الحلقة العاشرة
#احببته_رغم_كل_شيء
#الحزء_الثانى
في الفيلا
منى / سلمى قالتلي خلينا ل بكره انا مقدرتش يابنتي قلبي مطوعنيش اتحرم منك كل ده
سهر/ حبيبتي ياخالتو وحشاني اوي معلش اعذريني
سلمى / احنا اللي آسفين ياسهر ع قلة ذوق علا معلش امسحيها فيه
منى / حقك عليه ياسهر متزعليش يابنتي
سهر/ مقدرش أزعل منكو انا مليش غيركو
منى / مالك يابنتي لونك مخطوف وشكلك تعبان
سهر / مفيش ياخالتو. ..زهق بس مش اكتر
منى / انتي وجوزك لسه متخاصمين
سهر/ براحته ياخالتو انا معملتلوش حاجه وبعدين انا صالحته وبردو واخد جمب معرفش انا عملت ايه لكل ده
سلمى / انتي صالحتيه بعد ملغي الحجز ياسهر معلش انتي غلطتي في الحته دي جوزك وعايز يفسحك ويبسطك من غير ماحد ياخدك منه
ياريت يااختي جوزي يعملها ويسيب مالك عند مامته
أهو اخد راحتي شوية
منى وسهر/ ههههههههههه
سهر/ رامي عامل ايه
سلمى / الحمد لله
عارفة ياسهر من يوم متجوزت أخته وهو اتفتحله باب رزق
الحمد لله. ..بعد مساب الشغل وعمل المشروع بتاعه ده وإحنا أحوالنا اتحسنت كتير
سهر/ شوفتي بقي. ..بركة دعا والدته واخته ليه
عشان متزعليش بعد كده لما يساعد اخواته
منى / عندك حق يابنتي
صحيح هو جوزك فين
سهر/ في الشركة
سلمى / مبقاش يجي يتغدا ولا ايه
سهر/ لا مبيجيش بيطلع من الصبح مبشفوش إلا آخر الليل
سلمى / امممم الوضع كده ميطمنش
سهر/ ليه يا سلمي
سلمى / معرفش بس حاسه بحاجه كده مش مطمناني
سهر/ يعني ايه
سلمى / شامه ريحة ست ف الموضوع
منى / اسكتي ياسلمي متخوفهاش يابنتي
سلمى / انتي شايفة ايه ياماما
منى لسهر/ انا شايفة إنك اول مجوزك يرجع من بره صالحيه واوعي تطولي الخصام بينك وبينه اكتر من كده
سهر/ أنا صالحته بس هو قافل معايا المرادي ومش عاوز يسامح
سلمى / ودا يقلق اكتر
منى / تعالي ع نفسك وكلميه الليلة واتصالحوا يابنتي
سلمى / انتي مبتناميش في اوضتك
سهر/ لأ بنام انا ومليكه في الاوضة التانية
منى / الوضع دا مينفعش يابنتي انفصالك وبياتك بعيد عنه هيزود الجفا اللي بينكو اكتر من كده
سهر/ مش قادرة ياخالتو هو مزودها معايا اوي المرادي
منى / معلش بابنتي تعالي ع نفسك وصالحيه مش هتخسري حاجه
💞_______________________________________
اياد/ انا نفسي أفهم انتي مش حابه تنزلي مصر ليه
منه/ اتعودت على الحياة هنا خلاص
عشان خاطري يااياد بلاش
اياد/ في ايه يامنه بتعيطي ليه
منه / انا بحبك اوي وخايفة تبعد عني
ابتلع اياد ريقه وبارتباك/ أبعد عنك!!! ليه بتقولي كده
منه بتمسح دموعها/ معرفش هو إحساس بيجيلي كده وخلاص
احتضنها اياد / طب انتي ممكن تتخيلي إني أبعد عنك
نظرت منه لعيون أياد ودموعها نزلت ع خدها
مسح دموعها وطبع قبله ع خدها
منه/ لو قولتلك إني ممكن اموت لو بعدت عنك هتسيبني
اياد/ مين قالك إني ممكن اسيبك
منه / اياد انا روحي متعلقه فيك ولو بعدت عني هموت
وكأنها عايزة تعذبه بكلامها. ..قلبها متعلق بيه وهو قلبه متعلق بغيرها كلامها لخبط كل حاجه جواه
اياد حاول يهرب من كلامها ومن نظراتها اللي عذبته اكتر
اياد بيقبل ايدها/ بطلي الدراما اللي انتي عملاها دي وقوليلي عامله أكل ايه. ..انا واقع من الجوع
أنت تقرأ
أحببتها رغم كل شيء 🥰
Roman d'amourاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
