الحلقة الحادية والعشرون
#أحببته_رغم_كل_شيء2
________________________________
نزل آسر جرى قبل سهر متتخانق مع هايدي
هو متعاطف مع سهر بس ف نفس الوقت لازم يحافظ ع هايدي عشان الحمل
سهر بانفعال/ بتعمل ايه البت دي هنا يااسر
هايدي/ انا مش هرد ع قلة ادبك معايا عشان انا متربية
سهر/ لا ماهو واضح اوي إنك متربية
هايدي/ انا لو مش خايفة ع ولادي اللي في بطني كنت عرفتك مين فينا اللي مترباش
أسر بعصبية / ممكن تتنيلي تطلعي فوق
هايدي/ انت كمان بتزعقلي مسمعتهاش بتقولي ايه
سهر بتعضض في صوابع ايدها من الغيظ
اسر/ قولتلك تطلعلي فوق ومسمعش صوتك
يلا غوري
هايدي نظرت لسهر بغيظ وطلعت فوق
سهر واقفه بتهز رجلها بحركة عصبية وعينها مدمعه
اسر/ انتي جايه لوحدك.....فين مليكه
سهر/ جبتها أمتي البت دي
اسر/ انا ب سألك ع مليكه....جايه من غيرها ليه
صرخت سهر / وانا بقولك دي بتعمل ايه هنا
خلاص جبتها تعيش هنا
اسر/ سهر احنا لازم نتكلم كتير لازم اقولك ع كل اللي جوايا
سهر / اوك
غور انت وهي متفرقش معايا في حاجه (قالتها من ورا قلبها وهي مجروحه بس عزة عليها نفسها إنها تعيط أو تبين ضعفها)
انا جايه عشان بنتي
اسر/ مالها مليكه.. .في ايه ياسهر
سهر/ هنتكلم هنا
اسر/ تعالي فوق
سهر/ لا هنتكلم جوه في المكتب
اسر/ اوك زي متحبي
اخدها أسر من ايدها وأول م قفل باب المكتب
اترمي في حضنها زي الطفل الصغير
اسر/ وحشتيني اوي ياسهر
سهر كانت هتضعف لكن مسحت دموعها وبعدت خطوتين
أسر عيونه ملاحقه سهر / عامله ايه ياحبيبتي
سهر/ مموتش لسه يااسر
اسر/ بعدك الشر عنك ياعمري
سهر بسخرية/ عمرك!
كداب اوي....بس وشك منور يعني
الظاهر إن الهانم مدلعاك (معرفتش تداري غيرتها غصب عنها)
أسر قرب منها/ سهر انا تعبان....تعبان اوي من غيرك
ارحميني بقي ياسهر وارجعي لحضني تانى
سهر/ حضنك كان سكينة غرزتها في قلبي
اسر/ انا مبنامش ياسهر
سهر بسخريه/ خليها تحكيلك حدوته قبل النوم عشان تعرف تنام
اسمع بقي انا جايه أتكلم معاك في موضوع مهم
وانسى حكاية اني ارجع والكلام ده
والقضية شغاله ولو مطلقتش انا هخلعك متخلنيش أوصل للمرحلة دي
أسر بتنهيدة/ مش هطلق ياسهر
الموت عندى أهون من إنك تبعدي عني
سهر/ ماهو اسمع انسي اني ارجع خلاص
وبعدين الهانم فهمت من كلامها إنها حامل في تؤام
مبروك عليك عشان علي بيه يتبسط بذريته
بس عمري مهسامحك ع اللي عملته فيه يااسر
اسر/ اقعدي ياسهر واهدي
سهر بانفعال/ ليه شايفني بشد في شعري ولا يمكن أمسك ازاز واعور نفسي زي التقرير اللي باباك اخدوا من المستشفي
اسر/ مستشفي ايه مش فاهم انتي بتقولي ايه
سهر/ اتفضل دي نسخه من التقرير اللي مع السيد الوالد
أسر بيقرا التقرير
سهر بتعيط
أسر احتضنها / انتى تصدقي اني ممكن اعمل كده
سهر / يعني باباك عمل كده من غير متعرف
اسر/ كنت مفكر إنك فهماني وعارفة قد ايه بحبك ياسهر
سهر/ انا فعلا معرفكش انت واحد تاني غير اللي حبيته واتجوزته
أسر / انا حاولت كتير معاكي ياسهر وكنت ممكن استحمل اكتر من كده بس اللي حصل ده كان لحظة ضعف
وصلتيني لمرحلة اني مبقتش شايفك في حياتي
سهر/ م هو انت لازم تدافع عن نفسك حقك بس متجبش اللوم عليه اقولك اقفل ع الموضوع ده
اسر بيمسح دموعه/ واخرتها ياسهر
سهر/ لو مطلقتش مفيش قدامي غير الخلع
اسر/ بتقولي ايه!
خلع! هي حصلت ياسهر
سهر/ انت مفكر ايه يعني هتروح تتجوز وأفضل انا ع ذمتك يعني أوافق إن تقاسمني واحده تانية في جوزي
اسر/ مش هيحصل
انا وهايدي شبه منفصلين وهفضل معاها كده
هتولد واطلقها
سهر/ هو دا الحل ؟!
أسر / انا غلطت ولازم أتحمل النتيجة
سهر/ وانا ايه اللي يجبرني اني استحمل الوضع ده
اسر/ مفيش قدامي حل تاني
سهر/ وانا إستحالة أقبل بالوضع ده
قربت سهر تفتح الباب
أسر مسك ايدها/ رايحه فين
سهر/ هروح
اسر/'الوقت متأخر باتي وأبقى روحي الصبح
سهر/ لا مينفعش
مليكه هتخاف تنام من غيري
اسر/ طيب خمس دقايق هطلع اغير وأنزل اوصلك
هزت سهر راسها وقعدت
أسر فوق بيغير هدومه
نزلت هايدي عايزة تضايق سهر أو تطفشها هي افتكرت إن سهر جايه تعيش في الفيلا
هايدي وهي ايدها علي ضهرها
هايدي/'نورتي بيتك ياسهر
سهر ساكته وبتحاول تتمالك اعصابها
هايدي/ مشربتيش حاجه ياادي الكسوف
ريهام. ..انتي ياريهام
ريهام / نعم ياهانم
هايدي/ هاتي حاجة لسهر هانم تشربها
اتنهدت سهر وخرجت من المكتب
هايدي/ ع فين ياسهر مش تشربي حاجه الأول
سهر/ مبضيفش في بيتي
هايدي/ مجبتيش مليكه معاكي ليه....قوليلها طنط عاوزه تشوفك
سهر ساكته
هايدي/ قوليلها طنط هتجبلك أخوات عشان يلعبوا معاكي
سهر ايدها ع بطنها/ هي هتلعب مع البيبى بتاعي انا
هايدي بضيق/ هو انتي حامل
سهر/ ههههه تصدقي بقي انى حامل
اسر نازل من فوق
اسر/ يلا ياسهر
هايدي / خليها ياحبيبي تبات وتبقي تمشي الصبح
اسر/ هو انتي بتتكلمي بصفتك ايه
خلي عندك دم واطلعي اتخمدي
هايدي بضيق / انا عملت ايه لكل ده
اسر بانفعال/ يلا ياسهر
___________________________
أنت تقرأ
أحببتها رغم كل شيء 🥰
Romansاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
