الحلقة الثالثة والثلاثون
#احببتها_رغم_كل_شيء
#بوسي_مصطفي
*---------------*
أسر ينزل من العربية بسرعة ويجري ع سلم العمارة
فارس ببتسامة تملأ وجهه/ كده تمام اوي يا سلام عليك يا واد يا فارس وع أفكارك في ثانية الفكرة تجيلك وتنفذها ايه دا يابني... أما اطمن ملك بقي
ولا استني لما بينزلوا واطمن اكتر هههههههههههههههه
*-----------------*
سهر بتلبس هدومها بسرعة
أسر يرن الجرس بعنف
يخرج اياد يفتح الباب
سهر/ مين اللي جاي ده
يفتح اياد الباب
اسر/ فين مراتي
اياد/ أسر
يدخل أسر الشقة بعد ما يبعد اياد عن الباب بغضب
اياد/ وسهر ايه اللي هيجبها هنا سهر في المستشفي
سهر داخل الغرفة
سهر / دا صوت أسر واياد هو مين فتح للتاني انا مش فاهمه حاجة
يفتح أسر الباب بكل قوته
تصرخ سهر
*---------------------------*
اسر بغضب وهو مقرب من سهر/ بتعملي ايه هنا!؟
سهر بخوف وبكلمات متقطعة / انا كنت جايه اغير هدومي
اسر بانفعال وهو ناظر ل اياد/ والبني ادم ده بيعمل ايه هنا
ويقرب اسر ناحية اياد ويمسكه من رقبته ويضربه
سهر تصرخ وتعيط/ أبوس ايدك بلاش فضايح يااسر
اسر بانفعال/ انتوا لسه شوفتوا فضايح
تدخل سلمين بسرعة وتجري ناحيتهم/ سيب اخويا سهر قوليلوا الحقيقة
سهر ببكاء/ أقوله ايه هو انا فاهمه حاجة علشان اتكلم
اسر/ تقولي ايه الحكاية واضحه الهانم مع اخوكي في الشقة لوحدهم فسرلي انتي بقي يمكن انا مبفهمش
اياد بانفعال / سيبني بقي يا أخي
اسر/ اسيبك دا انا هشرب من دمك ودمها
تدخل سلمى بينهم / لو مسبتهوش دلوقتي انا بقي اللي هوديك في داهية وأقول إنك كنت جاي تتعدى عليه
إياد / سلمى !!!
سلمى / افترا ب فترا بقي
نظر ليها اسر بغضب / بقي كده ياسلمى.
سلمى / ايوه كده وريني بقي هتعمل ايه يلا يا إياد.
إياد / هنمشي ونسيب سهر لوحدها؟!
اسر/ ملكش دعوة ب سهر حسابي هيكون معاها الأول وبعد كده هاخد حقي منك
يمسك اسر ايد سهر بعنف ويخرجها من الشقة
سهر بتصرخ اسر بيضربها
اياد يحاول يخرج ينقذها
سلمى بصراخ/ سيبها دلوقتي وروح انت البيت متدخلش بينهم علشان هو مش وعيه دلوقتي.
اياد بحزن/ سلمى دا ممكن يعمل فيها حاجة
سلمى / انا هروحلها بس ارجع انت البيت أو روح ل ماما المستشفي واللي اسمه فارس ده لازم يتربي ع اللي عمله
اياد/ تقصدي إن هو اللي
سلمى / ملهاش تفسير تاني
*---------------------------------*
قدام العماره فارس يشاهد اسر وهو ممسك ب سهر يركبها العربية بالعافية وسهر بتصرخ
فارس/ دي حلوت اوي اما اطمن ملك بقي
*-----------------------*
منى /انتي بتقولي ايه وفين اخوكي دلوقتى
سلمى / احنا في الشقة يا ماما
منى / طيب انا جايه
سلمى / هتسيبي خالتي لوحدها؟
منى / ماهو محدش بيدخلها انا مش هستحمل اقعد هنا والدنيا بالشكل ده لازم جوزها يعرف الحقيقة
سلمى / انا مكنتش فاكره انه ممكن يشك في سهر بالشكل ده
منى / معذور يا بنتي كله من الزفت اللي اسمه فارس ده
سلمى / هو راح في أنهي داهيه ده مجاش عندك
منى / ولا شوفت وشه
سلمى / ماما هقفل معاكي واشوف اياد من وقت مرجعنا وهو قافل ع نفسه الباب
منى / شوفيه وطمنيني انا جايه مسافه السكه
سلمى تخبط ع الباب
إياد بانفعال/ سبيني دلوقتي يا سلمى
سلمى / طب افتح بس عايزة اقولك حاجة
يفتح اياد الباب
إياد بغضب/ طب هاتي مفتاح الشقة مش معقولة هتحبسيني في البيت ياسلمي
سلمى / عايز المفتاح علشان تخرج وتروحله وتتخانقوا مع بعض انت عارف ممكن يعمل ايه أسر مش وعيه دلوقت
اياد/ هيقتلني يعني؟ !!!
مش احسن منسيبها معاه يعمل فيها حاجة انتي مشوفتيش كان عامل ازاي دا ممكن يموتها ياسلمى
سلمى / انا اتصلت ب رامي وهو في الطريق دلوقتي هنروح هناك نهديه ونفهمه كل حاجة
اياد/ طب وانا ليه مرحش أفهمه سلمي كل دقيقة بتمر فيها خطوره ع سهر
سلمى / بتصل بيها مبتردش
اياد/ اكيد اخد منها التليفون
سلمى / لأ استني سهر وقتها منزلتش بشنطنتها اكيد التليفون في شقة خالتك
إياد / وبعدين هنطمن عليها ازاي
جرس الباب يرن
سلمى / دا اكيد رامي
تجري سلمى تفتح الباب
رامي بصوت متعب/ خير يا سلمي في ايه قلقتيني
إياد / اقعد شم نفسك الأول
رامي/ انا مبقاش فيه أعصاب خلاص اختك تتصل بيه وتصوت في التليفون وتقولي تعالي الحقنا وانا مفهمتش منها حاجة
سلمى / تعالى معايا نروح ل سهر
رامي/ نروحلها فين. ..خالتك حصلها حاجة ؟
سلمى / هقولك ع كل حاجة في الطريق يلا بينا
عمار يدخل
عمار/'في ايه يا جماعة ماما كلمتني جيت جري
سلمى / اياد هيقولك ع كل حاجة يلا يا رامي
*-----------------------------*
في فيلا أسر
يقف ب العربية وينزل بغضب
أسر ممسك ب ايد سهر يحاول يخرجها من العربية ب العافيه
سهر بتصرخ / سيبني أبوس ايدك مش عايزة أدخل
يصرخ فيها / انزلي وبلاش فضايح هنا حسابك معايا فوق
تبكي سهر وهو بيخرجها ب العافيه
البواب واقف في دهشة
يشدها أسر ويطلع بيها ل فوق
داخل الغرفة ونظرات متبادلة بين أسر وسهر
سهر واقفه مش فاهمه اي حاجه ولا قادرة تدافع عن نفسها أسر نظراته كلها لوم وعتاب وغضب وشر
تجري سهر تبعد عنه وتقرب من البلكونة
سهر بخوف/ انا معملتش حاجة ولا فاهمه أي حاجة
بس كل اللي أعرفه اني مظلومه
أسر يصفعها ع وجهها ويطيح بها ع الأرض لتصرخ سهر
يخرج أسر من الغرفة ويغلقها ب المفتاح وينزل لتحت يقعد في المكتب وهو في قمة الانفعال
*------------------------------------------*
عمار / وانت تروح هناك ليه مبسوط بقي دلوقتي بعد مخربت بيتها وياريت ع كده وبس دي كمان هتخرج منه بفضيحه أسر مش هيسكت
اياد/ انت بتقول ايه انا عمال افهمك وانت مش عايز تفهم ليه
عمار/ انا اللي مبفهمش بردو ولا انت اللي مش عايز تخرجها من دماغك لحد مخربت بيتها ياريت تكون استريحت بقي دلوقتي
تدخل مني الشقة ب انفعال/ ايه الكلام الفارغ اللي بتقوله ل اخوك ده
عمار/ ماما. .تعالي شوفي البيه هبب ايه
مني/ اخوك معملش حاجة
عمار/ لما يروح شقة خالتي وسهر هناك لوحدها دا يبقي ايه
اياد/ انا معرفش إن سهر هناك
مني/ ليه حق جوزها يشك فيها طالما حضرتك صدقت اللي حصل
عمار/ طيب متعرفش إنها هناك وروحت ولاقيتها منزلتش ليه ايه اللي يخليك تقعد انت وهي في الشقة لوحدكو
اياد/ يا ابني أفهم انا مشوفتش سهر اصلا ولا عيني لمحتها غير لما جرس الباب رن وخرجت فتحت الباب لاقيت جوزها قدامي ودخل جري فتح باب اوضه سهر واتفاجات إنها جوه
عمار / يعني ايه
مني/ يعني دا فخ... ووقع فيه اخوك وسهر وجوزها
عمار/ ومين اللي عمل كده وايه مصلحته
*------------------------------------*
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
