغها ياما قولتك الرجاله مبيحبوش كده.
ملك/ وجات الست سعاد اخدته علي الجاهز ومش بس كده دي عماله تحارب بايدها وسنانها علشان ابنها يفهم الشغل وبعد كده يقولوا ل اسر مع السلامة.
دولت/ ابنك مش صغير بطلي تعملي واصيه عليه وبعدين علي مش هيظلم ولاده آسر زي اخواته سبيه هو في حاله.
ملك/ اسيبه للبت دي تاكل عقله
دا انا لو قولتلك بيعاملها ازاي مش هتصدقي.
دولت/ ههههههه بطلي الغيرة دي بقي انتي ناقص تاخديه يبات معاكي في اوضتك علشان مينمش جنبها.
ملك / ياريت ينفع.
دولت/هههههههههههه اشربي قهوتك بردت.
...   ..............
في غرفة آسر
يلبس بسرعة يفتح باب الأوضة ولسه هيخرج يلتفت يطمن علي سهر يلاقيها مش متغطيه
يقرب يغطيها ويرجع تاني علشان يخرج يلتفت يلاقيها مش متغطيه مره تانية
آسر / لا بقي انا مش هروح الشغل.
يرجع لها و يغطيها.
يقرب منها وهي نايمه بحب وتنهيده/ قمر يا حبيبتي حتى وانتى نايمه
يطبع قُبله علي خدها ولسه هيقوم يلاقيها كشفت نفسها مره تانيه.
آسر / هههههه شكلك بتستهبلي صح؟!
سهر مازالت نايمه.
آسر ببتسامة/ لو مش عندى شغل كنت قعدت جنبك علشان كل شوية اغطيكي ...مع السلامة يا حبيبتي.
آسر ينزل تحت يلاقي منه نايمه قدام التليفزيون
آسر يحاول يصحيها علشان تنام فوق.
اسر / منه ايه اللي منيمك هنا؟
تفتح منه عينها بتعب وتفرد جسمها / آسر انت ايه اللي مصحكيك دلوقتي؟
آسر / رايح الشغل...ايه اللي حواليكي ده ؟
منه / ابدا دا كام كيس شيبسي علي كام ازازتين عصير وازازة بيبسي وتلاته كيك وطبق مكسرات فيه شوية.. تاكل؟
آسر / هههههه لا خليهولك افطري بيه
بس نضفي المكان بقى قبل ما داده عزيزة تيجي تصوت في وشك دي مبتحبش الكركبه ابدا وبعدين ابقي حطي باسكت جنبك المنظر اللي انا شايفة دا مش تمام خالص.
منه/ انضف ايه امال هي لازمتها ايه بقى؟!
آسر / انا اتاخرت على الشغل...انتي حره اعملي اللي تعمليه.
منه / اسر بلاش تقول ل بابا إني هنا.
آسر / ولو سألني؟
منه/ مش هيسال انا متأكدة هما اصلا ميعرفوش اني خرجت من البيت هقوم اغسل وشي وأخرج.
آسر / طيب براحتك ابقي صحي سهر قبل ما تخرجي علشان تفطر و متمشيش إلا لما تفطري انتي كمان.
منه  / حاضر.
.............
#احببتها_رغم_كل_شيء
#بوسي_مصطفي