الحلقة السادسة والعشرون
#أحببته_رغم_كل_شيء2
#بوسي
_____________________________
هايدي / ها قولت ايه
كمال/ مش عارف اقولك ايه بصراحه!
اقولك ممكن نتكلم عادي شوفي الوقت اللي يناسبك
هايدي بفرحه/ تمام ممكن رقم التليفون
كمال اخد تليفون هايدي وسجل الرقم بتاعه
هايدي ضغطت اتصال ظهر الرقم ع تليفون كمال
كمال / تمام.....هستني منك تليفون
هايدي/ اوك سلام عشان هطلع لماما
كمال/ مع السلامة
___________________________
سهر/ مش طايقاه ياسلمي مش طايقاه
سلمى / واللي ف بطنك ذنبه ايه ياسهر
اعقلي ياحبيبتي
انتي متعرفيش ممكن يحصلك ايه في العمليه دي
متتبطريش ياسهر
سهر / مبتبطرش ياسلمي بس انا تعبانه ومحدش حاسس بيه
سلمى / دا شيطان هو اللي بيكرهك ف اللي بطنك عشان تعملي ذنب زي ده
سهر/ انا حجزت الاسبوع الجاي عندالدكتوره هتيجي معايا ولا اروح لوحدي
سلمى / لأ روحي لوحدك ياسهر انا مبمشيش ف المشاوير دي
جرس الباب يرن
يجري مالك عاوز يفتح الباب
سلمى / شوفي انتي مين وانا داخله اروق اوضة ماما العيال بهدلتها
تقوم سهر بتعب/ حاضر ي اللي ع الباب
تفتح سهر تتفاجأ ب أسر
اسر/ مساء الخير ياحبيبتي
تجري مليكه بفرحه/ بابييييي
أسر ببتسامة/ حبيبة بابي
ويشيلها ويضمها ليه / انا بقي جبت حاجات حلوه كتير لملوكه وعمار عشان نلعب مع بعض
مليكه / ومالك يابابي
اسر/ ومالك كمان ياحبيبتي
ايه ياسهر أدخل ولا هفضل واقف كده؟!
سهر بتنهيدة / اتفضل
منى كانت قاعدة ف الصالة/ أدخل ياابني
أسر يقرب من منى / الف سلامة ع حضرتك معلش انا عارف اني مقصر بس غصب عني... .صحتك أخبارها ايه ياطنط
منى / تمام يا ابني.
اسر/ اياد أخباره ايه سهر قالتلي إنه تعبان
منى / بخير يا ابني.
سهر اعملي فنجان قهوة لجوزك يابنتي
سهر/ حاضر ياخالتو
اسر/ هو اياد هنا ولا خرج
منى / هنا ياابني ومنه عنده جوه
اسر/ طب ممكن أدخل اطمن عليه
منى / طيب تعالي بس خد ب ايدي عشان مش قادرة أقف
اسر يقوم مني
تقرب من الباب وتخبط
منه/ حاضر ياطنط
منى / اياد نايم يابنتي
اياد/ انا صاحي ياماما ادخلي
منه تفتح الباب
منى / أسر جاي يطمن عليك ياابني
منه/ ادخل يااسر
أسر / ازيك يامنه اخبارك ايه
منه / تمام.
اسر/ الف سلامة عليك يااياد عامل ايه
اياد/ كويس.. اقعد استريح يااسر
اسر وهو بيقعد/ الدكتور قالك ايه
اياد/ أهو زي م انت عارف يقولك اعمل أشعة ويكتبوا شوية أدوية وخلاص
اسر/ خير متقلقش
بس انت تلتزم بتعليمات الدكتور واللي يقولك عليه اعمله.
إياد / تمام
في اوضة منى
سهر / خلصي بقي يا سلمى
سلمى / ياسلام ومتعمليش انتي القهوة ليه
سهر / مش عاوزه اعملها
سلمى / وهو يعني كان جوزي ولا جوزك
سهر/ مش ضيف عندكو
سلمى / وانتي مش واحده من البيت ولا ايه
سهر/'طيب هدخل اعملها وقدميها انتي
سلمى / اشمعنه يااختي
سهر : مبكلموش
سلمى / ليه هو مش هيعرف بالمصيبة اللي انتي ناويه تعمليها
سهر وهي متنرفزه / خلاص اسكتي بقي
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
